رواية تمرد الورد الفصل الثالث 3 بقلم دعاء زينة

رواية تمرد الورد الفصل الثالث 3 بقلم دعاء زينة

رواية تمرد الورد البارت الثالث

رواية تمرد الورد الجزء الثالث

رواية تمرد الورد الحلقة الثالثة

بخضة… ايه ي أدم في ايه
_بحمحمة وكلام هربان منه… احممم لا مفيش بس
/بس ايه متنطق هو انا هشد الكلام من بقك
_حط إيديه علي كتافه في محاولة منه إنه يهديها… حاضر بس ممكن تهدي احنا دلوقتي هنروح لبابكي
/في أقل من ثواني كانت الدموع اتجمعت في عيونها ورعشة صاحبة شفايفها… ليه
بقلم دعاء زينة
_بلع ريقه بصعوبة… مفيش تعبان شوية ومحتاجنا معاه، وطبع بوسة خفيفة علي مقدمة رأسها وركبوا تاني العربية وراحوا في اتجاه البيت
★*******★

وصلوا ودخلت تجري بين كم الناس اللي موجودة مش شايفه حاجه من دموعها ولا فاهمة حاجه ولا ايه لزوم الناس دي كلها أصلاً
جه كريم يجري وراها شاله أدم… لا أنت هتفضل معايا هنا عشان نستقبل الرجالة تمام مش أنت راجل بردوة
هز كريم رأسه براءة… أنا راتل تدا (راجل جدا)
أبتسم أدم عليه وضمه لصدره ووقف يستقبل الناس…
وبعد شوية وقت مروا علي دخول ورد لأبوها سمعوا صوت صريخ هستيري
/لاااااااااااااا ي أبوياااا بقلم دعاء زينة
جري آدم علي الصوت وكان عارف اللي حصل جوه، لاقها عمالة تلطم علي وشها وتشيل الغطا اللي حد من الممرضين بيحطه علي وش أبوها
/بتعملي ايه ابعدي عنه، وتزق الممرضة وتخبط علي وش أبوها براحة… فوق ي أبويا عشان خاطري قوم بالله عليك ماليش غيرك وترجع تصرخ تاني… ضهري أتقطم خلاص يابا
_قرب أدم شدها من وسط الناس وخرج للاوضة اللي في وش اوضة أبوها وهي لسه علي حالتها… ورد ورد
/وهي كانت في دنيا بتصرخ… أبويا ما’متش هو نايم أكيد نايم
_رفع إيده ضر’بها قلم علي وشها بصت ليه بصدمة حضنها وقعد بيها يبوس رأسها وعيونه اتملت بالدموع هو كمان علي حالتها… حقك علي قلبي أهدي بالله عليك لو جرالك حاجه هموت وراكي ي ورد والله هموت وراكي، كانت في حالة من التوهان مش حاسة غير بحضنه اللي محاوطها كمل… ورد ورد بقلم دعاء زينة
/بصتله بنفس حالة التوهان…
_لازم تفهمي أن دي أمانة ربنا وقرر أنه يستردها وده حقه كلنا رايحين ي ورد بس كل واحد في ميعاده وميعاد أبوكي جه مش هنقدر نعمل حاجه غير أننا نفتكره ونوده بالدعاء وقراءة القرآن علي روحه
/بهمس خفيف سمعه قلبه قبل ودانه… ضهري أتقطم
_أنا ضهرك ي ورد، عارف لا هعرف أعوضك عن أبوك ولا هقدر حتي أحسسك بنص اللي كنتي بتحسيه بيه في وجوده بس وحياة ورد عندي هعمل اللي اقدر بس أجمدي ي ورد بالله تجمدي بقلم دعاء زينة
★*********★

خلصوا إجراءات الدفن والعزاء وحل الظلام اللي ضاعف حزن ورد دخل ليها آدم لقاها نايمة وفي حضنها هدوم أبوها، قرب بهدوء منها حست بيه اتفزعت طبطب عليها بهدوء… أهدي ي وردتي ونامي وأنا هنا جمبك
/بصوت مش ظاهر خافت هفوت شعاع النور الواحد في اوضة شديدة العتمة… أحضني
_حس كأنه بيحلم بس بردوة حس بضعفها وأنها محتاجة اللي يعوضها شعور الأمان اللي خسرته بخسارتها لأبوها وبدون اي مقدمات نام جمبها وخدها في حضنه من ناحية والناحية التانية كان كريم اللي داخل محتاج أمه تنام في حضنه…
بقلم دعاء زينة
★********★
عدي أسبوع وهما في بيت أبو ورد، وورد فعلاً زي الوردة اللي خسرت ماء ريها وساقيها في نفس الوقت..
_وردتي
/بصت ليه بملامح باهتة وعيون مليانة عجز صاحبها الفترة الأخيرة… نعم
_ايه رأيك نرجع بيتنا وقبل ماتقطعه قام قعد جمبها أنا مش عاوزك تنسي لأنه مستحيل بس عاوزك تخرجي من اللي أنتي فيه وتحاولي تتقبلي الوضع الحالي وده مش هيحصل طول ما أنتي هنا فعشان خاطري
كان ردها عليه السكوت اللي خده هو علي أساس موافقة منها…
وقد كان ورجعوا بيتهم…
★*******★ بقلم دعاء زينة

عدي يوم والتاني و وردة ملازمها الصمت كأنها بتفكر في حاجه معينة، في دخول أدم عيونها وقعت عليه وسرحت في كلام أبوها ليها…
فلاش باااك…🦋
دخلت ورد بتجري مش فاهمة فيه ايه وليه كل الناس دي موجوده في بيت أبوها دخلت بسرعة بتجري عليه وأول ما حس بيها فتح عيونه ببطئ وتثاقل شديد
=ورد
/بط عيوني ي بابا مالك بس ي راجل ي طيب كده تخضني عليك
=اسمعيني ي ورد
/أرتاح ي بابا أرتاح عشان خاطري شكلك تعبان وبصت للدكتور اللي كان واقف جمبه.. خير ي دكتور أبويا ماله وليه شكله تعبان كده
الدكتور… ي ورد أبوكي كان مصاب بالسر’طان وللاسف الشديد كان في مراحله الأخيرة وو
/بصدمة وعدم فهم قاطعته… أنت بتقول ايه أنت أكيد مجنون مش كده ي بابا قوم يلا قوم وهنروح نشوف دكتور دكتور فاهم مش
=بتعب اسمعيني ي ورد بقلم دعاء زينة
/ بعصبية وعياط… مش هسمع حاجه أنت أصلا إزاي متقوليش أنت
=بتعب أكبر بيزيد كل ما يحاول يتكلم… اسمعيني ي بنتي أنا مبعتكيش ولا رميتك أنا اشيلك العمر كله علي ضهري ولا أملش بس تعبي خلاني أطلب من ادم أنه يتجوزك عش عشااان عاارف أنه بيحبك وشاريكي طل طلبك مني زمان وأنا اللي رفضت عشان كنت شايف أنك تستاهل واحد أحسن منه وعرفت ي بنتي أن مفيش أحسن من أن الواحد يسلم بنته لواحد شاريها زي ما أدم شاريكي، متزعليش مني معملتش كده غير عشان عارفك لو روحت وأنتي لوحدك هتضيع في حزنك و وو مش هتلاقي ولا هتمسحي لحد يخرجك من اللي أنتي فيه، بسس بس آدم دلوقتي معاك وأنا كده مش خايف عليكي وحقك عليا لو زعلتك ي بنتي….
ودي كانت اخر كلمات قالها قيل ما يقفل عيونه ويسلم الأمانة للي خلقها
/لاااااااااا
بقلم دعاء زينة
★*******★

فاقت ورد من شرودها علي آدم وهو بيمسح دموعها اللي سالت وهي بتفتكر اللي عمرها ما نسيته ولا هتنساه
_ليه دموعك دي
/ليه
_ببسمة خفيفة… أنتي بتردي علي سؤالي بسؤال
/ليه كذبت عليا وقولت أنك اللي طلبت من أبويا إيدي
_عشان دي الحقيقة أنا كنت بقعد قدام أبوكي كل ليلة بتمني أني افاتحه في موضوعك تاني بس كنت برجع وأخاف اترفض زي المرة اللي فاتت
/مسكت إيديه ورفعت رأسه ليها وبصت في عيونه… بس أنا مرفضتكش
_بؤبؤ عيونه وسع من الفرح اللي حس بيها من مجرد كلمة قالتها
/أيوة أنا أبويا الله يرحمه مقالش ليا حاجه ي أدم ومقام الست في شهادة جوزها ولا جيبه زي مالكل بيقول مقامه اللي بجد بتلاقيه لما تلاقي راجل يحبها يصونها وشاريها
_وأنا بعمري شاريكي ي ورد
/وأنا عارفة ي أدم و
بقلم دعاء زينة
_بحماس وتمني يسمع اللي يشرح صدره ويفرح قلبه… وايه ي وردتي
/أنا كمان شاريك وبح
دخل كريم جري… ماامي أنا جعين وعايز أنام في حضنت (جعان وعاوز أنام في حضنك)
_ضحك أدم وشده خلاه في وسطهم… تعال ي جامع اللذات أنت ومفرق الجماعات
كريم بطفولة… يعني ايه تي ي ماما (دي)
/يعني يلا نحضر الأكل ي روحي
_ورد ي ورد
/ضحكت وخدت كريم وجريت من قدامه، وهو قام جري وراهم
★*******★

بعد تسع شهور كان أدم نايم وصحي فجأة مفزوع علي صريخ ورد وهي بتشده من هدومه…. قووووم أنت نايم وأنا بموت ي جبلة قووووم
_ببرود سابها ونام… ورد ي حبيبتي أنا ماليش الخضة دي هتقطعي خلفي
/بصويت…. ي باااااارد قوم أنا بولد
_معلش ي حبيتي نامي والصبح هخليكي تولدي أنتي وماما وناهد وكلنا
/كلنا مين ي بارد ي بن الباردة بقولك بولد
_بنفس حالته… لاحظي أنك بتغلطي في أمي اللي هي حماتك سكر حياتك
/ياااااا رب ي رب هيجلطني اهااااااااااااا بولااااااااااد
_بخضة وفزع قام يلف حوالين نفسه… بجد ولا ايه
/هو ده وقت هزار خلصني همووت بقلم دعاء زينة
خدها وجريوا علي المستشفى وطبعاً ميمعنش من كام فضيحة عالماشى تش”تمه تعضه دخلوا المستشفي أخيراً وحطوها علي الترولي
/بكررررررهك
_الله يرحم بحبك أدم بموت فيك ي دومي دومي
/أخرس مسمعش صوتك فاهم اقولك بولد تقولي الصبح هنولد كلنا
_ي حبيبي أعمل ايه طيب ما أنتي بقالك شهر بتولدي كل يوم وأنا الصراحة تعبان وكان عندي شغل الصبح بدري واديني كنسلته عشانك
/بعصبية مفرطة…. أنا ولا الشغل ي أدم
_الشغل طبعاً يروح آدم
/بكررررررررهك
_بموت فيكي
وخدوها ودخلوا العمليات عشان قناع البرود يقع ويظهر خوفه وقلقه الحقيقي عليها
كريم بدموع… هي ماما مالها
_كويسة ي حبيبي وهتجيبلك نونو زي القمر تلعب بيه
كريم بفرحة… بجد
_بجد جدا بس لازم تحبها عشان دي هتبقي أختك الصغيرة
كريم بحماس… هاااااا بس ماما ليه بتعيط
_معلش ي حبيبي دلوقتي تبقي كويسة

وخرجت الممرضة وهي شايلة بنوتة زي القمر خدها في حضنه أخيرا في حتة منه بين إيديها لقي دموعه سالت رغم عنه وقعت علي وشها فتحت عيونها ابتسمت بخفة وحركت إيديها بفرحة علي وشها ونزلتها بسرعة لما لقت دقنه شوكتها
دخل ل ورد وفي حضنهم بنتهم ومعاهم كريم بقلم دعاء زينة
/ورد بتعب… هنسميها ايه
_ايه رأيك في زمردة
/غريب بس حلو ايه رأيك ي كوكو
كريم حلووة أوي ي ماما
_مش أحلي من أمك ي واد
وضمهم لصدره وتوتة توتة خلصت الحدوتة….🍂💃
“”من ضلعك الأعوج خُلقت ي أدم فإحذر أن تكسرني وأنت في نيتك تقويمي…🦋””
“”تمردتُ كثيرًا وأتيت أنتَ حجمت تمردي…🍂””
★*******★

تمت..

لقراءة باقي حلقات الرواية اضغط على : (رواية تمرد الورد)