رواية مشاكسه اخذت بيدي الفصل الثامن 8 بقلم ذات النقاب

مش هتكون عامله اللى قولت عليه متلومش الا نفسها مفهوم ومشى

فرح / فى نفسها طب والله منا جايه أن شاء الله

وروحت فرح ولقت حماتها وشويه بنات معاها جاين يتعرفو عليها.

كانت هتعيط من التعب حرفيا وكان عليها مجموعه وطبعا اتلغت فضلت تستغفر ودخلت سلمت عليهم واستاذنت تصلى وتطلع تانى وبعد ماخلصت وطلعت كانت واحده تانيه خالص كان البنات فاكرينها وحشه علشان كده لابسه النقاب وفاكرينها معقدة

بنت / بصراحه كنا فاكرينك غير كده

فرح / ابتسمت قصدك بقا دى منتقبه لاياعم دى شيخه والكلام ده صح

بنت تانيه / الصراحه اه

فرح/ ضحكت وقالت ياقلبى مش معنى انى لابسه نقاب اكون متشدده عمر النقاب ماكان تشدد بالعكس دا ستره بصو لو عندك عربيه هتسيبها فى الشمس من غير كفر اكيد لا ليه هتخافى عليها صح ولله المثل الأعلى هو أمرنا بالستر علشان دا امان لينا بمعنى أن لما اكون مش باين منى حاجه فمحدش هيبصلى بصه وحشه وانتو فاهمين عارفه ياعمرى لو تعرف النساء كيف ينظر لها الرجال لما خرجت من بيتها

بنت / يعنى احنا كده لبسنا حرام

فرح / ابتسمت وقالت بصى انتى عاوزة ربنا يرضى عنك وتدخلى الجنه ولا اى

بنت / اكيد طبعا

فرح / يبقى بقا ياقلبى لازم تعرفى أن اللبس الشرعى لبس امهات المؤمنين كان ازاى اول حاجه لايصف ولا يشف ولا يكون زينه فى نفسه ولا يكون لباس شهرة ولا يكون تشبه بلباس الكافرات فهمتى ياعمرى انتى غاليه لا زم يكون فضفاض طب والله بيكون كده مرحرح وتحسى انك فراشه طائره فيه

بنت / الله كلامك جميل زيك يافرح

فرح / والله انتو اللى جميلات وحلوين وانا حبتكو ربنا يجمعنا فى الفردوس الاعلى أن شاء الله

حماتها / خدتها فى حضنها وقالت زين مااختار ابنى حقيقى ربنا يحميكى يابنتى

فرح / شكرا ياست الكل متحرمش منك

المهم ياكبير أن الناس الحلوة دى اخدو واجبهم ومشيو الحمد لله وبنتنا فصلت خالص وقالت عاااااا جعانه ياخلق ياهو اكلونى هموت هفطس طب هنتحر وهنط من عالسرير لو مجبتيش اكل ياسلمى يام فاروق سلمى مش راضيه تاكلىنى يامااااااااااااا

الام / ينهار ابيض ارحمينى اى مجاعه الله يكون فى عونه كريم

فرح / قالت طب منيش واكله ها هدخل اصلى الاول اطلع الاقى الاكل

سلمى / رب انت تعلم كيف حالي ربنا يرزقك بزوج اهبل زيك ياعيله مجانين ومفاجيع

الام / هههههه يابنتى معلش استحملى روحى اكليها لتكلنا

خلصت فرح وكلت وقامت صلت العشاء وناااااامت

صحيت بعد كده صلت القيام والفجر وراجعت وردها وراحت للشيخ بدرى هى واختها سمعو ورجعت فطرت وبدأت يومها كمعلمه ( الله عليكى يابنتى ربنا يحميكى )

جه يوم الجمعه اللى نبع الحنان أصرت تعزم فيه خطيب فرح

فرح / انا طبعا مش موافقه عالعزومه دى تمام وعندى مجاميع اللى اخدت إجازة اول امبارح يعنى من الاخر كده سلام عليكم ورحمه الله وبركاته وخلعت على مكان الدروس بسرررعه

الام/ ماشى يافرح ياجزمه بس تنزليلى

سلمى طبعا عملت من بنها بس على مين امها جابتها من قفاها تعالى ياروح امك عندنا طبيخ

سلمى / ياناس انتو فاهمين غلط مش انا العروسه مش انا دى فرح اشوف فيكى يوم يافرح يابنت ام محمد ااااه

طبعا القفا سلم عليها تعظيم سلام

سلمى / تسلم ايدك يانبع الحنان الواحد من غيرك مش عارف هيعيش ازاى انتى وايدك ،

المهم يامعلم الناس دول سيبوهم يطبخو للعريس ونروح للعروسه

فرح / ها ياعيال حابيبى ذاكرو ولا اى

العيال / لا يامس

فرح / على خيره الله جاوب ياسيد سألتو سؤال

سيد / فاتح بؤقه وقال ها ها مين دول يامس اللى انتى بتسألينى عنهم

فرح / مين دول ؟ ولا أثبت ياض انا كرهت الخلفه بسببك ياسيد ياحبيبى مين بنى الاهرامات

سيد / وانا مالى يامس وبعدين سهله البنا هما اللى بنوها

فرح / الهى انت تعلم كيف حالي طب اقتله دا واريح البشريه منه قبل التكاثر يابنى انا تعبت خلاص

بنت / انا يامس الفرانعه

فرح / اى ياسوزى الفرانعه مين دول ياختى

سوزى / بكل ثقه الناس اللى بنو الاهرامات يامس

فرح / لا مس اى بقا دنا محصلتش طالبه لسه باللى بتقولوة ده بصو ياحبايبى اللى بنا الاهرامات دو الفراعنه مش الفرنعه الله يخربيت الافلام اللى بوظت دماغكم دى

ومش كده وبس لا دا كمان كل حاجه الفراعنه دول سابوها تعتبر من الآثار المصرية فاهمين اى حاجه

سيد / اى حاجه اى حاجه ياابله

فرح / اه ياسيد اى حاجه

سيد / يعنى الفضلات بتعاتهم برضو ياابله اثار

فرح / تنحت وكانت هتنشل من كلام سيد وقالت اى ياض النباهه دى لا لا مستحيل انت سيد ابدا

سيد كان فرحان جدا كأنه اخترع اكله جديده

فرح / قوم ياض اياك تجيلى تانى انا هعتزل التدريس بسببك اى ياض ياسيد ارحمنى هتشلنى وانا لسه صغيره حرام عليك

وخلصت الحصه على خير من غير اصابات ولقت الاذان بياذن والناس راحو يصلو فقعدت تعيط ومخنوقه وتقول أنا مش بتاعتو قلبى مش مرتاحلو انا حاسه بكده رب نورلى بصيرتى اللهم اخترلى ولا تخيرنى

ونزلت تحت اتوضت وصلت الظهر وحطت الاكل مع امها ودخلت جوة واخدت حبايه منوم ونامت لأنها كانت مصدعه جدا ومش طايقه نفسها

المهم ياكبير أن كريم جه واتغدو وطبعا امها دخلت تصحيها لقتها نايمه