رواية قمر مشوه الفصل الخامس والعشرون 25 بقلم اية عطية
رواية قمر مشوه الفصل الخامس والعشرون 25 بقلم اية عطية
رواية قمر مشوه البارت الخامس والعشرون
رواية قمر مشوه الجزء الخامس والعشرون
رواية قمر مشوه الحلقة الخامسة والعشرون
مالك/طب ايه رايك نعمل الحفله في الجنينه برا
قمر/ممكن مفيش مشكله
مصطفي/جنينه ايه اللي نعمل فيها الحفله دا انت اول فرحتنا و بعدين حفيد السيوفي يعمل خطوبه في الجنينه
وفاء/ما هي الجنينه كبيره يا مصطفي و ابقي اعمل اللي انت عايزه في الليله الكبيره
كارم/خلاص سبهم علي راحتهم يا مصطفي
مصطفي/بس……
مالك/خلاص يا بابا اللي قمر عايزاه هعمله
قال هذا و هو يغمز والده و قد رأه كارم و فهم الاثنين مقصده
اما قمر فكانت تحلق في سماء السعاده لكون مالك يريد اسعادها باي شيء و لا يرفض لها طلب
وفاء/طب و ناويه تلبسي ايه يا قمر
مالك/انا سمعت كلامك اهو في موضوع الحفله ممكن تسمعي كلامي و تخليني انا اختارلك اللي هتلبسيه
قمر /بس…….
مالك/علشان خاطرى
ضحكت قمر بصوت عالي علي طريقه الطفوله و هو يترجي فيها و يحاول إقناعها
وفاء/طب تعالي بقه معايا
قمر/اجي معاكي فين
وفاء/هتعرفي حالا
قامت قمر معاها
نيلي/ينفع اجي معاكم انا كمان
وفاء/طبعا ياروحي تعالي
و صعد الثلاثه الي الاعلي و توقفت وفاء أمام غرفه
وفاء/افتحي و ادخلي يا قمر
فتحت قمر الباب و اول ما تقدمت بالداخل علت معالم الدهشه و الذهول علي ملامحها من جمال الغرفه فكانت تشبه غرف الاميرات من آثارها الفاخر و الوانها الجميله و حجمها الكبير فهي لم تري غرفه مثلها من قبل حتي باقي الغرف و هي تنظفها فكانت الغرف جميله و لكن ليس بجمال تلك الغرفه
و بعد تأملها في الغرفه التفتت الي وفاء
قمر/بتاع مين الأوضاع دي
وفاء/بتاعتك يا حبيبتي
قمر /بتاعتي انا
وفاء/ايوة
قمر/بس الاوضه دي علي طول كانت مقفوله
وفاء/كانت امينه بس اللي بتدخل تنضفها
قمر /و كانت مقفوله علشان مين
وفاء/كان عمي كارم عملها علشان عفاف مامتك كان مستني اليوم اللي ترجع فيه أو يلاقيها بس حكمت ربنا بقه الله يرحمها
قمر/امين يارب
وفاء/المهم قوليلي الأوضاع عجبتك
قمر/دي تحفه عمري ما كنت أتخيل أن تبقي عندي اوضه بالجمال دا
نيلي/و انا عليا بقه اخدك و ننزل نملي الدولاب هدوم
قمر/كل دا علشاني
وفاء/طبعا يا حبيبتي و انتي يا نيلي انا عملتلك مفاجئه
نيلي/مفاجئه علشاني انا
وفاء/ايوة تعالي معايا
نيلي/فين
وفاء/تعالي معايا و انتي تعرفي
و ذهبت وفاء و نظرت نيلي الي قمر و ذهب خلف وفاء التي ذهبت نحو غرفه في الجانب وقفت أمامها وفاء
وفاء/تعالي يا نيلي
و فتحت وفاء الباب و دخلت تنظر الي الغرفه و عينها تدمع
اما قمر و نيلي فا الوان الغرفه لفتت أنظارهم من جمالها فكانت مزيج من اللون الوردي و الروز و الافويت و أثاثها جميل تشبه غرفه سندريلا
نيلي/الله يا خالتو اوضه مين دي
تحدثت وفاء و لم تنظر باتجاه هم
وفاء/من انهارده اوضتك
نيلي/اوضتي انا
وفاء/ايوه
نيلي/جميله اوي يا خالتو بس مش دي اوضه بنتك الله يرحمها ماما قالتلي كدا
وفاء/الله يرحمها و نتي أولي بيها مش انتي زي بنتي بردو
ذهبت اليها نيلي و اخذتها بالاحضان
نيلي/ربنا يخليكي ليا يا خالتو
قمر /ينفع من انهارده نقولك يا ماما
نيلي/ايوة انا من انهارده مش هقول خالتو تاني هقول مامي
قمر /مامي ايه دي هي ماما
ضحكت وفاء عليها و مسحت عينها
وفاء/ربنا يخليكم ليا يارب
قمر و نيلي/و يخليكي لينا
🌿🌿🌿🌿🌿🌿🌿🌿🌿
اما في الاسفل
مصطفي /ممكن تفهمني بقه ليه وافقتها تعملها علي الضيق
مالك/و مين قال اني نعملها علي الضيق
مصطفي/انت
مالك/لا انا قولت نعملها في الجنينه و مقولتش علي الضيق
مصطفي/ازاي يعني
مالك/هتفق مع ناس متخصصه في ديكورات الافراح و هما هيحولو الجنينه لاحسن من أفخم قاعه
مصطفي/حضرتك رايك ايه يا بابا
كارم/فكره كويسه جدا
مصطفي/علي بركه الله
كارم/ابتدي انت أعزم الناس يا مصطفي و انت يا مالك مش عايز حاجه ناقصه نهائي اصرف ميهمكش
مالك/ربنا يبارك لنا في عمر حضرتك
كارم/صحيح انا كلمت جورج الجواهرجي هيجيب و يجي بعد بكرا احدث تشكيله لسه نزله عنده
مالك/خلاص إن شاء الله هكون موجود
كارم/إن شاء الله
🌿🌿🌿🌿🌿🌿🌿🌿🌿في مكان آخر في تحدي المطاعم
يجلس يحيى و أمامه فنجان قهوه مظبوطه
و جاء إليه رافت
رافت/السلام عليكم
يحيى/و عليكم السلام ايه اللي اخرك كدا
رافت/معلشي الطريق
يحيى/و ايه هو الخبر اللي نزلتني عليه بسرعه
رافت/مش هتصدق
يحيى/في ايه اخلص
رافت/قمر البت اللي السبب في رفدك
يحيى/ايه ظهرت
رافت/ايوة
يحيى/اما ما جبتهاش ليه
رافت/يا سيدي اسمع الاول
يحيا/ما تنجز يا رافت
رافت/مطلعتش مشوهه
يحيى/يعني ايه
رافت/يعني اللي كان في وشها دا
ماسك مش تشوه
يحيى/ايه و دا ليه
رافت/سمعت أن كان في حد عايز يقتلها و هي خفت نفسها بالماسك دا علشان محدش يعرفها
يحيى/و بعدين
رافت/تقريبا مشكلتها اتحلت
يحيى/يعني بقت بتنزل الكليه
رافت/ايوه
يحيى/خلاص بكرا تكون عندي
رافت/بس……….
يحيى /مبسش بكر الاقيها موجوده اتصرف
رافت/يا عم لازم تخطيط
يحيى/تخطيط لايه بكرا الاقيها عندي سمعت و دا اخر كلام
ثم أخرج مبلغ من المال و وضعه علي الطاوله و قام و ذهب و ترك رافت يفكر كيف يأتي بها له
🌿🌿🌿🌿🌿🌿🌿🌿🌿
في منزل كارم في غرفه نيلي الجديده و هي ترتب اشياءها بداخل الغرفه تصاعد رنين هاتفها نظرت له فهو رقم غير مسجل ضغطت علي زر الاجابه
نيلي/السلام عليكم
الشخص/و عليكم السلام
نيلي/ايوة
الشخص/انسه نيلي
نيلي/ايوة مين معايا
الشخص/أن دكتور هيثم
نيلي/هيثم مين
هيثم/اللي قابليته في المستشفي و انتي بتسالي علي دكتور التجميل
نيلي/ايوه ايوة افتكرت
هيثم/شكلك كدا نسيتيني
نيلي/ابدا و الله بس كانت دماغي مشغوله شويه
هيثم/لا و لا يهمك المهم مجبتيش صاحبتك ليه و جيتي
نيلي/صاحبتي مين
هيثم/لا دا انتي طائره منك خالص
نيلي/ههههه هههههه لا و الله ابدا بس مش مركزه
هيثم/البنت اللي كانت عايزه تجميل
نيلي/ايوة قمر
هيثم/هي اسمها قمر
نيلي/ايوة
هيثم/طب مجبتهاش و جيتي ليه
نيلي/ما خلاص معدش محتاجه تجميل انا اللي محتاجه
هيثم/انتي محتاجه تجميل هي مرايات بتكم مكسره و لا ايه انتي مبتشوفيش نفسك دا انا مشفتش بنت اجمل منك
نيلي/ متشكره جدا
هيثم/انا مش بجامل علي فكره انتي حلوه بجد
نيلي/…………….
هيثم/انتي قفلتي و لا ايه
نيلي/لا معاك
هيثم/مقولتليش صاحبتك خايفه من العمليه
نيلي/لا هي مكنتش محتاجه عمليه من الاول بس انا مكنتش اعرف
هيثم/مش فاهم
نيلي/فهمك بص يا سيدي……..
وبدأت تسرد عليه ما حدث و حكايه قمر حتي انتهت
نيلي/و بس
هيثم/هههههه كل دا و بس
نيلي/ايوة
هيثم/طب الحمد لله بس انا زعلان
نيلي/زعلان ليه
هيثم/بصراحه و من غير لف و دوران كانت حجه ليا علشان اكلمك بيها دلوقتي هكلمك بحجه ايه
نيلي/علي فكره ممكن تكلمني من غير حاجه
هيثم/بجد
نيلي/ايوة
هيثم/بس أن طماع عايز اكلمك كل يوم
نيلي/كل يوم و مش هتزهق مني
هيثم/انتى يتزهق منك دا انا خايف انتي اللي تزهقي مني
نيلي/انا لا
هيثم/يعني ينفع أطمع و اطلب اعزمك برا علي عصير في المكان اللي تختاريه
نيلي/ليه
هيثم/في حاجات كتير عايز اكلمك فيها لو ينفع
نيلي/هشوف و ارد عليك
هيثم/ و انا هستنا
نيلي/طب تصبح علي خير دلوقت علشان انا ورايا كليه بدري
هيثم/تصبحي علي جنه يا احلي ما رأت عيني
🌿🌿🌿🌿🌿🌿🌿🌿🌿
في غرفه مالك كان يتحدث في الهاتف
مالك/المهم بكرا تشوفلي احسن ناس متخصصه في ديكورات الافراح
المتحدث في الجهه الأخري/ايوة يا عم مين ادك ملاكك لقتها خلاص
مالك/يخربيت قرك يا اخي مش كفايه سنتين و زياده بدور عليها و مستنيها
المتحدث/و انا مال أهلي تمرمطني معاك
مالك/ما هي مردودالك قدم السبت و انت تلاقي ايام الأسبوع كلها ادامك بس انوي انت
المتحدث/ما دام كدا انا نويت خلاص
مالك/انت بتتكلم بجد
المتحدث/ايوة طبعا و هي الحاجات دي فيها هزار
مالك/و مين سعيده الحظ دي
المتحدث/انت تعرفها
مالك/مين
المتحدث/صاحبته ملاكك
مالك/مين شهد
المتحدث/هو في غيرها
مالك/نوي جد و لا هزار لو هزار انا مش هسمحلك يا آدم
ادم/لا جد يا عم امال انا قولتلك ليه عايزك تخلي قمر تحس نبضها علشان هي مش ميداني وش خالص
مالك/خلاص سيبي الموضوع دا عليا
ادم/ربنا يخليك يا صاحبي
مالك/يا عم احنا في الخدمه
ادم /تسلم
مالك/طب يلا يابا خاليني انام علشان هصحي بدرى عندي شغل
ادم/عندك شغل و لا علشان توصل قمر
مالك/اقفل يلا انا غلطان اني بتكلم معاك اصلا
ادم/خلاص متذوقش سلام
🌿🌿🌿🌿🌿🌿🌿🌿🌿
في غرفه وفاء و مصطفي
مصطفي/انتي مصره تعرفيها
وفاء/ايوة يا مصطفي دي مهما كان اختي
مصطفي/اعملي اللي يريحك بس علشان تكوني عارفه و عامله حسابك علي اللي اختك هتعمله اختك كانت راسمه علي مالك لبنتها
وفاء/بس لا نيلي عايزه مالك و لا مالك عايز نيلي و الاتنين بيعتبرو نفسهم اخوات
مصطفي/ايوة هي دي الحقيقه اللي اختك مش شايفها
وفاء/هي هتعمل ايه يعني
مصطفي/اختك مش مضمون تصرفاتها و بعدين لما تعرف هيخطب مين كمان الدنيا هتولع و اختك اللي هتولعها
وفاء/ربنا يستر بقه عاجل ام أجل هي هتعرف
مصطفي/ربنا يستر
وفاء/انا هتصل بيها دلوقت
مصطفي/اعملي اللي يريحك انا داخل اخد دش
وفاء/ماشي
و أمسكت هاتفها و بحثت عن رقم شقيقتها و ضغطت علي زر الاتصال بانتظار الاجابه
وفاء/السلام عليكم
قسمت/ازيك يا وفاء
وفاء/طب ردي السلام
قسمت/و عليكم السلام يا ستي
وفاء/انتي عامله ايه
قسمت/تمام الحمد لله انتم عاملين ايه و نيلي عامله ايه
وفاء/هو انتي مش بتكلميها
قسمت/لا اصلي مش فاضيه
وفاء/مش فاضيه ازاي يعني مش بنتك دي و المفروض تسالي عليها
قسمت/هي قاعده في الشارع ما هي قاعده في بيت خالتها يعني في امان و انتي بردو هتخافي عليها
وفاء/ايوة بس انتي امها و اكيد هي بتحتاجك
قسمت/بقولك ايه يا وفاء بلاش مواعظ انتي عايزه ايه دلوقت
وفاء/بكلمك علشان اقولك أن خطوبه مالك علي الخميس اللي جي
قسمت/ايه خطوبه من غير اما ابقي موجوده
وفاء/ما لسه بقولك يوم الخميس و بكلمك قبلها اهو علشان تعملي حسابك و تيجي
قسمت/و نيلي ازاي متبلغنيش
وفاء/تبلغك ليه هو ايه دخلها انا اهو اللي بقولك
قسمت/يعني ايه دخلها مش هي عروسته
وفاء/لا مش نيلي يا قسمت
قسمت/نعاااااااااااااام مش نيلي ازاي
وفاء/زي ما سمعتي نيلي و مالك بيعتبرو نفسهم اخوات
قسمت/بس هما مش اخوات
وفاء/بس بيحبو بعض اخوات مش اكتر من كدا
قسمت/و نيلي وافقت علي المهزله دي
وفاء/طبعا وافقت و مرحله و سعيده جدا كمان
قسمت/ازاي
وفاء/دا الطبيعي
قسمت/و تبقي مين بقه ست الحسن اللي قرر مالك يتجوزها فاجئه كدا
وفاء/لما تيجي هتشوفيها و تتعرفي عليها
قسمت/طبعا هاجي و ابارك دا ابن اختي حبيبتي
لم ترتاح وفاء لنبره صوتها
وفاء/تنوري يا قسمت
قسمت/مع السلامه دلوقتي علشان معايا ويتنج
وفاء/مع السلامه
اغلق وفاء معها مع خروج مصطفي من الحمام
مصطفي/كلمتها
وفاء/ايوة
مصطفي/و قالت ايه
وفاء/هتقول ايه يعني
مصطفي/ يعني مقلتش حاجه
وفاء/لا خالص
مصطفي/مع اني مش مصدق بس ماشي هعديها بمزاجي
🌿🌿🌿🌿🌿🌿🌿🌿🌿
اما في منزل قسمت تجلس و يجلس بجانبها شاب في أواخر الثلاثينات
الشاب/مالك في ايه وشك قلب ليه كدا
قسمت/في مصيبه
الشاب/مصيبه ايه
قسمت/اللي فضلت اخطط فيه علشان مالك يبقي لنيلي راح علي الفاضي
الشاب /ازاي
قسمت/مالك هيخطب واحده تانيه غير نيلي
الشاب/و انتي هتعملي ايه
قسمت/مش عارفه
الشاب/يعني هتستسلمي
قسمت/هي مين دي اللي تستسلم
الشاب/و العمل
قسمت/مش هينفع افكر في اي حاجه دلوقت لازم اروح و اشوفها و اعرف هيا مين الاول
الشاب/يعني هاتنزلي القاهره و أفضل انا هنا
قسمت/لا انت هتنزل معايا
الشاب/نعم ازاي
قسمت/زي الناس جوزي و نازل معايا
الشاب/جوزك اه بس عرفي
قسمت/بس هما مش هيعرفو أنه عرفي
الشاب/امال
قسمت/راسمي
الشاب/انتي بتقولي ايه
قسمت/بقول اللي سمعته و اعمل حسابك هتنزل بكرا
الشاب/انا مش عارف اخرتها ايه
قسمت/اخرتها فل
الشاب/عمك مش هيسكت
قسمت/يعمل اللي يعمله
الشاب/ربنا يستر
قسمت/هيستر إن شاء الله
الشاب/انا مش متفائل
قسمت/لا اتفائل خير يا خالد
🌿🌿🌿🌿🌿🌿🌿🌿🌿
في الصباح استيقظت نيلي و قمر و مالك و بدلو ملابسهم للذهاب الي الجامعه و تقابل ثلاثتهم عند أول الدرج
مالك/صباح القمر
نيلي/طب هي صباح القمر و انا صباح ايه المياه
مالك/هههههههه لا انتي صباح القشطه
قمر/و الفل و الياسمين
نيلي/و انتم صباح الحلويات
و هبطو سويا إلي الأسفل ثم الي الخارج باتجاه السياره و صعدة بها و قاد مالك السياره و اتجه بطريق الجامعه
و كانت بالخلف تمشي سياره اخري علي بعد منهم لم ينتبه لها أحد
و عند هبوط قمر و نيلي من السياره أمامه الجامعه و ذهب مالك الي عمله وجدو……………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قمر مشوه)