رواية المتمردة الفصل الثامن 8 بقلم فاطمة مصطفى

يمكن انت عديت بحاجات صعبه جعلت انك تشوف الحياه وحشه بس اعرف ان ربنا هيجبر بخاطرك و العوض اكيد جاي طبعا لو مش ف الدنيا في الآخرة فلا داعي للحزن 

اسر: اي اللي انتي بتهببيه دا 

ميسون: يا فضحتك يا مجدي مكنش يومي

اسر: انتي بتعملي اي 

ميسون: برقص لا قصدي بنضف 

اسر: انا مشوفتكيش بتنضفي 

ميسون: يبقى اكيد برقص تعالى ارقص 

اسر: ارقص اي خلينا نلم الشقه دي

ميسون: بجد هتنضف معايا يا بيبي 

اسر: بيبي طيب اتنيلي يلا نضف 

ميسون شدت بنطلون البيجامه و ربطت طرحه على رأسها ف بدا شكلها مضحك 

اما اسر حاول يتجاهل شكل ميسون المضحك و بدأ ينضف في الصاله و رتب كل حاجه فيها و مسحها و بعدين دخل نضف المرحاض و ميسون نضفت غرفتها و المطبخ 

اسر: اه يا ضهري اللي اتكسر يا امي 

ميسون: اه يا رجلي اللي راحت ياني 

اسر: هنفضل كدا كتير و لا اي 

ميسون: انا هقوم اخد دش و اجي 

اسر: تعالي نروح عند ماما النهارده 

ميسون: احسن على الأقل نغير جو 

اسر: خلاص البسي و نطلع 

دخلت ميسون المرحاض اتحممت و دخلت غرفت الملابس ارتدت دريس اسود و طرحه كاشميري و هيلز و حطت روج فكانت تبدو كالقمر في ليلاه اما اسر ارتدى قميص كحلي و بنطلون كحلي و كوتش ابيض ما انت قمر لوحدك يا ابني ????????

ميسون: جامدين جامدين جامدين 

اسر: صوتي مليان بنزين تسعين 

ميسون: يلا بقا ننزل 

نزلوا مع بعض و اسر قاد السياره إلى حي العجمي بالإسكندرية إلى منزل والدته و بعد ساعه وصل 

نزلت ميسون و نزل اسر و وصلوا إلى منزل أم اسر 

رن اسر الجرس 

أم اسر: حاضر جايه دقيقه 

فتحت الباب لقيت ابنها 

اسر: ماما وحشاني عامله ايه و حضنها 

ام اسر: و انت كمان واحشني عامل ايه 

اسر: بخير يا ماما 

ام اسر: ازيك يا ميسون عامله ايه يا حبيبتي 

ميسون: الحمدلله يا ماما انتي عامله ايه 

أم اسر: بخير الحمدلله 

ميسون: دايما يا رب يا ماما 

أم اسر: هقوم أعلمكم حاجه تشربوها 

ميسون: متتعبيش نفسك يا ماما هقوم انا اعمل انا مش غريبه 

أم اسر: دا انتي بنتي و الله 

ميسون: ربنا يخليكي لينا 

قامت ميسون و جابت ليهم عصير الليمون و قعدت 

أم اسر بهمس: الواد اسر عامل اي معاكي 

ميسون بخبث: اسر و واد بصراحه يا طنط ابنك ممرمطني و بيخليني انضف الشقه لوحدي و بيتأمر عليا 

أم اسر: انا هربيه 

ميسون: اه يا طنط كدا احسن 

اسر: هو انتوا بتعملوا اي 

أم اسر: كلام ستات ملكش فيه 

اسر: حاضر يا ماما نستأذن بقا علشان بكرا عندي شغل 

أم اسر: انزلي يا ميسون اركبي العربيه دقيقه و اسر يجي وراكي 

ميسون: حاضر يا ماما و نزلت 

أم اسر: اسمع بقولك عايزاك تحط ميسون في عينك و تحترمها دي غلبانه و بنت ناس و ان زعلت انا هزعل 

اسر: حاضر يا ماما تصبحي على خير 

أم اسر: و انت من اهله 

نزل اسر قاد سيارته الخاصه إلى منزله و بعد ساعه وصل 

نزلوا مع بعض و طلعوا الشقه 

ميسون: مامتك طيبه اووي بجد 

اسر: امي دي ست قلبي و ست الستات هي اللي ربتني بعد موت بابا الله يرحمه و ساعدتني لحد ما وقفت على رجلي في الشغل 

ميسون: ربنا يخليها لك  

اسر: تصبحي على خير 

ميسون: و انت من اهله 

و اتجه كل منهم إلى غرفة نومه 

**************************

في شركة الباش مهندس احمد 

دلف إلى شركته ف وقف الجميع احتراما له اتجه إلى مكتبه الخاص 

اميره و دي السكرتيرة الخاصه ب احمد بنت طيبه جميله عيونها سوده و بشرتها بيضه و طويله 

احمد: قولتيلي ان في بنت جايه مقابله النهارده دخليها 

اميره: تمام يا مستر دقيقه و تدخل 

احمد: تمام يا اميره 

دخلت البنت ل مكتب احمد 

احمد رفع عينه لقي نفس البنت الي خبط فيها 

احمد: هو انتي 

البنت: اه انا 

احمد: اسمك ايه 

البنت: اسمي هاجر احمد 

احمد: اسمك جميل يا هاجر 

هاجر: شكرا اووي لحضرتك دا من ذوق حضرتك 

احمد: بص يا هاجر انا عايز حد يبقى شغال معايا مساعد زي اميره كدا بس اميره لوحدها مش هتقدر على كل الشغل دا 

هاجر : انا تحت امر حضرتك 

احمد: تمام خلي اميره تفهمك المطلوب بالتوفيق 

هاجر: شكرا يا افندم 

و خرجت هاجر من المكتب بينما احمد راح الاجتماع  

********************

في قسم الشرطه 

العميد ادم: عمر عايزك في مهمه صعبه اوي انت و فريقك 

عمر: احنا تحت امرك يا افندم 

العميد ادم: في مجموعه كدا هيبيعوا مخدرات في البلد و احنا اهم حاجه عندنا الشباب ف الهيروين اللي معاهم دا لازم يتاخد منهم العمليه هتتم الساعه 1 بالليل لازم تكونوا جاهزين و مستعدين كويس 

عمر: امرك يا قائدي

العميد ادم: بالتوفيق ليكم 

خرج عمر راح قابل فريقه المكون من 3 أشخاص 

وائل شاب في ال 25 من عمره يعيش وحيدا طويل و شعره اصفر و بعضلات طول بعرض 

ادهم عنده 24 سنه فرفوش الفريق مش طويل اووي متوسط في الطول رياضي شعره اسود و عينه سوده 

فارس و دا 26 سنه طويل دمه خفيف و رياضي 

عمر: النهارده عندنا مهمه صعبه جدا في مجموعه من تجار المخدرات هيسلموا كميه كبيره من المخدرات و مهمتنا ناخد المخدرات دي منهم 

وائل: المهمه الساعه كام 

عمر: واحده باليل 

فارس: المكان فين 

عمر: في سيناء 

ادهم: كدا لازم نمشي علشان كل واحد ياخد مكان 

عمر : استعدوا 

الفريق كله : امرك يا قائدي 

كل واحد منهم لبس الزي الخاص و خد أسلحته و مشيوا بالسياره بعد اربع ساعات وصلوا نزلوا هما الاربعه كل واحد منهم معاه اللاسلكي علشان يتواصلوا 

كل واحد منهم خد مكانه و استعدوا كويس و بعد نص ساعه وصلت العربيه اللي فيها المخدرات نزل منها 6 أشخاص 

عمر: يلا اتحركوا بسرعه 

و بدأ  إطلاق النار 

عمر: فارس احم ضهري

طلع فارس خلف عمر و قدر عمر يضرب اتنين و فارس ضرب واحد ادهم بمهاراته اصطاد اتنين و فضل واحد حاول يهرب فارس ضربه في دراعه و قع بس مكنش مات قام الراجل و ضرب ادهم رصاصه جت في صدره و بسرعه فارس ضرب رصاصه جت في قلب الراجل بينما عمر راح شاف ادهم كان غرقان دم 

و فارس ساند رأس ادهم على دراعه اتصل عمر بالاسعاف و ساعه وصلوا واخدوا ادهم في العربيه و علقوا ليه جهاز التنفس و اخدوا ع المستشفى