رواية تسنيم وحمزة الفصل الثاني 2 بقلم ندى أبواليزيد

رواية تسنيم وحمزة الفصل الثاني 2 بقلم ندى أبواليزيد

رواية تسنيم وحمزة البارت الثاني

رواية تسنيم وحمزة الجزء الثاني

رواية تسنيم وحمزة الحلقة الثانية

الأب : فى عريس متقدملك وانا موافق عليه…
تسنيم بصدمه : ازاى يا بابا
الأب : هو ايه إلى ازاى بقولك فيه عريس كلمنى وانا حددت معاه معاد وبكره بإذن الله هيجى
تسنيم : بابا انت عارف رأيى فى الموضوع ده
الأب : حبيبتى انا شايف إنه إنسان كويس اقعدى معاه ارتاحتى كان بها مرتاحتيش خلاص بلاش انتى عارفه انا عمرى ما اغصبك على حاجه لا انتى ولا اختك…
تسنيم بقله حيله : حاضر يا بابا
الأب : ربنا يهديكى يا بنتى ويصلح حالك
يلا نشوف الأكل إلى زمان اختك خلصته
تسنيم بضحك : يلا
☆☆☆♡♡♡♡☆☆☆
خلصوا أكل وتسنيم دخلت اوضتها وقامت بأداء صلاتها
تسنيم : يارب ريح قلبى انا مش هقدر ادى قلبى لحد تانى غير حمزه يارب انا بعدت عنه عشان أنول رضاك يارب اغفر لى وسامحنى على كل فعل انا عملته وحقق لى ما أتمنى يارب العالمين

انتهت تسنيم وخدت حجابها وطلعت فى البلكونه مع كوبايه النسكافيه بتاعتها
سمعت قراءه قرأن بصوت عذب فى الجامع القريب من بيتها صوت ريح قلبها بجد كان جميل اووى
فضلت تستمع ليه لحد ما الصلاه خلصت ورجع باباها
تسنيم : بابا صوت مين إلى كان بيقيم صلاه العشاء
الأب : اه ده صوت الإمام الجديد شاب بسم الله ما شاء الله أخلاق وعلم ربنا يحفظه لأهله
ما هو ده الشاب إلى طالب ايديكى منى وجاى بكره
تسنيم : ها
الأب : ها ايه مالك يا تسنيم
تسنيم : لا ابدا يا بابا مفيش حاجه انا بس مكنتش أعرف
الأب : المهم هو جاى بكره بعد صلاه العشاء جهزوا نفسكم
تسنيم : حاضر يا بابا
دخلت تسنيم اوضتها وقلبها بيدق جامد مش عارفه ايه السبب
حطت ايديها على قلبها يارب يكون خير
قعدت تذاكر شويه وصليت قيام الليل ونامت عشان تصحى لصلاه الفجر
☆☆☆♡♡♡♡☆☆☆
صحيت تسنيم قبل الفجر بشويه وطلعت البلكونه تشم شويه هوا لحد ما الفجر يأذن
الله أكبر الله أكبر

سمعت نفس صوت الشاب تانى وقد ايه صوته فيه راحه نفسيه هى حاسه إنها مبسوطه من جواها بس مش عارفه ايه سر السعاده دى بس كانت بتقول لنفسها ده أكيد بس عشان صوته جميل
قامت تسنيم تصلى الفجر وبعد ما سبحت ربنا وقرأت ورد القرأن بتاعها نامت عشان بكره يوم طويل عليها
الأم : يلا يا تسنيم اصحى يا حبيبتى احنا بقينا الضهر
تسنيم : صباح الخير يا ماما
الأم : صباح الخير يا قلب ماما يلا صحصحى كده يا حبيبتى على ما اروح اصحى الغيبوبه التانيه
تسنيم بضحك : حاضر
الأم : إيمان
إيمان : واى واى واى
الأم : بت يا إيمان
لا رد
الأم : إيماااااااان انتى يا بت إيماااااان
إيمان : ايه فى ايه حريقه يالهوووووى
الأم : اييييه غيبوبه بقالى ساعه بصحى فيكى
إيمان : يا ماما ما انا صاحيه اهو
الأم : اه ما هو واضح يلا قومى ورايا عندنا شغل كتير
إيمان بنوم : حاضر وراكى

واى واى واى واى
الأم : خمس دقائ….
انتى نمتى تانى وهوبا شبشب الأم المصريه على إيمان
إيمان : خلاص يا ماما والله قومت
الأم : ايوه كده يلا
بدأت إيمان وتسنيم ووالدتهم فى تجهيز الشقه والحلويات للضيوف
دخلت تسنيم عشان تلبس وتجهز نفسها
لبست دريس اسود بسيط عليه خمار لونه زيتى على كوتشى أبيض محطتش ميكب خالص كانت جميله اووى
الأم : ذى القمر يا حبيبتى ربنا يحرسك من العين يلا اطلعى قدمى الحاجه الساقعه
إيمان : ايوه يا عروسه ايه الحلاوه دى
تسنيم : أنا متوتره اووى يا إيمان مش عارفه ليه
إيمان : اهدى يا قلبى مفيش حاجه تستاهل التوتر ده كله يلا ادخلى
☆☆☆♡♡♡♡☆☆☆
دخلت تسنيم سلمت على والدته وألقت التحيه على والده من بعيد وقعدت جمب والدها
وطبعا لازم نسمع الجمله المشهوره طب نسيب العرسان لوحدهم شويه
تسنيم قاعده هتموت من الكسوف ده غير انها مرفعتش عنيها عليه من ساعت ما قعدت
…حلوه السجاده صح
تسنيم فى نفسها الصوت ده مش غريب عليا
…تسنيم
تسنيم رفعت رأسها وووو…….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية تسنيم وحمزة)