رواية 30 يوم حياة 3 الفصل الحادي عشر 11 بقلم أميرة أسامة

رواية 30 يوم حياة 3 الفصل الحادي عشر 11 بقلم أميرة أسامة

رواية 30 يوم حياة 3 البارت الحادي عشر

رواية 30 يوم حياة 3 الجزء الحادي عشر

رواية 30 يوم حياة 3 الحلقة الحادية عشر

بعد وقت بسيط وصلوا الشارع ركنوا عربياتهم ونزلوا
وفجأه لمحت بوسي والشباب صالح واقف ادام القهوه وكأنه مستنيهم لما يرجعوا. واعد جمبه يوسف وإيهاب
نزلت بوسي من عربيتها راحت للشباب من غير ما تديله اي اهتمام.
بوسي….مش عارفه اقولكم ايه بجد شكرا
زين…تاني شكرا مش قولنا بلاش الكلام ده
ادهم…بضحك لا دي عايزه توته تنزل تروقها
بوسي…بلاش توته دي ماسكه في شعر البنات علي طول
عادل…مبروك يا بوسي يلا اتجدعني بقي وأبدأي علي طول جهزيه.
يوسف…من بعيد هاااا نقول مبروك
عامر…قول ياعم
قام يوسف وإيهاب راحولهم
يوسف…ها عملته ايه
زين…كله تمام الحمد لله كتبنا العقد
يوسف…طب الحمد لله مبروك يا بوووسي
بوسي…بفرحه الله يبارك فيك يارب
ايهاب…مبروك يا بوسي عقبال يارب الافتتاح
بوسي…يارب يا ايهاب ادعيلي
ايهاب…ان شاء الله تخلصي علي خير

ادهم…انتي هتعملي ايه صحيح في حوار التجهيز وانتي بتروحي الشغل كده.
بوسي…انا هكمل شغل لحد اخر الشهر ومن الشهر الجديد مش هنزل خلاص عشان ابدأ في التجهيز.
عامر…بس لو في اجهزه او اب حاجه مهمه ينفع تطلبيها في الوقت ده اطلبيها واكسبي وقت
بوسي…هعمل كده وهعدي الوقت علي وعد عشان اشوف هتساعدني فعلا في حوار الديكور ولا لا لو تمام يبقي تبدأ شغلها هي كمان
زين…وعد جاهزه واكيد هتساعدك اتفقي انتي وهي علي كل حاجه وهي هتنفذ علي طول
عامر…ياوااااثق
زين…بفخر طبعا ياض انا مراتي اي كلام ولا ايه🤨
ابتسمت بوسي بحزن واتمنت لو كان صالح واقف معاهم يدعمها..
بوسي…ربنا يخليكم لبعض يا زين.
صلاح…من بعيد ايه اجهز الحاجه الساقعه
ادهم…واحنا شايفين منك ولا من اخوك حاجه واحد واقفلي جوه والتاني واقف بره بدل ما يجيب حاجه ساقعه.
حب ادهم يحرك صالح بكلامه.
يوسف…غمز لصالح من بعيد عشان يقول اي حاجه.
صالح….جاي بدوشتك ليه يا ادهم عايز ايه
ادهم…عايزين الحاجه الساقعه ياعم تنزل للحاره ولا كتير علي بوسي
ابتسم صالح بحب صادق ..مفيش حاجه تكتر علي ست البنات ومش الحاره بس ياعم انا هوزع علب كل شارع وحاره في المنطقه احنا عندنا كام بوسي.
ابتسمت بوسي ابتسامه هاديه ومن جواها قلبها بيتنطط من الفرحه لكن حبت متظهرش فرحتها دي
عامر…من امته ياض الحنيه دي كلها معملتهاش معايا في فرحي.
صالح….انت عامل زي القطط بتاكل وتنكر
عامر…انا يا صاحبي وبعدين واقف بعيد ليه ماتيجي هنا ولا خايف.
زين….فاهم ان عامر عايزه يجي فا سخن صالح اكتر.
لا خايف طبعا يا عامر
ابتسم صالح وراحلهم
بمجرد ما قرب وشمت بوسي ريحه البرفيوم بتاعه حست انها نفسها تترمي في حضنه اللي افتقدته بجد.
صالح….اديني جيت يا عم عامر عايز ايه
عامر….هعوز ايه بس اكتر من كده 😂😂ده كفايه طلتك بتدخل في قلبي علي طول.
زين…بضحك خواف اوي.

ايهاب….من يومه يطول لسانه ويرجع يكش ملك
زين…غمز للشباب بهدوء هشوف الواد لاحه
انسحب بهدوء زين ومشي وراه عادل وحصلهم ايهاب ووراه يوسف.
وفضل ادهم وعامر وبوسي.
صالح …مبروك يا بوسي
بوسي…فضلت بصاله ..احممم الله يبارك فيك يا صالح
صالح لادهم….خلصت كل حاجه.
عامر…انا رايح اشرب غمز لادهم. وهو بيضحك😂
ادهم…😒🙄اه كله تمام كتبنا العقد وبكره باذن الله عادل هيروح يوثقه والمفروض ان بكره هندفع لصاحب المحل التأمين واول ايجار.
صالح…طيب كويس الحمد لله.
ادهم…والواد عامر فضل وراه لحد ما نزل الفين جنيه من الايجار
صالح…اكيد وافق من زنه بس جدع.
ادهم…هتقولي ده خنق الراجل😂😂
المهم هروح ابص علي هيما اشوفه هيقفل امته
بوسي…وانا هعدي علي وعد واطلع اشوف امي وتوته وافرحهم.
صالح…لحظه يا بوسي عايزك
وقفت بوسي وهي قلبها بيدق.
غمض ادهم عينه بهدوء كإشاره لبوسي انها تقف تسمعه
ادهم…طيب هروح انا سلام مبروك يا بوس بوس
بوسي…بابتسامه الله يبارك فيك يا ادهم.

فضلت بوسي باصه بعيد.
صالح…بصيلي يا بوسي
رفعت بوسي عينها ليه
صالح….ايه مبقتيش عايزه تبصيلي خلاص انا حتي بباركلك وانتي عينك بعيد عني .
بوسي….لا ابدا ومش هبصلك ليه يا صالح عامله عامله مثلا.
صالح….لا بس يمكن تكوني خايفه
بوسي….خايفه من ايه ياصالح بيتهيألي مفيش حاجه ممكن تخوفني او تكسر عيني
صالح….قطع لسان اللي يقول كده…عموما مش ده اللي قصدته
بوسي….امال قصدت ايه.
صالح….يعني مش يمكن خايفه تخليني اشوف في عينك اللي بتحاولي تخبيه
بوسي…بتوتر بعدت عينها عن عينه انا مبخبيش حاجه
ياصالح.
صالح …لا بتخبي يا بوسي وانتي عارفه بتخبي ايه
حاولت بوسي تهدي نفسها وبصتله بثقه عكس اللي جواها عايز ايه ياصالح اظن انك موقفتنيش عشان تقول الكلمتين دول واظن كمان ان وقفتنا دي مش حلوه عالاقل عشاني ولا انت عايز انت تشاور عليا وتقول عليا شمال
صالح….محدش يقدر يقولها وبوم ما حد يفكر هقطعله لسانه.
بوسي…بضحكه سخريه ملكش الحق انك تقطع لسان اي حد يقول عليا كلمه مش عشان احنا مبقاش بيتا حاجه ياصالح عشان سبق واللي عايز يقطع لسان الناس قالها واهو واقف ادامي ماقطعش لسانه ولا حاجه.
صالح…بعصبيه بطلي طريقتك دي انتي عارفه اني مكنتش اقصد المعني دي وقولتهالك ميت مره قبل كده مكنتش اقصد دي زله لسان وقت عصبيه.
بوسي….واحد يا صالح المهم انها خرجت من لسانك وعلي فكره سواء انت او غيرك تقولها ميهمنيش كفايه اني عارفه اذا كنت شمال ولا يمين هااا عندك حاجه تقولها ولا امشي
صالح….بلاش طريقتك دي يابوسي ..انا عمري ما شوفتك قاسيه كده
قاطعته بوسي وهي كل ملامحها حزن ووجع..لا لا لا بلاش والنبي الجمله دي ياصالح عشان مش لايقه عليك خالص وعشان مش كل شويه هفكرك بحاجه عملتها الكلام خلص يا صالح اصل لو كل حد فينا هيفكر التاني بغلطه ووجعه وقساوته كفتك اللي هتطب ياصالح..القساوه دي انا شوفتها منك وانا بتذل ليك عشان تفضل معايا وانا بقولك نفسي انجح وانا جمبك لما رجعت في كلامي وقولتلك طب خلاص بلاش حلمي اللي عايزه احققه وهفضل في شغلي في المحل اللي في الحاره المتداري..وانت بكل جبروت رفضت وقولت مفيش شغل خالص…بس عارف يا صالح انا ندمت علي حجات كتير اوي في حياتي وكان من ضمنهم طلاقنا بس يمكن طلاقنا ده الوقت انا مش ندمانه عليه لاني بعد ما سبتك خوفت اني محققش اي حاجه زي ما انت قولتلي بس ربنا وقف جمبي وقدرت اقف علي رجلي واثبت نفسي اشتغلت وتعبت علي نفسي وانهارده ياصالح انا بقيت صاحبه محل كبير وفي مكان راقي قدرت احقق حلمي الانت شوفت اني فاشله فيه ….انت شوفت ان حلمي وطموحي هيخلوني اتغير وابعد واكره المكان اللي عايشه فيه…وانا لحد انهارده اعده في نفس المكان وسط الناس اللي اتربيت وعشت معاهم وكلت معاهم عيش وملح وبفتخر بيهم يمكن طموحي كان الاول هو التغيير واني اشوف اماكن احسن وده حق اي انسان فالدنيا وانا عشت وشوفت انضف اماكن بس مقدرتش لا العد عن مكاني ولا عن الناس اللي عشت وسطهم انت حكمت عليا قبل ما تخليني اجرب شوفت اني واحده واطيه وشمال وانا انهارده اثبتلك اني عكس ده قدرت احقق كل حاجه لكن مقدرتش ابعد عن اصلي بالعكس شايفه ان كل حد في المكان ده تاج علي راسي ياصالح وبفتخر بيهم وهفضل افتخر بيهم وبالمكان لاخر يوم في عمري…انت صعبان عليا يا صالح عشان محدش خسر في الليله دي كلها غيرك…انا قربت من كل الناس لكن بعدت عنك…وانت حاولت تخلي الناس كلها ضدي لكن هما لحد انهارده كلهم معايا…عرفت مين فينا اللي خسر ياصالح…

صالح…بوجع بصلها..
وانا مش هقدر انكر ده يا بوسي عندك حق في كل كلمه يمكن فكرت غلط و بأنانيه يمكن حبيت انك تكوني ليا بس يمكن غيرت انك تنجحي بس مش منك غيرت المكان اللي هتروحي فيه يخليكي تبعدي عني فكرت غلط وفكرت ان الكل هيلغلطك زي ما قولتي كنت بتمني ده عشان تستسلمي ومتلاقيش غير انك تفضلي معايا من غير شغل..
عارف انه تفكير اناني. وعندك حق انا خسرت كل حاجه يا بوسي خسرت وقفت الناس اللي حواليا خسرت ان يبقالي الحق الاول اني اقف معاكي وادعمك خسرت حقي الاول في ان انا اللي اعرض عليكي مساعدتي بالفلوس خسرت اني اروح معاكي زي ما الشباب راحو ضيعت اي حق ليا فيكي والاهم اني خسرتك وخسرت نفسي يا بوسي بس كل ده ميمنعش اني محبتش ولا هحب غيرك.. ابتسم صالح بوجع وهو بيبص لبعيد ورجع بصلها…اه صحيح لما وقفتك الوقت كنت عايز اباركلك وكنت عايز اقولك اني فرحان من قلبي عشانك وعشان شايف فرحتك كنت عايز اقولك انك كسبتيني يا بوسي وقدرتي تحققي حلمك وكنت عايز اعترفلك ان لما قولت عليكي فاشله كنت بحاول احبطك عشان تفضلي معايا لكن انا من جوايا كنت عارف انك هتنجحي وفي وقت قصير كمان ولو كنت ضدك في يوم فانا انهارده نفسي اشوفك انجح واحده فالدنيا لاني بحبك بجد وعمري ما اتمنيت غير اني اشوفك احسن واحده فالدنيا. اسف اني وجعتك في يوم مكنتش اقصد فيه الوجع وكمل بوجع اكبر مبروك يابوسي.
سابها ومشي راح ادام القهوه ركب الموتسيكل بتاعه وطار من الحاره.
وقفت بوسي والدموع في عينها مش قادره تنطق
زين…صالح ولا ياصالح
عامر…راح فين ده
صلاح…والواد ماله اتخانق مع بوسي ولا ايه
يوسف…لا كان واقف بيتكلم هو وهي.
زين…قام وراح علي بوسي
زين….في ايه يابوسي صالح راح فين.
نزلت دموع بوسي…مش عارفه يا زين والنبي حد يلحقه عشان صالح مش في وعيه
زين…بقلق طب اهدي واطلعي انتي انا رايح وراه
راح زين عالقوه.
زين…ولا يالاحه هات المفتاح بتاع الموتسيكل بتاعك بسرعه
صلاح…فيه ايه
زين…ياعم مفيش انجز
اداله صلاح المفتاح
عامر…طيب استني نروح بالعربيه
زين…مش هينفع عربيه سلام
دور زين الموتسيكل وطار ورا صالح.
ايهاب….هو في ايه
عادل….مش فاهم حاجه بس لكيد اتكلموا وهو شكله اصلا مش علب بعضه يمكن عايز يأعد لوحده
صلاح…ربنا يستر

……….
دخلت بوسي لوعد مسحت دموعها وحاولت تهدي قالتلها اللي حصل وفرحتها هي ومديحه واتفقت معاها علي كل حاجه وبعد شويه طلعت عند سهير واحمد العربي قالتلهم باركولها وفرحوا وفضلت سهير تحضنها بفرحه وبعد شويه طلعت لتوته..
فتحت توته الباب..
توته…مبروك يا بوسييييي ادهم قاللي.
بوسي…بحزن وكأنها علي وشك الانهيار…الله يبارك فيكي يا توته.
توته….بشك بعد ما عرفت من ادهم انه سابها واقفه مع صالح مالك يابت انتي في حاجه مضيقاكي ولا ايه.
بوسي…فاللخظه دي مقدرتش تمسك نفسها ومانها مستنيه سؤال توته.
بوسي…..انا بموت يا توته والله العظيم بموت😭😭
توته…شدتها في حضنها وقفلت الباب بس بس في ايه يابت مالك…بسم الله الرحمن الرحيم…مالك يا بوسي .في ايه قوليلي طيب
تعالي طيب ادخلي اعدي.
ياساتر يارب لحقتي تاخدي العين يا بت
بوسي…كنت عايزه انجح يا توته عشان اثبت اني مش فاشله كنت عايزه انجح عشان اعرف اتأقلم علي الحياه الجديده من غير صالح والاقي حاجه تشغلني بس اكتشفت ان مفيش حاجه عارفه تشغلني كنت عايزه انجح عشان اوجعه يا توته زي ما وجعني قبل كده بس لما شوفته الوقت هو برده اللي وجعني بس المرادي وجعني عليه يا توته
خدتها توته في حضنها وهي بتمسح دموعها هي كمان..
توته…طيب بس بس يا بوسي كفايه عياط اهدي كده و احكيلي ايه اللي حصل..
………..
فضل زين ورا صالح من بعيد لحد ما قدر زين يحصله كان بيسوق صالح بسرعه كبيره وكانه مش شايف ادامه..
زين….اقف ياصالح
صالح……..
زين…بقولك اقف ياض كنت هتعمل ميت حادثه
صالح…ارجع وسبني يازين لوحدي
زين…مش هسيبك وأقف بقولك اركن علي جمب
صالح….محدش ليه دعوه بيا سبوني في حالي
زين…اقف بدل ما اخبطك

صالح…تبقي عملت فيا معروف
زين…ياض اقف هتوديني في داهيه انا بجري من غير رخص اقف الله يخرب بيتك 😡😡😡😡😡
فضل صالح ماشي لحد ما حس زين انه ابتدا يبطأ الموتسيكل ووقف في مكان علي طريق سريع هادي من حركه الماره لكن العربيات كانت بتجري علي الكبري بسرعه كبيره
ركن زين الموتسيكل وراح عليه بغضب وهو بيضربه في صدره
زين….بغضب😡😡 يعني ينفع المرمطه اللي انت ممرمطهالي دي رجع صالح خطوتين لورا من دفعه زين.
زين…ماشي علي اعلي سرعه ولا هامك الناس في الشارع ولا همك اللي بيجري وراك ولا همك نفسك..
ضربه زين في صدره وهو في اعلي قمه غضبه با اخي روح انت في داهيه بس اعمل حساب البني ادمين اللي ماشي هتدوس عليهم في الشارع وكأنهم عرايس ولا لعب.
رجع صالح خطوتين لورا وهو باصصله وعارف انه فعلا عصبه.
زين….هبوس ايدك عشان تقف وبقولك معيش رخص وانت مكمل مش هامك حد
انت شكلك اتجننت
صالح…اه اتجننت يا زين ومحدش ليه دعوه بيا ومبفكرش في اي حد عشان انا اناني زي ما بوسي قالت.
زين…اه عندها حق انت فعلا اناني مبتفكرش غير في نفسك ولما حسيت انك فوقت وخربت الدنيا ماشي طايح في الشارع ميت حادثه كنت هتعملها لما سيبت اعصاب اهلي.
صالح…محدش قالك تعالي ورايا قولتلك محدش ليه دعوه بيا سبوني في حالي راح صالح عشان يدور الموتسيكل ويمشي دفعه زين بعيد وسحب المفاتيح خطها في جيبه وقرب من صالح وهو علي اخره
زين….لا لينا دعوه بيك ومش هنسيبك في حالك واعتبرني انا عملك الاسود يا صالح
صالح…بغضب انت عايز مني اني ما تمشي يا جدع وتسبني
فقد زين السيطره علي نفسه وبكل قوته ضربه بالبوكس في وشه
صالح…حط ايده علي وشه حس بدم جمب شفايفه أتمالك اعصابه علي اد ما يقدر…
صالح….بغضب كبير امشي من ادامي الوقت حالا يا زين وبسرعه

زين……ولو ممشتش هتعمل ايه يا دكر 😡وبسرعه ضربه في وشه تاني
صالح….يا زين بقولك امشي انا عفاريت الدنيا الوقت بتتنطط ادام وشي بلاش تخليني اعمل حاجه تخسرنا بعض.
زين…..طلعهم عشان اخليك انت وهما حته واحده
صالح….بقت كده طب انت اللي جبته لنفسك ياصاحبي…

🙈🙈🙈🙈🙈🙈😡😡😡😡 وهوووووووب قامت عاركه…وفجأه😂😂😂😂😂😂😂

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة 3)