رواية لماذا يا أبي الفصل الأول 1 بقلم زهرة عصام
رواية لماذا يا أبي الفصل الأول 1 بقلم زهرة عصام
رواية لماذا يا أبي البارت الأول
رواية لماذا يا أبي الجزء الأول
رواية لماذا يا أبي الحلقة الأولى
– اطلعوا بره كلكم بره
مش عاوز حد منكم كان بيقول كدا و بيرزع على الباب ايد فيها مفتاح الأنبو.بة و الايد التانية فيها سكيـ ـنه
والله ما هسبكم يولاد*** اطلعوا بره بيتي يا كلا . ب
– و بعدين يا ماما هنعمل اي ؟!
– والله ما أنا عارفة يا نور ادينا قاعدين لحد ما يهدي و يبعد عن الباب
– يا ماما انا خايف أوي هو ممكن يموتنا
– لا يا حبيبي هو بيحكبكم و عمره ما يفكر يعمل كدا حد بيكره ضناه برضوا ؟
نور:حضنت اخوها و بقت تطمنه لكن كان بينتفض مع كل خبطه على الباب
والله لو ما خرجتوا لقتـ ـلكم كلكم انا مش عاوزكم اطلعوا بره بقول
– ماما انا خايفه اتصلي بحد يجي يخرجنا من هنا دا هيموتنا كلنا
– متخافيش يا هدي اهدي يا ماما هتصرف بسنت خليكي جمب اختك
بسنت : حاضر بس بسرعه و لحسن دا شوية و هتلاقيه كاسر علينا الباب
– طلعت التلفون و اتصلت على عمدت البلد و حكتله اللي بيحصل معاهم .. يا حضرت العمده بقولك ماسك لينا السكينه و عاوز يكروشنا من البيت دا اتهبل على الآخر
– أنا آسف والله يا ابله ألفت بس انا مش في البيت دلوقتي انا بعمل مصلحة بره اتصلي على المركز أو استاذ منصور يشوف ليكم حل
ألفت: تمام يا حضرت العمده .. قفلت معاه و اتصلت على استاذ منصور هو ليه مكانته في البلد برضوا و مش بيرد حد .. الو يا استاذ منصور بالله عليك الحقنا هيمو.تنا كلنا نازل رزع على الباب و بيشتم او.سخ شتايم و مش راحمنا ابدا
منصور بتوتر: معلش يا ابله ألفت انا بره البلد شوفي العمده يتصرف
ألفت بعجز تمام يا استاذ منصور و قفلت الخط
– مين يا منصور اللي بيتصل
منصور: دي أستاذه الفت عوزاني أروح أخرجها من البيت جوزها عامل مشكلة تاني بس انتي عارفه إن لسانه طويل و محدش هيخلص منه
– ربنا يتولاهم برحمته الصراحة ربنا يكون في عونهم على اللي مستحملينه دا
———– اذكروا الله———–
اه يولاد***** يولاد****** والله لموتكم كلكم دا انتوا****** يا اوسـ*****
نور: و بعدين يا ماما هنعمل اي محدش راضي يساعدنا
ألفت: لا بإذن الله هتصرف ماشي يا شريف الكـ ـلب انت اللي اطريني اعمل كدا و مسكت التلفون و اتصلت على المركز و قدمت شكوه بالتعدي
المركز جه و قدر يخرجهم وسط شتيمة شريف ليهم و هجومه عليه بالإضافة أنه جمع هدومهم و رمهالهم على السلم
شريف: مش عاوز اشوف وش حد فيكم هنا تاني انتوا فاهمين عيله تجيب الفقر
تلت بنات آنسات و ولد صغير و والدتهم الساعة انتين بليل مطرودين بره البيت عايشين وسط تحكومات اب ظالم ..
بسنت: هنروح فين دلوقتي يا ماما
ألفت: هنروح بيت ابويا محدش قاعد فيه هنتصل على جدتك و تخلي حد يجبلنا المفتاح
نور كانت ماشية و ماسكة أخوها في ايديها اللي بيقولها: نور هو احنا كدا معتش عندنا بيت صح
نور: لا يا زياد احنا هيكون عندنا أحسن بيت بس الصبر يا حبيبي و شردت و هي ماشية
نور في نفسها : هو أنا زعلانة كدا لي ؟! هي أول مره يعني؟! بس بتوجع أوي .. منك لله يا شريف خساره فيك تكون أب هتعمل فينا اي اكتر من كدا
ألفت اتصلت بوالدتها بتقولها على المفتاح ردت التانية و مش راضية تديه ليها
ألفت: يا ماما بقولك كرشنا في الشارع و الوقت متأخر هنروح فين بس
– مش شغلي اهم حاجة تبعدوا عني انا مش هديكم المفتاح
– يا أمي استهدي بالله الله يرضي عنك و ابعتي المفتاح هنفضل في الشارع كدا ؟
– مش فارقه كتير مهو طول عمره بيرميكم في الشارع و بيرجعكم تاني بس المرة دي أنا مش هديكم المُفتاح يا ألفت مش ناقصة خراب في البيت أنا محافظة عليه للزمن و مش عوزاه بتبهدل و إنتي يختي جوزك مهـ ـبول على الآخر و هيجي زي كل مرة يكسر باب البيت على دماغكم فـ من الأول كدا لا مفيش مفتاح و افضلوا في الشارع عادي ، و سلام بقي عشان أنا عاوزة أنام.
ألفت بصت لـ عيالها و عيونها دمعت مهي مش قادرة تعمل ليهم حاجة سرحت في حياتها و مفاقتش إلا على صوت بنتها و هي بتقول:-
ماما ها تيتا قالتك هتعتلنا المفتاح ؟ أروح اجيبه منها طيب أكيد مش هنفضل واقفين في الشارع كدا !!
بصت ليها ألفت و قالت:-
تنويه…
القصة بها بعض الأحداث حقيقة على لسان أصحابها
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية لماذا يا أبي)