رواية ليست أختي الفصل الأول 1 بقلم نور محمود
رواية ليست أختي الفصل الأول 1 بقلم نور محمود
رواية ليست أختي البارت الأول
رواية ليست أختي الجزء الأول
رواية ليست أختي الحلقة الأولى
هو بعصبية : انت بتقول ايه يعني ايه اختي …انت واعي انت بتقول ايه …ده …ده احنا فرحنا الاسبوع الجاي
والده ( احمد ): صدقني انا مكنتش اعرف انها اختك
هيثم : يعني ايه مكنتش تعرف في حد مش عارف ولاده …انا هتجن مش قادر اصدق انت اكيد بتهزر
احمد : يا ريتني كنت بهزر وبعدين مش بنتي
هيثم بضحك : شوفت وقعت بلسانك ازاي اختي وازاي مش بنتك بجد يا بابا المقلب ده بايخ انا ماشي بقا عشان اخلص تجهيزات الفرح
احمد بدموع : هند اختك من امك
توقف هيثم فجأة وكأن سكب عليه دلو ماء بارد في احدى ليالي الشتاء
هيثم بدموع لاول مرة : بابا كفاية كدا بالله عليك انا خلاص مش مستحمل
احتضنه احمد : انا اسف يا ابني انا اللي اخترتلك ام زي دي
هيثم ببكاء من قلبه على حبه الضائع : انا بحبها يا بابا والله بحبها ..انا جهزت كل حاجة لفرحنا حتى الدعوات اتطبعت …طب وهي اقولها ازاي ان كل حاجة خلاص خلصت مفيش جواز ….انت ما شفتش فرحتها بكل حاجة عملناها سوا ولا فرحتها وهي بتختار فستان الفرح هكسر قلبها كدا ازاي
احمد : هند عاقلة وهتفهم
هيثم بصوت عالي : مالوش دعوة بالعقل …ليه دعوة بده ( قالها وهو يضر*ب على قلبه ) ازاي هيصدق ان حبيبها يطلع اخوها ازاااااي
عند هند كانت تجلس مع صديقاتها بفرحه لاقتراب موعد زفافها
نور : وعندنا عروسة هيههه وهلبس فستان
هند : يا بت اقعدي بس خلينا نخلص ورانا حاجات كتير
نور : ماشي هنعمل ايه
هند : تعالي نفرش اوضة النوم وبعدين ندخل على المطبخ
نور : اشطا استني بس اشغل حاجة
صدحت صوت الاغاني في الشقة وكان البنات يقوم بتجهيز الشقة لاستقبال العروس بكل حب وفرح الى ان صدح صوت هاتف هند
هند : وطي شوية يا نور عشان ارد على هيثم
نور بغمزة : مش قادر على بعد
هند : بس يا بت ….ايه يا حبيبي
هيثم بوجع : عايز اشوفك يا هند
هند بقلق : مالك في ايه
هيثم : مفيش حاجة عايز اشوفك دلوقتي
هند : بس انا مش فاضية ما انت عارف اني بفرش شقتنا خلاص مفيش وقت
هيثم بعصبية : بقولك عايز اشوفك دلوقتي
هند : حاضر اشوفك فين
هيثم : في كافية ****
هند : ماشي هنزل حالا
نور : في ايه
هند : هيثم عايز يشوفني دلوقتي ربنا يستر انا مش مطمنه
نور : ممكن محضرلك مفاجأة مثلا
هند بحماس : تفتكري
نور : اكيد ما انتي كنتي معاه الصبح لو في حاجة كان قالك
هند : طب يالا جهزوني بسرعة عشان هنتصور كتير
عند هيثم
احمد : كلمتها ؟.
هيثم : ايوا وهنزل اقابلها دلوقتي
احمد : ربنا معاك ويصبرك
قبل هيثم يده : ادعيلي يا بابا ربنا يعدي الفترة دي على خير
ربت احمد علي كتفه : هتعدي ان شاءالله انت قوي مش هتخلي حاجة تكسرك انت دلوقتي اخوها لازم تكون سند ليها
هيثم بحزن : ان شاءالله بعد اذنك
احمد : ربنا معاك
خرج هيثم تتبعه نظرات احمد
في احد الكافيهات كان هيثم يجلس على احدى الطاولات بقلق يحاول ترتيب افكاره عله يخفف من حدة الصدمة
هند بمرح: انا جيت
هيثم بحزن : اقعدي
هند بقلق : في ايه يا هيثم قلقتني
هيثم وهو ينظر لها بشرود : يا ربي بعد كل الحب ده تطلع اختي طب اقولها ازاي….اعمل ايه بس يا رب … آآآآه يا رب قويني وعدي الفترة دي على خير
هند : هيثم ؟!! مالك سرحان في ايه
هيثم : ها …لا ولا حاجة
هند : موضوع ايه اللي كنت عايزيني فيه
هيثم : احنا مش هينفع نتجوز
هند : قصدك تأجل الفرح يعني
هيثم : مش هينفع نتجوز خالص
هند بضحك : انا أساساً مكنتش هتجوزك
هيثم : انا بتكلم جد
هند بصدمة : قصدك ايه بتتكلم جد
هيثم : احنا اخوات يا هند مش هينفع نتجوز
هند اوشكت على البكاء : انا اسفة لو زعلتك بس بلاش تعمل فيا كدا انا بحبك
اغلق هيثم عينيه بوجع يحاول اخفاء دموعه : احنا فعلاً اخوات وجوازنا حرام
هند بعصبية : اخوات ازاي انا معنديش اخوات
هيثم بحسرة : طلع عندك اخوات وطلعت انا اخوكي
هند بصوت عالي : هيثم بطل استعباط اخوات ايه بقولك ما عنديش اخوات انا اسمي هند عبد الرحمن محمد وانت اسمك هيثم احمد علي نبقى اخوات ازاي
هيثم : احنا اخوات من الام
هند بتكذيب : وانت عرفت ازاي
هيثم : امك اسمها ايه
هند : مشيرة عبد العزيز احمد
هيثم : وانا اسم امي مشيرة عبد العزيز احمد
هند باستهزاء : يا سلام ممكن يكون تشابه اسماء
هيثم : *****
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية ليست أختي)