رواية ليل الفصل السادس والعشرون 26 بقلم ياسمين خالد

_انا بكرهك يايوسف،بكرهك 

=انا عملت ايه لكل ده ..كل ده عشان فاتح صوره الأولاد!

_انت مش بس فاتح صوره الاولاد ..انت فاتح صوره أمهم.

=وطي صوتك العيال لو سمعوكي هيتضايقوا منك

_ده حقي ،انت جوزي ولما ادخل عليك الاوضه والاقيك عامل زوم علي الصوره حقي اغير

=يابنتي قسما بالله عامل زووم علي الصوره كلها مش علي سهيله ..سهيله ام اولادي بس انتي حبيبتي ومراتي ..

_طلقني يايوسف 

=انتي اتجننتي صح!

“رودينا بتعيط بهستيريه “

“بيفتحوا الباب بيلاقوها واقفه ومنهاره ..

” ساره إتضايقت من نفسها لما شافت دموع رودينا بصِت لـ يوسف نظره كلها ندم 

قربت علي رودينا خطوتين رودينا بنظره كلها خوف ورعب بعدت عنها الخطوتين اللي قربتهم وقالت بصوت يرتجف من البكاء: إبعدي عني.. “بـ انهيار”  متقربليش إبعدي 

يوسف وساره بصو بذهول لـ رودينا علي رد فعلها قاطعت رودينا نظرات الدهشه اللي كانت علي وجههم:- إنتي مبتحبنيش ولا بتحبي أخويا احنا مجرد ولاد جوزك يعني مش ولادك فـ النهايه انا سمعت نبره العصبيه لما بتزعقي لبابا عشان فاتح صورتنا ومعاهم صوره ماما.. نبره صوتك عرفتني إيه هي حقيقه كلامك المزيف اللي بتقولهولنا أنا وأنس.. 

“أنس بيقرب علي الصوت وعلامات التعجب علي وجهه رفع حاجبيه وسأل رودينا ب استغراب:-صوتك عالي ليه! انتي بتعيطي!!! 

فـِ ايه! 

” إبتسمت إبتسامه وسط دموعها..وقالت: كويس إنك جيت ياأنس، بصت لـ ساره وكملت كلامها وزي ماقولتلك إنتي عمرك ما حبيتينا إنتي كل اللي كنتي بتعمليه ده بس عشان تاخدي بوينت عند بابا ويحبك أكتر لما يشوفك بتعاملينا حلو هو انتي فاكره لما تكرهي ماما وتغيري منها احنا هنحبك! لا فوقي ف الاول وف الاخر دي ماما لكن انتي مرات بابا متنسيش نفسك تمام. 

“أنس وبدون تردد رفع يدهُ عاليًا وصفعها بقوة حتي وقعت علي الأرض” 

ثم أكمل كلامهُ دون أن يبالي بوقعتها “:- تحترمي كلامك وإنتي بتتكلمي مع اللي أكبر منك الست دي عمرنا ما شوفنا منها حاجه وحشه اللي فهمتوا من كلامك انك بتعاقبيها علي غيرتها علي بابا من ماما وده مش كرهه ده شئ نابع من داخل الست للراجل اللي بتحبه، انتي صغيره جدا علي كلامك وطريقتك دي ومتنسيش ف يوم اننا قولنالها ياماما يعني حسينا بحنيتها علينا 

” اندفعت نحوها ساره وبمواساه:_قومي ياحبيبتي حقك عليا انا 

“بتبوسها بلطف”ولتقوم بمساعدتها دون النطق من رودينا علي ما فعلهُ أنس.. صدمه تعُم علي وجهه الجميع علي ما فعله انس وبنبره عتاب توجهه كلامها ل انس:_ليه عملت كده ياأنس دي بنتي وانا هفهما الصح من الغلط مش بالعنف ده اتفضل علي اوضتك. 

_” بيبص لـ رودينا وبداخله خوف عليها وعدم وجود رد فعل 

يوسف قرب علي أنس مسكه من معصمهُ بقوة قبل ما يدخل الأوضه وبنبره حاده وبنظره كلها غضب قال:-لما أموت تبقي تمد إيدك علي اختك غير كده ما تعملش راجل عليها من دلوقتي انت كل الموضوع ١٤ سنه وهي ١١ سنه الفرق بينكم مش كبير انك تمد ايدك ومتحترمهاش 

-“إبتسم إبتسامه وراها حزن من كلام والدهُ بص بنظره عتاب علي إيد يوسف اللي ماسكاه بقوه ورجع يعيد النظر ف عيون يوسف مره أخرى:الرجوله مش بالسن يابابا ومش معني كده اني مبحترمش رودينا رد فعلي عليها علشان لاقيت اسلوبها وحش علي واحده طبطبت علينا فِ يوم ليل علمتني إنِ “الغلطه متمحيش الحلو إللي أتعمل، الحلو هو اللي يمحي الغلطه اللي اتعملت”  وأنا أخدتها قاعده فِ حياتي 

“بدأ يوسف يتراجع ويسيب إيد انس.. دخل اوضته وقعد علي مكتبه.. 

بص لكتبه المبعثره جت مشاهد قصاد عينه سريعه

” فلاش باك”

_إيه يا انس ده المنظر وحش اوي انت ازاي بتذاكر كده! 

=سيبتلك النضافه يااستاذه رودينا 

_طب بص ماما ساره عامله كيكه بالشكولاته تحفه بجد هروح اجيبلك قطعتين واعملك كوبايه شاي

=طب والمقابل! 

-المقابل انك تروق مكتبك عشان مش عاوزين نشيلها الهم ومنغلبهاش اكيد بتفرح لما بتلاقينا منظمين وبعدين م انا هتنازل عن مذاكرتي اهو وهعملك شاي

= خلاص ياستي حاضر.. 

“بيقرب عليها وياخدها ف حضنه”  رغم انك صغيره علي كلامك ده الا انك حنينه اوي ساعات بحس انك امي مش اختي الصغيره وان انا اللي مسؤل منك مش انتي اللي مسؤله مني

_ ربنا يخلينا لبعض ياأنس 

“قرب عليها و ضيق عينه وضع يداه علي ذراعيها وسالها بغموض:_ ليه نبره صوتك اتغيرت وعيونك اتحبس فيها الدموع عاوزه تقولي حاجه مش كده!

“حاولت الهروب من سؤال انس ،إبتسمت ” وقالت:_ يلا بسرعه خلص ترويق وانا هروح اعملك حاجه تشربها 

“مشيت خطوتين لكن أوقفها أنس عندما ضغط علي معصمها” 

كرر سؤاله تاني :_ رودينا ف ايه حاسه ب إيه مش أنا أخوكي ومفروض متخبيش عني حاجه !

=أنا مش مخبيه حاجه ياأنس

_ “قرب عليها وسند راسها ف حضنه ..إتكلم بهدوء وحاول يشرح إللي حاسوا :_مفتقده وجود ماما ،رغم ان طنط ساره مش مقصره معانا وناسه إنك غريبه ومكسوفه وإنك بتتعاملي معاها بحذر مش زي ما كنتي بتتعاملي مع ماما 

“إتنفضت من حضنه وبصتلهُ بِ ذهول “!! 

إنت ..إنت عرفت إزاي!!

_ “ابتسم ب انتصار انه قدر يفهما من نظرات عينيها “:-وعارف كمان إنك كنتي متعلقه ب ماما جدًا وإنه صعب علي بنت زيك فِ السن ده تعيش الصراع النفسي ده ،عارف كمان إنك دايمًا بتبصي لصحابك حتي لو انتي مش وحشه بس غصب عنك لو شوفتي ام واحده زميلتك بيوحشك حضن ماما صح!

_”بصالهُ بِ إندهاش قالت بتلعثُم: أن أنا انس انا مش عارفه ..

= “قرب منها وبلغه ممزوجه بحنيه ومشاكسه قال:_ القطه كلت لسانك   دلوقتي ها!تعالي نبص علي الجانب الإيجابي إحنا الحمدلله ماما لسه عايشه ولو ف أي وقت طلبنا من بابا إننا نشوفها ونقعد معاها فتره مش هيرفض حتي لو من جواه مش هيقدر يستغني عننا ،الإيجابي تاني ف الموضوع إن ربنا رزقنا بردو بمرات أب كويسه لا بتخلع دوافرنا ولا بتلسعنا بالسكينه ولا بنخدمها ولا بترمينا ف اوضه الفيران وتعاقبنا صح!

_صح

=يبقي بردو نحمد ربنا علي ده 

_الحمدلله

=يديم حمدك يارب ،بابا كويس معانا مش حارمنا من حاجه أي حاجه محتاجينها بنلاقيها مبنطلبهاش تاني حتي بنلاقيها موجوده صح!

_صح ياأنس بس ليه منبقاش مع ماما هي أولى بالعمر اللي هيعدي بينا ده ان نكون معاها ماما هتكبر وهتبقي محتاجه حد يخدمها هي وتيتا وخصوصا ان بابا مش رافض نعيش مع ماما عادي ونزور بابا كل شويه

=طب ايه رايك نستني شويه ادخل الكليه واقدر اشتغل واصرف علي نفسي وعليكوا ونعيش سوا لكن دلوقتي ماما مش هترضي تاخد من بابا فلوس وهنضغط عليها يرضيكي!

=لأ،بس فعلا هنعيش معايا ولا بتراضيني دلوقتي !

_لا ياحبيبتي اللي انتي عايزاه هعملهولك .

” ب ابتسامه طمأنينه ممزوج بحُضن”..بحبك اوي ياانس 

“شَعرُت بالخجل ف خرجت مُسرعه “

“ابتسم أنس “

“Back”

____________

أنا غبي انا ازاي ازعلها واضربها كده ..

“ضم يداه وبضربات قويه علي سطح المكتب حتي نزفت يداه وبغضب شديد” أنا غبي ،انا وحش 

“ظل يتألم من شِده الوجع اراضيها ازاي دلوقتي،طب اعمل إيه!!

دلوقتي ..

“جَلس علي الأريكه يفكر وهو يُحاول أن يُجمع شتات عَقلهُ”

____________

علي الجانب الأخر ف أوضه رودينا .

_ساره بمشاكسه: اجيبلك أيس كريم!

=…….

_طب أجيبلك زبادو اللي بتحبيه!

=………

_ممم ،طب إيه رأيك نقوم نحرق فشار سوا!

ولا أقولك نحرق الكيكه ونصمم انهم ياكلوها!

=………

_طيب تحبي نتفرج علي فيلم!

=………

_بردو !!! ،طب بصي انا عارفه انك بتحبي الشوبينج تيجي نعمل شوبينج بُكره و..

“قاطع كلامها صوت رودينا المكبوت بالعياط ..”:_سيبيني وإطلعي برا

_”ساره شعرت بالحزن ولكِنها تهربت من هذا الشعور وبنبره حنونه”:- مينفعش أسيب بنتي زعلانه

=من فضلك اخرجي برا 

“رودينا شعرُت بالتوتر إهتزت قَدميها إرتجفت يداها ضمت يداها مُتَكِئه علي عروستها الخاصه حافظة أسرارها “

“إتنهدت تنهيده طويله ..ظلت تُشبك يداها من التوتر ثم اجمعت كلامها وقالت”:-انا عمري ما كرهتكوا يارودينا ربنا وحدوا يعلم إن غلاوتكم من غلاوه مروان إبني متقلوش غلاوه أبدًا عنهُ غيرتي علي يوسف أبوكوا ف ده غصب عني تخيلي بتحبي واحد ودخلتي عليه لاقيتيه عامل زوم علي صوره مراته الاولانيه ..شعور وحش أوي يارودينا مش هتفهمي معناه دلوقتي عشان إنتي صغيره ..يمكن عصبيتي المُفرطه دِ أول مره تحصل عشان اول مره يوسف يعمل كده ،عارفه خلاني اشك انه بيحنلها خوفت ..خوفت أكون قصرت معاه ف حاجه أهملت ف نفسي طيب عشان كده ابتدا يفتكرها !بس تفتكري دي مبررات كافيه انه يحن لحد غيري!

عارفه انها والدتك والكلام ده صعب عليكي تستوعبيه بس نفترض مثلا انك مش بنت جوزي وانك بنت ليل اختي تفتكري مثلاً لو جيت حكيتلك مش هتقولي معاكي حق ياخالتو!

=…….

_بصي ياحبيبتي والله مقدره موقفك وانا اسفه لو جرحتك ..نامي وبكره كل حاجه هتكون كويسه ..

“رودينا تجاهلت كلام ساره وظلت تنظر إلي الدميه الخاصه بها”

“طبطبت عليها مع إبتسامه لطيفه وقررت ساره الانسحاب من غرفه رودينا” غادرت الغرفه مُصاحبه بشعور الإنهزام ” ساره كانت متضايقه من نفسها إنها وصَلِت رودينا للمرحله دي وإنها عيطت بسببها وكانت السبب ف إن أنس يضربها ويحصل زعل ما بينهم قاطع صراع ساره الداخلي صوت غرفه أنس 

حاولت تداري زعلها بِ إبتسامه ،ف ايه واقفه كده ليه!

=مفيش كنت براضي رودينا 

_”علامات الحزن علي وجهه أنس” طب وبقِت كويسه!

=لأ ، بص ياأنس انا مقدره جدًا موقفك عشاني بس مينفعش ،مينفعش يكون الشخص اللي بنحس معاه إنه “مصدر الأمان” هو نفس الشخص إللي يحسسنا فجأةً كِده إنه “مصدر الخوف والرهبه ” أدخل راضي أختك ومتبقاش مُنفعل زي باباك خد الأمور بالعقل وبراحه .

=”أنس بمشاكسه” شوف مين بيقولي خد الامور بالعقل وبالراحه ها ! 

“ابتسمت ” 

_عاوز أقولك حاجه  ..

=قول!

_بجد بابا بيحبك جدًا ومبيفكرش فِ ماما نهائي إللي بيربُط بابا بِ ماما هو إحنا ، “إحنا وبس” 

=عادي ياأنس المهم خلي بالك من أختك اليومين دول وأدخل راضيها بس مش دلوقتي روح الأول راضي باباك وقولهُ إنك انفعلت بس عشان بتحبني وإني مقصدك ألغي وجود حضرتك وكلمتين حلوين مِنك كِده 

_ثواني بس! هو كل كلامك حلو إلا كلمتين خلي بالك من اختك اليومين دول “بيضيق عينهُ وبيسألها فِ غموض ” رايحه فين ياساره ها قولي هتخبي علي إبنك !

=لأ ياحبيبي مش هخبي عليك ولا حاجه أنا هروح عند ماما يومين عشان هي تعبانه ف هروح عشان أخدمهم وكده 

_ لا انتي مش هتمشي عشان كده ،انتي هتمشي عشان زعلانه وبعدين طنط ليلي هناك أصلًا .

=ليلي معاها عيال 

_وانتي معندكيش عيال يعني!

=لأ عندي أحلي أنس ورودينا ف الدنيا 

_طب ومروان طيب!

= إتصدق نسيتهُ

“بيضحك “

_متمشيش بقي خلاص عشان الموضوع ميكبرش .

=انا مش همشي عشان حاجه انا همشي عشان …

“بيقاطعها صوت يوسف وهو ينظر إليها بكل غضب لكنه يوجهه كلامه لِ أنس “:_سيبها تمشي ياأنس الموضوع كبر خلاص .

_ أنس وساره ف نظرات الذعر والذهول انس يتكلم مُدافعًا عن ساره:يابابا !!إنت ازاي تقول كده! مشكله صغيره ليه تكبر بالحجم ده !! 

_هي اللي قررت توهم نفسها وانا مش هبرر تاني ..

=”دموعها نِزلت مُعلِنه الخذلان وهي تنظر إليه وهي تبكي” سيبهُ ياأنس انا كل شكي هو أكدهولي دلوقتي ،..”مسحت دموعها وإبتسمت إبتسامه تدل علي الكرامه وعِزه النفس” حتي دموعي وضعفي مينفعش يبانولك تاني ..انا همشي يايوسف وسيبالك كل حاجه “ثم أكملت كلامها بِ إنهيار ونبره تهديد:_ بس رجوعي ليك ده إذا رجعت مش هيكون بالساهل تمام .

“دخلت غُرفتها وقلبها يرتجف من شده الحزن لتحُضِر ملابسها، يوسف يغادر المنزل وهو فِ غاية الحُزن ،يزيد خوف رودينا كلما يزداد الصوت العالي ..

لتكُلِم دُميتها قائله:_ مكنتش اتمني تبقي دي حياتي ولا دي طفولتي ..أنا كان زماني بلعب ف الشارع مع صحابي وانا عامله الضيفرتين 12 سنه مش كبيره أنا عشان كل يوم أجري عليكي وأحضنك وأعيط،أنا متاكده إن بابا خد الموقف ده من طنط ساره عشان زعلان عشاني انا مهما كان بنته مش ههون عليه صح ! بس بردو مكنتش عاوزاها تمشي والموضوع يكبر كده انا مكنتش عاوزاها تكرهه ماما ..ماما طيبه والله 

“بعد مرور وقت رودينا من داخل غرفتها سَمِعَت أصوات مروان العاليه من شده البكاء ممزوج بصوت أنس وهو يمنعها من الرحيل .. ولكنها لم تتحرك لتُنقذ الموقف

_________

_ياماما متمشيش عشان خاطري .

=سيبني ياأنس ، أنا بنت ناس أنا مش فارقه معاه يطلقني ميعاملنيش كده ميحسسنيش إني قليله ، “قالت ببكاء ” أنا هونت عليه ياأنس .

_ والله ما هونتي متعيطيش بقي أرجوكي مروان مخضوض من اللي بيحصل إهدي ،طب بصي متمشيش وخليكي هنا معايا باتي ف الاوضه جمبي 

_لازم امشي ياأنس ، هو معززنيش ومعززش دموعي ولا زعلي لازم أخد موقف 

=طب خلاص إهدي أنا هاجي أوصلك.

_ لا خليك مع اختك انا همشي .

=لأ هوصلك وإمسحي دموعك متمشيش كده فِ الشارع .

“بتمسح دموعها “.

_ طب خليكي عشان عائشه وتيتا فاطمه إللي ليل وَصيتك عليهم قبل ما تمشي .

=متقلقش ، هاجي أطمن عليهم من غير هو ما يحس طول الإسبوع ده،وكمان هوصي حور عليهم ومتحسسش ليل ب أي حاجه ياأنس إتفقنا ..

=إتفقنا ،هوصلك رغم إني مش قادر بس مش هغصب عليكي

_ماشي ياحبيبي يلا .

“بينزلوا “

______________

ف غرفه رودينا .

_هه شوفتي يا رولا نزل من غير ما يصالحني وهي اهم عندو مني .

“العروسه بتطلع شُعاع قوي من عينيها تتأذي مِنهُ رودينا “ثم تحاول أن تحجب رؤيه الضوء وهي تردد ثلاث كلمات”: في إيه يارولا ! في إيه يارولا أنا أذيتك ف إيه !! 

ظلِت تُردد هذه الكلمات حتي أن غفوت ..

____________

علي الجانب الأخر سهيله همت مُفزعه من نومها .

 “إتنهدت وهي تحاول أن تفرُك فِ عيناها لكي توضح الرؤيه ظلت تكرر إسم الله مِرارًا وتِكراراً ” بسم الله ،بسم الله لا حول ولا قوه إلا بالله ..لا حول ولا قوه إلا بالله يارب الكابوس ده ميتحققش يارب أي حاجه تإذي ولادي تيجي فيا ..يارب أنا وهما لأ ..يارب دول حِته مني 

“كان يمُر صدفةً حسام وعندما سمع صوت سهيله مفزوعه من نومها اقتحم غرفتها وهو ف حاله ذعر  وبنبره خوف”: ف إيه ياحبيبتي ،اهدي ف إيه ..استني هجيبلك مايه .

“خرج مُسرعًا ليُجهز كأس بداخلهِ مياه ثم رجع مرةً اخري إلي غُرفتِها “

_خدي إشربي وإهدي علشان ضربات قلبك إهدي ..

=ولادي ياحسام ولادي .

_مالهم فِ إيه متقلقنيش يابنتي!

=قلبي مقبوض وحلمت حلم مش حلو ، لا لا مش حلم ده كابوس 

_طب اهدي ومتحكيش الحلم لحد ومتحاوليش تفسريه خالص عشان ميتحققش 

=رودينا ياحسام خايفه عليها اوي 

_طب تحبي اقول ليوسف وتيجي تقعد عندك !

= اه قوله بالله عليك 

_حاضر بكره عشان الوقت إتأخر ،اقري قرآن ونامي ومتحطيش ف دماغك حاجه 

=عاوزه اطمن عليها .

_ ياحبيبتي زمانها نايمه والله ،إهدي ونامي عشان ماما متحسش بيكي ومتقلقش عليكي.

= حاضر بس الصبح تكلم يوسف يجيبهالي ولو يوافق يجيب أنس يبقي كتر خيروا أوي 

_حاضر هقولوا متقلقيش ،اقرأي آيه الكرسي ونامي .

=حاضر ..

“وضعت رأسها للخلف ثم ظلت تفكر ف أولادِها وهي ف غايه الخوف ..ظلت تتوسل إلي الله أن يبارك فيهم ويبعد عنهم كل سوء ثم نامت وهي تدعو “

____________

عملتي اللي ف دماغك وروحتي بيت أهلك بس انا عرفت إني ماليش خاطر عندك 

_معلش ياأنس سيبني علي راحتي 

=هيقولوا إيه وإنتي جايلهم الساعه 1 قوليلي!

_ بعت مسدج ل ليلي وإتاكدت إنهم ناموا وهي هتفتحلي الباب إنت روح ياحبيبي لأختك ومتتأخرش ف الشارع ولا تقف مع حد 

=حاضر ، هطلعلك الشنطه .

_ماشي ياحبيبي 

“صعدوا السلم ف هدوء ثم وصلوا خبطت ساره ف هدوء وكانت ف إنتظارها ليلي قالت بصوت خافت :_ خشوا علي الأوضه بسرعه 

_انس بصوت خافت: لا انا همشي ،وخلي بالك من ماما ساره ياطنط ليلي ..

=حاضر ياحبيبي ..

“”ودعها أنس بحضنٍ دافئ شعُرت بالأمان حينها “”

“غادر وهو الحُزن يكُمن بداخلهُ ..ظل يُفكر كثيرًا وشرد فِ طريقه حتي قطع حركتهُ صوت مُرعب شخص ما يتكلم بهمس لكن بطريقه مُرعِبه 

إستوقف أنس وبداخلهُ خوف ظل ثابتًا فِ مكانهُ لكن عينهُ تدور يمينًا ويسارًا بحثًا عن الصوت ..

إستوقف الصوت قليلًا عندما إنتبه أنس ثم أكمل طريقهُ ، ولكِن سُرعان ما عاد الصوت مُجددًا وخطوات شخصُ ما تسير وراءهُ، إبتلع ريقهُ فِ خوف وبدأ يتحرك أسرع فِ أسرع وكلما يُسرع كانت الخطوات تزداد سرعه ، بدأ أنس ينتبه أكثر للصوت والكلمات التي تقال بهمس..إقترَب لِقائُنا فكُن علي إستعداد فِ وقت علي المواجهه ، أصوات أنفاس أنس تتسارع تلك الخطوات كانت خطوات شخصُ أعرج يسند علي عُكازهِ 

بدأ أنس يقرأ ما يسر له من قراءه القرآن لكي يطمئن قلبه ظل يقرأ حتي إختفت الخطوات وإختفي الصوت أيضًا ..

__________

وبعد مرور “15 دقيقه”

_ “أخذ تنهيده طويله تدل علي الحمد إنه وصل بيتهُ ثم قال : الحمدلله يارب ،الحمدلله يارب تكون دي مُجرد هلاوس ،يارب ما تكون فِ حاجه من إللي فِ بالي 

“إرتجف أنس عندما سمع صوت والدهُ”

_يوسف فِ فضول:- ف إيه ياأنس وشك مخطوف كإنك كنت بتجري ولا خايف من حاجه .

=بتوتر:- أنا ! أنا لأ لأ انا كويس متقلقش ،حضرتك رجعت إمتى!

_يوسف بحُزن :- من شويه،وصلت ساره البيت!

=أه يابابا،تسمحلي لو أتكلم مع حضرتك ك واحد صاحبك بينصحك مش إبنك !

_يوسف بدهشه :- صاحبي!

=أه يابابا إعتبرني صاحبك وإركن علي جمب دلوقتي إني إبنك من فضلك 

_ماشي ياسيدي وادي قاعده تعالي أقعد جمبي 

= حاضر ، هو انا ممكن أسالك سؤال بما إنس أنس صاحبك دلوقتي!

_ إسأل 

= لسه بتحِن لمراتك الأولانيه !

_بدون تردد: لأ مبحنلهاش لإني إتخدعت فيها ف البدايه شعور انها خلفت مني وهي مبتحبنيش وكانت بتحب أخويا وفضلت عايش ف خداع كل ده مش قادر أنساه أبدًا ،فاكر ياأنس إنت أول واحد جيبت صوره سهيله ومؤمن وإديتها لِ ليل ووقتها كنت بتخانق انا ومؤمن وهي اغمى عليها كإن ربنا جعلك تكشف الخطه وتنهى الحدوته دي كلها مش بكرها ولا بحبها ليها مني كل احترام وخصوصا بعد م اعترفت بغلطها وانها اتغيرت للاحسن بكتير وبقي اي شخص يتمناها وربنا بيسامح وانا مسامحها والله، بس زعلان وصعبان عليا نفسي أوي منها هي دخلت عليا الاوضه فعلا كنت عامل زووم علي سهيله لكن كنت بعاتبها ،كنت بقولها مرت الايام والسنين بس انا لسه ف سؤال متجاوبش عليه انا كنت استاهل منك كده ! استاهل تحسسيني بالنقص ك راجل كده ! ولادنا دول ذنبهم ايه ما يعشوش ف وسطنا !طب انا ليه ضميري بيوجعني كده ، ليه دايما بحس ان انا اللي بإذي نفسية عيالي بس مش بإيدي الغلطه مش هينه عشان كنت أعديها وأكمل فاهم حاجه ياأنس !

=فاهم ، بس بردو انت قولت جمله كويسه جدًا هي اتغيرت للاحسن ف مفيش داعي إنك تفضل توسع فِ الشرخ اللي جواك هات ايدك كده ..

_يوسف بِ بتعجُب:_ ليه !

=هات بس 

“بيديهالهُ”

_نفترض انك اتعورت ف الجزء ده من إيدك،وفِ وَتر بيوصل علي القلب ولو الجرح زاد او ملحقناهوش ممكن عضلات القلب تضعف وقتها هتعمل ايه!

= هحاول اخيط الجرح .

_بالظبط كده “بيشاور علي قلب يوسف” ده بالظبط اللي لازم يحصل جوا انك تخيط الشرخ ده قبل ما يتدهور الحال للأسوء.

= طب إزاي ياأنس!

_ الجرح اللي ف القلب عشان يَلتئِم وخصوصًا لو الجرح ده كان بسبب شخص بتربطنا بيه حاجه كويسه او حب ف يوما ما،لازم نفكر الاول ف الإيجابيات اللي الشخص ده عملها،ونركن السلبيات نتجنب أي أفكار سلبيه نلهى نفسنا بحاجه بنحبها نحاول نسى من قلبنا اي حاجه جرحتنا..نخلي عندنا ثقه ف نفسنا.

_بس انا اوقات كتير بسأل نفسي هو انا وحش!

= بتسأل نفسك السؤال ده لما بتحس إن أقرب الناس ليك خذلوك وإنهم دايمًا بيصدروا ليك الجانب المظلم أو السئ دايما بيحبطوك وبيحسسوك إنك متتحبش وإنهم موجودين فِ حياتك شَفقه وإنك لو روحت لحد غيرهم مش هيستحملوك ف بتبتدي تشوف انك وحش ومتتحبش وتشيل جواك إن مفيش حد هيستحملك ولا يستحمل وجودك المؤذي بالنسبالهم بتبدأ تشك ف نفسك وتقول حتي هو أنا معملتش حاجه حلوه خالص كده !ف تبتدي الثقه تقل وده غلط يمكن انا لسه صغير ولسه الدنيا هتعلمني دروس بس انا بقيت فاهمها مش هقع ف يوم وهكمل عشان الناس اللي بتحبني وساره بتحبك وانت بتشوف بنفسك هي بتعاملنا ازاي 

_بس بتشك فيا 

=ده مش شك دي غيره وحقها ..تخيل هي كانت متجوزه قبلك وفجاه داخل عليها الاوضه ب ابتسامه لاقيتها فاتحه صوره طليقها وعامله زووم!

_…..

=ها ساكت ليه !

_مش عارف اتكلم لان كل حاجه انت قولتها صح 

=تروح تراضيها بكره البيت من غيرها وحش أوي 

_لا سيبها يومين كده

=متخليش الزعل يطول بينكم ..متخليهاش تتأكد إنك فعلا مش فارق معاها ..لازم الحريق نطفيه ف وقتها .

“يوسف ب ابتسامه يُفتح ذراعيهِ “

_تعالي ف حضني .

=بس كده عيني 

“بيحضنهُ”

_يلا روح نام ،وصالح اختك بكره عشان نامت .

=حاضر ،عاوز عشا ولا حاجه !

_لا انا هنام .

=لازم تصالح ماما ساره انا قولتلك أهو عشان إحنا اللي هنتعب ف تنضيف البيت والأكل 

“بيضحك” حاضر ياسيدي 

_تصبح علي خير يابابا .

= وإنت من أهله ياحبيبي .

أنس نعِسَ دون أن يفكر ف الذي سمعه وشعر به ويوسف أيضًا ..

___________

علي الجانب الأخر ف غرفه “مي”

_تقي:_ ايه سرحانه ف ايه كده !

= ايه مصحيكي لحد دلوقتي !

_كنت بذاكر وانتي صاحيه ليه 

=”ردت وتجاهلت سؤالها “ربنا معاكي

_يارب ،ها مردتيش!

=”قالت بتوتر وعصبيه”:هنام ياستي خلاص

_خلاص ماشي ، انا غلطانه “ضربتها ضربات خفيفه علي ذراعيها” نامي انا اهو قفلت النور .

_مي بتأفُف : أستغفر الله العظيم ،ماشي اخرجي برا ومتدخليش تاني 

=تقي بمكّر:_ماشي وهسلط بابا عليكي الصبح 

_وايه الجديد ما ده طبعك يعني .

“سندت رأسها للخلف وظلت تفكر كثيرا وحدثت نفسها وقالت”:

هو انا وافقت عشان فعلا إرتاحت وربنا بعتلي اشارات ف الحلم إنه ينقذني !ولا عشان هو صعبان عليا ظروف عينه ولو رفضت هيتعب نفسيًا بسببي .

“صوت تفكيرها يُحدثها ويجاوب علي أسإلتها “

_لو واثقه انك مش مرتاحه من أولها إبعدي ،تعبهُ النفسي اللي هيحصل ف هو هيكون تعب مؤقت لكن لو دخلتي حياته وبنيتوا ذكريات سوا ومشيتي ف نص الطريق هيتعب أكتر.

=أيوه صح ..بس انا يمكن إللي مخوفني هو إن نفسيتي أنا تعبانه ومش رفضاه عشان ظروفه انا عارفه نفسي مش بيفرق معايا الكلام ده اهم حاجه شخصيته ، بس هل هو هيقدر يعافر معايا ..انا بس خايفه عليه انا لسه معنديش ثقه إن حد هيكمل معايا 

=وهو كمان معندوش ثقه إن حد يكمل معاه ، إنتو الإتنين لازم تحطوا فِ إعتباركم إن كل واحد فيكم متحمل مسؤليه التاني ولازم تثبتوا لبعض ان انتو الاتنين بتكملوا بعض مينفعش شخص واحد هو اللي يعافر عشان توصلوا لبر الأمان لازم تسندوا بعض .

_عندك حق ، بس انا مش هقول دلوقتي عشان ميحسوش اني مدلوقه او ما صدقت.

=هما كده كده عارفين انك مش ما صدقتي ولا حاجه بس من الواجب والأصول هما اللي يسالوا تاني عشان ميكنش ف إحراج ليكي ك بنت  

_صح ، عندك حق .

“فاقت من شرودها وحديثها مع نفسها ثم ضَحِكت وقالت:انا اتهبلت بكلم نفسي !

“ثم نامت “.

____________

علي الجانب الأخر فِ غرفه عمر وهو يقف امام المرآه

_الحمدلله فِ السراء والضراء ، الحمدلله يارب 

انا راضي ب أي حاجه يارب إستودعتك قلبي وأنت لا تضيع عندك الودائع 

“يجلس علي الأريكه ” يارب مش محتاج حاجه بس اكتر من إنها توافق عارف اني زعلتك مني كتير وعرفت بنات كتير وكنت عايش حياتي بس عمري ما إرتاحت لحد كده يارب توافق عليا عشان محسش اني مهزوم تاني انا عيني اللي ضاعت مني والله ما هتقصر حاجه علي شخصيتي يارب ما تكون بتاخد فعلا بالمظاهر يارب .

“قطع كلامه صوت خبطات خفيفه علي باب الغرفه “.

_ ايوه اتفضل 

=ممكن ادخل !

_ طبعًا ياماجد إتفضل .

= “ماجد بِ إبتسامه “: مش عاوزه تبقي ف الحيره دي وانا بقولك البنت هتوافق .

=عمر بفرحه بلهاء ظهرت علي وجهه : انا بثق اوي ف احساسك لإنه بيطلع صح ف الاخر .

_ عاوزك زي ما بتثق ف إحساسي تثق ف نفسك كمان ، عاوزك تتقبل أي موقف سلبي تواجهه ف حياتك بثقه تزيد جواك وإنك تعرف ان لسه نصيبك مجاش انا معرفتش انام غير لما اطلعلك الاول .

_يعني مش عشان عمر الصغير بيعيط

=بيضحك ” يادي الكسوف هو باين عليا أوي كده !

_”بيضحك” أوي يعني ..

= لأ والله اسيل والممرضه بيناموا ف اوضه عمر وأنا بنام ف أوضه بابا الله يرحمه ، ف انا طالع عشان اقطع تفكيرك ده واقولك إن إنت راجل مش بعينك ولا بأي حاجه ربنا خدها مِنك لإن إحنا ملناش ف نفسنا أي حاجه ياعمر  

_فهمت كلامك والله ياماجد كلامك فرق معايا أوي،يمكن مكناش قريبين أوي وقت وجود بابا الله يرحمه بس موقفك ده حسسني إنك أبويا فعلا 

_طب هات حضن ياض وإنت قمر كده 

“بيحضنه ب إبتسامه ” ربنا يباركلي فيك ياعمر واشوفك عريس يارب

_يارب ياحبيبي .

=يلا ياحبيبي بقي نام كده ومتفكرش ف حاجه تاني 

_”ب إبتسامه” لا خلاص كده مش هفكر ف حاجه تاني روح نام وانت مطمن.

= ماشي يابطل تصبح علي خير .

_وإنت من أهل الخير.

“بيغادر الغرفه ماجد وهو مرتاح البال بعد أن رأي إبتسامه عمر ..ذهب إلي غرفته بعت رساله نصيه إلي أيات عبر الواتساب : أيات عارف إن الوقت متأخر ومتتخضيش مفيش حاجه بس أبعتي للبنت بكره مسدج وقوليلها فكرتي !وكلمتين حلوين منك بقي ان احنا اللي مستعجلين انها تشرف عيلتنا وهكذا عشان البنت تطمن وخصوصا بعد الموقف اللي حصل بينكم بردو لازم تحس انك مش قصدك لان زوقيًا مننا ان احنا اللي نكلمها مش هي اللي تكلمنا هتتحرج وتصبحي علي خير .

____________

علي الجانب الأخر نوتفيكيشن يفيقُ أيات من نومها تُتفخ عيناها وتُغلقها تفرُك ف عيناها برِفق حتي فاقت نظرت بجوارها علي نور وكان نائم ..

أمسكت بهاتفها وقرأت المسدج .

_كتبت ردًا علي رسالته فِ إبتسامه : بقيت زي بابا شايل همنا وبتفكر فينا قبل ما بتفكر فِ نفسك ،حاضر أنا كده كده كنت هعمل كده والله الصبح 

________

علي الجانب الأخر 

بيقرأ ماجد مسدج أيات ف ابتسامه .

_ بقيتوا فعلا مسؤلين مني انتو فعلا ولادي قبل عمر إبني ، ماشي ياحبيبتي وابقي طمنيني ردت قالتلك ايه !

__________

ردت ايات ف رساله نصيه

_ حاضر ،ربنا يباركلنا فيك يارب .

“ابتسموا سويًا وكل واحدًا ف غرفتهُ”

_____________

علي الجانب الأخر ف “إسكندريه “

_ “تنهيده راحه بعد تعب  من ليل ومؤمن ، ليل ب إبتسامه: اتمشينا مشي تقريبا كنا قربنا نوصل القاهره.

=مؤمن بمشاكسه: مبحسش بنفسي وانا معاكي ياقمر إنتي .

_ليل تضيق عيناها ف حيره: يعني رجلك موجعتكش يانصاب !

= متبصليش بصه المُخبر دي عشان بخاف ها ..

رجلي وجعتني بس كنت مرتاح ومبسوط وحاسس إني رجعت شباب تاني كده وجددنا ذكرياتنا وشغفنا وحبنا من تاني 

_جددنا ! قصدك ايه انك بطلت تحبني وحبي قل!

“بياخدها ف حضنه”

= لا ياحبيبتي ابدا والله عُمر حبك جوايا ما قل نهائي بل بيزيد بس اللي كنت اقصدوا ان احنا افتكرنا تاني ذكرياتنا وقعدنا نتكلم كتير ، اول مره بعد سنين طويله ننسي الناس والدنيا ومنشيلش هم ولا تفكير ضحكنا من قلبنا واتكلمنا ف كل حاجه تقريبا افتكرنا كل موقف وحش وحلو مر علينا ومهزش ف حبنا أي حاجه كنا واقفين دايما ف ضهر بعض ثقتنا فِ بعض كانت هي العامل الأساسي ف إن علاقتنا تكمل 

_حُبنا لبعض مع الثقه هو إللي خلانا نكمل ..عمري ما انسي انك إستحملتني 10 سنين ، 10 سنين من غير ما تسمع كلمه بابا كان عندك إستعداد تكمل معايا من غير أولاد خالص ، عمرك ما حسستني إنك زهقت مني بالعكس كنت كل ما نتخانق وده قليل الحمدلله بتجري عليا تصالحني ، عشان حتي متسيبليش فُرصه إني أفكر بيني وبين نفسي إنك زهقت وإنك مش عاوزني وإنك بتتلكك عشان تطلقني مفيش راجل كده ، مفيش راجل بيقعد 10 سنين من غير خِلفه إلا من رحم ربي طبعًا بس وأنا بحبك يعني 

_شوفوا ياناس حبيبي وهو وشه أحمر من الكسوف ، والله أنا إللي بحبك ياليل انتي كمان إتحرمتي من كلمة ماما مش انا لوحدي وانا مستحملتكيش ولا حاجة ده كان واجب عليا ولو ربنا مكنش أراد لينا بنعمه الخِلفه كنت هكمل معاكي بكُل حب لإنك  مكفياني عن كل حاجه 

الأم ، والزوجه ، والأخت ،والحبيبه ، والإبنه وكل حاجه شوفتي الجد والجِده إللي صورناهم النهارده

_”بِ إبتسامه “: اه .

= هنكون زيهم وعائشه هتكبر وهتتجوز وتخلف وهنفرح ب أولادها كمان ، وكمان الضيف الجديد إللي هيشرفنا قريب “يَضْع يَداهُ علي بطنِها :

عائشه بشرتنا بِ رحيم وإن شاء الله هيكون ولد

_ طب ولو بنت ! هتزعل! 

=لأ طبعًا يكفي انها هتكون حته منك ..يلا تعالي نامي ف حضني

“جيت أهو “

_وريني كده الصور اللي اتصورناها النهارده!

= أهي الصور بص ضحكتهم حلوه ازاي !

_ اوي وضحكتنا طالعه من قلبنا معاهم اليوم كان حلو أوي 

= أوي بجد ياحبيبتي ، بكره نروح ناكل أكله سمك.

_ انا نفسي ف كشري .

=نعم!

_اه والله رحيم عاوز كشري اقوله لا 

= لا ياحبيبتي منقولهوش لأ حتي من غير رحيم انا لو حللتك هلاقي ف عروقك كشري 

_ ده ادمان يابني انت بتهزر ولا إيه !

=هأكلهولك وأمري لله لا الواد يطلع عدس ف وشهُ

_”بتضحك” بكاش أوي والله ..بتبصلي كده ليه 

= بحب أبصلك وإنتي بتضحكي 

_ “شعرت بالخجل وقالت بتوتر”: هو ..هو إحنا مش هنام!

= قال ب إبتسامه: يلا ياحبيبتي تصبحي علي خير 

_ وانت من أهل الخير ياحبيبي.

“يُممد زراعيه ليستقبل ليل ف حضنهُ” 

_ ليل بذعر : مؤمن !!

=مؤمن بخوف : إيه هتولدي!!

_ “بتضحك بهستريه” هولد إيه ف الشهر التالت بس هخلف فار !

= “ليأخذ نفس طويل فيما معناه الطمأنينه”: امال فِ إيه طيب !

_ كان نفسي اكلم عائشه وتيتا فاطمه فيديو كول من عند يوسف

= طب نامي ياحبيبتي والصبح هنكلموا متقلقيش 

_ ماشي ياحبيبي .

_______________

اليوم الثاني الساعه ال العاشره صباحًا 

____________

_” ليل بصوت غالبه النعاس ” ..يامؤمن إقفل الستاره النور ضارب ف عيني عاوزه أنام.

= انتي بعد ضارب دي لازم تقومي .

_ تؤ تؤ هكمل نوم 

= الساعه 10 لازم تفطري عشان نلحق نكلم عائشه وننزل نتمشي ونقضي اليوم برا .

_وهو فين الفطار !

= انا نزلت جيبتوا 

_”ليل قامت بذعر “عملت ايه ! سيبتني ونزلت ! مع العفاريت ! إفرض العفريت كل رجلي وانا مدلدلاها كده علي السرير!

_ مدلدلاها والعفاريت!طب قومي عشان متعصبش عليكي

_حاضر هقوم  متتعصبش بس، أه ياكليتي وياضهري وياعظامك ياليل اللي متكسره.

_أيوه الشويتين بتوع الدلع دول أنا عارفهم ها .

= ايه يعني لما ادلع عليك مش فاهمه ها ! بس والله فعلًا جسمي متكسر التعب المرادي صعب اكتر من تعبي ف عائشه.

_ ربنا يقويكي ياحبيبتي .

= يارب ياحبيبي  ،هقوم أغسل وشي ونفطر .

_ ماشي هستناكي 

_ ماشي.

_______________

بعد مرور ساعتين .

_______________

“ف بيت عائله فرغلي”

_عاوزه أشوف أبوك يابني ده تنفيذ الحكم النهارده عاوزه أودعوا 

=سمير بغضب : ياأمي هتتعبي بعد ما تيجي عندو .

_ لأ مش هتعب متقلقش .

“أصوات زغاريط تقاطع حديثهم .”

“سمير وثريا يذهبوا تجاهه الصوت “

_ ثريا ب حيره :إيه خير ياام لبني !

= لسه جايين أنا ولبني من عند الدكتور وطلعت حامل مبروك ياسمير.

“الكل إتجمع بفرحه وذهول علي وجههم ” 

_”سمير بعدم إستيعاب ” حامل ! حامل بجد يالبني !

= “بفرحه ” والله حامل ياسمير حامل ..ربنا عوض صبرنا خير كل م كنت تيأس كنت بقولك هتخف علي العلاج وهتكون كويس وأهو ربنا كرمني بحته منك  .

“خدها ف حضنه ” .

_ انا فرحان اوي فرحان انا هبقي هبقي أب 

“بيحضن ثريا بفرحه” .

= انا هبقي أب ياأمي 

_ثريا بدموع الفرح : مبروك يانور عيني مبروك ياحبيبي 

= سعد بفرحه : استوووب ياجماعه زغرطنا لفرحه اخويا سعد ولبني ..تزغرطوا لينا احنا كمان سميه حامل وعرفت امبارح بليل ..

_سمير بإنبهار وفرحه: مبروك يااخويا مبروك عيالنا كده هيكونوا قد بعض بس خد ف علمك لو جيه واد وانتو جيبتوا بت هنجوزهم لبعض والعكس المهم العيال لبعض اهو حجزنا من دلوقتي 

_”بيضحك”: طب ولو جم هما الاتنين ولاد او بنات !

=هنفضل نجيب ف عيال لحد ما نجوزهم لبعض .

“الكل ف فرحه بلهاء والضحك علي وشوش الجميع “

_ ماجد وأسيل ف نفس واحد: متنكروش ان وش عمر ابني حلو عليكم 

= سمير وسعد ف نفس واحد :ده احلي عمر ف الدنيا 

_عمر:الله الله ..طب وعمر الكبير مالوش نصيب ياولاد عمي ولا ايه .

=فؤاد : كل اللي اسمهم عمر وشهم حلو خلاص يابطل .

_والله ياعمي فؤاد انت الوحيد اللي ناصفني .

“بيضحكوا “

_ام سميه: انت يابني جميل ولولا عمر الصغير اتسمي علي اسمك مكنش هيبقي وشو حلو علينا كده.

= شايفين ..شايفين ست الكل دي .

“بيقرب عليها ليطبع قبله علي يديها ” ..ربنا يباركلك ياأمي والله فرحتيني جدًا 

_دي الحقيقه يابني ربنا يجبُر بخاطرك ويفرحك

= يارب ياأمي .

______________

بعد مرور نصف ساعه 

_هروح لأبوك ياسمير بالله عليك .

= حاضر ياأمي .

_البسي واجهزي 

_ حاضر 

____________

بعد مرور ربع ساعه 

بيتجهوا للمحكمه “

_ ليكم بس ٥ دقايق .

_ حاضر مش هنتأخر .

_____________

_ بنظرات منكسره من ممدوح لثريا :جيتي ليه ! جايه تمشي امشي مش عاوز اشوفك ..انا خلاص هموت النهارده مش عاوز اشوف حد.

_ انا جايه اودعك يااممدوح جايه اقولك اني مسمحاك والله ، واني زعلانه عشانك واني هفضل ادعيلك لاخر نفس فيا استغفر ربنا ،ربنا غفور رحيم، ابنك سمير مراته حامل وسعد كمان ..لو مكنتش اذيت حد كان زمانك معانا وبنربي احفادنا  

= بلغه كلها ندم ممزوجه بدموع الفرح : الف مبروك ياسمير يابني وباركلي ل سعد ..لما احفادي يجوا بلاش تقسوهم عليا واكدبوا عليهم قوللهم اني كنت شخص كويس خلوهم يترحموا عليا .

_سمير دموعه بتخونه: حاضر يابا متقلقش ،وكلنا هنموت ..هي دي الدنيا فانيه ..لعب ولهو اتلهينا عن اخرتنا ..

_ ونعم بالله انا راضي ب اي حاجه ،بس تصدقوا عليا انا هبقي ف عرض حسنه واحده .

خدني ياشويش خلاص خلصنا كلامنا..

“بنظرات وداع وعياط من ممدوح وثريا

“يلا نمشي ياماما “

_ يلا يابني .

____________

ف العربيه.

_ثريا: احساس صعب انك تبقي عارف انك هتموت بعد شويه ..مش عارف تعمل ندمان علي كل حاجه ومش عارف تلحق تستغر وترجع لربنا ممدوح كان عندو امل انه يعيش معانا بس ده جزاءوا .

_ خلاص ياأمي متتعبيش قلبك .

= “بتبسم” وجودكم يابني بالدنيا عندي .

_ ربنا يباركلنا فيكي ياامي 

= يارب يابني .

______________

“بعد مرور نصف ساعه “

_بجد طب الف الف مبروك ياسعد وباركلي ل سمير كمان ..الله يسلمك يوصل مع السلامه  

_ ليل ب حيره: خير شكلك مبسوط !

= اه مرات سعد وسمير باذن الله هيخلفوا قريب وسمير مكنش بيخلف وكان ماشي علي علاج .

_ ليل بفرحه : ما شاء الله بجد ..الف مبروك ليهم ربنا يتمملهم علي خير يارب .

= يارب 

_ اتصل علي يوسف خليني اكلم عائشه .

= حاضر 

“بيتصل علي يوسف فيديو كول “

كانوا وقتها كلهم متجمعين .

_ اهو بابا بيتصل يااعائشه .

= بجد ياعمو طب هات أكلمهم .

“بيفتح يوسف علي مؤمن”.

_ اذيك يابابي واذي مامي !

= الحمدلله ياحبيبتي وحشتينا اوي اوووووي .

_ وانت كمان يابابي ،هتيجوا امتي .

= ليل ب استعجال : هنيجي بكره ياحبيبتي عشان وحشتيني .

مؤمن ب استغراب: بكره!

= اه ،مش شايف البنت عامله ازاي لازم نكون معاها .

_ حاضر .، هنيجي بكره ياحبيبتي 

=بجد هييييييه ،ياتيتا بابي ومامي هيجوا بكره.

_ بجد ياحبيبتي ،طب كويس .

= لميس : هات التليفون ده يايوسف ، ايه ياواد منك ليها انت مش قولت اسبوع ! عاوزني اروح ل معتز كرشوا بدري ليه ها !

_ “مؤمن بيضحك: يابت اتلمي خليكي قاعده ياستي الاسبوع.

= مش هلاقي حجه اقعد بيها .

_ هو لازم تقعدي بحجج .

= ايوه عشان يبقي ليا عين كده

_ من امتي ده !

= قصدك ايه يامؤمن م تلمي جوزك بدل م انتي قاعده بتضحكيله كده ياختي .

_ ليل بمشاكشه : اتلم يامؤمن اختك عيب ..خدي راحتك ياكَبيره.

= ايوه كده تربيتي .

_ حبيبتي والله 

= لو معتز كرشوا كلمك قولوا انا مش ج.. هوب هوب هوب .

_ ف ايه يابنتي !.

” معتز بيمسك الموبايل ” .

_معلش اصل كرشوا جيه ف اتصدمت .

“بيضحكوا ” .

“بيضربها بمشاكسه : لسانك اطول منك شوفتي ربنا اهو جيت علي غفله وانتي بتغلطي.

_ ده مش غلط دي حقيقه

= قدامي علي البيت 

_ انت بتزعق لمين كده.

“بيتراجع ف كلامه” يالولو وحشتيني الله العيله قاعده بلاش احراج.

= ايوه كده ،وانت موحشتنيش علي فكره .

_ محمد: وحشني اكلك البايظ ياماما 

= زي ابوك واطي ..لمؤاخذه يامعتز .

_ خدي راحتك ياحبيبتي ،يلا تعالي علي البيت.

= طب هقول لمؤمن الاول .

_ ها يامؤمن ارجعله!

= ارجعيله كده كده علاقه قذره اصلا .

= شكرا يااخويا يامتحرم .

_ حبيبتي تسلمي والله .

” بتروح معاه بيتهم، ف اليوم التالي “

ليل ومؤمن بيوصلوا القاهره .

_ عائشه : مامي وحشتيني اوي وحشتني اوي يابابي 

= وانتي كمان ياروح قلبي وحشتينا اوي اوي  

“بيسلموا علي الكل ، وبيطلعوا بيتهم عشان يرتاحوا”

_______________

بعد مرور يومين 

_______

مي : انا موافقه علي عمر ياايات وفعلا فكرت كويس وصليت استخاره الحمدلله .

= ايات بفرحه: بجد ياحبيبتي ، الف الف مبروك ياحبيبتي هنيجي علي طول بإذن الله ياحبيبتي نورتي عيلتنا 

_ بنورك ياحبيبتي .. تسلميلي يارب 

= بلغي اهلك ان احنا هنيجي ف اقرب وقت

_ حاضر .

____________

بتبعت ريكورد ل ندي علي الواتساب

_ انا بعت ل ايات اني موافقه علي عمر .

= بجد ،طب ياحبيبتي ربنا يتمملك علي خير يارب.

_ يارب ياحبيبتي .

= وابقي طمنيني عملتي ايه 

_ حاضر

____________

_

=ايات بتبلغ عمر.

_ عمر بذهول: انتي بتكذبي عليا صح!

= لا والله هي قالتلي كده فعلا .

_بفرحه: الحمدلله ،انا مبسوط اوي الحمدلله طب هنروحلها امتي .

= اهدي بس والله هنروحلها جهز نفسك كده وهنروحلها .

_ هنكتب كتب الكتاب علي طول !

= اللي باباها يقول عليه الاول 

_ ماشي يارب خير يارب.

= يارب

______________

_ انا اسف .

= عادي يايوسف .

=هو ايه اللي عادي يايوسف دي ! ينفع تسيبي بيتك كده وتمشي !

_ انت مش استغنيت عني جاي ليه !

= جاي اقولك ان البيت من غيرك عامل زي التليفون من غير نت ، الشقه من غير باب 

_ ياسلام!

= اه والله ..وحشتيني 

_ وانت كمان وحشتني ،وعلي فكره انس حكالي كل حاجه وانه فهمني قصدك لولا كده مكنتش هتصالح ها .

“بياخدها ف حضنه ” ..وحشتيني انتي ومروان والله حقك عليا .

_ مفيش حاجه ياحبيبي هلم هدومي واجي .

_ ماشي هستناكي .

= ام ساره: عارف لو زعلت بنتي تاني هحرمك منها 

_ لا مقدرش ومش هزعلها تاني 

= ربنا يهدي سركم يابني

_ يارب 

___________

بعد مرور ٣ ساعات 

____________

_ والله ياحسام البيت اليومين دول ف مشاكل عشان معملش بس مشاكل تاني هيبقوا يجوا عندكم ف وقت تاني 

= مشاكل بسبب الاولاد

_ لا خالص متقلقش ما بيني انا وساره والاولاد بيهونوا عليها يعني وكده اوعدك هجيبهم ف اقرب وقت

= ماشي يايوسف خير ان شاء الله ،مع السلامه.

_ سلام.

______________

سهيله ف قلق :ها قالك ايه !

= قال ان ف مشاكل ف البيت ف يستحسن مش دلوقتي .

_بذعر: مع عيالي !

= لا مع ساره متقلقيش هيجيبهم والله.

_ ربنا يسترها .

= يارب.

___________________

بعد مرور سنه .

____________

_ رحيم ياجميل ياامور ياعسول .

= ليل : شوفتي رحيم بقي قمر ازاي !

= هو عندو كام شهر ياماما !

_ ٦ شهور ياحبيبتي .

= هيبقي كبير زيي صح!

_ صح ياقلب مامي .

= طب اكليه عشان جعان .

_ حاضر .

=مؤمن بفضول: بتعملوا ايه!

_ بنتكلم سوا ومع رحيم .

= حبيب بابا ..نسخه مني صح !

= صح ياحبيبي .

= لا شبهيي يابابي علي فكره 

_ ماشي ياقلب بابي .

= ايوه كده شاطر.

_ هو صحيح يامؤمن هو مين اللي خلف البنت ومين الواد ف عيله فرغلي الله يرحمه .

= سمير خلف الولد ،وسعد البنت ،البنت اسمها ملك والولد زين .

_ ما شاء الله عليهم ،ربنا يحفظهم هما كده يعتبر قد رحيم بس رحيم اكبر ب ٣ شهور كده .

_ اه ياحبيبتي .

= تيتا فاطمه فين !

_ نايمه ياحبيبتي

______________

وبعد مرور 13 سنه من الأحداث اللي كانت بتدور ف حياتهم والمشاكل والمواقف اللي عدوا ومروا بيها ، والصمود والموده والونس اللي كان بين عائله فرغلي وعائله مؤمن وليل مازال مستمر..بقوا سند لبعض اكتر واكتر ..

_حسام وندي اتجوزوا وانجبوا  عُدى 

_مي وعمر اتجوزوا وانجبوا حسن .

_اما لميس ف انجبت ياسمين .

وسهيله مازالت رافضه الجواز لأجل أولادها ..الود بينهم مُستمر وعلاقتهم إزدادت قوه ..

_يوسف انجب من ساره أيسل 

_ولؤي انجب من حور محمد

هتبتدي حكايات جديده ومواقف وحياه جديده لكل واحد فيهم هل هيستمروا انهم يكونوا إيد واحده ويكونوا عزوه ولا هيتفككوا !

_______________

_ ياليله العيد أنسيتنا وجددتي الأمل فينا ياليله العيد 

طبق كحك بقي مع ترمس مع بسكويت وكوبايه شاي بلبن ومسرحيه العيال كبرت وفل اوي كده

_ بت ياعائشه والمواعين اللي ف الحوض دي مين هيغسلها .

_لوله بقولك ايه انا استحميت ولبست البيجامه الجديده 

= ايه ده استني ! البيجامه دي اللي جيبهالك ف جهازك صح!

_ لوله قلبك ابيض عجبتني اعمل ايه وانتي مجبتليش بيجامه الواقفه 

= “بزعيق ” يامؤمن تعالي شوف بنتك.

_ ايه مالها !

= لبست البيجامه اللي جيبهالها ف الجهاز 

_ وايه يعني ما تلبس .

= انت بتقويها عليا ها !

_ شوفتي الراجل ده جدع والله .

= البيجامه قمر فعلا.

_ هتجلطوني والله خلاص بجد خشي اغسلي المواعين

=ليل خشي انتي انا نضفت خلاص .

_ ليل كده حاف.

= بابا هاتلها رغيف فينو 

_ يابت يالمضه .

= اه اه ياماما سيبي وداني .

_ طب اغسلي المواعين.

= خلي رحيم حبيبك يغسلهالك .

_رحيم بصوت سرسجي: مين اللي بيجيب سيرتي ياحاره .

= اهو الشوح جيه اهو اتفضلي 

_ مزعله ماما ليه يابت انتي 

= يابت ! يابني ده انا اكبر منك ب ٨ سنين عندي ٢١ سنه ياقليل الربايه

_ هو انتي واد وانا مش واخد بالي!

= بابا شوف ابنك .

_رحيم عيب كده اختك الكبيره  هزقها براحتك.

_ لا كتر خيرك يابوب ونِعمَ التربيه

= خلصي شاطره اغسلي المواعين لماما واقعدي براحتك.

_ طب هات 

= اجيب ايه !

_ خليك مفتح كده يابوب بكره العيد ها هات بقي .

_ ماشي ياستي ،خدي ١٠٠ حلو!

= وبالنسبه للمواعين مين هيحاسب عليها انت ولا ماما !

_ عاجبك كده ياليل هتغرميني ،خدي ياستي ١٠٠ تاني .

_طب وبالنسبه للبن اللي هيبرد عقبال م اطلع مين هيحاسب عليه !

= هسخنهولك انا 

_ لا هات ٥٠ وهسخنوا انا 

= ماشي خدي ٥٠ اهي كمان ،حاجه تاني !

_لا كفايه اوي كده .

= رحيم : وانا يابابا 

_ خد ياحبيبي 100 اهي .

_ ماشي يابابا هجيب بومب وصواريخ افرقعهم ف وش عمو عبدو البقال .

” بيجري ويسيبه “

= يابني ،اتلم يارحيم متجيبليش المشاكل .

_ ليل بتضيق حاجبيها ” 

= بتبصيلي كده ليه ! عيالي وعيالك مش عيالي لوحدي

_ انت اللي مدلعهم .

= هدلع انتي كمان ياابيض ياجميل انت .

“بتضحك”

_ ايوه كده ..خدي دول بسرعه 

= وبتخبيهم ليه !

_ عشان دول 500 جنيه لو عائشه شافتهم هتطمع فيهم وانتي حره بقي .

= جيه اليوم اللي اخاف من عيالي شاهده ياتيتا فاطمه .

_ معلش ياحبيبتي تعيشوا ويدلعوا ف حسكم ..

= يارب ياحبيبتي .

_تيتا فاطمه :خلصي بسرعه ياعائشه المسرحيه هتبدأ.

=عائشه من المطبخ: حاضر ياتيتا جايه أهو .

________

بعد مرور 10 دقايق  .

_________

ليل : خلصتي المواعين !

= اه ياماما .

_ وايه القناع اللي علي وشك ده .

= ده قناع ياماما تنضيف شامل .

_ ده بيبقي ف المواسم بس !

= اه يوم الواقفه بس ،اعملك!

_ لا ياختي مش عاوزه ، بس لو جالك عريس وانتي كده احتمال يقطع الخلف.

= ما يقطع الخلف ولا ينيل علي دماغو انا مش هتجوز اصلا .

_ ايوه كنت بقول زيك كده بالظبط.

=لا انا هثبت علي قراري .

_ طب خلصي عشان زمان العيله كلها هتتجمع كمان شويه .

= انس : بسم الله اعوذ بك من الخبث والخبائث 

_ اهو جيه خفيف الظل وانتي طبعا هتبقي معاه 

=ليل بدلال: انس ده حبيب امه يالهوي المسكر بتاعي 

_عائشه بتريقه: نينينني المسكر بتاعي .

= انس بيطبع قبله علي كف ليل: كل سنه وانتي معايا .

_ وانت معايا ياحبيبي .

_كل سنه وانتي طيبه ياتيتا .

_ وانت طيب ياحبيبي .

=بيبص ل عائشه ب استحقار: ايه ياربي ده لا باين منك عين ولا رجل ولا مناخير.

_ وانت مالك يامستفز ياصورم تعرف تعمل زيي !

= لا مرضاش اسرع الناس والله .

_ عائشه بتأفف : ياربي بارد .

مروان ومازن بصوت فكاهي .

ياليله العيد أنستينااااااا .

” بيفرقعوا صاروخ تحت رجل عائشه “.

“بتتنفض وتستخبي ورا ليل “..يامتخلف منك ليه السجاد هيتحرق تعبت ف غسيلوا

_ مروان:يااما مين دي !

“بتشيل القناع “.

= انا عائشه ياحلو ياجميل واتلم بقي ها اتلم.

= انتي عشان اكبر مني بكام شهر هتتعرفتي عليا اتلمي يابت .

= هحدفك بطبق البتيفور ف وشك .

= هحدفوا ف وشك اللي شبه صنيه الجلاش ده 

_ عائشه بتأفف ياربي عليكو .

_ مازن بهدوء وهو شارد ف عيون عائشه : طب انا عملت ايه !

= لا يامازن انت طييب لكن مروان اعوذ بالله منهُ

أنس بنبره كلها غضب يوجهه كلامه ل مازن : ايه يابطل السهتنه دي ف ايه مالك!

= ياعم مفيش .

“عائشه انسحبت ودخلت جوا “..انس بيروح وراها .

_ بيمسكها من معصمها ” تخشي تلبسي اسدال ومتطلعيش بالمنظر ده تاني انتي فاهمه !

= وانت مالك انت اصلا انت ملكش حكم عليا .

” عيونه كلها غضب ” : لا ليا ومحدش هيتجوزك غيري انتي فاهمه !

_ لا مش هتجوزك .

_ هتجوزك غصب عنك وعن ابوكي واي حد 

“مؤمن طلع من الاوضه وبص ل أنس بغضب “.

يتبع..