Uncategorized
رواية معادلة كيميا الفصل الثالث 3 بقلم روان الطهطاوي
رواية معادلة كيميا الفصل الثالث 3 بقلم روان الطهطاوي
![]() |
رواية معادلة كيميا الفصل الثالث 3 بقلم روان الطهطاوي |
رواية معادلة كيميا الفصل الثالث 3 بقلم روان الطهطاوي
ندا: لا…
ثنيه: حساام تعالي يا حبيبي اتغدي
حسام: وحشتيني اوي يا خالتو يا حبيبتي
كان بيبص لندا و وعد نظرات غريبه و لاحظ قصي و عمر ده
قصي: انا شبعت
وبص علي ندا و وعد وعمر
-وبيتهيئلي انتو كمان شبعتو
ثنيه: في ايه يا قصي متسيبهم ياكلو براحتهم
-معلش يا ماما هما شبعو .. مش كده ولا ايه
وعد بتوتر: ايوه فعلا شكرا عالعزومه الجميله دي
عمر بوشوشه لندا: هو في ايه
ندا: اسأل وعد عن حسام و هي هتحكيلك
عمر: تمام
قصي:عمر و وعد انزلو يلا و ذاكرو اللي وراكو
عمر:تمام سلام يا قصي سلام يا ندا
ندا و قصي:سلام
ندا:هبقا اكلمك يا وعد
بعد النزول بص قصي لندا بمعني خشي اوضتك وفعلا حصل
حسام:الا مين وعد دي يا خالتو
-صاحبة ندا
حسام ٠:مرتبطه؟!
قصي بعصبيه:بتسأل ليه
-عادي يبن خالتي…مجرد سؤال
-ماما انا نازل لصحابي عايزه حاجه
حسام:متاخدني معاك
-معلش خليها مره تانيه الا دي قعدة رجاله بس
كتمت ثنيه ضحكتها
حسام:قصدك ايه يعني
-قصدي اللي فهمته..سلام يا ماما
عند ندا
ندا:الو ايوه يا وعد
وعد:هو ايه اللي جاب الحيوان ده
ندا:انا عارفه…انسان قذر انا مش عارفه ماما معمية عنو ازاي كده
“حسام سعيد المنياوي شخص لزج مستفز يبقا ابن خالة ندا و قصي دايما كان بيدايق ندا بنظراته الغريبه وندا عشان خايفه علي تعب مامتها مقالتلهاش وقالت لقصي و من ساعتها و هو كل ما يجي بيدخلها اوضتها تفضل فيها لحد ما يغور فداهيه تاخده”
وعد:هو ليه قصي قال كده ونزلنا تحت ماما قالت ان هي متكلمتش
ندا:متزعليش يا وعد بس قصي اكيد كان خايف عليكي منه و كده خصوصا وانا قاعده فأوضتي سمعت الحيوان دن بيسأل عنك مرتبطه ولا لا
-ده علي اساس اني لو مش مرتبطه يرتبط بيا..هو ميعرفش ان مفيش خنزير بيتجوز بني ادمه
_عندك حق…خنزير.. انا هقفل دلوقتي بقا اشوفك بكرا
– باي
_وعد يا وعد
_نعم يا ماما
-معلش انزلي هاتي شوية طلبات من السوبر ماركت
-متنزلي عمر
_نايم يا حبيبتي تعبان مش عايزه اصحيه
-حاضر يا سوسن حاجه تاني
_لا يروح سوسن خلي بالك من نفسك
نزلت وعد لقت قصي قاعد في الشارع طنشته و جت تمشي
-وعد
_خير
-راحه فين
_وانت مالك
-عادي بسأل
_شطور متعملش كده تاني بقا
جت تمشي مسكها من زنط الچاكيت بتاعها
-لما اكون بكلمك متسيبنيش وتمشي
_سيبني بدل ما اهزقك
-بت اتعدلي الهزار حاجه والجد حاجه احنا في الشارع
_طب سيبني بعد اذنك
-رايحه فين
_رايحه السوبر ماركت
-طب يلا بينا
_يلا بينا فين
-عالسوبر ماركت
_والباشا جاي معايا ليه ان شاء الله
-كده امشي
فضلت تتنفخ وتعمل حركات غريبه تدل علي عصبيتها
قصي بصوت تخين:احنا في الشارع يا وعد اتلمي
وعد بصوت مكتوم:طيب
-طبعا انت مستغربه انا نزلتكو ليه
_مش فارقه عادي
-لا تفرق لازم تفهمي…حسام ده شخص زباله انتي مشفتيش كان بيبصلك انتي وندا ازاي و خصوصا انت لانك جديده عليه
_انت بتقول ايه
-وعد الانسانده كان بيبص لندا اختي و مكنش بيراعي خالته ولا انا ولا حرمة البيت اللي هو فيه وانا عشان تعب امي سكت بس منعته يشوف ندا او اخليها تقعد معاه حتي لو انا وماما موجدين
_ندا قالتلي ان هو سأل اذ كنت مرتبطه ولا لأ
-حيوان….انا مردتش علي سؤاله ده
وصلو ودخلت وعد جابت الطلبات و طلعو وهما ماشين في الشارع
-هو ده الي رايح تقعد مع صحابك يبن خالتي
وعد:انت……
يتبع….
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت قمراً للكاتبة مريم حسن