رواية الحب اقوى من كل شيء الفصل الثالث 3 بقلم رحمة محمد
رواية الحب اقوى من كل شيء الفصل الثالث 3 بقلم رحمة محمد
رواية الحب اقوى من كل شيء البارت الثالث
رواية الحب اقوى من كل شيء الجزء الثالث
رواية الحب اقوى من كل شيء الحلقة الثالثة
اتكلم بعصبيه
مش هتتجوزيه والله انو اول واحد يجي يطلب ايدك هجوزهولك عشان تهربي كويس
اتكلمت بصدمه
اي لا انا مش هتجوز حد غير يوسف بحبه
ليلي يابنتي ده مش شكلك
مسكت دماغها
ااااه علي تفكير المجتمع الغبي يعني اي مش شبهي ده هو احسن ده خلقه ربنا ليه لازم نتنمر وننتقد الناس ونحسسهم انهم اقل مننا واوحش مننا
ليلي ادخلي اوضتك
اتكلمت بعياط
حاضر يابابا بس صدقني انك النهارده خسرتني
اتنهد بزعل
تعالي ياليلي
ليه عشان تضربني عشان بحب شخص ابن حلال شخص راجل بجد مرضاش يهرب قالي انا عوزك تكوني مراتي قدام الناس كلها وعاوز ابوكي يرضي عنك وعني ويكون مجوزك ليا برضاه
لا ياليلي انتي عارفه انك بنتي وحبيبتي وكل حاجه بعد موت امك انا عمري مامديت ايدي عليكي بس انك تنزلي في نص الليل ده غلط وكمان عاوزه تهربي
انا خايف عليكي من كلام الناس وخايف علي عيالك
الناس، الناس دول السبب فكل حاجه انا مليش دعوه بحد انا اللي هتجوز انا اللي هعيش معاه انا اللي هيكون عندي عيال منه انا لو عيالي كانوا شكلهم زي ابوهم قمر انا مش هعترض عارف ليه لاني بحبه هو احسن واحد في الدنيا في نظري والله يابابا انك لو قولتلي اق، تلي نفسك عشانه هق، تل نفسي
عينه دمعت
ياااه للدرجه ديه بتحبيه
واكتر كمان لاني لما حبيته حبيته عشانه هو مش عشان شكله ولا مثلا فلوسه ولا مكانته بين الناس انا حبيته بقلبي
وعمري مافكرت فيه انه مينفعنيش لو سمحت يابابا متقفش في وش سعادتي انا اختارته وهو شاريني
بس يابنتي
بصتله بدموع
ونبي
اتنهد
اللي واعلم هو عمل اي عشان بتحبيه كده ماشي ياليلي خليه يجي بكره مع اهله ويطلبوا ايدك
بحبك اوي بجد يابابا
ضحك
ااه عشان وافقت علي سي يوسف تقوليلي بحبك اوي يابابا
اااه انا اللي هضطر اصوم تلت ايام
ضحك ومسحت دموعها
الصيام مفيد ياحج انا ممكن اكلمه اقوله دلوقتي لحسن فرحانه مو، ت
خليه الصبح بقي عشان الواد ينام
حاضر
تصبح علي خير
في الصباح
الو يايوسف
الو ياليلي عامله اية
ابوكي عملك حاجه
اتكلمت بفرحه
يوسف بابا وافق اننا نتجوز
اتكلم بفرحه ممزوجه بقلق
بجد انتي بتهزري
لا والله هات انكل وانكله وتعالوا اطلبوا ايدي
نص ساعه ونكون عندك ياليلولي
جيه فعلا بعد شويه وقت وطلبوا ايدي ومرت فتره الخطوبه وبابا حبه
احساسك اي وبكره كتب الكتاب والفرح
اتكلم بفرحه و حب
فرحان اوي حاسس اني خلاص من اول بكره هبدا اعيش واتنفس براحه
اتنهدت براحه
احساس بجد مش قادر اوصفه
شكرا ياليلي بجد انك عمرك ماحسستيني اني مختلف او جرحتيني بالكلام بالعكس مش بشوف منك غير نظره الحب انا اوعدك اني هفضل معاكي وهقدملك كل الحب وعمري ماهزعلك
اولا انت مش مختلف بالعكس انت مميز جدا انت من اجمل خلق الله متهتمش بكلام الناس، الناس ديما بتلت وبتعجن
والله انه لو العالم كله وقف وقالي مش هتتجوزي يوسف لهتجوزك لو هقولك عشان حبي ميهمنيش الناس كلها وحبنا اقوي من كل شئ بوص في عيوني هتلاقي الحب كله فيهم
انا اجنحتي مش سيعاني من الفرحه
اااه ماذا فعلت بي لكي احبك كل هذا الحب ياسي يوسف
ضحك
معرفش والله ياليلولي ربنا زارع حبك ليا في قلبك وزارع حبي ليكي في قلبي انا الحمدلله بحمد ربنا في كل صلاه عليكي
…………….. في كتب الكتاب
كانوا بيرقصوا
اتكلم يوسف باستغراب
هو الناس بتبوصلي كده ليه
وجهت عيونه ليها
ملكش دعوه بنظره الناس بوص في عيوني وانسي العالم كله
بصلها وعيونه مليانه حب
انتي اعظم انتصاراتي
«تمت»
لقراءة باقي حلقات الرواية اضغط على : (رواية الحب اقوى من كل شيء)