رواية عوده الماضي الفصل التاسع 9 بقلم منى الصاوي

رواية عوده الماضي الفصل التاسع 9 بقلم منى الصاوي

رواية عوده الماضي البارت التاسع

رواية عوده الماضي الجزء التاسع

رواية عوده الماضي الحلقة التاسعة

فريد…. بس انا مش على يا شروق
شروق… عارفه اني غلطت عارفه بس لازم نفوق انت مش على انا مش بحبك انت…..
فجأه يسمعوا صوت الباب يفتح فريد يشد شروق للأعلى
احمد ابن فريد… عمو الطبق ده بتاع طنط شروق
محمود… ماشي يا احمد هو ابوك تحت
احمد… ايوه يا عمو
يغلق محمود الباب ينظر كل من فريد وشروق لبعضهم
وأصوات دقات قلبهم تعلو من الخوف
شروق.. عاجبك كدا لو كان شافنا دلوقتى كان حصل ايه والا
ابنك لو كان طلع السلم كان وضعنا يبقى ايه انت
فريد… اسف

بس كان لازم نتكلم وانت مش مدياني فرصة ومتقلقيش
محمود حتى مسألش عنك انت فين تلاقيه دخل يكمل نوم
شروق.. على فكرة انت مستفز هو عارف اني عند مامتك
وبعدين انت بتتكلم لسه بعد اللي حصل
وتتركه وتدخل شقتها تجد محمود مازال في سريره
محمود.. احمد جاب طبق انت كنتي فين
شروق.. كنت عند ماما ودخلت التواليت لقيت سمر فكرتني
طلعت بعتت ابنها بالطبق
كنت بدور على فوني اهو خلاص لقيته هكلم سمر اعرفها اني مش هنزل
الووو معلش حبيبتي طلعت لقيت محمود صحي اه اوكي حبييتي سلام
محمود.. شكل الكيك حلو اوي ممكن تعملي شاي بسرعه علشان نازل
شروق.. انت هتنزل مش بتقول راجع متأخر خليك النهارده
احنا راجعين من سفر وبكرا هنزل شغلي اقعد معايه النهارده
محمود بعد أن قبل راسها
حبيبتي عندي صفقه مهمه لو تمت ليكي هدية حلوه اوي
شروق.. مش عايزه هدايا عايزه احس اني زي اي ست انا
مش بشوفك غير صدفه خليك النهارده علشان خاطري
محمود.. يووووه يا شروق ايه لعب العيال بتاعك ده قولتلك صفقه مهمه انا مش فاضي للعب العيال ده انا مش عارف ايه غيرك كده
ويتركها سارحه في كلام فريد وتتذكر كلامه عن محمود
متقلقيش محمود زمانه نام ده حتى مفكرش يسأل انت فين.
تتذكر نظرته ولمسه يديه وكلامه وتهوره كل ماحدث
محمود… شروق شرووووق

انت سرحتي في ايه وكمان معملتيش الشاي انت بقيتي غريبه قولتلك مستعجل
تنظر اليه شروق دون كلام وتخرج من الغرفه
ويمر اليوم وترجع شروق لعملها وتقرر ان تنسى كل ما حدث
مي.. حمدالله على السلامه أخيرا رجعتي
شروق.. ايوه رجعت الشغل هو أهم حاجه خلاص مش عايزه إجازات تاني
مي.. شروق شكلك مش عاجبني حصل حاجه معرفهاش احكي لي فريد حصل منه حاجه
شروق… لا ابدا بس مضايقه شويه مش فريد السبب متقلقيش
مي.. يبقى لسه بتفكري في اللي حصل حاولى تعدي الموقف
ده وكمان حاولي تتعاملي مع فريد عادي علشان ميقولش انك بتهربي
شروق.. مش قادره يا مي انا وفريد اتكلمنا في الموضوع
وحاولت اعرفه اننا غلطنا واني مش بحبه بس هو كان له رأي تاني
هو شايف اني بحبه وقال كمان انه بيحبني من اول مره اتقابلنا
مي.. يالهوي ايه اللي بتقوليه ده يا شروق انت مينفعش
تقعدي معاه في نفس البيت كلمي محمود وقوليله انك عايزه تقعدي في بيت تاني
شروق.. محمود هو حاسس بيه قولتك اهم حاجه عنده شغله
محمود مش بيحبني يا مي انا كنت غلطانه اني وافقت على
جوازنا انه يتم بالسرعه دي كان لازم ادي نفسي فرصه اعرفه
مفيش بينا اي مشاعر والا اي حاجه مشتركه عموما
متقلقيش عليه هحاول اعدي الموقف ده
اروح اعرف من المدير اول وفد هيوصل امتى
مي.. اوكي بس بلاش تأخير علشان نروح
تدخل شروق عند المدير تتحدث معه في أمور الشغل وتخرج لتجد فريد يجلس على مكتبها
شروق.. فريد انت هنا بتعمل ايه
فريد.. دي مقابله برضوا مش ترحبي بيا وتعملي واجب الضيافه
شروق.. حد جراله حاجه محمود كويس مامتك والأولاد كويسين اتكلم ساكت ليه
فريد.. انت مدياني فرصه مفيش حاجه الحمد لله الجميع
بخير انا بس كنت قريب من هنا قولت ده ميعاد خروجك عديت نروح سوى
شروق.. نروح سوى ده اللي هو ازاي

مي.. طيب يا شروق انا هنزل يدوب الحق ماما علشان
رايحين مشوار اشوفك بكرا حبيبتي سلام استاذ فريد اتشرفت بمعرفتك
شروق.. ماشي يا حبيبتي مع السلامه
تقدر تقولي ايه اللي عملته ده
فريد.. كان لازم نكمل كلامنا ممكن اعزمك على الغدا ونتكلم
شروق.. لا طبعا افرض حد شافنا يقول ايه
فريد.. وبعدين لازم نكمل كلامنا خلاص تعالي نقف بالعربيه في مكان هادي علشان نعرف نتكلم
شروق.. نتكلم في ايه يا فريد مفيش حاجه نتكلم فيها الموضوع خلص
فريد.. لا مخلصش يا شروق انا عايز اعرف منك حاجات كتير لو سمحتي والا انت خايفه مني
شروق.. هخاف منك ليه مفيش حاجه تخليني اخاف اتفضل
بس هي نص ساعه واكون في البيت
فريد.. تمام
وبالغعل ينزل فريد وشروق من عملها ويتجهوا بالسياره لمكان هادي
شروق.. اظن هنا كويس عايز تعرف ايه
فريد ينظر حوله اوكي مفيش مشكله في المكان وبالنسبه
لي عايز اعرف ايه عايز اعرف مين على وبالتفصيل
شروق.. اظن ده مش من حقك مفيش حد ليه حق يعرف حاجه عن ماضي عدي
فريد.. لا من حقي يا شروق انا ليا حق اعرف كل حاجه عنه
وليه حسستيني بحبك ليا مدام هو اللي في قلبك وعقلك
انت شايفه ان ده سهل عليا انت مرات اخويه مكنتش احب
انحط في الموقف ده بس فعلا حبيتك وحسيت معاكي
بحاجات عمري ما عرفتها ممكن تحكي لو سمحتي
شروق.. على كان حبيبي فضلنا نحب بعض تلات سنين ويوم
ماجه يتقدم لي عمل حادث ومات تعبت جدا ودخلت مصحه
نفسيه لفتره بعدها بابا اتوفى ومبقاش ليا غير امي اللي
حاولت اكون كويسه علشانها بس انا بالنسبة لي الحياه انتهت مع موت على

عدت السنين وانا برفض اتجوز لما أتقدم لي محمود ماما
كانت تعبانه قالتلي لو متجوزتيش العريس ده انا هيجرالي
حاجه تمسح دموعها وتكمل
مكنش قدامي حل غير اني اوافق وفعلا انا ومحمود اتجوزنا
جوازنا كان تقليدي اوي كمان هو دايما بعيد في شغله وانا
كمان في شغلي لحد اليوم اللي رجعت فيه من السفر اول ما
شوفتك الدنيا لفت بيا كل ذكرياتي مع علي ظهرت قدامي
لثواني محستش بنفسي غير وانا بنطق اسمه والباقي انت عارفه
لحظات تمرفي صمت يمد فريد يده يمسح دموع شروق تنزل شروق يده
شروق. عايز تعرف اية تاني دي كل حاجه لحد ما شفتك
فريد.. للدرجه دي كنتي بتحبيه بس على فكره كل ده مش
مبرر انك تخليني اتعلق بيكي واحبك كان ممكن البدايه بس
تكون انك اتلخبطتي حسيتي اننا واحد بس مش كل الوقت
ده يا شروق تعرفي انت ولا مره غلطتي في اسمي على كان بينا في بدايه تعارفنا بس
شروق.. انت عايز توصل لأية يا فريد
فريد.. ولا حاجه خلي الايام هي تعرفك اللي اقصده ممكن
نرجع وصليني لبداية الطريق وروحي انت
شروق تتوجه بالسياره لطريق البيت بعد أن غادر فريد سيارتها
تصل شروق المنزل وكعادتها لا تجد محمود
تمر الساعات ويأتي الليل تنزل من شقتها لشقة والدت محمود
شروق.. مساء الخير
سمر.. مساء الخير يا شروق هو انت مشفتيش فريد النهارده
شروق.. لا انا رجعت من شغلي ومنزلتش غير دلوقتي في حاجه والا ايه
والده محمود.. خير ان شاء الله يا بنتي هو خرج من الصبح

ولسه مرجعش وانت عارفه لسة عامل عمليه وقلقتا عليه
ويمر الوقت وهم في انتظاره ويدخل محمود. مساء الخير
الجميع مساء النور
والدة محمود.. كده يا بني متصله بيك من ساعتين لسة راجع
اخوك اتأخر اوي قال هيشوف جماعه أصحابه ومرجعش
لدلوقتي
محمود.. متقلقيش يا ماما حالا يرجع انا هتصل بصديقه يمكن عنده فجأه يدخل فريد
سمر فريد كنت فين قلقتنا عليك كل ده كنت فين وكمان مش بترد على التليفون
فريد… اسف بس التليفون فصل شحن وينظر تجاه شروق
شروق. حمدالله على سلامتك يلا يا محمود نطلع اطمنا على فريد الحمد لله
فريد… الله يسلمك يا مرات اخويه
محمود. انت كويس يا فريد
فريد.. اه يا حبيبي كويس تصبحوا على خير
محمود.. وانت من اهله
وتمر الايام وفريد يحاول عدم مقابلة شروق
شروق.. انا تعبانه يا مي عندي احساس بالذنب صعب اوي
وفي حاجه جوابه بتشدني لفريد من يوم ما اتكلمنا وانا بفكر
في كلامه معقول اكون بحبه هو مش على كلامه خلاني اخد بالي من حاجات عدت عليا من غير تفكير
مي.. وبعدين معاكي يا شروق الراجل طلع عاقل وقرر يبعد مش ده اللي كنا عايزينه
شروق.. هااا ايوة طبعا كويس انه بعد خلي ينسى وانا كمان انسى كل اللي حصل
وبعد يومين تجلس شروق تحدث نفسها
شروق.. هو ده اللي قال انه بيحبك يا شروق اهو بيعمل كل جهده علشان مش يشوفك
انت اتجننتي يا شروق لازم يعمل كدا ده اللي لازم يحصل ده اخو جوزك
بس اللي يشوفه اخر مره يقول انه مش هيقدر ينسى اللي حصل بينا
اهو نسي وكمان مش عايز يشوف وشي معاه حق انا ست مش كويسه وخاينه

لا انا مش خاينه انا مش بحبه هو انا بحب على وعلى مش موجود انا مش بخون محمود
تفوق شروق من شرودها على صوت محمود
شروق انت كل ده فين ماما تعبانه أوي واتصلوا بيا ازاي قاعده هنا ومش حسه
شروق.. في ايه ماما حصلها حاجه محمود.. بقولك تعبانه
وفريد أخدها المستشفى يلا البسي بسرعة علشان نروح نشوفها
بعد ساعه داخل المستشفى يقفوا أمام الطبيب
الدكتور.. يا جماعه اطمنوا والدتكم كويسه هو بس السكر
والضغط عايزين متابعه وتقريبا هي مهمله شويه في العلاج ياريت حد ياخد باله من علاجها
فريد.. تمام يا دكتور ان شاء الله مش هتتكرر وهناخد بالنا منها كويس
محمود اه اكيد يا دكتور هناخد بالنا شكرا لحضرتك
محمود.. اظن سمعتوا الكلام يا ريت شروق وسمر يتابعوا ماما مع بعض
شروق.. اكيد طبعا
َمحمود.. اروح انا ادفع حساب المستشفى علشان نخرج
فريد.. لا خليك انت انا هروح
محمود. لا يلا خرج ماما ونتقابل عند العربية بتاعتي بره
فريد.. خلاص تمام
يذهب محمود ويتجه فريد نحو غرفة الام
شروق.. فريد
فريد يلتفت خلفه… نعم
شروق.. انت بتهرب مني ليه

فريد.. مش انت اللي عايزه كدا مش ده طلبك ايه مش قادره
تتحملي مش قولتي اننا لازم نكون اخوات وانا مش هقدر
نكون اخوات واتعامل عادي مفيش حل غير البعد
عايزاني افضل جنبك واتحرق من حبي ليكي وانت مش
عايزه تعترفي بالحب ده انا بحبك يا شروق وعارف انك
بتحبيني قدامك حل من اتنين يا تطلقي وتتجوز ووقتها
عارف عواقب اللي هيحصل من عيلتي يا اما نبعد وده اللي
عملته وده اللي كنتي عابزاه
والده محمود. تخرج من الغرفه . ياخبر اسود ايه اللي سمعته ده…
ياترى ايه اللي هيحصل وآية هي ردت فعل والدة محمود من
ابنها وشروق🤔
وياتري دي نهاية قصة فريد وشروق ومحمود هيعرف 🤔🤔
ده اللي هنعرفه البارت الجاي ان شاء الله

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عوده الماضي)