رواية سيقان في الوحل الفصل الرابع والثلاثون 34 بقلم منه محمد

رواية سيقان في الوحل الفصل الرابع والثلاثون 34 بقلم منه محمد

رواية سيقان في الوحل البارت الرابع والثلاثون

رواية سيقان في الوحل الجزء الرابع والثلاثون

رواية سيقان في الوحل الحلقة الرابعة والثلاثون

البارت 34
#سيفان_في_الوحل
منه محمد
نيره مسكت ايده واخدها ونزلوا الجراش
وليد: انتي اكيد جعانه
نيره بتهز ايده وكأنها طفله ريحه محل للحلويات:كنت شبعانه بس طالما هاكل مع نصي التاني جعت خالص
وليد ابتسم علي حماسها البريء الفطري الرائع : تحبي تاكلي ايه
نيره ابتسمت ابتسامه واسعه : اي حاجه تكون ع ذوق حبيبي
وليد حاوط وسطها وغمزلها بشقاوه :حياتي انتي
لقوا اتنين طلعوا عليهم من العدم وثبتوهم وحطوا مسدس فوق دماغ نيره ومسدس في جنب وليد : امشي معايا براحه من غير شوشره ومتعملش صوت والا هموتهالك( اتكلم في الفون) الامر تم يبشا
وليد فضل ماشي بضهره وعيونه ع نيره لحد ما وقفت عربيه احدث موديل ونزل منها ادمن ووزع نظرة عليهم تحمل كل انواع الشر وابتسامة لا تليق الابشيطان رجيم وهنا ظهر جلال
ادمن بتفاجئ: جلال

جلال قرب ورفع المسدس في وششهم و ضرب الي كان ماسك نيره بطلقه في رجله ووليد طير المسدس من ايد التاني واخد نيره وجري بيها خباها وري جسم عربيه وهي كتبت رساله لفهمي بصوابع بتترعش وجلال ضرب واحد منهم وحصلت بينهم مهوشات والمناورات جلال لمح ادمن بيركب العربيه عشان يلحق يهرب جري وراه وفتح الباب ادمن رفسه في كتفه بالجزمه طيره والاتنين وقفوا وواجهه المسدسات لبعض ادمن ضرب طلقه جلال اتحرك ثانيه جات في الحيط وهكذا جلال طلقته صابت عربيه ادمن لما اتحرك بسرعه
جلال بحدة وعصبية: انت شيطان
ادمن بعصبيه :وانت زي متفرقش عني
جلال من قلب محروق :بس عرفت الندم
ادمن بستهزاء واحتقار : الندم امال طول السنين دي كنت مخبيه ليه

وبسرعه البرق ضرب ايد جلال المسدس وقع ادمن نخ واخده و هجم علي جلال وشده وفضل يخبط دماغه في الحيط كذا مره ومسك المسدس يضربه يقضي عليه جلال جمع قوته ومسك مقدمه المسدس يمنعه وفضلوا في حاله بين شد وجذب والبقاء للاقوي والمنتصر والفايز ادمن ضرب جلال ووقعه علارض وحاول يوجهه المسدس في قلبه عشان يضرب ضربته ويخلص لكن جلال عافر بكل قوته وقدر يشقلب ادمن تحته وطلع فوقيه اما عند وليد الراجل اتغلب عليه وضربه كذا مره باللكمه في وشه لحد ما نزل دم من شفايفه وضربه في جنبه كذا مره نيره لما شافت خلاص ضربه كمان وتنتهي حياه وليد للابد قلبهارقع بالخوف ومسكت ماسوره وقبل ما يضرب وليد القاضيه هبدته بيها ع دماغه ووقع وقبل ما يقع وليد ضربه بوكس انتقام وقام كمل عليه
نيره وبتترعش وبتنتفض من الخوف: وليد
وليد ميل بجسمه علارض وتفل الدم من بؤه ومسك جنبه بصعوبه
نيره بخوف:وليد انت بتف دم

وليد كح جامد وفضل يفتل الدم نيره سندته لحد ما قام وقف ومره واحده سمعوا صوت الرصاصه لفوا لمصدر الطلقه وليد جري ونخ ع جلال وادمن وليد بصدمة من ابوه المرمي على الأرض و مش عارف مين فيهم الي مات وبسرعه وارتباك زق ادمن من فوق جسم ابوه ولقاه الي مات ادمن شكرربه
وليد: جلال
جلال: انتم بخير
نيره :ايوه ايوه بخير
وليد رفعه هو ونيره من علارض وفهمي جه والامن لقوه جثه ادمن
فهمي بخوف على بنته : نيره
نيره جريت لحضنه: بابا
فهمي ضمها: انتي كويسه يا بنتي
نيره بترجف: انا بخير اطمن
فهمي للامن: اتصل بالشرطه بسرعه

راجل الامن: امرك يا بيه
الشرطه جات وشالت جثه ادمن في كيس الموتي وحطوه الكلبشات في ايد جلال ورجاله ادمن
فهمي للعسكري: اقدراتكلم معاه
العسكري: اتفضل
جلال بصله: خير يا فهمي
فهمي: شكرا انك حميت بنتي
جلال بص لنيره ورجع بصله: سعادتي متحققتش بالمال ولا حققت الاحلام ,,السعاده اني اشوف الناس الي بحبهم مبسوطين وهي سعاده ابني وسعاده بنتك في وجودهم مع بعض فكان لازم احميهم وانت ووليد خدوني مثال كنت بفكر في حاجات ولا ليها قيمه وفي النهايه مبقاش ليا حد
فهمي: كلامك صحيح كنت بفكر في حاجات مالهاش قيمه بدل ما افكر في بنتي كنت اناني بس متقلقش هساعدك في القضيه وده للي عملته لبنتي وجوزها
وليد لما سمع الكلمه بص لنيره بدهشه واستغراب
فهمي :والقانون هيحكم بالعدل
جلال عيونه ماليانه دموع بتصرخ بندم: شكرا
فهمي مسد ع كتفه والبوكس اخده تحت نظرات وليد المتأثره لوضعه
فهمي ضم بنته ونداه عليه: وليد
وليد مسح دمعته بسرعه وقرب منه: افندم

فهمي:تقدر تجيب والدتك ونتفق ع كتب الكتاب والفرح
نيره بسعاده :بابا انت قولت ايه
فهمي:مبروك يابنتي تعالوا جوه حضني حبايبي
…….منه محمد……
في الشركه راحت تسأل عنه بقاله مده من يوم الخطف مشفتهوش
السكرتيره: اهلا يا انسه مريم
مريم: اهلا بيكي انا عايزه هشام بينا شغل متعطل ومش عارفه اوصله
السكرتيره: ده بقاله حوالي خمس ايام مجاش الشركه
مريم: تعرفي القيه فين
السكرتيره: مكان واحد تلاقيه فيه
مريم اول ما سمعت اسم المكان اتحركت بغضب وعصبيه وراحتله
هشام :استمتعوا الليله يا موزز وكله علي حسابي
بنت ما: لاء انا هدفع
بنت تانيه: لاء يا هشومه انا هدفع
هشام ضمهم: اعملوا الي انتم عايزينه كله وبرضو ع حسابي
البنات ضحكت بخلاعه وصوت مجلجل
هشام: تحبوا نعوم سوي
البنات بضحكات خليعه : وماله طالما معاك
هشام ضحك جامد: كدا يله بينا تعالوا
دخلت لقته قاعد عند الشاكوزي ومعاه بنتين واحده ع الشمال والتانيه ع اليمين قالت بصوت أمرمصحوب بقهر: اخرررجوا
هشام اختفت ضحكته وبصلها: مريم
مريم بلوم وعتاب: ليه بتعمل ده
هشام: وانتي مالك ده شئ يخصني ومهما اعمل في النهايه محدش بيقدرني وانا ريحت دماغي لان انا مش الابن المفضل
مريم بصتله جامد وربعت ايديها ووشها اتحول للغضب
هشام ضم البنات: متخفوش منها دي صديقتي خدوه راحتكم ويله نستمتع
مريم بغيظ: عايز تستمتع
ومسكت جردل الثلج دلقته كله عليهم البنات صرخت وجريت وهشام شهق كذا مره من الثلج
مريم بصتله بحسره: لسه عايز تكمل براحتك( ماشيه)
هشام :مريم استني

مريم لفت وبصتله بصوت حزين: انا مش عايزه صديق زيك انت مفكر ان انت الوحيد فالعالم كله الي عندك مشاكل لو كنت مفكر كدا يبقي انت فاشل وخصوصا دلوقت الي فيه عايلتك في مشاكل وبدل ما تكون سند لـ امك بتتصرف بغباء الي عايزيثبت نفسه يلوي دراع الصعب والمستحيل
هشام نطق بصوت باكي: انا هنا مش عايز حد يشوفني ده كل الموضوع
مريم اشفقت علي حالته وقربت منه وضمته وطبطبت علي ضهره واخدته معاها لحد باب بيته
هشام دخل لقاه دريه نايمه علي الكنبه بشكل عشوائي وشعرها منكوش قرب وقعد علي كرسي قصادها: ماما
دريه فتحت عيونها: هشام انت رجعت
هشام مسك ايدها وهزلها دماغه بـ ايوه
دريه بكت بحرقه: ارجوك يابني متسبنيش تاني مبقاش ليا حد غيرك
هشام خطفها لحضنه وهي شدت علي الضمه
………منه محمد…….
النهارده اليوم المنتظراليوم الي هيعيش فيه الامير مع الاميره في سعاده وحب وغرام
صابرين بسعاده: مبروك يابني عملتها ووصلت لحلمك من النهارده هيبقي عندك عايله جميله هايله
وليد باس ايدها: الفضل الاول لربنا وليكي ولجلال انه ساعدني
صابرين: انت لسه زعلان منه
وليد ابتسم ابتسامه مكسوره وسكت لانه مش عارف هل ممكن يسامحه برغم الي عمله فيه لمده25 سنه
صايرين طبطبت علي كتفه: وليد انت حاليا اب ومفيش حد مش بيحب ولاده الكل اتخلوا عن حقدهم علشانك
وليد بتنهيده: ربنا يسهل يا امي ممكن اطلع اخد عروستي عشان نلحق نطلع الفندق
صابرين حضنته بفرحه: مبروك يا بني يجعلها جوازه العمر

وليد طلع عند نيره مشتاق يشوفها في الفستان الابيض اكيد هتبقي حوريه لانها انثي كامله الانوثه في عينه واجمل واحده في الكون كله
الكوافيره: خلصنا ياقمر
نيره قامت ببتسامه: ميرسي
المساعده: خدي بالك( ورفعت ديل الفستان)
الباب خبط تلاث دقات وكأنها نغمات موسيقيه
نيره: ادخل
وليد فتح الباب ودخل : قمري خلص
الكوافيره: خلاص قمرك خلص ايه رايك يا عريس
وليد اتهوس بجمالها وبصلها بنظرات اعجاب: باسيدي ع الجمال والرقه وليد وقف يـتاملها وحس انه فقد السيطره لما اسرته بجمال عيونها ورقتها
نيره احمرت طماطم: انت مالك مبحلق فيا كدا ليه انت بتخليني اتوتر
وليد ابتسم ولفها لوشه ومسك وسطها ومسح علي خدها: عارفه انك اجمل عروسه في الدنيا دي كلها قوامك فستانك التسريحه ولا الروج ومهما قلت وعبرت التعبير هيخوني
نيره قلبها دق بشده من همساته وكلماته واستخبت في حضنه ولزقت وشها في صدره
وليد ضمها: نيره هو انا مش بحلم مش كدا
نيره قرصت خده بشقاوه: دلوقت صدق انك مش في حلم انت تستاهل عملت كتير عشان تخليني ملكك وانا بقيت ملكك وليك
وليد : خلاص هتتجوزيني لاء انا مش مصدق
نيره رفعت نفسها وباست خده: اظن كدا هتصدق ولو لسه هخنقك
وليد ابتسم: عارفه فضلت 4 سنين بدور عليكي ودايما كان عندي امل اني هلقيكي واعترفلك بحبي ولما فشلت اني اعثر عليكي قالولي ابدء حياه جديده بس قلبي قالي مقدرش اعيش من غيرك واتمنيت اعيش معاكي انتي ريري
نيره :وانا عمري ما تخيلت اننا نوصل سوي للنقطه دي
وليد بمرح:why

نيره: عشان كنت بكرهك كتير كتير كتير بس النهارده بحبك بقي وكتير
وليد: بتحبيني قد ايه
نيره: ما قلت كتير كتير كتيركتير
وليد ضحك بصوته كله: خلاص كفايه كتير واحده وشكرا انك سمحتيلي احبك واوعدك عمري ماهخليكي حزينه
نيره: وانا اوعدك عمري ما هسيبك ابدا
وليد: وانا مش عايزك تسبيني ابدا ابدا عايز اكون معاكي عايز اكون دايما قريب منك والشئ الوحيد الي عندي له قيمه هو قلبي وهو ليكي ريري فخليكي جوه قلبي
نيره باسته من خده بوسه سريعه ووليد حط ايده علي وسطها يضمها وميل يخطف شفايفه من شفايفها نيره برقتله وشارتله بعيونها ع المصور
وليد بأصرار: لاء انا عايز اخطف شفايفك في بوسه متنتهيش لحد ما تنهجي بأسمي
نيره بخجل وكسوف: وليد اتلم الناس
وليد قرب منها وبطرف عين: انا مالي بالناس انا نفسي اعمل كل حاجه ترضيكي ومتسطعبتيش انا عارف انك عايزاني زي منا عايزك هتحضني ولا لأ (وقفش في حضنها حضن رومانسي)
نيره كلبشت فيه وغاطست جواه برقه منتهيه :عارف انا كنت بحبك بس مخبيه جوايا
وليد: عايزك تبص في عينا وتقوليلي انك بتحبيني عايز الجدران يسمعوكي
نيره بدلع : بحبك بحبك بحبك
وليد بنبره عاشق هيمان:و انتي الوحيده الي حبيبتي بالمعني الحقيقي
وبعد ليله عائليه جميله اخدها وطلع بيها ع الفندق يقضوا اجمل ليله في عمرهم
……..منه محمد………..

تاني يوم في المطعم قاعدين هما الاربعه بسعاده وجو عائلي حميمي
مالك: بابا هنلعب فين النهارده
وليد: لاء النهارده هاخد ماما واخوكم الصغير للدكتور وماما حنان هتيجي تاخدكم لجدتكم ثريا
ملك :اي اخ صغنن ده
وليد بص لنيره وابتسم
نيره :انا قربت اجبلكم نونو صغير وقريب خالص هيبقي عندكم اخ او اخت ها فرحانين
التؤام رفعوا ايديهم بفرحه كبيره
وليد: عشان كدا من اللحظه تساعدوني نراعي امكم واخوكم لحد ما يوصل بالسلامه
التؤام بطاعه: ماشي يا بابي
وليد مبتسم :حلوبن حبايب بابي يله بينا
وليد دفع الحساب واخدهم وطلعوا برا لقوا حنان وصفيه بتشارولهم من بعيد
حنان: ملوكه مالك هاي
التؤام جريوا عليها: ماما حنان
حنان: براحه يا حبايبي وحشتوني حبايبي الشويه دول
نيره: خليكم هادين انا وباباكم هنروح المستشفي وهنجلكم علي طول مش هنتأخر عمتو خدي بالك منهم
حنان مسحت ع شعرهم: دول في عيوني وليد بحاله هياخد حبيته للمتابعه
وليد ابتسم: اعمل ايه اول مره تسمح لي اروح معاها
حنان ضحكت: متعملش حاجه انت خليك جنبها ومتقلقوش ع الاولاد انا وصفيه معاهم وزمان مريم حضرتلهم الحلويات
نيره: ربنا يخليكم ليا
حنان: يله ياولاد مستعدين
التؤام بحماس: مستعدين
ملك: يله بسرعه عايزه اكل الجاتوه الي بتعمله خالتو مريم
صفيه: وانا كمان ممكن اكل معاكم
ملك كشرت: ماشي هنديكي حته
حنان: كدا يله بينا سلموا ع بابا وماما
نيره باستهم وبصت لوليد: يله بينا احنا
وليد مسك ايدها: يله حبي
منال الي واقفه ومتخفيه سمعت معظم الكلام وبستغراب: بابا وماما عمركم ما هتعيشوا سعداء وطلعت وري عربيه حنان
……..منه محمد……

في الشركه
السكرتيره: اهلا يا انسه مريم المدير فوق منتظرك
مريم: هو المدير الجديد هيستقبلني
السكرتيره ضحكت: اتفضلي
طلعت قدامها ومريم طلعت وراها فتحت لها الباب ومريم دخلت لقت الي بيلف بالكرسي وابتسم اجمل ابتسامه
مريم بتعجب: انت
هشام قام جري عليها زي الاطفال ومسك ايدها: وحشتيني اوي
مريم بصتله بتهديد مصطنع: اقترح انك تحتفظ بأيدك لو كنت مش عايز تخسرهم
هشام مثل الخوف: قصدي وحشتني حلوياتك بس التعبيرخاني
مريم: لو عايز تاكلها تقدر تيجي الكافيه حد حاشك
هشام ضحك:زي ما كنا زمان لما اكون مضايق اجيلك
مريم شخطت فيه :لو عايز تطفحها تقدر تيجي
هشام ضحك ضحكه ملعلعه: هي دي مريم الي اعرفها
مريم ابتسمت لضحكته الي بتخطفها حرفيا
هشام بجديه :شكرا ليكي وع مساعدتي ان سياده المستشار ابوكي بيدافع عن ابويا
مريم :الاصدقاء بيساعدوا بعض واظن ان المحكمه هتفرج عنه بكفاله بس المسأله مسأله وقت
هشام بحزن: كل المساهمين باعوا اسهمهم والشركه هتواجهه مشكله كبيره
مريم بهتمام:وناوي تعمل ايه
هشام بجديه:هرجع ابني الشركه من اول وجديد هبنيها بأسلوبي انا
مريم :انا مبسوطه انك بقيت اد المسؤليه وهتحافظ ع شركتك وعايلتك ياتري لسه زعلان من ابوك
هشام اتنهد بصوت عالي: لو كان في السابق كنت زماني سكران ولا بسمع لـ اي حد بس دلوقت انتي جنبي ده غير لما شوفت بابا بيحاول يصلح اغلاطه ووقف جنب نيره ووليد ومهربش من افعاله ده خلاني سامحته
مريم صقفت بحماس: انت روعه وجميل
هشام ضحك ومسك ايدها وقرب وشه اوي من وشها
مريم اتوترت: انت هتعمل ايه
هشام ضحك واتك ع ايدها:عايز اشوف لون عنيكي
مريم زقته بخفيف: عينك هتندب فيها رصاصه
هشام شهق بكوميديا:بتضربي المدير
مريم ضربته علي صدره بايدها الناعمه : لا انا بضرب هشام صديقي
هشام ابتسم ابتسامة جانبية: بس انا مش عايز اكون صديق بعد دلوقت

مريم اذبهلت: ها
هشام: انا بحبك ممكن تكوني حبيبتي اي نعم انتي مستبده ومجنونه ودايما بنتخانق بس مش قادر اشوفك صديقه مريومه انا فعلا بحبك
مريم هزت له دماغها وماشيه
هشام شدها عليه: تقصدي ايه من الهزه دي لاء متلعبيش معايا لعبه القط والفار لازم تردي والنهارده ممكن اكون حبيبك
مريم: بس انت حواليك بنات كتير عشان كدا مش هصدقك
هشام: بحق الله سبتهم كلهم
مريم اتخصرت:والله !! اوعدني الاول بس قبلها فيه 3 حاجات ووقتها افكر
هشام بألش: عندي شركه وعربيه وفيلا
مريم بسخريه: مبروك 3 حاجات وهبعتهملك في رساله وبعدها فكر بس فكر قبل ما تديني قرار واتصل بيا بعد ما تقرر باي
………منه محمد……
حنان: خدوا بالكم براحه ملوكه اركبي وري يله جنبها يا مالك
ومنال وراهم بعربيتها حركه بحركه
حنان: او نسيت لازم اركن واشتري فاكهه صفيه هشتري وارجع بسرعه
صفيه: تمام
حنان ركنت وسابت المفاتيح في التابلوه: صفيه خدي بالك من الولاد
صغيه: متقلقيش
حنان نزلت ومنال نزلت وراها وراحت فتحت باب العربيه وقعدت في كرسي القياده
صفيه بفزع: انتي مين؟؟!!
منال لفت وبصتلها نظره شر : اهدي واكتمي صوتك
مالك بخوف ورعب: صفيه مين دي؟؟!!
صفيه ضمت التؤام: خدي الي انت عايزه وسبينا في حالنا
منال صرخت: قلت اخرسي
التؤام ببكاء: عايزين بابا
منال خلعت النضاره السوده الي طامسه نص وشها: اسكتوا ولا اسمكم زي الفئران
صفيه: عرفتك انتي الممثله
منال: اه انا اخرسي بقي خالص هتموتي لو حاولتي تهربي قوليلي عيال مين دول
التؤام من صريخها والمسدس الي في ايدها زاد صراخهم
منال لوحت بالمسدس : سألتك عيال مين انطقي

صفيه بخوف: نيره ووليد
منال بحقد اكبر : نيره عندها منه عيال كمان
صفيه: انتي تعرفي مدام نيره ارجوكي خلينا نمشي
منال بعصبيه: اخرسي واخرسيهم والا هفرغ المسدس ده كله فيكي وفيهم ولو حاولتي تهربي هفرغ الرصاص كله عليهم سامعه
صفيه سكتت خالص وفضلت تهدي في التؤام الي منهارين بشكل هستيري

• لقراءة الفصل التالي : اضغط هنا
• لقراءة باقي حلقات الرواية اضغط على (رواية سيقان في الوحل)