رواية والقاسية قلوبهم ( كريم ونور )  الفصل الثالث 3 بقلم ناهد خالد

رواية والقاسية قلوبهم ( كريم ونور )  الفصل الثالث 3 قلم ناهد خالد

رواية والقاسية قلوبهم ( كريم ونور )  البارت الثالث

رواية والقاسية قلوبهم ( كريم ونور )  الجزء الثالث

رواية والقاسية قلوبهم ( كريم ونور )  الحلقة الثالثة

ردها علي كلام حماتي صدمني لما قالت :
_اي لا طبعاً، انتي عاوزه تفهميني اني لما اخلف هتشغل عن نفسي، وابقي زي نور، بصراحه يا نور انا معرفش انتي ازاي مهمله في نفسك كده كمان وزنك زاد اووي وده غلط بوظ شكلك خاالص.
انا كنت ساكته من الاول رغم اني عارفه انها قصدها عليا، بس قولت هعمل نفسي مش واخدة بالي، لكن لما قالت ده مع دخول كريم واخوه مكنش ينفع اسكت.
_زي ما حماتي قالت، بكره لما تخلفي هتشوفي، وهنشوف هتفضلي مهتمه بنفسك كده ولا غصب عنك هتتغيري حتي لو بسيط، كمان انا جسمي حلو، وعاجبني، وبلاش تقارني نفسك بيا عشان متتعبيش.
_انا اقارن نفسي بيكي، لا طبعا انا عمري ما اقارن نفسي بحد ويوم ما اقارن لازم يكون الحد ده احلي مني.
_قصدك اي؟

_متزعليش يا نور، بس احنا من صغرنا كل الناس بتقول اني احلي منك، ودي حقيقه متقدريش تنكريها، فبناء علي كده مينفعش اقارن نفسي بيكي.
وقفت والعصبيه اتمكنت مني، مش هقدر اسكت اكتر من كده وخصوصا ان الكل بقى متابع الموقف:
_انتي شايفه نفسك علي اي ها!، مش كل حاجه جمال الوش بس علي فكره، ياما كتير حلوين من بره بس بشعين من جوه.
وقفت هي كمان وهي بتقول بعصبيه:
_قصدك اي! اني بشعه من جوه؟
_دلوقتي اتعصبتي، مانتي من وقت ما قعدنا وانتي بتقولي كلام يحرق الدم، ولا حلال ليكي وحرام عليا!.
_انا مبقولش غير الحقيقه اللي الكل شايفها.
_تمام ودي كمان الحقيقه.
_ لا يا حبيبتي، الحقيقه اللي بقولها الكل شايفها، لكن الحقيقه بتاعتك دي محدش شايفها اصلا غير عقلك المريض.
_عقلي انا المريض! بعدين انتي مال اهلك تخنت ولا مهمله في نفسي انتي مالك!
_شروق خلاص كفايه كده.
قالها كريم بحده.
بصيت له بصدمة وقلتله:
_كفاية! انا الي كفايه ياكريم! انت مش سامعها.
قالت بكل برود:

_عموماً بكره تشوفيني لما احمل واولد، وتلاقيني برضو احلي منك، ومبقتش عامله زيك، رغم اني مهما اهمل في نفسي برضو هفضل احلي، اصل القالب غالب بقي.
_انتي فاكره بالحقد اللي جواكي ده، ربنا هيناولهالك، انضفي وصفي نيتك الأول عشان ربنا يكرمك.
_انتي بتعايرني، بتعايرني عشان داخله علي سنه ومخلفتش!
بصيت لها بصدمه انا عمرى ما قصدت اعيارها، هي بس استفزتني، لكن عمري ما اقدر أعاير حد وانا قاصده.
فوقت من صدمتي على كلامها :
_انتي طول عمرك حقوده وبتحقدي عليا، وانا عارفه، بس توصل انك تعايريني!، ده انا حتي اختك، ولا اقول اي من طول عمرك اصلك واطي، مبتعمليش حساب لعشره، وبصراحة كريم صعبان عليا، طيب وكان يستاهل واحده احسن منك الف مره.
محسيتش بنفسي غير وانا بضربها بالقلم، قلم تستاهله.
_عشان تعرفي تكلمي اختك الكبيرة ازاي.
قرب كريم مني وهو بيبعدني عنها بعصبيه:
_انتي اتجننتي! انتي ازاي تضربيها قدامنا كده، مش عامله لحد حساب.
_دي اختي وانا الكبيرة وغلطت فيا ولا انت مش سامع، اسكتلها؟
_اختك دي في بيتكوا لكن هنا انتي زيك زيها، مش من حق واحدة فيكوا تمد ايدها علي التانيه.
_لا حقي، مادام كلكوا واقفين وسايبنها براحتها، وجايين عليا، يبقي حقي.
_وطي صوتك واخرسي بقي.

_لا مش هوطي صوتي، أنت بتزعقلي عشانها! بدل ما تقولها عيب اكبر منك ميصحش اللي بتقوليه، دي هي الي بدأت.
_قولتلك وطي صوتك احسنلك.
سمعت صوتها بيقول :
_انتي بتضربيني انا! طب والله لأقول لبابا واخليه يعرفك قيمتك يازباله.
_انا زباله ياقليله الأدب ياللي مش متربيه، بتشتمي اختك الكبيره يا حيوانه.
_بس يا نور قولت.
صرخت في وشه :
_هو مفيش غير زفت، متشوفها بتقول اي، ولا متقدرش علي الحمار تتشطر علي البردعه.
وكان ردة عليا قلم، قلم ضربة ليا قدامها وكأنه بيردلها اعتبرها، و بيعلقوا علي شماعة “مكنش ينفع تردي وانا واقف، كنتي اعملي لي حساب” وانا مين عملي حساب!
((باك)). بقلمي ناهد خالد…
___________________

كريم*

طلعت لاخويا فوق وخبطت علي باب الشقه بعد ما رجعت من توصيل نور وولادي لبيت اهلها…
_كريم تعالي ادخل..
دخلت وانا بحاول اتحكم في اعصابي علي قد ما اقدر…
_فين شروق يا حسن” اخو كريم ”
_شروق في المطبخ لي؟
بصتله باستنكار وقلت:
_لي؟ هو انت مكنتش حاضر اللي حصل من شويه!!
_ايوه وانت اتصرفت..
بصتله بعصبيه وقلتله:
_اتصرفت! لا انا متصرفتش انا جيت علي مراتي رغم ان مراتك كانت غلطانه اكتر منها بس للاسف شوفتك واقف تتفرج ومنطقتش بحرف حتي تقول لمراتك عيب، لو مكنتش غلط مراتي وعملت اللي عملته كانوا مسكوا في بعض واحنا واقفين نتفرج… بسبب سكوتك خلتني اتعصب علي مراتي واضربها رغم ان القلم اللي مراتك خدته كانت تستاهله، والمفروض ان القلم اللي ضربته لمراتي كان ييجي منك انت لمراتك اللي مش عملالك اعتبار وانت واقف. عامل نفسك مش موجود…
رد بتوتر :
_ك… كريم انا…
_انت اي! انت متقدرش اصلا تغلطها ولا تزعقلها لأنك عارف كويس انها مش هتسكتلك… عشان دي مبتحترمش حد، ورغم انها هي ونور اخوات بس شتان بينهم….
خرجت هي علي كلامه فقالت :

_يعني اي مبحترمش حد ياكريم! يعني انا مش محترمه!
_والله كل واحد أدري بنفسه.
_هو أنت جاي تغلط فيا في بيتي!
_لا انا جاي أعرفكوا ان مراتي مغلطتش هي كانت بترد علي غلطك، بس انا المره دي جيت عليها عشان جوزك متصرفش معاكي وانا مليش اني اوقفك عند حدك، بس المره الجايه انا مش هاجي علي مراتي تاني عشان حد، ولو انت مقدرتش تسكت مراتك متزعلش من رد فعلي.
ردت بعصبيه:
_يعني اي يعني هتضربني ياسي كريم…
بص لأخوه وهو بيقول :
_لو جوزك معملهاش هعملها…. ولا هنسيبك زي التور الهايج كده…
_انا طور هايج سامع اخوك بيقول يا حسن…
_خلاص ياشروق مانتي غلطانه برضو…
_حلاص ياشروق مانتي غلطانه برضو… ده اللي ربنا قدرك عليه… انا نفسي افهم هو انتي بتكرهي اختك بجد! مفيش حد يعمل اللي بتعمليه ده! انت جواكي كمية حقد لها مش طبيعيه…

_انا! انا هحقد عليها لي أن شاء الله، عندها اي مش عندي..
_والله اسألي نفسك… بس بالنسبه ل عندها اي مش عندك.. فهي عندها كتير مش عندك.. عندها قلب صافي ونضيف مبيعرفش يحقد ولا يغل، عندها احترام لغيرها، عندها حب للي حواليها…. عندها حاجات كتير مش عندك.. واللي يقول انك احسن منها يبقي اعمي…
خلص كلامه وسابهم ومشي….
_شوفت اخوك ب…
_اسكتي بقي مش كفايه مخليه شكلي زفت قدامهم، اسمعي ياشروق شيلي نور من دماغك وبلاش الغيره اللي جواكي ليها من لما كنتوا صغيرين تأثر علي علاقتكم دلوقتي اعتقد انك كبيره كفايه عشان تبطلي التفكير التافه ده…
سابها ودخل الاوضه وهي بتخبط رجليها في الارض بعصبيه :
_كله بيدافع عن ست زفت وشايفنها ملاك…..
__________________

_اي ياكريم في حاجه.
_ابدا قلت اجي انام معاكي النهارده اونسك..
قالها بمرح مصطنع…
_كريم مش عليا الكلام ده… انت مش عارف تنام في الشقه ومراتك وعيالك مش فيها صح..
اتنهد بحزن وقال :
_من يوم ما اتجوزنا ومفيش يوم باتت فيه بره شقتنا.. حاسس الشقه غريبه من غيرهم وكئيبه..
_معلش ياحبيبي مش انت قولت يومين ويرجعوا..
_حاسس ان نور هطول.. المره دي زعلانه مني بجد والدليل علي كده انها اول مره تسيب البيت…
_انت اي اللي خلاك بس تضربها…
_غصب عني اتعصبت اني عمال اسكتها وهي مش عمالالي اعتبار ومش عاوزه تسكت.. معرفش اصلا انا عملت ده ازاي..
_ان شاء الله خير وهم يومين وتروق وترجع..
_يارب يا آمي….

يتبع …

لقراءة الفصل التالي : اضغط هنا 

لقراءة جميع فصول الرواية اضغط على ( رواية والقاسية قلوبهم ( كريم ونور )  )