رواية حب أعمى الحلقة الخامسة 5 بقلم ندى شريف
رواية حب أعمى الحلقة الخامسة 5 بقلم ندى شريف
 |
| رواية حب أعمى الحلقة الخامسة 5 بقلم ندى شريف |
رواية حب أعمى الحلقة الخامسة 5 بقلم ندى شريف
*بعد عام *
اوس على الهاتف : باركيلي….انا هتقدم لمنار
كريمه : بجد !!
اوس : صدقيني
كريمه : لولولولولولولولولوي
اوس : بس انا مش عاوزك تقوليلها….انا عايز اعملها مفاجأه
كريمه : انت تؤمرني يا عينيا
اوس : تمام سلام
كريمه : سلام
* اوس اغلق المكالمه… *
زين : انت مجنون……انت عارف انت عملت ايه؟؟….انت ردمت كل اللي عملته
اوس بخيبة أمل : خلاص انا فوقت من الوهم اللي انا كنت فيه
زين : انا معاك……بس منار !!…….مش دي اللي كنت بتشتكيلي منها و انها زي اختك…انا عارفك و فاهمك كويس….فكر شويه
اوس : متقلبش عليا المواجع…..خد ال 200 جنيه دي اشتري بوكيه ورد من اقرب محل ورد في المنطقه هنا
زين بحزن : اللي انت شايفه…ده قرارك في الاول و في الآخر
* عندما وصلوا للمحل….زين دخل محل الورد….*
اوس بره المحل…..شم ريحه مألوفه بالنسباله…
اوس و هو يشم : هي؟؟……لا لا اكيد مش هي….طب لو هي….. اما أجرب
ثم رمى عصاه على الأرض…
اوس : يا رب تكون هي……يا رب
_ اتفضل العصايه
اوس في عقله : مش هي لأ
اوس بخيبة امل : شكرا
ثم تحرك للأمام… لكنه اتصدم ب فتاه..
اوس : انا آسف
_ حصل خير
اوس بفرحه : انتي؟؟
_ افندم !!
اوس بفرحه : انتي و لا مش انتي
_ لا أكيد انت اتلغبطت
اوس : لا و الله انتي…..انتي مش فاكراني؟؟
_ لا بصراحه
اوس : فاكره السنه اللي فاتت يوم 25/6 الساعه 2:34
_ لا اكيد مش فاكره….ليه؟؟
اوس : لما وقعت على الأرض و انتي قومتيني
_ آآآآه…..افتكرت خلاص
اوس : طب الحمد لله
_ بس انت عرفتني ازاي؟؟
اوس : ده انتي سهرتيني الليالي
_ مش فاهمه قصدك ايه؟؟
اوس : بصي انا عايز اطلب ايدك بأي طريقه……انا حبيتك من اول ما شوفتك
_ ايه ده !!
اوس : بصي انا مش عايزك تتفاجئي…..انا فضلت السنه اللي فاتت دي أقف في نفس المكان اللي انا قابلتك فيه لحد ما لاقيتك النهارده
_…………..
اوس : انتي مشيتي و لا ايه
_ لا لا موجوده…..بس انا مش عارفه اقول ايه بصراحه
اوس : انا مش عايزك تقولي حاجه
ثم أخرج هاتفه…
اوس : اكتبي رقم تليفون باباكي
_ ليه؟؟
اوس : عشان اطلب ايدك من باباكي….اومال هطلب ايدك من مين
_ انت بتتكلم بجد و لا بتهزر
اوس : هو ده شكل واحد بيهزر…..انا مش مصدق ان انا قابلتك اصلا
_ يعني انت هتتقدملي؟؟
اوس : انتي بتسأليني……و بعدين انتي كل ده مكتبتيش الرقم
_ خلاص حاضر هكتبه اهو
اوس : انتي اسمك ايه؟؟
_ وعد
اوس : انا اوس
وعد : اسجله بأيه؟؟
اوس : عمي
وعد نظرت له و هي تبتسم…
وعد : تمام سجلته….اتفضل تليفونك
اوس : كتبتي الرقم و لا بتضحكي عليا
وعد و هي تضحك : و الله كتبته
اوس : تمام…..انتي هتمشي؟؟
وعد : ايوه لازم امشي
اوس : طب ثانيه واحده……انتي موافقه؟؟؟
وعد ابتسمت و لم تجاوبه…
اوس : يبقى تمام…..السكوت علامة الرضا….تقدري تمشي دلوقتي
وعد و هي تبتسم : تمام….سلام
* ثم ذهبت… *
زين : قعدت انقيلك احلى بوكيه…..لحد ما لاقيت ده
اوس : طلاما عجبك يبقى حلو
ثم اخذ البوكيه الورد و رماه على الأرض…
زين بصدمه : حرام عليك ده انا تعبت اوي عقبال ما جيبته
اوس : ششششش….انا قابلتها
زين : قابلت منار؟؟…..طب هي فين طيب
اوس : انسى منار دي خالص……قابلت البنت
زين : احلف……و الله انا حاسس انك بتتخيلها
اوس : و انا مالي انت اللي بتيجي متأخر
زين : و اخدت رقمها
اوس : لأ…….بس اخدت رقم باباها
زين : و الله انت عظمه……عرفت عنها أي حاجه؟؟
اوس : اسمها وعد…..ده كل اللي عرفته
زين : يااااااه…..فكرتني بشخص عزيز عليا
اوس : طب ما تروحلها…..مش هي خلاص رجعت من السفر؟؟؟
زين : المفروض
اوس : يبقى فرصه و جاتلك
زين : فكك فكك….هتعمل ايه مع امك؟؟
اوس : يالهوي نسيت الحكايه دي خالص
زين : شكلك لبست يا برو
اوس : جاتلي حتة فُكيره
زين : ايه؟؟
★★★★★★★★★★★★★
اوس : كدبة ابريل
كريمه : افندم !!
اوس : بصي مش مهم…..المهم دلوقتي اتصليلي ب الحج
كريمه : ليه؟؟
اوس بفرحه : اعترفتلها خلاص
كريمه : البنت !!
اوس : ايوه
كريمه بغضب : عندك تليفونك….. تبقى تتصل ب أبوك
اوس بسخريه : ايه ده هو كيد الحموات ابتدى و لا ايه
كريمه ذهبت غير مباليه لكلامه
اوس لهاتفه : اتصل ب بابا
محمد : الو
اوس بفرحه : قولتلها خلاص
محمد : مين؟؟
اوس : وعد….. البنت اللي انا كنت قايلك عليها
محمد : ايوه ايوه افتكرت
اوس : انا معايا رقم تليفون باباها…..هديهولك تمام؟؟
محمد : تمام
اوس : انا قلقان اوي
محمد : متقلقش…..اديني الرقم بس و سيب الباقي عليا
اوس : تمام
ثم اغلق المكالمه..
اوس راح ل كريمه….
اوس و هو ممسك بهاتفه : ابعتي رقم عمي ل بابا
كريمه : تمام هبعته من على تليفوني
اوس وهو يفكر : انا لو قولتلها أنه ابو وعد مش هتوافق اكيد
اوس بتردد : لا لا……هو قاللي ابعته من عندي
كريمه : هات طيب
اوس : هتلاقيه مكتوب عمي ها
كريمه : اهو لاقيته…..بعته خلاص
اوس بفرحه : شكراً
كريمه : بس هو عايز رقمه ليه؟؟….مش هو معاه؟؟
اوس بتوتر : أصله اتمسح
كريمه بغضب : تمام سيبني بقى اما اشوف المطبخ ده
اوس بإستغراب : اومال منار فين؟؟
كريمه : مش عارفه….تلاقيها في اوضتها
اوس : اوك
ذهب لغرفتها و وقف أمام بابها و كان سيطرق الباب و لكن شيء ما أوقفه و كان سيعود ادراجه مره اخرى و لكن…
منار و هي تفتح الباب : اتفضل يا اوس
اوس بإستغراب : عرفتي ازاي؟؟
منار و هي تضحك : من ظلك…..انت نسيت ان الباب شبه شفاف و لا ايه
اوس بإحراج : آه صحيح
منار : هو انت فاكرني وحشه؟؟
اوس : لا….ايه اللي خلاكي تقولي كده
منار : من اللي انا كنت بعمله…..كنت بفرض نفسي عليك… انا اسفه… متزعلش مني
اوس و هو يبتسم : يا بت احنا اخوات….و الاخوات مبيزعلوش من بعض
منار : انا بس عايزه اقولك اني اتغيرت و اتمنى ان البنت اللي انت قولت عليها دي و متمسك بيها تكون تستاهلك
اوس : يا رب…….بقولك ايه فرفشي كده عشان هتقدملها قريب
منار و هي تبكي و تبتسم في نفس الوقت : بجد؟؟…..يا رب يكون في وقت عشان اجيب فستان
اوس و هو يضحك : عندك وقت اهو تنزلي تشتري براحتك
منار و هي تبكي و تبتسم في نفس الوقت : مبروك يا……يا اخويا
اوس : الله يبارك فيكي……بس صوتك مش مريحني
منار و هي تمسح دموعها : لا خالص….ده انا فرحانالك جدا
اوس : تمام….اسيبك بقى
ثم خرج من الغرفه….
و هو صاعد إلى شقته….جلس يفكر..
اوس لنفسه : انا فاهمها…بس لازم اكون قاسي عشان تعقل…..انا و هي مينفعش نكون غير اخوات….يا رب تفهمني
★★★★★★★★★★★★★★★★
وعد : وحشتوناااااااااي
سناء و الدموع بعيناها و هي تقبلها : حبيبتي حبيبتي……وحشتيني اوي اوي
ثم قامت بإحتضان والدها..
وعد و هي تضحك : ياااه ….البيت زي ما هو
سناء بضحك : اومال…..ادخلي اوضتك و غيري هدومك عقبال ما احطلك الاكل
وعد : عامله أكل ايه؟؟
سناء : محشي و ملوخيه و ارانب و ….
وعد و هي تضحك : بس كفايه انا جوعت….هروح اغير و آجي
* اثناء الغداء… *
وعد : تسلم ايدك يا ماما
سناء : الف هنا يا قلبي
وعد : آه صحيح……في عريس متقدملي
سناء : ازاي و مين و من امتى و فين؟؟
وعد : ايه كل الاسئله دي…..بصي انا لو قولتلك مش هتصدقي…..انا اصلا مش مصدقه
سناء : احكي احكي
وعد : اول مره شوفنا بعض فيها السنه اللي فاتت…..فاكره اليوم اللي انا بكره ده؟؟
سناء : آه طبعا هو انا اقدر أنساه….ده انتي بهدلتي الدنيا
وعد : عموما كان في نفس اليوم و انا راجعه لاقيت شخص وقع على الأرض فروحت ساعدته….و بس
سناء : ايه اللي بس؟؟….كملي
وعد : قابلنا بعض صدفه بس انا مش عارفه هو عرفني ازاي
سناء : عادي يعني…..شاف وشك ف حفظه ايه الغريب؟؟
وعد بتردد : لا مهو…..هو اعمى
سناء بصدمه : اعمى !!
وعد بإستغراب : آه اعمى….فيها ايه؟؟
سناء : انا مش موافقه
وعد : ايه ده من قبل ما تشوفيه؟؟
سناء : ايوه…..هو انتي ناقصه….انتي مش هتقدري عليه
وعد : مش فاهمه قصدك ايه
سناء : قصدي انك هتشيلي مسئولية بيت و عيال و شغل هتجيبي وقت منين تراعيه؟؟
وعد : عادي مفيش مشكله…. على فكره هو مش زي مانتي متخيلاه هو قادر يعتمد على نفسه
سناء : تعالى شوف بنتك….قال ايه عايزه ترتبط بأعمى
مصطفى : هو محترم و كويس؟؟
وعد : انا معرفش انا كل اللي اعرفه ان اسمه اوس بس هو باين عليه محترم
مصطفى : و هو عارف العنوان؟؟؟
وعد : يا بابا انا اديته رقمك و هو هيتصل بيك و يحددوا معاد
مصطفى : تمام كملي أكل و نبقى نتكلم في الحكايه دي
وعد : تمام
و عندما أمسكت الملعقه….رن هاتف والدها…
وعد : اكيد هو……لا وكمان اتصل على الاكل يعني حماته بتحبه و ده فال جميل
مصطفى رد على الهاتف…
مصطفى : الو
وقفت وعد بجانب والدها متوتره..
مصطفى : آه ازيك
ثم نظر لها…..
وعد بتوتر بصوت منخفض : ايه في ايه؟؟
مصطفى : ده يشرفني طبعا………يوم الجمعه مناسب؟؟؟…… تمام…….سلام
ثم اغلق المكالمه…..
وعد بفضول : ايه اللي حصل؟؟….هو صح؟؟؟
مصطفى : باباه
وعد : آه و بعدين
مصطفى : قاللي أنه مدير مصنع و ان ابنه طالب ايدك و اتفقنا على ميعاد و خلاص
سناء : انا قولت مش موافقه عليه
وعد : يا ماما ابوس ايدك اديله فرصه…..انا مش عارفه….انا ارتحتله اوي معرفش ليه….حسيته صادق في كل كلمه قالها
سناء : حبيبتي انا خايفه عليكي…..انتي لسه بدري على الهم
وعد : عشان خاطري
سناء : ماشي…..و بعدهالك
وعد : ان شاء الله يكون في حسن ظني و انا هصلي صلاة استخاره و ان شاء الله خير
★★★★★★★★★★★★★★★★★
الهاتف : بابا يتصل بك
اوس و هو متلهف : ايه؟؟…احكي بسرعه
محمد : اهدى شويه….كلمته و حددت معاه ميعاد
اوس بفرحه : وافقوا !!
محمد : يوم الجمعه الجايه ها
اوس بسعاده غامره : حاضر حاضر
ثم اغلق المكالمه و اتصل بزين….
اوس : اتصل ب زين
زين : الو
اوس بفرحه : فاضي شويه تشتري بدله لأخوك؟؟
زين : كلمت باباها صح؟؟
اوس : هروح يوم الجمعه الجايه
زين : مبروك يا اخويا….فاضي طبعا
اوس : تمام تعالى خدني
و عندما ذهبوا للمحل…..زين احضر عدة بدل ل اوس ليجربها…..و بعد عدة بروڤات استقروا على شراء بدلتين…
اوس : حلوين ؟!
زين : عيب عليك…..انا عمري ما اجيبلك حاجه وحشه
اوس : حبيبي و الله
زين : يلا جهز نفسك كده يا عريس
اوس بفرحه : ده انا بطير من الفرحه
★★★★★★★★★★★★★★
* اليوم التالي.. *
وعد في الطريق عائده الى بيتها…
شاب يرتدي خوذه مخبأه وجهه و راكب الدراجه الناريه و وقف بجانبها…
_ القمر رايح فين
وعد غير مباليه له و ظلت تسرع…
الشاب و هو يلاحقها بالدراجه : توصيله طيب؟؟
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ظلام الرعد للكاتبة فاطمة عيد.