رواية التضحية الفصل الحادي والعشرون 21 بقلم آية حسن

رواية التضحية الفصل الحادي والعشرون 21 بقلم آية حسن

رواية التضحية البارت الحادي والعشرون

رواية التضحية الجزء الحادي والعشرون

رواية التضحية الحلقة الحادية والعشرون

وليد: شاب شوية طايش مع انه مش صغير في العمر متزوج ويخدم في فرع امني المهم عسكري مش مدني، يحب المشاكل وعنده موقف من حلو معانا حنشوفوه بعدين 💕
نوال: مرا ارملة من 8سنين لكن ماسكرتش حوشها واحتوت بناتها من غدر الزمن، ربي يهديها هي ح تصحى لكن في وقت متاخر، تكره جيرانها لان تحس في المرا خير منها 💕
رقية: بنت واعرة، يتيمة الاب لكن لسانها مش مخلي حد يتعاطف معاها نهائي، حبت شخص بعدين تعاركو ف تزوج وحدة غيرها من شدت كرهها ليه دمرت علاقة تانية لانها قريبة منه ، لكن علاش؟ 💕
#شهد_الساعدي
الحلقة واحد وعشرين 🔥
فاتت الليلة طويييلة عليهم وبالذات اكرم، قعد يتفكر في اللي صارله قبل، خلي نحكيلكم قصته بالتفصيل 🦋
اكرم كان عايش مع امه وجده وحناه ومعاهم خاله وليد عازب وكان اكرم ووليد زي الخوت كل شي مع بعض وديما مع بعض 👬🏽
المهم كان الحوش اللي في جنبهم مرا ارملة اسمها نوال وعندها زوز بنات، رقية ورغد، وليد كان خاطب رقية صار بينهم موضوع ان لو بيتزوجها بتسكن فوق اماليه ف هي رفضت وخطوبتهم كانت بعد علاقة حب عموما،💔
اللي خلى اكرم متدخل هو انه كان يحب رغد 💘
وطبعا رقية زي ماعرفنا بيها من شدة كرهها لوليد خصوصا انه خطب غيرها وتزوج منعت اختها من انها تكمل مع اكرم وعبتلها راسها ورغد ماكانتش من العاقلات، سمعت كلام اختها وكرهت اكرم بلا سبب🙂💔
حتى لما توفى جد اكرم، رغد ورقية عزو وليد واكرم لاا🥲

طبعا بعد فترة من انفصالهم حاولت ترجعله لكن بعد اللي داراته رفضها ولما رفضها حرقتله سيارته وقعد في عازتها😑
ومزال تحاول ترجعله ولو صار المستحيل قاعدة مصممة، وزادت بعد ما اكرم اعترف ب شهد قدام عيلته💍💜
وهادي كانت قصة اكرم وماضيه اللي مسببله الاكتئاب هدا كله، 💔
واخيرا جي الصبح حاليا الساعة 6 الصبح، ناضت شهد صلت الفجر وضمت دارها وقرات قرانها طلعت فطرت ومشت للجامعة، طبعاا كله عند بريق واضح😂😂
بريق فرحت ان شهد واكرم بيتلاقو بعد فترة تعارف حلوة🥺
بريق: واخيرا بتقدمو خطوة قدام، وكويس هو بيشد المحل احسن من حد براني 🤤🤤❤
شهد: اي، اني متشوقة تشوفه لحق، لكن مش لدرجة الهبال😂😂
اكرم كيف فتح عيونه كانت الساعة 9ونص ضحك من وسط قلبه فرحان، لقي امه ناداها طول، هو هكي متعود لازم يصبح عليها 🤤❤
اكرم: امي عندي ليك خبرين حلوين الزوز، حصلت خدمة واليوم بنتلاقو اني وشهد، قوليلي شن نلبس، هي طلعيلي حوايجي مابين مادوشت وطلعت مانبيش نعطل عليها 🤤
سهام: ربي يدوم فرحتك ياوليدي، هي برا دوش وحوايجك واتيات تلقاهم هيا وقت عليك شهودة تراجي فيك😂😂
دوش اكرم ولبس وخدي سيارة امه وطلع، شهد كانت كالعادة في المخزن، شرت كريب وعصير طبيعي 🤤🤤❤
خش اكرم لقي المحل فاضي يحسابها مهناش قعد قدام المرايا بتدرب ع الكلام اللي بيقوله، شهد تسمع فيه وساكته كانت وراه لابسة عباية ووشاح حلو لين قال نحبك 🤤❤
شهد: سمعت اللي قلته كله، اني مانبيكش تدرب علي شي عفويتك نبيها، خليك ع الطبيعة تمام حبيبي؟ ❤
اكرم: تمام عمري، نبي نطلب منك طلب واحد توا🥲
شهد: لا، تعالا نوريك حاجة قبل، اكيد مش واكل شي، صح؟
اكرم: اي صح، لكن مش خاطري في شي 🥲🥲❤
مشي اكرم مع شهد خشو كلو شوية من الكريب وشربو عصير وهما يهدرزو ويضحكو، لين اتصلت بريق فيديو😂
جت شهد جنب اكرم وردت: هلا وين في الجامعة انتي؟ 🤔
بريق: سلم هالعشاق، محلاكم كنت نبي نشوفكم بس، اي في الجامعة خليتيني بروحي اليوم مزال محاضرة ونروح🥲🤍
سكرت شهد الخط وبعدين باست اكرم من خده بعفوية بعدين حست علي روحها🥲🥲🤍🤭
شهد: اسفة نسيت روحي، ضايقتك ولا، والله اسفة🥲🤍
قعدت متوترة وتتحرك هلبا لانها تحشمت هلبا، شدلها اكرم راسها وباسها هي في وقتها ذابت🤭💋🤤
اكرم: مافيش بيناتنا عادي ماتتأسفيش حبيبي 🤤🤤
شهد مصدومة لانها اول مرة يبوسها، ناضت من مكانها ناض اكرم وراها وحضنها بكل حب وحنان، شهد حست انها خلاص مش وحيدة 🥺❤️‍🩹
استلم اكرم المحل وجهزوه وجي يوم الافتتاح، اكرم ناض الصبح لبس حوايجه وخطمت عليه شهد مشو مع بعض لقو بريق فاتحاته ومنظمة كل شي مزال الشريط الاحمر يبي التركيب ع الباب بس🎗

شهد قالت للقريبين منها واللي تعرفهم وعرفنا بيهم سابقا، وعلي اساس اكرم صاحب المحل بس مافي شي بينهم، شهد متشوقة قعدت تبعت في موقع المحل للناس القريبة، واكرم دار اعلان عليه في الانستا لان كانو عنده متابعين هلبا🤤
بدو الناس توصل وجي وقت الافتتاح قصت شهد واكرم الشريط وخشو✂️
ندى اكتر وحدة مصدومة كيف سهد خلت المحل بعد المرحوم 🥺💔
بعدين خشت (رغد) للمحل، اكرم كان مع زبونات ماركزش عليها لما خشت 🤭😑
شهد: اهلا وسهلا بيك، تقدري تشوفي اللي يريحك وصاحب المحل اهوا غادي اللي واقف، اساليه عاللي تبيه🦋🦋
طبعا شهد ماتعرفش شكل رغد هدا علاش مازبطتهاش، مشت وقفت مع ندى وزينب وليال وسعاد ومريم تهدرز🤤
سهام وامل وقفو مع بعض طبعا الاتفاق حتى مع سهام ان هي زبونة لااكتر ولااقل وتعرف شهد من فترة قصيرة☺️❤
نوري بعد مابارك لشهد طلع برا قعمز في السيارة وقعدت عينه علي اكرم مش مستريحله بكلل😑😑
سهام لمحت رغد طول بعتت لاكرم رسالة: رغد هني طلعها منغير علم شهد، خلي اليوم يفوت بخير من فضلك 🥲🥲
اكرم شد يد رغد بقوة وطلعها طبعا من شدة الزحمة ماشافه حد وقفو قدام المحل ونوري من بعيد يشوف فيهم 😧😧
اكرم: انتي شن اديري هني؟ شن مزال تبي قولي هي😠😠
رغد: حرام نجي ولا كيف؟ اني جاية لمحل حبيبي عادي 🤤
اكرم: حبيب منو؟ هدا كان زمان لما كان اكرم فاسد توا اكرم بدي حياة جديدة، تعرفي لو ماتمشيش من هني مش حيصيرلك خير يا رغد😠🔥
رغد حضنت اكرم في الشارع وقالت: ياتكون ليا يا تموت تمام😉🐍. …ومشت روحت 😑
نوري لما شافهم نزل من السيارة وكيف بيكلم اكرم 😠😧
شهد: اكرم حبيبي نسيت نعرفك، نوري وخيي من 4سنين وراجل ندى 🤤❤
نوري: اهلا وسهلا بيك، قالتلي شهد عليك ربي يهنيكم 😑
اكرم عرف ان نوري شافه هو ورغد: وبيك، سلمك ياغالي☺️
نوري: شهودة قولي لندى هي بنروح تعبان من الخدمة☺️
شهد: اي تمام هي، لكن استنى بنعطيك حاجة 🦋❤
نوري: وربي ع الموقف هدا لو اختي تنكسر بسببك موتك ارحملك من ان واحد خاين زيك يعيش حتشوف 😠😠
طلعت شهد وندى لقو نوري فاصل واكرم جامد في مكانه😑
شهد: استلم زوجتك يا باشا والف مبروك 🤤🤤
نوري: علي شنو؟؟ شن قلتي بنعطيك حقا؟ 🤔🤔
شهد: انت ماتبيش تتغير، قاعد تعشش هلبا زي اول ماعرفتك المبروك علي حاجة خاصة، واني جبت من الطورتة كيف ما تحب 🤤🦋
نوري شاف لندى: باهي لما نوصلو نعرفو، صحيتي شهودة هي سلام، سلام يا اكرم ماتنساش كلامنا تمام 😉😉🔥
اكرم بضحكة صفراء: تم ياغالي ماتوصيش👌🏻👌🏻
شهد: شن قالك نوري؟ خيره، اكيد عليا اني صح؟ 🤔

اكرم: لالا دوة عادية ماادوري شي، كلام شباب ههههه😅
طلعت سهام: وين انتو، شهودي ماتلاقيناش داخل بكل ❤
شهد: فرحتيني بجيتك اليوم وربي فرحت هلبا هي🥺🦋
سهام: امك مشالله عليها، هي تبيك داخل، اني نستادن ☺️
شهد: استني نشوف ماما ونجي ماتمشيش 🦋💜
سهام: شن قالت الحقيرة هاديكا، شن تبي مزال وهي وين ماتمشي تمشي بخرابها 😠😠
اكرم: خايف تقرب من شهد وتلحس دماغها، شهد طيبة💔
شهد: تقرم فيا يافالح، سمعت اسمي انشالله خير شن في🤔
سهام: لا غر شكرت المحل وانتي طالعة تهبلي عموما🤤💜
شهد: عيونك الحلوات، ردي بالك وانتي تسوقي، سلام 🦋
سهام ودعها اكرم وشهد مع بعض وهي بالها مع رغد وشن جابها، اكرم قعد مش علي بعضه حتى مع شهد 💔
نوري يتكلم مع ندى في السيارة: تعرفي لو نقولك شن شفت، وحكي ل ندى علي اكرم وشن شافه💔
ندى: ووه عليا هالبنت من طبة لطبة مسكينة، ربي معاها😭
نوري: مش ح نسمحله يدمرها الكلب هدا مستحيل يحلم بيها 😠😑
عند شهد شبه الزباين كلهم روحو وكيف اذن المغرب، خشت بتصلي تفكرت عبدو، دعتله بالرحمة وطلعت هي واكرم سكرو المحل وخطمت بيه علي حوشه وروحت للحوش🦋
امل: الحمد لله ع السلامة، كان يوم متعب ليك، خشي دوشي مابين ماوتيتلك عشاك، حقا تعالي نقولك قبل🤔
شهد: متهتكة تعرفي، مانبيش ناكل كليت من الكيكات لين مضايقة منهم، نعم قوليلي خيرك؟ 🥺💜
امل: هدا اكرم من وين تعرفيه، اني مش مستريحتله بكل كان الافتتاح كله حلو، الا الشاب هدا مش مطمنة لاسلوبه😑
شهد: ياماما الشاب كويس، سالت عليه قبل مانجيبه، وبعدين انتي اصلا ما تكلمتيش معاه وحكمتي عليه🥲🥲
امل: يتكلم كأنه هو صاحب المحل، لانكلمه لايكلمني فكيني من كترة الناس اني مش زيك انتي اجتماعية هلباااا😑😑
شهد: تمام ماما، اصلا بنكمل السيم هدا في الجامعة وبندور بنت تشد المحل ولا نشده بروحي 🥲💔🦋
خشت شهد دوشت وتفكر في كلام امها، حي معناها لو تقدملها اكرم بترفض ولا زعما تتغير نضرتها ليه؟ 🥺💔
اكرم يخمم في رغد وشن خلاها ترجع بعد سنة فراق؟ وعلاش شاغلة تفكيره هلبا، معقولة قاعد يحبها؟ 😧💔
ندى قالت لنوري انها حامل، طبعاا نوري فرحته لاتوصف 😍
نوري: هدا علاش شهد قالتلي مبروك معناها، والله الا قدر البنت هادي هي ❤

فاتت هادبكا الليلة وفاتو اسبوعين والكل نفس الحال 💕
شهد اكتر وقتها مع بريق لان امتحانات، وضغط قرايا 💔
اكرم في المحل وفي قمة الراحة والسعادة لانه يخدم😍
نوري وندى فرحانين بالبيبي مع انه مزال هلبا علي جيانه مشو للعيادة قالت الدكتورة ان عمره 5اسابيع بس🥺🤰🏻
رغد بدت تقرب من اكرم ، لحستله دماغه بكلامها وانها كانت مجبورة تسيبه وهلبا كلام،
لكن هل يرجعو ويفوت شهد؟🤔