رواية الجامحه والبدوي الفصل التاسع والعشرون 29 بقلم ميفو السلطان

رواية الجامحه والبدوي الفصل التاسع والعشرون 29 بقلم ميفو السلطان

رواية الجامحه والبدوي البارت التاسع والعشرون

رواية الجامحه والبدوي الجزء التاسع والعشرون

رواية الجامحه والبدوي الحلقة التاسعة والعشرون

استيقظت سهيله لتجد نفسها في احضان حبيبها لتظل تنظر اليه وتبتسم بحب فبعد كل شئ هو عشقها وحبيبها الذي لم تنساه ولا تريد ان تنساه كانت سعيده انها نائمه سعيده متلمسه منه كل الحب.. ايه يا سهيله انت مبسوطه في حضنه هتسيبيه ازاي هتقعدي شهر ازاي بحالتك دي دا يوم وقلبم هينفلق من السعاده انت فاكره هتنسيه عمرك ماهتنسيه.. بس انت ضعفتي وانذليتي وشخصيتك راحت في حبه ماينفعش تخسري نفسك هو اختار يبعد ويصدق ويذلك ما رحمكيش ورجع عايزك ويحبك وانت تقولي حاضر وطيب.. لا ماعادش ينفع يا سهيله الوجع اللي بينكو خلاص حصل شرخ جواكي انت خايفه تضعفي وترجعي شخصيه مهزوزه تتوجعي. بس لا عيشي ايامك معاه وخدي من حبه واشبعي منه وروحي من سكات هو وعدك يسيبك.. لتنزل دموعها.. هيسيبك وقلبك هتعيشي ازاي بس.. لتتنهد فاحس بها ثم رفع وجهها فوجدها تبكي فانخلع قلبه ليهمس بحب ولهفه.. حبيبي بيعيط ليه طيب.. طب اعمل ايه عشان اداوي قلبك ده..
حاولت ان تبتعد فشدد عليها.. مش هسيبك وانت كده اراحها وانحني فوقها.. دموعك دي بتقطعني عارف انك موجوعه يا قلب جواد بس كان غصب عني والله غصب عني كنت حمار اعمل ايه طيب..
تنهدت .. جواد يا ريت نبطل نتكلم في اللي فات انا بجد مش مستحمله خلينا نعدي الايام دي ونخلص.
هتف بوجع.. نخلص.. عايزه تخلصي مني يا سو.. قلبي بيوجعني من الكلمه.
قالت بقهر… احنا اتفقنا ويا ريت تنفذ عدك
تنهد مغيرا الكلام… طب حبيبي عايز يعمل ايه انهارده. انا جبتلك خيل تحبي تركبي..
سعدت مما قاله….. بجد جايبلي انا.
ليقترب من شفتيها.. واجبلك الدنيا تحت رجلك وانا معاهم تختاري وتنقي.
تنهدت بهمس….. جواد بطل بقه..
فهتف…. ابطل ايه… قلبي والله بينحرق من زعل القمر بحبك يمين بالله بحبك.. وضع يده علي قلبها وقبله لتنساب مشاعرها فهمس قلبي هنا جوا موجوع نفسي اخده اطبطب عليه وادلعه واحبه فيه لما يقول خلاص مسامح وراضي.. نظرت اليه بحب فابتسم وقبل شفتيها وقام…. يلا جهزي نفسك وانا هروح اشوف الخيل وصل والا لا واجهز واجيلك..
لتقوم وتذهب للبحيره وتعود وتلبس ملابسها وتتجهز لياخذها ويريها الفرس.. كان فرسا ابيض رائعا ذو شعر اصفر كان بهجه للعين اقتربت منه وتتلمسه فاحست بسعاده رهيبه. حملها ووضعها علي الخيل وبدا في التريض هنا وهناك وهيا تشعر بالسعاده وهو لا ينظر الا اليها كان محبا مشعا يلهبها بحبه واهتمامه ولا يفعل شيئا الا اسعادها.
كان يعاملها بحنان ولا يضغط عليها لتحس بحبه وتشبع منه.
لتمر الايام يوما وراء الاخر وهو يلهبها عشقا وهيا تستحيب وتاخذ منه لتروي انشقاق قلبها كانت سعيده انها وافقت علي ذلك وانها ستعيش عمرها علي تلك السعاده وسترحل ومعها كم ذكريات ومشاعر عاديه. كانت عيونه تفيض بالحب ولمساته بالحنان ملتصقا بها في الصباح مراعيا حنونا مداعبا وفي اليل عاشق يصب عشقه عليها يعطيها بسخاء وهيا تذوب وتعطيه نفسها بمحبه.
كانت سهيله نائمه في الخيمه لتسمع صرخه بالخارج فهبت مره واحده وخرجت تبحث عنه لتجده يجلس بالأرض وبجواره ثعبان وعليه حجر ويمسك يده فاندفعت برعب.. ايه ايه جواد انت اتقرصت قول ايه الدم ده جواد قلي انا قلبي هيقف كانت تتلمسه برعب نظر اليها بحب كانت تحس بالجنون طب ايه ايه.. كان ثعبانا ليس ساما ولكنه راي لهفتها فصمت فاندفعت واحتضنته برعب هعمل ايه السم دخل فيك انت ساكت ليه. ابتعدت ومسكت يده وبدات في مص دماءه لينذهل من اندفاعها كانت تمتصه ورميه بعيدا وظلت تفعل ذلك وما ان انتهت حتي نظرت اليه دامعه ايه ماتسكتش بالله عليك جواد.
هنا هتف والعشق يصرخ من داخله… هتخافي عليا.
هنا صرخت…. بطل ماتقلش كده انا اموت بعدك بطل لتسيل دموعها… جواد.
شدها اليه.. روح جواد وكل ماليه ماتخافيش يا عمري.
همست في احضانه مااخافش ازاي انت هتموت.. رفع وجهها ومس عيونها وقبلهم.. لا دا سميته بسيطه ممكن اسخن بس مش اكتر.
هتفت بلهفه بجد قول.. ابتسم لها بحب.. اه يا عمري ماتخافيش..
تنهدت واحست بقلبها عاد لهدوءه فهمست طب اجبلك حاجه تأكلها.
فهتف.. لا انا كنت بحاول اعملك تاكلي.
فقامت وربتت علي كتفه لا خليك انا هتصرف.. قامت وتركته وجلست تعد الفطور وهو ينظر اليها بحب. اعدت له وجبه من الفطور ووضعت الشاي علي النار وانتظرت حتي أكملت الصينيه وذهبت اليه فهتف.. تعبتك تسلم ايدك.
تنهدت ووضعت الصينيه ووضعت يدها علي راسه.. الحمد لله مافيش سخونه.
قال انا شويه وهنزل البحيره.. علي فكره انا قررت اعلمك تسبحي.
تنهدت وقالت.. ليه انا ايه اللي هيجبني الميه تاني.
حزن من نبرتها فهتف مشاكسة.. لا عشان تفتكريني بحاجه عدله. ليركن ويغمض عينه ووضع يده علي قلبه احست بوجع وترقرقت دموعها لاحظت بعض التعرقات فاقتربت منه ومسحت علي جبينه ليأخذ يدها ويحتضنها وينام علي رجلها. ركنت هيا ومرت فتره لتحس به ارتخي ونام فاقتربت منه ووضعت يدها في شعره تمسد عليه…… همست بحنان……… لو تعرف بحبك اد ايه بس غصب عني نفسي اسامحك نفسي اتغلب علي روحي بس انا اتوجعت قوي انت روحي وانت وجعت روحي اعمل ايه. الدنيا دي مش بتدي كل حاجه.. تقرب وتبعد وتفرق.. الفراق هيقتلني بس الشهر ده هيحيني عمري كله هعيش علي ذكراه كان ينام فتحرك فانفتح قميصه لتلمح اسمها علي قلبه احست بقلبها يصرخ فمدت يدها تلمسها بحنان فاحس بها وفاق ولكنه لم يظهر شيئا تنهدت… انت حفرت اسمي علي قلبك عشان ماتنسانيش بس انت محفور جوايا والله. موجوعه قوي.. يمكن عندك حق شفت منظر وحش بس انا ذنبي ايه ماليش ذنب اتوجعت قوي. كان أصعب يوم يوم ماتجوزتك قهر كان نفسي اشوف فرحه عنيك وانت شايفني عروسه كان نفسي البس فستان ليك تفرح بيا.. كان نفسي في فرح زي بقيت البنات كنت بقرا عن عداتكو واتخيل نفسي معاك حبيبه البدوي وروحه صمتت وتنهدت. قالولي هتنزل الميه ميه البدو تغسلك لحبيبك.. .. بس ماليش نصيب ماليش نصيب افرح.. كان نفسي انا وانت علي مخده وحده نعيش عمر بحاله واعمل عيله كان نفسي في دفا العيله يا جواد. ااااه يا قلبي الموجوع هسيبك ازاي واعيش. ظلت تمسد علي شعره ثم احنت راسها وقبلت خده وهو يحس ان أنفاسه ستنخلع منه من كلامها… بدا يفتح عينه فشدت يدها فورا فابتسم ومسك يدها وقبلها وقال بهيام.. … انا نمت كتير.
خجلت وهمست…… لا شويه والحمد لله مفيش حراره.
قام وجلس نصف جلسه بالقرب من وجهها… شهر هصحي علي عيونك دي فاحنت راسها فاقترب اكثر.. سهيله عايز اسالك سؤال.
نظرت اليه وقالت.. ايه قول…
لو ماكتش زعلتك وقهرتك… وقلبك كان بيحب زي ماهو لو رجعنا من عند اهلي بعد ماتجوزتك وقلبك بينبض بحبي ساعتها كنتي بتحبيني ليه.
تنهدت واطرقت قليلا وهتفت.. مالوش لزوم.
وهمت ان تقوم فمسك يدها… لا له عايز اعرف انا ضيعت ايه من ايدي عشان اعيش عمري ندمان ومقهور عاللي عملته. قولي يا سهيله بتحبي ايه في جواد.
تنهدت هيا وابتسمت… بحب فيك ايه…سهمت ونظرت بعيدا تستعيد نفسها السابقه… انا حبيت فيه قوتك.. انا طول عمري قويه وكنت لو قابلت حد مش بعمله حساب.. حبيتك اما فرضت نفسك وشخصيتك عليا.. حبيت اهتمامك انك تخرجني من وجعي وتغرز حبك جوايا.. انا كنت فاكره اني بحب كريم بس انت حبك كان هو الحب اللي عرفته. حب الغصب بينحفر في القلب. حبيت كلامك الحلو ومراعيتك ليا.. حبيت كوني حبيبتك انت بتحب بطريقه مختلفه. انا كنت مريضه. انت جيت شفيت قلبي. كانت الدموع تتلألأ فهمست قلبي كان فرحان قوي بحبك… كنت بحبك قوي اقترب ورفع وجهها….. كنتي أشار الي قلبها.. يعني هنا بطل يحب.
حاولت أن تشيح وجهها فهتف.. سهيله قولي اللي جواكي ابوس ايدك انا همشي من حياتك ومش هتشوفيني. بس اسمع اللي جواكي.
لتنزل دمعه من عينيها.. لو قلت كنت ابقي كدابة انا صادقه مع نفسي فرفع وجهها واقترب اكثر لتهمس انا بحبك وهفضل احبك انا مابشفش غيرك ولا عمري شفت غيرك ولا هشوف.. انا من يوم مادخلت قلبي وانا انكتبت ليك معاك بقه مش معاك مكتوبه ليك.. اتحرم عليا اكون لحد تاني انا بتاعه جواد اللي عمري ماهحب غيره.
ظل ينظر اليها ونزلت دمعه من عينه فمدت يدها ومسحتها وهمست.. هتنسي يا جواد صدقني.
شدها اليه.. ليه هو انت هتنسي.
همست.. انتو الرجاله بتنسو.. قال.. دا لما يكون الحب مش متملك انت متملكاني. انت انا وروحي. انت جواد وجوا جواد يا روح جواد عشت حياتي مابفكر في الحب كنت عارف هاخد حد من اهلي وخلاص انما من لحظه ماشفتك مافيش يوم الا وحلمت بيكي في حضني وزي ماحلمتي بيا حلمت بيكي حلمت اصحي علي اجمل عيون حلمت اشيبب معاكي بعد مااولادنا يشوفو حياتهم.. حلمت اسعدك بكافة الأشكال حلمت اديكي حب بيقطع جوايا من كتمته والله بيقطع جوايا.. كانت عيونها تسيل منها الدمع ليقترب ويتلمس وجهها بشفتيه.. دموعك دي غاليه اغلي من روحي لو طلبو مني حد ياخد روحي ولا ان دمعه تنزل منك اعملها. عارف وجعتك عارف هنتك عارف عملت كل حاجه.. بس حبي ليكي كان هيموتني… بس ماليش حيله اشيل وجعك.
اقترب وقبلها بلطف فتنهدت وقامت وابتعدت.. ليهز راسه بقوه… يا رب تعبت حبيبي دماغه حجر اروح فين يا رب اهدهالي..
كانت واقفه تحاول ان تصمد فهيا لو استسلمت لن تعود لنفسها لتشهق عندما وجدت نفسها محموله علي يديه فهتفت ايه في ايه..
قال مشاكسة… هعلمك السباحه.
فهتفت جواد بطل بخاف..
ليشاكسها… ويذهب بها للماء وهيا تصرخ حاولت أن تتملص منه وتعدو خارجه من الماء ليضحك ويعدو وراءها ويحملها وهيا ترفص وتصرخ ليدخل ويرميها بعيدا فشهقت ليندفع ويحتضنها كلبشت فيه والتصقت بشده.
همس بحب… بحبك يا واخده عقلي.
فخبطته.. انت عايز تموتني.
ضحك وقال… حد يموت روحه والله روحة حاسه بقلبي وسامعاه.
تنهدت وصمتت فهمس بحب.. حبيبي والله بحبه.
فهمست.. بطل بقه تقول مش كل شويه الله.
ضحك وادارها.. بقي كده.. فصرخ.. بحبك بحبك بحبااااااك. يا ناس عايز املا الدنيا بيها اصرخ واقول قلبي ولهان لصبيه دماغها تعبان.
تنهدت وصمتت فكل ما يفعله يشعرها بمشاعره.. ظل يدور بها ويدور وبدأ يخرج وما ان لمست الارض حتي دفعته فضحك وقام بدفعها فشهقت ووقعت في الماء فقامت مغتاظه وبدات تقذفه بالماء وهو يضحك ويشاكسها ليقترب ويمسك يدها هتسكتي والا افطسك في الميه لتقفز عليه تنزله الماء بيقوه ويضحك لتخبطه وتخرج فخرج وراءها كان يمشي ورائها ملتصقا بها فاستدارت ودفعته ماتبطل بقه انا تعبت.
فشدها اليه.. تعبت من قربي يا قلب جواد. فتنهدت وهمست بلين.. كفايه بقه الله.
ظل ينظر اليها بحب.. بحبك.
تنهدت واغمضت عينها تستمتع بحلاوة الكلمه وهمست.. جواد كفايه من فضلك واستدارت ودخلت الخيمه وغيرت ملابسها وظلت قابعه تخاف ان تخرج له فهو يهلكها عشقا لتسمعه أمام الخيمه.. وحشتيني مش هتخرجي.
فقالت.. لا هنام تعبت.
فاندفع يدخل… والا بركه انا بقول كده برضه واقترب وحملها فصرخت.. بقلك هنام الله انت ايه قراضه.
فضحك وهتف.. شهر يا قلب جواد هلزق فيكي زي روحك لأنك روحي لتتنهد.. جواد كفايه عايزه ابقي لوحدي والنبي.
ليذهب ويريحها ويشدها اليه.. عايزه ماتحسيش بيا عايزه تبعدي عايزه ماتشوفيش حبيبك هيبقي ايه عايزه تقهريني نفسي اوريك حياتنا كانت هتبقي ليه بتمناها شدها واخذها في احضانه… هتبقي جنه بس جنتي ترضي والله هسعدك. تنهدت وصمتت فمسك يده وقبلها… وهمس.. يا رب بحق لا إله إلا الله ريح قلبها واجبر كسرها يا رب ردهالي طالبها منك يا رب هيا موجوعه ردهالي يا رب. احست بدموعها تسيل ودون وعي اندست في احضانه فتنهد وقبل راسها ونامت هانئه بين يديه وهو ظل يدعو ربه الي ان نام طالبا حبيبته من الرحمن.
ليمر شهر الاحلام صعدت مشاعر كل منهما للافاق ترتوي وتشبع القلوب الجافه التي انكوت من البعاد. لياتي اخر يوم كان الليل قد حل وعلمت سهيله انهم في الصباح سيرحلون فانزوت بعيدا لا تقوي علي الكلام لا تقوي علي النظر اليه وبدات في تقويه نفسها لتبتعد عنه بلا رجعه فهي كرهت تلك الشخصيه التي انذلت له ليلاحظ هو ذلك ليعطيها مساحتها ولكنه كان يحترق لا يعلم فيما تفكر والخوف مسيطر عليه لم يعد قادرا ان يمنع نفسه اكتر من ذلك ليذهب ليقف ورائها ويحتضنها ليهمس بمشاعر جياشه.. بحبك.. لتتنهد ولم تتكلم ليهتف بتفكري في ايه ومسهمه من الصبح..
لتتنهد وتبتعد وتبدا في التحول الي شخصيتها القديمه لتهتف.. اظن يا جواد انا نفذت كل طلباتك والشهر ده ما مامنعتش ليك اي طلب اظن جه الوقت اللي توفي بوعدك..
ليطرق قليلا يسيطر علي انفعاله.. ليهتف.. ايه عايزه تسيبيني بعد كل ده..
لتهتف بجمود ده اتفاق واظن انت عند كلمتك..
ظل ينظر اليها هنا تنهد اخيرا وقال بس لسه شهر تاني يا سهيله تخلصي فيه الشغل في بيتي وبعدين خلاص زي ما تختاري..
ليوجعها قلبها فتنهدت… اوك يا جواد اظن كده كل حاجه بقت في مكانها.. استدارت فلم تعد قادره علي الصمود امامه لتهتف تصبح علي خير..
ابتعدت فاسرع ووقف امامها…. انت هتنامي لسه الليل طويل..
تننهدت…. ان نصحي بدري وحاولت ان تمشي فمسكها وقال.. بس لسه الشهر ماخلصش انا اللي اقول امتي يخلص ليشدها اليه يحتضنها بحب فاغمضت عينها بقهر وهو يعتصرها بحب كانها روحه. تتنهد وشدها الي النار وجلس بها وجلس ورائها واخذها في احضانه كان الجو ساحر واصبح المكان يشع حالميه ومشاعر جياشه وكل منهم صامت لا يقوي علي الكلام ليظل يداعب كتفها ويقبل راسها وكل حين واخر يزيح شعرها ويقبل رقبتها وهيا متجمده تحس انها ستموت اما هو فكانت حالته بائسه فرغم عشقه لها الا انها لم تمتثل لقلبها وهويعلم ان قلبها يأن من حبه ليقرر شيئا ليقوم فجاه ويهتف…. ماشي يا سهيله تصبحي علي خير كده خلصت.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الجامحه والبدوي)