رواية لو تعرفين وش يعني قهر الرجآل ما ابتسم ثغرك لـغيري رجل الفصل الرابع 4 بقلم النور
رواية لو تعرفين وش يعني قهر الرجآل ما ابتسم ثغرك لـغيري رجل الفصل الرابع 4 بقلم النور
رواية لو تعرفين وش يعني قهر الرجآل ما ابتسم ثغرك لـغيري رجل البارت الرابع
رواية لو تعرفين وش يعني قهر الرجآل ما ابتسم ثغرك لـغيري رجل الجزء الرابع
رواية لو تعرفين وش يعني قهر الرجآل ما ابتسم ثغرك لـغيري رجل الحلقة الرابعة
جالسة في قصرها الفخم تحديدا في مجلسها حاطه رجل على رجل وسرحانه في الفراغ اللي قدامها ..تذكرت شكلها كيف كان ..شلون نحيفة ..شلون تناظر ..كأنها مهزوزه من داخلها ..او كأنها مسلوب حقها منها تنهدت ورفعت راسها وهي تشوف الخدامه تدف الكرسي المتحرك ل ابو وليد وقفت واتجهت للكرسي واخذته من يدين الخدامه و قربت الطاوله وجلست وهي تقول بلطف : شلونك اليوم
ابو وليد ابتسم : الحمدلله بخير
حنان وهي تبتسم : ان شاءلله حسيت بتحسن بعد جلسة العلاج الطبيعي
ابو ليد وهو يأشر على رجوله ويبتسم : زي ماتشوفين ..الحمدلله على كل حال
حنان تبتسم : الحمدلله
ابو وليد : متى بيوصل وليد
حنان وهي تناظر الساعه : عقب نص ساعه ان شاءلله
ابو وليد يتنهد : مقلقني هالولد يا حنان
حنان تناظر فيه : وليد ..وش مقلقك فيه يا سالم
ابو وليد : حاله مايل ..هو و ولده ..من عقب مرته وهو متردي .. و ولده من يد خدامه ليد وحده ثاني و بنفعال : حتى كلامه يا حنان ولهجته صارت مثلهم ..ماهوب عاجبني حاله ..يبغى له مره تداريه هو و ولده ..موب حاله ..هذي اللي هو فيها
حنان بلطف : قل لا اله الا الله ..بتنحل ان شاءلله
ابو وليد بقلق : صعب وليد يا حنان وانتي ادرى
حنان : ب احاول اقنعه ..لا تخاف
ابو وليد : ليته يسمع كلامك بس
حنان بهدوء :اصمل انت تزوجه ..وانا عندي له بنت تناسبه
ابو وليد وهو عاقد حواجبه : من بنته
حنان : هذي يا طويل العمر العايلة اعرفها من قديم وهالبنت يتيمه ..ابوها ميت من عمر وعايشه عند عمها و مرته ظالمتها ..و ماكله حقها
ابو وليد : وامها ..
حنان ب ارتباك : ا..امها ميته من زمان
ابو ليد : و كيفها و كيف اخلاقها
حنان بصدق : البنت محترمه ..وخلوقه ..و كل من عرفها مدح فيها ..قد خطبها محمد ال… بس مرت عمها رفضت ..
ابو ليد ب استغراب : ليه ..محمد ال.. ماينرد
حنان بقهر : نجاسه فيها ماتبيها تاخذ واحد اعلى من بناتها
ابو وليد ب استغراب : شلون تزوجينها وليد اجل
حنان : هذي محلوله ..بس خل وليد يوافق
ابو وليد وكأن الفكرة اعجبته وقال ب اصرار : ان شاءلله انه بيوافق لف راسه وهو يشوف سالم ولد وليد يدخل عليه وهو يركض ب اتجاهه ويصارخ بفرح : باااااباااااا
لمه ابو وليد وهو يضحك : هلا هلا بالذييب وش فيك تصارخ
وليد وفي فمه حلاوه : بابا ..انا في روح سيارة
لف على حنان وهو يناظرها : شفتي ..لهجته ماهيب لهجتنا لهجة خدم
ابو وليد : اول شي قل انا بروح بالسيارة
سالم : انا في روح سيارة
ابو وليد :لا يا بابا قل انا بروح بالسيارة
سالم بضجر : انا بروح بالسيارة
ابو وليد : الله يهديك ..طيب وين بتروح
سالم : انا بروح بقاله
ابو ليد وهو يضحك : ابشر من عيوني ..بس ليشب تروح
سالم بتفكير طفولي : ب اشتري ماما
حنان وهي تناظر ابو وليد بعدين تناظر سالم : بتشتري وش
سالم : بشتري ماما زي حمودي عنده ماما
ابو وليد يهز راسه ويناظر حنان : شفتي ..انا قايل من اول الولد يبغى له ام
رفع راسه وهو ينادي : لطفية …لطفيه
دخلت لطفية : آمر حضرتك
ابو وليد : وش صاير اليوم في مدرسة سالم
لطفية ب استغراب : ماصرش حاقه
ابو وليد وهو يحتظن سالم : الا صاير شي ..وش فيه سالم يتكلم عن الام
لطيفة : اه ..اليوم في المدرسة بدا اسبوع الام الزائرة ..و صاحبوه حمودي كان دوره ..وقاي ومعاه مامته .. يبدو انه اتدايئ شويه
ابو وليد وهو يأشر لها تروح ويلف على حنان : الولد ذا لازم له ام
حنان تهز راسها : ان شاءلله ان ربي بيكتب له الخير ..اهدا
هز راسه وهو يفكر في حفيده اللي قدامه ومستقبل ولده
رن جوال ابو وليد رد وهو يقول : السلام عليكم
وليد : وعليكم السلام ..حي الله الوالد
ابو وليد : الله يحيك ..شلونك
وليد : بخير الحمدلله ..شلونك انت طمنني عنك
ابو وليد : بخير الحمدلله .. كم باقي لك وتوصل البيت ابيك في موضوع مهم
وليد : عساه خير يا ابوي
ابو وليد : خير ان شاءلله
وليد : يالله كلها نص ساعه وانا عندك
سكر من ولده وفي باله قرار لازم يتنفذ لو مهما كلفة الامر
ــــــــــــــــــــــــــــــــــــــــــــــــــ ــــــــ
في بيت نور كانت جالسة في الصاله تقلب في جوالها دخلت عليهها الخدامة وهي تقول : مدام في برا بابا ابو صالح مع هو رجال يبغى يشوف بابا ناصر و ماما
نور وقفت بخوف : عمي ابو صالح
الخدامه : ايوه ماما
نور بقلق : روحي نادي ماما بسرعه
نزلت امها وهي تقول : وش فيكم
نور وهي خايف : ما ادري تقول عمي ابو صالح معه رجال برا يبغونك
ام محمد و كأنها فهمت السالفه : اجلسي هنا ..لا اشوفك طالعه ..و ارقي قومي نادي ناصر اخوك
نزل ناصر وهو يقول : وش فيكم
ام محمد : عمك ابو صالح هنا ..يبغاني انا وياك
ناصر ب استغراب : وش يبي تعالي خلينا نطله له
نور : امانه علموني وش يصير
طلعت امها و وقفت عند الدريشة تناظر ..كان عمها صالح وعياله و ذياب و عبدالله و هو واقف بينهم سيف
فهمت الموضوع وجلست ب يأس وهي تناظرهم يدخلون المجلسس
في المجلس
ام محمد وناصر : السلام عليكم
الكل : وعليكم السلام
ابو صالح بصوت عالي : شلونك يا ام محمد عساك بخير
ام محمد : يارب لك الحمد في افضل حال الحمدلله
سيف بصوته العالي : شلونك يا عمتي عساك بخير
ام محمد بهدوء : بخير الحمدلله ..شلونك انت ..
سيف : بخير والحمدلله
جلست ام محمد والمجلس مشحون ..النظرات بين ناصر و سيف مليانه شرار
ابو صالح : يا ام محمد و ياناصر ..حنا اليوم جاين نتمم اللي ما تتمم من قبل اربع سنين جاين نلم الشمل ..و نرجع نور ل سيف
ناصر ناظر في سيف وهو يقول : توه يذكر ان له مره عندنا
سيف بهدوء : ما نسيت عشان اذكر
ام محمد بهدوء : انا وانت خابرني يا ابو صالح مانيب قاطعه رزق البنت ..بس البنت بنتي و انا لي حق اعرف وش غيبه طول هالسنين ..وش صار ..يوم انه تركها ..
سيف بهدوء قاتل : انا غلطت واعترف ..لكني في ذاك الوقت كنت مجبور وانا مانيب مكذب ولا لي في هالعلوم ..العلم اكيد ..اني كنت مجبور يا عمه ..لك الحق انك تعرفين وكل الحق ..بس للاسف مانيب قادر اقول لك الا شي واحد ..الايام بتين لكم كل شي
ام محمد :………….
ابو صالح : اسمعي يا ام محمد واسمع يا ناصر البنت بنتي و الولد ولدي كلهم من قلبي ..وكلهم عيال اخواني ..لو في سيف شي وشفته بعيوني ماهوب زين لا والله ما ياخذ الجوهره نور ..لكن الحق ينقال يا ام سيف ..سيف مرته نور على سنة الله و رسوله ..والكل عارف انه متزوجين ..الا ان العرس ماتم … حنا مانبي زيادة فضايح ..الولد موب راكبه شي عيبه يشيله بس البنيه ..من يشيل عيبها عنها
ام محمد : بنتي مافيها عيب ..بنتي بنت متربيه تفهم بالاصول
ابو صالح : بنتك من عرقنا مننا وفينا ..وعشان كذا يا ام محمد جاين حنا نلم الشمل من اول وجديد ..وكل شي تبينه نور بيتم
سكتت ام محمد لثواني وهي تقول : العلم طلع من يديني العلم في يد نور
ابتسم وهو عارف جوابها ومتطم من هالناحية قال : دام العلم معها ناديها نسمع رايها وانا الحين ان ارفضتني ..والله ماتشوفني ..وان وافقت لها كل علم طيب
ام محمد سكتت تفكر لثواني وقالت : بناديها ..بس عندي شرط
ابو صالح : سمي
ام محمد : تدخل بنتي و تتوسط المجلس و تقول رايها ب اعلى صوتها .. و ان رفضت ولا وافقت ماحد يفتح فمه بكلمه
ابو صالح وهو يناظر عياله وعبدالله انهم يطلعون وقفوا وقبل بطلعون
قالت ام محمد : اجلسوا اجسلوا ..خلهم شهود يا ابو صالح ..
ابو صالح يهز راسه
بينما سيف موب عاجبه اللي يصير رفع حاجبه وهو يقول شلون بتدخلها والعيال موجودين
ام محمد ب امر : قم ناد اختك
وقف ناصر و طلع ينادي نور
ناصر وهو يتوجهه لها : نور ..تعالي امي تبيك برا قدامهم
وقفت بخوف : ليه ..ليه وش صاير
ناصر : تعالي بس ..ألبسي عباتك وتعالي احتريك عند الباب
مسكت يد ناصر وهي تقول : وش فيه ..وش يقول
ناصر فك يدها : كل شي بتعرفيه ..تعالي انتي بس
نور بخوف: طيب بجيب عباتي انتظر
رقت فوق وقفت قدام المراية وهي تحاكي نفسها : خلك قوية ..خلك قوية ..أنتي قوية ..لا تخلينه يغلبك ..خلك قوية يا نور انتي ..قوية ..ٌوية
اخذت نفس و لبست عبايتها و لفت طرحتها و جت بتاخذ نقابها بس طرت في بالها فكره فكت طرحتها ولفتها من جديد و حطت طرفها على خشمها وشفايفها نزلت وهي تنادي ناصر : يالله انا جاهزه
ناصر : مشينا
في المجلس كان السكوت سيد الموقف
دخلت من الباب وهي تحاول تقوي نفسها ..و تهديها
نور بصوت شبه عالي : السلام عليكم
رفع عينه وهو يناظرها : وعليكم السلام
الكل : وعليكم السلام
قربت من عمها وباست راسه وسلمت عليه
جلست وهي تسمع صوت صالح : شلونك يا نور ..عساك بخير
نور ترد عليه : بخير الحمدلله شلونك انت ان شاءلله انك بخير
صالح : الحمدلله ماعلي الا العافيه
ابتسمت : جعلها دايمه
كان يراقب الموقف بهدوء مايبين على وجهه أي انفعال الا انه في داخله نار شابه ..مايدري من وش ..هل هو غيره ..او لانها تجاهلت وجوده بالمره ..ولا قهر من صالح ..المهم ان في قلبة نار غير طبيعيه وهو يناظرها كيف جالسة و يدها ماسكه طرف الطرحة و مزينه بمناكير حمراء صارخه و متجاهله وجوده تماما
ابو صالح : نور يا بنتي .
نور : سم يا عم
ابو صالح : انا اليوم جاي .. وبخطبك خطبه جديده من اول و جديد ..جاي يا بنتي وانا ما ابيك تردينني ..و انسي كل اللي فات ..وتذكري اننا عيال اليوم ..هذا سيف جاي و هذا انا جاي وعيالي جايني و اخوه جاي ..نخطبك من جد وجديد ل سيف ..
نور :…………………………
سيف بصوت عالي وواثق : انا جاي اليوم ..ارجع اخطبك من اول وجديد .. كانك وافقتي الحمدلله ولاني ذاكر العكس لانه ان شاءلله موب صاير ..وش رايك .. ناظر فيها وهو رافع حاجبه وحاط رجل على رجل
نور تسلل الخوف لقلبها من صوته ..ماتدري ليه خافت من صوته ..حسته ..غير عن صوت سيف الاول ..حست فيه شي من الكرهه ..او الحقد قالت
قالت بصوت عادي جداً : ..موافقه ..
ناظر فيها وحط عينه في عليها وهو يبتسم ويناظر فيها بقوة
لفت ام محمد لبنتها بصدمه وهي تعيد السوال : انتي موافقه
هزت راسها بكل بطء كانت تفكر لو كانت خرساء ..او لو كانت مشلوله ..ماتقدر تحرك راسها .. ناظرت فيها حطت عينها في حينة حست برجفة ماتدري ليش عيونه غريبة ..موب سيف ماهي نظرت سيف ..طال النظر بيني وبينه غيرت اتجاه عيوني وانا اسمع عمي يتفق مع امي ..ماادري وش تقول ..اعيش تحت حالة ضغط غير طبيعي ..موقفي الآن …ضعفي الآن ..وين راحت قوتي ..و عزمي ..وين كل هذا .. كل هذا راح بسبب صوته و نظرته ..وقفت وانا ماني قادرة اتحمل الموقف وعيوني تايهه ما ادري وين اركزها : انا بطلع
طلعت من المجلس وعيوني وراها ..حسيت بالخوف في عيونها ..حسيت انها كارهتني …حسيت ب احساس غير ..نور تغيرت ..انا غيرتها للاسوء ..اخذ نفس وهو يلف على عمه ويقول : بعد اذنك يا عمي بكلم ام محمد
ابو صالح يهز براسة :..
سيف : اسمعي يا عمتي ..جيتي هذي اعتبريها خطبة من جد وجديد .. وان كان لك شروط انتي ونور ..انا حاظر ..و شروطك كلها مجابه ..وشروط نور بعد
ام محمد بطول تفكير : شرطي واحد
سيف ناظر فيها :
ام محمد : احترمها ..ولا تكسرها من جد وجديد
استغرب شرط ام محمد ..ام محمد من نوعها ماتقول مثل هالكلام ..اكيد انها حاسه في بنتها ..والاكيد اني صدق عذبت بنتها
سيف : ب اذن الله احسن معاملتها
وقفت ام محمد وهي تقول : الله يكتب اللي فيه الخير لك ولها .. محمد اخوها جاي بعد اسبوع ولازم يصير عنده علم بهالموضوع
هز راسه ابو صالح وهو يقول : انا بتصل عليه ..خلي موضوعه عندي
طلعت من المجلس تاركه خلفها الرجال يتفاهمون على امور العرس
ــــــــــــــــــــــــــــــــــــــــــــــــــ ـــــــــــــــــــــ
جالس على طاولة الطعام وباله مشغول سمع ابوه وهو يكلم امه وخواته
ابو فارس : ترى خطبت لفارس
لفت عليه ام فارس ب انفعال : كيف تخطب له ولا تقول لي يا رجال ..تراه ولدي نفس ماهو ولدك
ابو فارس يبتسم : الوضع جا سرعه بسرعه
ام فارس : حتى ولو يا ابو فارس ..كان مفروض يصير لي علم بهالموضوع
ابو فارس : اساسا بعد بكرة بتروحين لهم تخطبيننها رسمي من امها
ام فارس ب استغراب : ومنهي بنته
ابو فارس وهي يبتسم ابتسامه عريضة : بنت ابو صالح الصغيره ريم
مها وهي تضحك : امانه يبه صدق يا حليلها
لف عليها بهدوء : تعرفينها انتي
مها : ايه انا وهديل نعرفها بنت عمها سارة صديقتنا وتوها عازمتنا على الحفلة حقتها وشفتها هناك لفت على ابوها : صراحة يبه والله عرفت تختار
هديل ب ابتسامه : ايه والله البنت تشرف جمال و ادب و اخلاق
فارس يناظر فيهم : وش عرفكم
هديل : والله محترمه سلممت عليها وجلست اسولف معاها شوي و اخذت رقمها و بعد صورت انا وياها
فارس رفع حاجبه : عندك صورتها
هديل : ايه
فارس هز راسه
ابو فارس : وش فيك انت ..شكل موب عاجبك نسب ابو صالح
فارس : لا والله يا ابوي هو فيه احد يطول يناسبة
ابو فارس : مدري عنك
ام فارس تناظر ولدها بحزن : ضعيف وليدي مصدوم
ابو فارس : والله ماخربه الا انتي صدق
وقف من الطاولة وهو يحمد الله
وقفت ام فارس متجهه لهديل : وريني صورتها
هديل : تجنن ماعليك
ام فارس بغرور : ماضنتي والله تلقين فارس يغطي عليها
مها : ايه هين يغطي عليها هذي صاروخ ارض جو
فارس لف عليها ب اهتمام : اوصفيها لي تكفين
مها : هديل وريه صوتها
هديل تشهق : منتي بصاحية ..حرام
مها بتهاون : عادي بيصير رجلها وش فيك
هديل : لا ما اقدر والله
ام هديل وهي تاخذ الجوال من هديل : هاتي بس ..مافيها شي الشوفه الشرعيه هذي ي
فتحت ام هديل الجوال وهي تناظرالصورة : أي وحده هي
هديل بضيقة صدر : ام المخطط ..يمه امانه لا تورينه يختي حرام
ام هديل تاشر بيدينها : وش حرااام الشوفه الشرعيه هذي عادي
هديل : ايه الشوفه ماقلنا شي بس هنا كل شي فيها طالع مايجوز
دققت ف الصورة ام فارس وهي تقول : تهبل والله ..ماشاءلله كان ..
مها : ايه قلت لكم البنت صاروخ ارض جو
ام هديل تمد ل فارس الجوال وهو مستمع لكلامهم
اخذ الجوال من امه بفضول للصورة
ناظر في الصورة كانت لابسه فستان انيق ولامه شعرها كله على كتف واحد ومبتسمه ناظر فيها ب تأمل
طال النظر فيها وسرح ما حس الا الجوال انسحب من يده
هديل ببضجر : يمه خلاص عاد والله لامسحها حرام
ام هديل : وع يا شينك لاتصرتي تمننين
هديل : استغفر الله بس
سرح وهو يفكر في الصورة ..شكل البنت بري و طيب ..بس البرئ ينخاف منه .. عدل جلسته وهو يفكر لو طلعت مثل ديما ..او لو طلعت مثل اريج ..خاينه ..غمضت عيوني وانا احس بحرارة فيها وبدوار من التفكير ..ارتبط تفكيري في النساء دائما بالخيانه ..
قطع تفكيري صوت امي وهي تقول : اعرف وش تفكر فيه يا فارس
لفيت عليها وانا اناظرها بصمت واستمع لما تقول
ام فارس رفعت يدينها و اصابعها في وجهه فارس وهي تقول : اصابعي نفس بعض
ناظر فيها ب استغراب وهو يقول : لا
ابتسمت وهي تقول : اجل اعرف ان البنات ماهم سوا
ناظر في امه ب حزن عميق : كل مره تقولين لي هالكلام
لازالت على ابتسامتها : و كل مره تختلف عليك بنت
فارس : ما احب المخاطرة يمه
ام فارس : استخير ..واطلب الله الخيرة
فارس وقف وهو يقول : انا طالع تامرين على شي
ام فارس ابتسمت برضا : سلامة قلبك وعينك
ناظرت فيه امه وهي تبتسم بحزن على حالة
ــــــــــــــــــــــــــــــــــــــــــــــــــ ـــــــــ
جلست على سريرها وهي منقهره من نفسها ضغطت على يدها وهي تتذكر وجهه و حركاته ..ونظراته ..تذكرت كيف اختفت قوتها فجأة وقفت قدام المراية وهي تناظر نفسها : ضعيفة نفس كل مره ..تحاولين تقوين نفسك الا انك ضعيفة .. و غبية بعد و سفيه بعد وكل شي انتي ..فاشلة ..فاشله
كانت تكلم نفسها وهي تحس برضا وهي تنتقد نفسها او بالاحرى تعاقبها بالكلام
جلست على سريرها و عيونها مليانه دموع رفعت عيونها تناظر السقف وهي تقول ب اصرار : والله مانزلين ..والله ماتنزل دمعتي ..والله ماتنزلين ..والله ماتنزلين
نزلت عيونها وهي تناظر يدينها وتفكر ..شلون بتعيش مع واحد كذاب خاين ..كيف بتتحمل كل هالعنا ..اخذت نفس وهي تقول : الله يعينك يا نور الله يعينك
ارتخت على سريرها سمعت صوت جوالها اخذت جوالها وابتسمت لما قرت الاسم ردت بصوت هادي : هلا والله ب حبيبتي
سارة بخزي من اخوها : هلا نور
عقدت حواجبها وهي تحس ان فيها شي : وش فيك تكلمينني كذا
سارة : عادي اجيك
استغربت سوالها : وش فيك سارة ..تعالي عادي
سارة : دقايق واجيك
سكرت من نور وهي تحس بخزي من سيف و عمايلة في نور وقفت وهي تلبس عبايتها
اخذت جوالها وهي تكلم ريم : الو
ريم وهي نايمة : هلا سارة
سارة : وجع للحين نايمة
ريم ماهي رايقة : وش اسوي بعد
سارة : فيك شي
ريم : لا
سارة تأكدت ان فيها شي : تعالي عند نور ..بروح لها تعالي خلينا نتقهوى
ريم : متى
سارة : الحين اخلصي يالله
ريم : طيب بتروش واجيكم
سكرت من ريم وهي مستغربه حالتها
رجعت اتصلت على رشا ..ماتبي تحسسها ان الشي اللي بينها وبين زياد ممكن يأثر عليها او على علاقتها فيه
سارة : ارحبيي والله
رشا مبتسمه : هلا سارة
سارة : وينك
رشا : ابد ادور في جرير ادور لي حاجات ابيها
سارة : امانه رشا جيبي لي معك الكتاب اللي تقووله هيفا
رشا ابتسمت : لا تخافين جبت لك ولي بعدك
سارة : فديتك ..المهم تعالي عند نور ..بروح لها انا وريم ..وياليت لو تجيبين معك حلا
رشا : وش عندكم
سارة : ولا شي جمعة
رشا : يالله اجل ..اخلص واجيكم
سكرت منها و اخذت عبايتها و اتجهت للدور الارضي
ــــــــــــــــــــــــــــــــــــــــــــــــــ ـــــــــــــــــــــــــــــــــــ
في لندن
كان مصدوم من حركتها المفاجئة بالنسبة له و احتظانها له و بكاها بصوت عالي و شهقاتها و صراخها ب اسم مشعل وقفت وانا رافع يديني متصنم ما اعرف وش اسوي نزلت يديني على ظهرها لحد ماحسيت اناه تعبت ونامت من البكاء ناظرت وجهها و كانت اثار الدموع موجوده مسحت دموعها و رفعتها من الارض وحطيتها في سريرها لفت نظري جرح على كتفها كانه حرق او ضرب بشي حار حطيت يدي عليه واضح انه من قريب فتحت الدرج واخذت مرهم دايم استعمله للحروق حطيته على جرحها ورجعته محله ..كانت غارقة في النوم ماحست فيني .. لحفتها وطلعت من الغرف هوانا مستغرب من بكاها ومن اسم مشعل جلست على الكرسي محتار كيف اعالجها ..فكرت و فكرت فكرت لحد ماتعبت ..طلعت لعيادتي القريبة واخذت الاشياء للي احتاجها ورجعت بسرعه ..برد لندن مايرحم احد برد قارس ..دخلت البيت و حطيت الاغراض و فسخت بالطوي وجلست على الطاول وانا ابحث في طرق علاج لها تناسبها جديد بدت ابحث و ابحث و اكتب و اتعمق بالكتابه رفعت عيوني للساعه 2 الفجر غمضت عيوني وغرقت في نوم عميق بسبب التعب
ــــــــــــــــــــــــــــــــــــــــــــــــــ ــــــــــــــــــــــــــــــــــ
مشعل ..مشعل ..مشعل ..فتحت عيوني وانا اتمتم بهذي الكلمات ناظرت السقف وانا احاول اتذكر وش صار ..يمكن كنت في حالة لاوعي ..غمضت عيوني وفتحتها في شي غريب احسه اليوم .. احس اني في امان ..ما اعرف غرابة هالشعور ..لكن حسيت براحه من زمان ماحسيت فيها ..وقفت على رجولي وانا اتجهه للبلكونه فتحتها وتخللت لجسمي نسمات بارده ..اخذت بطانيتي الصغيره ولفيتها علي جلست اتامل البحيرة الصغيره اللي قدام البيت و بديت استوعب وين انا ..وش صار لي ..و الدكتور النفسي اللي برا ..ناظرت في الحيرة بعمق وانا اتذكر كل شي صار من يوم طلعت من البيت انا وابوي ..اخذت نفس عميق ..وانا احساسي اليوم غريب ما اعرف كيف ..ناظرت في البحيرة اللي ماكانت باينة مره الا ان نور القمر يعكس عليها …المنظر كئيب ..لكن صحاني من سرحاني صوت مريح للقلب فقدته من سنوات طويلة ..وقفت وانا ادور مصدر الصوت كان صوت الاذان فتحت الباب بشويش ورفعت عيني للجدار كانت ساعه الحرم ..مؤقته بتوقيت لندن الساعه ثنتين ونص الحين ..اذن الفجر ..طلعت من الغرفة وانا مرتاحه ..وقفت عند دربزين الدرج وانا اطل براسي مافيه مسافه كبيرة بين الدور الارضي و الدور العلوي شفته نايم على الطولة بشكل مضحك ضحكت على شكل الدكتور النفسي كأنه مذبوح نايم بين ورق كثير ماهو حاس بشي
رجعت على ورا شوي شوي ودخلت دورات المياة اتوضى طلعت من دورات المياة متجهه لغرفتي
وقفت عن باب غرفتي وانا اشوفه يرقى الدرج ووجهه ميان نوم سكرت باب غرفتي بسرعه ..ما ابيه بشوفني ولا يحس ..صليت الفجر و فتحت البلكونه بقوة ..رجعت لحالة الذكريات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
بيت ابو وليد
دخل وهو يلقي السلام على ابوه و حنان : السلام عليكم
ابو وليد وحنان : وعليكم السلام
قرب من ابوه وباس راسه : شلونك يبه
ابو وليد بهدوء : بخير
استغرب من ابوه ورجع جلس قباله قال وهو يناظره : فيك شي طال عمرك .. وجهك يقول ان عندك علم
ابو وليد ناظر فيه وهو يقول : مافيه شي
حنان : وليــ..
سكتت بعد ماحط ابو وليده يده على يدها
وليد يناظر فيهم : وش فيك يبه ..انت فيك شي اكيد
ابو وليد بزعل : وانت يهمك وش فيني
وقف وهو يناظر ابوه ب استغراب قرب منه وهو يقول : اكيد يهمني يبه وش هالكلام
لف عليه ابو وليد : اجلس مكانك واسمعي زين ..ان كانك تبغى رضاي صدق ..اسمع كلامي
عقد حواجبه وهو يقول : وانا عمري رديت لك علم ..أبشر وش تامرني فيه
ابو وليد : العرس
ناظر في ابوه : العرس
ابو وليد ب انفعال : ابيت تعرس ..لين متى وانت هذا حالك من ديرة ل ديرة تراك ولدك من خدامة لخدامه
وليد ب اعتراض : بس انت عارف يبوي انا عقب شهد مانيب معرس
ابو وليد بغضب : لا بتعرس ..موب عشانك لا والله عشان هالضعيف اللي جايني اليوم يقول ودني البقاله بشتري ماما…خاف الله يا وليد ولدك نفسيته ماتتحمل ..خاف الله يا ابوي ..كانك تبي رضاي اعرس ..وان كان يهمك امري صدق موب كذب ..أعرس
اثر فيه كلام ابوه الا انه مابيت قال يسكر الموضوع :ا ان شاءلله ان لقيت لي وحده مناسبه اعرست
ابو وليد باصرار على انهاء الموضوع : العروس عندنا ..ماله داعي تدور ..ولا لك عذر ..
وليد قرب من ابوه وباس يدينه : يا ابوي انـ..
ابو وليد بصدق : والله يا وليد ان ما اعرست اني زعلان
وقف يناظر ابوه بصدمه وقال بهدوء و حكمة في نفس الوقت : اعوذ بالله من زعلك يا ابوي و غضبك ..اللي تبيه بيصير ..انت تامر يا ابوي
ابتسم ابو وليد وهو عارف ان هذي بتصير رده فعل ولده المطيع
طلع من المجلس مستغرب و مصدوم تماما من ابوه صار له خمس سنوات من توفت شهد ولا مره اصر علي مثل هذا الاصرار
رقى فوق و توجهه لغرفة سالم الصغير دخل عليه لقاه جالس تحت مكتبه الصغير و لام نفسه
ناظر فيه وقال بصوت هادي : حبيب بابا ..سلومي تعال هنا
ناظر فيه سالم بعيون مليانه دموع و عتبانه و بلغه طفولية : ما ابي
قرب منه : ليش حبيبي ..انا بابا
نزل راسه بين رجوله وهو يبكي : ما ابي بابا ..ابي ماما
صدمته كلمة ولده ..في حياته كلها ما انصدم كثر ماصدمته كلمة ولده جلس على الارض وهو يناظر فيه ب استغراب ..سالم ما يعرف كلمة ماما اساسا ..ولا عمره في حياته عرف ان الطفل لازم له ماما ..كيف يقول هالكلام
ناظر للمربية بعصبيه وهو يقول : وش جاب طاري الام الحين
ناظرت فيه بخوف : لا حضرتك ..النهرده في المدرسة صاحبه حمودي ..كان يومه في الام الزائرة و مامته جت ..وبقوا العيال يقولوا ل سالم ..ان مالوش ام ..و بيضحكوا عليه ..وهو وقتها راح للاستاذه بتعته و سألها ايه يعني ام ومن وقتها وهو دا حاله
ناظر في ولده بحزن تنهد وهو يقول : سالم …تبي ماما
ناظر فيه سالم بحزن : ابي ماما
فتح يدينه وهو يقول : اذا جيت و حبيت بابا بجيب لك ماما
وقف سالم بسرعه واتجه ل ابوه وضمه وهو يقول بفرح : متى ماما متى
ابتسم وهو يضم
فكه سالم وهو يقول : بابا متى ماما
ناظر فيه ابوه وهو يقول : افتح يدينك
فتحها سالم
قال له : كم اصابعك سلومي
سالم بطفوله : كلهم مع رجلي
هز راسه : عشرة و عشرة
: يعني عشرين صح
هز راسه
: كل يوم قبل تنام افتح يدينك ورجلينك ..ونقص اصبع من اصابعك ..بعدها بتلقى ماما جت
يعني كذا رفع يددينه لولده وهو يفهمه : اليوم هذا الاصبع راح بكره هذا الاصبع بيروح بعده هذا الاصبع بيروح فهمت
هز راسه بفرح وهو يصارخ : ماما بتجي ..ماما بتجي
وقف و طلع من الغرفة متجهه لدور الارض دخل المجلس وهو يناظر حنان : منهي اللي بتخطبينها لي
ناظرت فيه ب استغراب : وش فيك
وليد : ولا شي ..بس اعرفها البنت هذي
حنان هزت راسها وهي تقول : البنت انا اعرفها من زمان ..بنت يتيمه ..عايشة في بيت عمها ..عند مرت عمها .. اخلاقها كويسة ..ومحترمه ..وفوق كل هذا جميلة
قال بجمود : مايهمني شكلها اللي يهمني اخلاقها ..
حنان : تطمن
وقف وهو يقول : خلينا بكرة نروح لهم
حنان بخوف وقفت : لاتروح انت ..أنا بخلص الامر
ناظر فيها ب استغراب بس ماحط في باله طلع من المجلس وباله كله مع ولده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
جالسة في غرفتها تحتري البنات يجون ناظرت شكلها في المراية لابسة بنطلون جينز وتيشيرت ابيض و رافعه شعرها كبه جلست بعد مارتبت غرفتها و زينت الجلسة اللي في غرفتها وبخرتها
دخلت سارة وهي تقول : السلاام …واحشتني
وقفت نور وهي تضمها : هلا والله ..طولتي وش فيك
جلست سارة وهي تقول : زحمة ..اول مره اشوف زحمة لهدرجة في حيكم
قالت وعيونها على الارض : عمي صالح و ذياب والعيال معزومين عند جيراننا عشان كذا زحمة صاير ..عزيمتهم كبيرة
سارة ناظرت فيها وقالت بجدية : نور .. شلون رضيتي ب سيف
ناظرت في سارة وهي تحاول تبتسم : وش بعد سيف زوجي من البداية
سارة : حتى ولو ..كنت تقولين مستحيل ترجعين له لو تقول القيامة
نور : يغير من حال ل حال
سارة : تلعبين على من
نور تحاول تبين لسارة انها هي اللي راضيه ما احد غيرها اجبرها : ولا احد ..انا راضية فيه من البداية ..بس كنت اقول كذا لاني عتبانه عليه ..كل شي تغير الحين
سارة : اكيد
نور ابتسمت : اكيد
وقفت سارة وهي تضمها وتقول بفرح : ياا عمري مرت اخوي والله ..يا فديت وجهك و وجهه زوجك والله
نور ابتسمت وهي تقول : فكيني خنقتيني ترا وراي عرس
فكتها سارة وهي تحط يدها على قلبها وتقول : ارتحت الحمدلله
نور تناظر فيها : اقول تقهوي بس
………..: سلاممم عليكم
ناظروا للباب : هلا والله ..
ريم ورشا : شلونكم
البنات : بخير
جلسوا على الارض ورشا تقول : امسكوا جبت لكم الحلا اللي تحبينه
نور : فديت وجهك
سارة ناظرت فيها : انا قايلة لها تجيب
نور : وانتي بععد
لفت نور على ريم وهي تقول : شلونك انتي شخبارك
ريم تمد رجولها : بخير الحمدلله
سارة : ليش ماداومتي اليوم
ريم بهدوء : ماعندي شي
سارة : ايوه عشان كذا …بناااات مادريتوا
البنات كلهم بفضول وش : نور بترجع لسيف
لفوا رشا وريم ل نور وهم يقولو : صدق
هزت راسها وهي تبتسم : ايه
ضمتها ريم : مبروك
رشا : مبروك نور
ريم : متى العرس طيب
نور : ما ادري والله ..شكلهم ماقرروا
سارة ناظرت فيهم : والله لا اجيب لكم العلم دقيقة
طلعت جوالها وهي تدق على سيف : الوو
سيف : الوو
سارة : هلا سيف ..وينك
سيف : معزوم عند ال محمد
سارة : اييه ..طيب سمعت سمعه كذا على الطاير يقولون انك بتتزوج
سيف ابتسم : ايييه ابشرك
سارة : الحمدلله ما بغيت تعرس صدق
سيف: ابشرك خطبت اليوم وجتني الموافقه اليوم بعد
سارة : متى الزواج طيب
سيف : احسبي من هنا لشهر ان شاءلله
سارة بفرح : مبرووك
سيف : الله يبارك فيك ..وينك انتي مريت غرفتك مالقيتك
سارة : انا عند الحب
سيف ب استغراب : من
سارة : النور
سيف سكت شوي وهو يقول : لا تتأخرين طيب
سكرت من سيف وهي تناظر نور الللي كان تفكيرها في صوته كلمة كلمة انجرحت في كلمته ( خطبت اليوم وجتني الموافقه اليوم بعد ) هزتها كلمته حست انها حقيرة لا اكثر لا اقول
صحها صوت سارة وهي تقول : عقب شهر عرسك ..والله و كبرنا و بنتزوج
ابتسمت بسخرية : من اربع سنوات متزوجه لا تنسين
سارة سكتت
وقفت رشا وهي تقول : نوري وين كيسي اللي خليته عندك
نور : تحت ..عند سيتا
رشا : سارة تعالي معي نجيبه
وقفت سارة وهي تقول : يالله
طلعوا البنات لفت نور على ريم وهي تقول : وش سالفتك انتي
هزت راسها ب ولا شي
ناظرت فيها وهي تقول : ضايعه عنك انا ..وش فيك
ريم : انخطبت
نور ابتسمت بفرح : امانه
ريم : والله
نور : طيب ليش حزينة ..وش فيك
ريم بهم : ضايق صدري
نور وكأنها فهمت : لا تقولين لي عبدالله
ريم لفت عليها وهي تقول : تذكرين للحين
نور عدلت جلسها وهي تقول : ريم ..عبدالله لا تتنظرينه يسوي شي ..اساسا اذا كان يعرف انك تحبينه ..لا تربطين نفسك بحلم انتي بعيده كلينا عنه ..ما اقول هالكلام عشان احطمك ..لا والله .. شوفي نصيبك وين ..واهم شي استخيري ..ابتسمت وهي تقول ..ربي كررريم كررريم فوق ماتتصورين ..و رحيم تتخيلين انه ارحم من الام على ولدها و تتخيلين ان الرحمه اللي في الارض هي رحمة وحده من 99 رحمة عند ربي
اكيد الامر فيه خيره لك ..صلي واستخيري و ارتحاي ان شاءلله ماصاير الا كل خير
ناظرت فيها ريم وفي عيونها دمعه : ما اقدر
نور : لهدرجة متعلقه فيه
ريم سكتت : ………
نور بصدق : لا تربطين نفسك برجال ..ماتدرين وش نهايته ..ماراح تتعبين الا نفسك والله
هزت راسها وهي تقول : صعب ..ما ادري كيف ب اعيش معه
نور ناظرت فيها : من هو اللي خبطك طيب
ريم بهدوء : ولد صديق ابوي
نور : اهدي وفكري ف الموضوع ب ايجابية ..الله يهدي بالك
ريم : امين يارب
دخلوا البنات
ورشا تقول : نووور ..حرام عليك هذا خايس
كانت رافعه فستان لونه برتقالي فاتح ساده
نور تناظر فيها : من جدك خايس ما ينلبس
سارة حاطه يد على خصرها ويد حاطتها على وجهها وهي تقول بملل : ماتفهم ما تفهم ..اقول لها كنك اثيوبيه فيه موب مصدقتني
لفت عليها رشا وهي تقول : حسبي الله عليك اثيوبية ..
سارة : لا وان لبستيه مع تانك اللي كنك محروقه صرتي صدق صدق كينيه
ريم : مجنونه وربي بتلبسين هذا
وقفت على السرير رشا وهي تقول : افهموا الله حسبي عليكم بلبسه يوم عزيمة دانه
نور تناظر فيها : مجنونه ..مجنونه رسمي والله
وقفت نور وهي قدام رشا : ارميه علي ..والله ماتلبسينه ..يا بنتي هاتي برجعه ماراح تلبسينه موب زين
رمت رشا وهي تقول بعبوس : وجع ان شاءلله دايم محطمينني
نور : اختاري شي سنع طيب
كملوا البنات سوالفهم وهي جالسين يفكرون وش بيسون في عرس نور
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
جالسة على درج البيت وهي تذاكر بهدوء
في وهي تناظرها من بعيد : ام قليب ..ما كله الكتب اكل
ضي بخوف : اخاف نفس كل مره تاخذ الاولى
في بشر : والله ماتاخذ الاولى اوريك فيها الحين
راحت في لامها وهي تقول :يمه يمهه .. سما جاله برا تدرس و الحوش كله تراب
فايزة : شوي وتنظفه خليها
ضي : يمه بتجيني اروى ما ابيها تشوف البيت وصخ
فايزة : اروى ..شلون امها
ضي : يمة موب وقتك خليها تنظفه يالله
فايزة بصوت عالي : سمااااااااااااااااااااااااااا ……سمممممممممممماااااااااا
لفت سما عليهم وهي تقول : نعم
فايزة : تكلمينني من هناك تعالي انسطري قدامي
وقفت سما واتجهت لهم وهي تقول : نعم
فايزة : نظفي الحوش الحين بيجون صديقات ضي
سما تناظر فيها : خليها هي تنظفه وش دخلني
فايزة وقفت وهي تقول : ترادد بنت الـ…
سما ناظرت فيها : لا تسبين امي و ابوي
فايزة : ادبيني احسن
سما سكتت وهي تناظر الارض بقهر :…
فايزة عناد فيها : اقولك شي ..نظفي الحوش ثم ارقي نظفي السطح ثم ادخلي غرف البنات ونظفيها
سما ناظرت فيها : بس عندي اختبارات الحين
فايزة بحقارة : وش رايكم يا بنات اخليها تروح ولا ماتروح الاختبار
سماء كانت تسمعهم بقهر :……
ضي : الاشكال ذي ما يدرسون يمه ..خليهم هنا ينظفون ويطبخون بس
لففت عليها سما وهي تقول : اشكالك والله ..فاشلة في كل شي وتتكلم
ضي بقهر : ولا كلمة ..طسي نظفي
سما بقلة حيلة : اذا نظفت بروح الاختبار بكرة
فايزة بكذب : ايه
سماء اتجهت للحوش وهي منقهره من فايزة وبناتها وتدعي من كل قلبها عليهم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
عند البنات
جالسين يتعشون قالت سارة : والله شهر شوي مابفى الا تسعه وعشرين يوم على عرسك
لفت عليها نور وكأن الخوف سكن قلبها قالت : لا تخوفينني
ريم : و شهر وش بتسوين فيها
نور بلا مبالاة : ماراح اسوي شي
لفت عليها رشا : وش ماراح تسوين شي
نور : وش تبينني اسوي
رشا : مدري تهتمين في عمرك تقضين لعمرك
نور بصدق : موب لازم
سارة : شلون موب لازم
نور : موب لازم
ريم : فهمنا موب لازم ..طيب فستان زواج
نور : ما ادري
سارة : فستانك وين الاول
نور بهدوء : حرقته
البنات بصدمة : حرقتيه
نور تكمل اكل : ايه
ريم : ولا يهمك نجيب جديد
نور :………….
رشا : منتي بصاحية رسمي
نور وهي تتمغط : ليتني موب صاحية
وقفت وهي تقول: من تبي قهوة تركية
سارة : انا
رشا : بطلع الحين انا ما يمديني
سارة لفت عليها : ايه صح ترى بروح معك سواقنا مع امي
رشا : طيب
ريم : و انا بعد رشا بطلع السايق عند ابوي ف الشركة
رشا : طيب يالله عشان بمر جرير نسيت اخذ منهم اغراض
سارة : خلينا نطلع الحين
رشا : بدق على السواق
دقت على السواق : بابو تعال بيت نور
بابو : انا في هايبر ..جيب اغراض ماما نورة
رشا : طيب متى بتجي
بابو : كلوا جامه ( جامة = زحمه ) ممكن اثنين ساعه
ناظرت ساعته سكرت جوالها وهي تدق على امها
رشا : هلا امي ..انتي راسله السواق
ام زياد : ايه راسلته يجيب مقاضينا
رشا : طيب انا عند نور ..ماعندي احد
ام زياد : عبدالله يجيبك تراه عند آل محمد
رشا : اوكي
سكرت من امها و اتصلت على عبدالله ياخذها
وقفت وهي تقول :يالله بنات السيارة تحت
نور : بنات ترى بطلب اون لاين اللي تبي تكلمي واتساب
رشا : اوكي على الواتساب نتكلم
نزلوا البنات بعد ماودعتهم نور
سارة وهي تقول : ماشاءلله غيرتوا سيارتكم
ريم : ايه كنها موب سيارة سواقهم
رشا ماتسمعهم : اركبوا
ريم تناظر رشا وين تركب : شوفي المجنونه ركبت قدام
سارة : لا تعالي هذا عمي ابوها
ركبت سارة وريم وهم يسلمون : السلام عليكم
عبدالله : وعليكم السلام
انقبض قلبها ..تشنجت يدينها ..صوته ..عبدالله
عبدالله بميانة : شلونكم بنات عمي ..عسااك بخير
سارة : هلا عبدالله شلونك انت ان شاءلله بخير
عبدالله : الحمدلله ..من الثانيه اللي معك
سارة : ريم بنت عمي ابو صالح
عبدالله : شلونك ريم
ريم :….بخير ..
كانت ترتجف ممن داخلها احساس غريب تملكها و كأنها تمسكت في حبل من الامل ..
رشا وهي تكلم ريم : سارة اللي تصبغ الشعر توها تكلمني تقول مايمديني هالشهر كله ..
سارة ب خيبة امل : امانه حاولي فيها
رشا : تقول فل الحجوزات عندي واصله كلها ..وعقبها على طول بتسافر لبنان
سارة : طيب وش نسوي
عبدالله بهبال : يمدحون مشغل اسمه رالين
سارة ب استعجاب: وش عرفك فيه
عبدالله ب هبال : صديقي صابغ عنده
رشا : آآآآآها صديقك
عبدالله : ايه صديقي يقول صبغهم يجنن شفته انا عجيب
سارة وهي فاهمة قصدة: عاد وش صابغ
عبدالله : زيتي غامق بعدين مدرج مفتوح كذا
رشا : قل لصديقك هذا لحاجة ماعاد يصبغون كذا ..وبعدين اسمه اومبيري
عبدالله : والله انه صاروخ
رشا : صاروخ ..طيب
كانت مستمعه للحديث بغرابة في نفسها وصدمة في نفس الوقت ..كلامه ..يدل على انه مافكر فيني اساسا ولا هميته ..غمضت عيوني وانا احس بطعنات في صدري ..كأني اختنقت ..
عبدالله : من اوصل اول سارة ولا رانيا
رشا : من رانيا
عبدالله : بنت عمي ابو صالح
رشا تناظر فيه : ريم ..ريم
صدمها ..تأكدت الحين انها ماقد طرت في باله … اساسا خليه ينطق اسمي زين ..ههههه والله البنات غبيات وساذجات
نزلت البيت وهي تحس بكتمه غير طبيعيه من غبائها
رقت فوق وجلست على السرير وهي تقنع نفسها : انتي اساسا ما حبيتيه ..اعجاب ..فقط اعجاب ..لا تؤفرين ..عادي مافيها شي ..خلاص واحد وراح لسبيله ..و انتبي بعد خلاص ريم ..خلاص
ــــــــــــــــــــــــــــــــــــــــــــــــــ ـــــــــــــــ
كانت تنظف الحوش وهي مقهورة من فايزة و حركاتها معاها ..مع ان كل هالليي عايشين فيه من خير ابوها الله يرحمه ..اخذت نفس وجلست على الكرسي ..وهي تفكر وش الشي اللي ممكن يفكها من العيشة مع فايزة وبناتها ابتسمت بسخرية وهي تقول : الموت بس هههههههه
سمعت صووت الباب وهو يطق اتجهت للباب وهي تقول : مين عند الباب
……: افتحي حبيبتي ..انا جاركم
فتحت الباب وهي تقول : حياك الله
ابتسمت حنان في وجهها وهي تقول : السلام عليكم
ناظرت فيها : وعليكم السلام
طالت النظر فيها حنان وهي تقول : انتي مين
ابتسمت سما : انا سما
حنان تسوي نفسها ماتعرفها : سما بنت فايزة
هزت راسها : لا انا بنت عمهم
حنان : ايه ..طيب حبيبتي نادي لي مرت عمك
: طيب تفضلي اول عشان اناديها
دخلتها سماء و راحت تنادي فايزة
دخلت فايزة وهي تجلس بدون ماتسلم : هلا ..مين
حنان بقهر بس مابينت : شلونك فايزة
فايزة ناظرت فيها ب استغراب : شلون عرفتيني …ما اعرف كانا
حنان : مذكوره لي ..
فايزة : من من
حنان : ام سلييمان
فايزة : ام سليمان الـ.. ايه وش بغيتي
حنان كانت قاهرتها فايزة و اسلوبها الوقح تماما قالت : الله يسلمك انتي مذكورة لي ..ان عندك بنت سلف او بنت حما في سن زواج ..وانا اليوم جاية بخطبها لك
تناظر فيها فايزة وهي حاطة رجل على رجل وفي فمها علك وتعلك بشكل مستفز وقليل ادب : ايه عندي بنت حماي و بناتي الثنتين ابرك منها ..ألا وش مواصفاته
ناظرت فيها حنان ب اشمئزاز من وقاحتها وقالت بكذب : اللي بخطب له ولد زوجي …عمره 49 سنة ..و عنده بزارين و حالته المادية موب ذاك الزود لكنه يفتح بيت ..و واحد من عياله معوق الله يكفينا الشر
فايزة ناظرت فيها : عنده بيت
حنان بكذذب : ايه عنده بيت صغير فيه غرفتين و حمام وصاله صغيرة تكفيه ..وش قلتي يا فايزة
فايزة : انتي جية لسماء صح
هزت حنان راسها : اه
فايزة ولا زالت تعلك : ايه ماعندي مشكلة انا .. بس ان عمها برا الممكلة وبيجي عقب اسبوع وبيجلس يومين ثم بيسافر سنتين ولا هو براجع
حنان بعجله : خلاص اجل اذا جا العم نتم العرس
فايزة : كم المهر
حنان : شوفي يا فايزة هو ضعيف بس انا بتوكل بكل اللي تبينه
فايزة وهي حاطة رجل على رجل وتعدد ب اصابعها و بوقاحة : طيب شوفي نبي مهرها 70 الف ريال .. تعرفين انها يتيمة ما نقدر ناكل حقها
حنان تناظرها وهي تتكلم شلون شكلها مستفز وتقول في خاطها شلون صابرها عليها يا سماا : كل اللي تامرين فيه بنسويه ..دامنا بنزوجهم الاسبوع الجي خلينا بكره ..نسوي التحاليل ..عشان تطلع قبل العرس
فايزة ب لامبالاة : طيب ..تعالوا بكرة خذوها انتم
تكلمت حنان معاها شوي وطلعت وهي مقهورة من فايزة وحركاتها
ركبت السيارة وهي تفكر ..ماصبرت على فايزة ساعه ..كيف صربتي عليها يا سما طول هالعمر ..سامحيني ..يمكن بالزواج اقدر اسامح نفسي لو شوي …
ــــــــــــــــــــــــــــــ
فايزة وهي تنادي سماا : مبروك يا الشينة جوك خطاطيب
سما تناظر فيها : خطاطيب وش
في و ضي : وش خطاطيبه يمه
فايزة : ابد جا لها واحد عمره 48 سنة يناسبها وبيعطونا 70 الف ريال مهرها
سماء تناظر فيها بعصبيه : وانتي بأمر من من تقررين عني
فايزة : من يوم ما امك راعية الـ….. نطلتك علي و خلتك في كبدي .
سماء بعصبية : كم مره قلت لك طاري امي لا تجيبينه على لسانك
فايزة : اسمعيني زين ..انا قررت و انتهينا بكره بياخذونك يسونلك التحاليل ..
سماء وقفت : مانيب متزوجه لو وش ماصار
فايزة : ان ماتزوجتني مافيه مدرسة ولا فيه اختبارات ولا فيه طلعه من البيت بتظلين جالسة ف البيت زي الخدم .. ههههههه ولا تنسين انك عايدة ثلاث سنين يعني ما اقدر اخليك تعيدن الرابعه و الخامسة والسادسه … و زود على هذا مصيرك كله بيصير في يدي ..بتضلين عندي طول عمرك
سماء : وانتي دايم كذا ..حسبي الله عليك يا فايزة
رقت فوق و عيونها مليانه دموع قهر و غصة في قلبها
جلست على السرير وانهارت بكا ما عاد تتحمل العيشة ..ماعاد تقدر تتحمل حياتها كذا ..حياتها كلها في كف فايزة تتصرف فيها زي ماتبغى
اخذت جوالها واتصلت برنا : الو
رنا : الو ..هلا بهالصوت
سما : شفتي وش سوت فيني فايزة رنا
رنا بخوف : وش فيك ..وش سوت
سما ب انهيار : بتزوجني شايب
رنا : سماء انتي تسمعين اهدي اهدي
سما بصياح : ما عاد اقدر اتحمل حياتي ….ما عاد اتحمل والله ما اتحمل …
رنا : اهدي عشان اعرف اكملك زين
سما :………….
رنا بهدوء : يمكن خيرة لك
سما : أي خيرة في واحد عمره 50 سنة
رنا بسرعه : استغفري ربك ما يجوز سما مايجوز
سما تبكي : استغفرا لله
رنا : انتي ماتدرين وش تخبي هلك الايام ..يمكن هالزوج يصير لك احن من فايزة بمليون مره ..يمكن يصير لك جنة الارض ..يمكن تعيشين سعيدة ..تأكدي ان ربي ما اختار لك هذا الزوج الا لان فيه خير لك
سما سكتت : بس انا ما ابغى اتزوج
رنا : الحين عندك طريقين مفتوحين لك طريق مجهول انتي بتكتشفينه ب نفسك يمكن يوديك ل حديقة كبيرة مليانه ورود وجمال الدنيا فيها و هو زوجك و طريق ثاني طول عمرك مشيتي فيه .. و اذا عاندتي بتظلين تمشين فيه ..للابد وممكن وانتي تمشين تتعثرين وتطيحين في وادي كبير ما احد يقدر يساعدك وينقذك فيه ..اذا فات الفوت ماينفع الصوت
كأن كلام رنا اقنعها و ريحها استرخت على السرير وهي تفكر وش بيصير ..وش مخبيه لها الايام ..
ــــــــــــــــــــــــــــــــــــــــــــــــــ ــــــــــــــ
دخلت البيت بعد ما تأكدت من موافقة فايزة
دخلت وهي تشوف زوجها ابو وليد جالسة عند نافورة الموية و بدأ بالعلاج الطبيعي
جلست قدامة وهي تقول ك ابشرك
رفع راسه لها : الله يبشرك بالجنه ..وش بتبشريني فيه
حنان برضا : جبت لكم وافقه البنت ..بس الحين دورك تقنع وليد يروح بكره يسوي التحاليل ..لان عمها بيجي عقب اسبوع ثم بيجلس يومين تالي بيرجع ل مكان شغله موب جاي الا عقب سنتين
ابتسم ابو وليد وهو يقول : الذيب عند طارية
وليد باس راس ابوه : وش فيكم
حنان : اليوم رحت وكلمت اهل البنت وجبت لك الموافقه على العرس
سكت وهو يناظرها
لف عليه ابوه وهو يقول : بكره ان شاءلله بتروحون تسون التحاليل
وليد يضيع السالفه : عندي شغل مهم بكره
ابو وليد : شغلك يتأجل لو اضطريت انا اروح اخلص شغلك لك ..بس لازم تروح بكره
وليد هز راسه : ان شاءلله
هز راسه ابو وليد برضا وهو يقول : اركد يا وليد و اهجد
وليد جلس وهو ينادي الخدامة : وين سالم
الخدامة : فوق
وليد : روحي نادية
الخدامة : اوكي
ابو وليد : وش تبي ب سالم
وليد وهو يرجع نفسه على ورا ب استرخاء : ب امشيه شوي
ابو وليد :……………..
نزل وليد وهو يركض لابوه ويقول : بابا ..راح خمسة باقي شوية
ابتسم لولده : طيب يابابا
حنان : وش الخمسة
سالم بطفول : بابا يقول كل يوم احسب اصبع من اصابع يدك وبعد رجلك اذا خلصت ماما بتجي
حنان ابتسمت وهي عارفة ان وليد حاس بولده وهو الوحيد اللي جابرة على الزواج
وقف وهو يقول: يالله يا بابا نروح
هز راسه سالم بالرفض : لا لا بابا ..اذا جت ماما نروح كلنا
وليد : تعال نطلع الحين
رجع وليد على ورا : لا ما ابي ..بروح مع ماما
جلس وليد وحيلة مهدود من الشغل والتعب وهو يكلم حنان : وش صار اليوم
حنان تسرد عليه اللي صار بينها وبين فايزة
ابو وليد : ضعيفة هالبنية ..الله ياجرك ياوليد فيها
وليد : امين
حنان : المهم ان بكرة ان شاءلله التحاليلل ويوم الخميس اكتب عليها
وليد هز راسه : على خير ..وقف وهو يوقل : بطلع اكمل شغلي الحين
حنان و ابو وليد : بحفظ الله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
جالس في حديقة بيته الصغيرة وهو يفكر فيها مر اسبوع ونص ما طلعت او حتى سمعت لها صوت وقفت وانا لازم اتخذت الخطوة الاولى معاها …و اعودها علي ..عشان تطلع من جوها الكئيب اللي هي فيه
رقيت الدور الثاني و قفت قدام غرفتها و انا متراجع شوي لكن لازم اسوي هذا الشي طقت الباب وجاني ردها
شوق : مين
محمد بهدوء : انا محمد
وقفت بسرعه ما ادري هل هو خوف او توتر قلت بسرعه : وش تبي
محمد : ولا شي ما شفتك طول الاسبوع اللي فات قلت اتطمن عليك
شوق : انا بخير
محمد : طيب اطلعي شوي اجلسي معي
شوق بخوف : موب لازم
محمد و كأنه عرف وش تفكر قال بجد : شوق ..لو افكر اسوي شي سويته من زمان انتي موجوده هنا من اسبوعين ..صدقيني انا نيتي سليمه ..و لو تبين احلف لك على القرآن حلفت
فتحت الباب وهي تناظر فيه : اسفه ما كان قصدي
ابتسمت : ولا يهمك …تنزلين نتمشى شوي
تفك الحجاب
نزلت وطلعنا للحديقة جلست على الكرسي وجلست قدام قلت لها : وش رايك نسوي صفقه ..وهذي الصفقه انتي الربحانه فيها
ناظرتني ب استفهام : شوفي ..انا عارف انك خايفة مني ..ف عشان كذا
وقف وهو يقول : انتظري دقيقة واجي
اختفى عن انظاري وانا اشوفه يدخل وش وراه ..وش يبغى يسوي ..وجهه مريح ..لكن الرجال بصفه عامه ما يريحون تثاقلت الجلسة معه وقفت بادخل شفته جاي وهو متوضي وفيده مصحف رجعت جلست وانا اسمعه يتكلم
محمد : المصحف قدامك ..و الحلف على المصحف شي عظيم ..انا الحين بحلف قدامك ما اتعرض لك بدون رغبة منك ..ولا اضايقك ب أي شأن من شؤونك بالمقابل ترتاحين في البيت و تعتبريه كأنه بيتك وتعتبرينني اخو او صديقك اذا انتي حابه
صدمني شكله وهو متوضي ومعه المصحف كل هالكلام و هالاشياء عشان يريحني من همه هزيت راسي وانا اقول : طيب
فتح المصحف وهو يقول لي بضحكه : احفظي القسم ..ولا سجليه صوت
ابتسمت وانا اسمعه يقول : اقسم بالله العظيم ..ما اتعرض لك بدون رغبة منك بشيء سيء ولا شي خيّر ابد
سكر المصحف وهو يقول : وشش رايك ..انه لقسم عظيم
ناظرت فيه بغرابه وقلت : مشكور
وقف وهو يقول : اجل يالله نطلع
شوق : وين
محمد : نتمشى
هزيت كتوفي : يالله
طلعت معه وانا احس براحه من بعد قسمه ..وحسيت انه مرتاح تماما من بعد القسم
- لقراءة الفصل التالي:اضغط هنا
- لقراءة باقي حلقات الرواية اضغط على ( لو تعرفين وش يعني قهر الرجآل ما ابتسم ثغرك لـغيري رجل )