رواية أنشودة كارمن الفصل الخامس 5 بقلم لينا بسيوني

رواية أنشودة كارمن الفصل الخامس 5 بقلم لينا بسيوني

رواية أنشودة كارمن البارت الخامس

رواية أنشودة كارمن الجزء الخامس

رواية أنشودة كارمن الحلقة الخامسة

” الفصل الخامس بعنوان “وعد ”
لفيت وببص ورايا لقيت آسر واقف عند باب الفيلا , فى أيده مفاتيح الباب والايد التانيه مسدس موجهه ناحيتى وناحية الكردى !!!
Lina basyouni )
أتصدمت وقولته:
آسر أنت فهمت أيه ؟!!! ده ….ده
قطع كلامى وقال :
ده أيه ياخاينه؟!! …. جايبه عشيقك هنا بعد مأتفقتى معاه يقتلتنى وفشل … الحكايه واضحه زى الشمس !!!
شد أجزاء مسدسه
Lina basyouni
وقف الكردى قدامى وأدانى ضهره علشان يبقى بينى وبين آسر بيحيمينى لو آسر ضرب بالرصاص
قالى الكردى وهو بيبص على المسدس اللى متوجه ناحيته :
فهمى جوزك ياهانم ده مفكر أننا بنخونه !!!
ولف رقبته وبصلى وكمل كلامه وقال :
الحكايه كده شكلها هتقلب على العشق الممنو….
قطع كلامه وفاجأ آسر !!
ضرب برجله أيد آسر اللى ماسكه المسدس… المسدس الى فى أيد آسر وقع على الارض وأتنطر بعيد.
هجم آسر وحاول يضرب الكردى بأيده …بس الكردى تفادى بوكس آسر ،
ومسك دراع آسر ولواه ورا ضهره .
الكردى دلوقتى مسيطر على الوضع لاوى دراع آسر ورا ضهره بأيد, ومطوق أيده التانيه حوالين رقبة آسر ومثبته , فضل الكردى مثبته ووقالى :
فهمي جوزك ياهانم اللى حصل !!!
لسه هقول لآسر اللى حصل , لقيت آسر مط جسمه لورا وضرب براسه أنف الكردى !!
الكردى فك أيده من حوالين رقبة آسر ورجع لورا ومسك أنفه , فلقاها بتجيب دم
أنفعل الكردى وأتعصب جامد , ولقى آسر بيهجم عليه وعايز ينتهز الفرصه ويضربه بالبوكس , بس الكردى تفاداها برده ,
وأدى لآسر بوكس جامد فى وشه , ورفصه فى بطنه برجله .
فأتنطر آسر ووقع على الارض …
حاول آسر يزحف علشان يوصل للمسدىس اللى على الارض بس الكردى سبقه وشاط المسدس برجله بعيد خالص.
الكردى بصلى وقالى :
ماتفهميه ياهانم !!! قسما بالله مش عايز أضربه علشانـ..
الكردى أتفاجأ بآسر اللى قام من على الارض و هجم عليه برده و ضربه المره دى بفازه نزلت على راس الكردى واتكسرت !!
الكردى ماأتأثرش بالفازه اللى ضربه بيها آسر مع أنها جرحت راسه !!!
وهنا أتعصب الكردى اكتر من آسر اللى مش عايز يسمع
وضربه بوكسين ورا بعض !!
وقع آسر للمره التالته على الارض , بس المره دى الكردى ركب فوق آسر وثبت دراعته وهو على الارض وقاله :
الهانم كانت عملالك أختبار رجوله … كانت عايزه تشوفك هتنزلها من العربيه و لاهتدافع عنها ،
فهمت ياغشيم !؟
هدى آسر شويه وقعد يستوعب اللى قاله الكردى
, بس الكردى أداله بوكسين تانين جامدين فى وشه !!!
وقاله :
دول علشان بهتيم اللى قتلته يا غشيم!!!
وقام من فوق آسر وجه ووقف جمبى
آسر قام من على الارض ووهو بيكح دم و مشى بيتمطوح ناحية الباب من كتر الضرب اللى خده من الكردى .
وصل عند باب الفيلا وقالى قبل مايخرج :
أنت مجنونه وأستحاله أعيش معاكى تحت سقف واحد ,
ورزع الباب ومشى ….
أنهرت فى العياط وزعقت فى الكردى وطردته بره الفيلا .
أنا غبيه …. ضيعت من أيدى أكتر حد حبيته وحبنى …
ضيعت من أيدى البنى آدم الوحيد اللى مخنيش
بالعكس أنا اللى خونته !!!…….أنا اللى أستاهل الدفن حيه المره دى …. بس لأ عمرى ماهسيب آسر يضيع منى … هعمل المستحيل علشان يسامحنى …….
Lina basyouni
أستنيت أسبوع على ما الوضع هدى , الغريبه انه آسر ماطلقنيش ولا بعتلى ورقة طلاق , معنى ذلك انه لسه بيحبنى وممكن يسامحنى .
آسر معهوش تليفون ولا حتى فيس بوك ولا أنستغرام , عنده بس حساب تويتر بيتواصل من عليه بكل الناس !!
كنت ببعتله عليه رسايل أستعطفه فيها علشان يسامحنى ويرجع ليا بس مكنش بيرد,وعملى بلوك كمان !!!
فروحتله شقته اللى فى مدينة نصر , مرضيش يفتحلى حتى الباب وطردنى …
Lina basyouni
نزلت من العماره
وقعدت فى عربيتى وفضلت مستنياه ينزل من الشقه , أكيد هينزل يروح الشغل .
فضلت مستياه طول الليل كنت بنام على نفسى فى العربيه لحد الصبح ماطلع عليا .
شوفته وهو بينزل من العماره ورايح ناحية عربيته , نزلت من عربيتى وجريت عليه ومسكت فى هدومه وأنا بترجاه يسامحنى وبقوله أنى هعيش خدامه تحت رجله لو غفر لى غلطتى دى
مكنش بيرد عليا , كان جامد وبارد زى التلج تجاهلنى تماما , وزقنى وركب عربيته وطلع بيها بسرعه !!
Lina basyouni
تقله عليا وجموده ده جنننى أكتر …. زى مابيجنن أى واحده حبيبها بيتقل عليا ومش معبرها .
طلعت وراه بعربيتى بس مالحقتوش , روحتله الشغل , فى الشركه بتاعة بابا , وسألت عليه
قالولى انه قدم أستقاله من أسبوع وساب الشغل مع بابا !!! حتى ما أهتمتش اعرف أذا كان بابا عرف اللى حصل ولا لأ .
المهم عندى آسر يرجع ليا تانى .
Lina basyouni
رجعت أستنيته قدام العماره اللى فيها شقته …….بس مارجعش خالص !!!
فضلت مستنياه فى عربيتى أسبوع !! عايشه فى عربيتى .. مستنيه فى الشارع , بس برده مارجعش بيته خالص !!!
روحت سألت البواب , واللى فاجأنى وقالى أنه كلمه فى التليفون وعارض الشقه للبيع !!!
أتجننت اكتر ….كده ضاع منى آسر !!!
روحت الفيلا منهاره …. عينى بقت حمرا من كتر العياط , وحسيت أنى حياتى كلها مالهاش لازمه ….
Lina basyouni
جاتلى فكره وقرار فى نفس الوقت .
عملت أكونت جديد على تويتر غير اللى عملى عليه بلوك وبعتله فيديو فى رساله … فيديو هيحدد أذا كان فيه أمل يرجعلى آسر تانى ولا لأ …
فيديو ليا وأنا بنتحر بالسكينه … وقولت فيه جمله واحده بس
مأقدرش أعيش من غيرك سامحنى …
أنا غير أى بنت بتهدد بالانتحار لما حبيبها يسبيبها.. أنا كارمن
هقولك معلومات عن الانتحار على ما آسر يجى ينقذنى ده لو جه ينقذنى .
Lina Basyouni
اللى بيقطع شرايينه علشان ينتحر مش بيموت علشان شرايينه أتقطعت ومش هيعرفوا يخيطوها تانى !!!
بيموت علشان دمه بيتصفى , ممكن دمه يقعد يتصفى ساعه من غير مايموت , على حسب الجرح اللى فى أيده وعلى حسب هو جارح شريانه بالطول ولا بالعرض
مش مصدقنى !!!؟ طيب مسألتش نفسك ليه اللى بيضطروا يقطعوا أيديهم بيعيشوا عادى !!! ؟
علشان زى ماقولتلك الموت بيكون نتيجة أنخفاض ضغط الدم الناتج عن النزيف , واللى بيسبب عدم أنضباط فى دقات القلب وبعدها سكته قلبيه …..
أهوه آسر جه أهوه وملهوف عليا وبيشلنى من على الأرض وبيحطنى على السرير , بيجرى يجيب شاش وقطن ومطهر وبيوقف النزيف وبيلف دراعى بالقطن والشاش .
وبيقولى ماتموتيش دلوقتى .
Lina basyouni
جسمى كان هبط من الدم اللى نزفته , آسر جرى وجاب عصير رمان من التلاجه , وسندنى وشربنى بأيده
بصتله وأنا عينى كلها دموع وأترجيته مايسبنيش .
قولتله :
أنا أسفه والله بعشقك ومكنش قصد….
قطع كلامى وقالى :
أشربى وأرتاحى وبعدين نتكلم
قولتله بصوت خرج ضعيف :
لا مش هرتاح الا لما تسامحنى ونرجع لبعض تانى .
وشه أتقلب وقالى بعصبيه :
وأنا مش هسامحك الا لما تحكيلى على كل حاجه مخبياها عنى .
Lina basyouni
جسمى بدأ يفوق شويه بعد ماشربت العصير وقولتله :
هقولك على كل حاجه … بس توعدنى تسامحنى ؟!
قالى :
لو كنت صريحه معايا وقولتيلى على كل اللى مخبياه عليا هسامحك وده وعد
قلتله :
مهما كان اللى عملته !!؟
قالى :
مهما كان اللى عملتيه ..
حكيتله على كل حاجه على آدم ووسيم وأزواجى اللى قتلتهم فى رحلتى وأنا ببحث عن الاخلاص
كل ماأحكيله على حاجه عملتها …. يتصدم أكتر
خلصت كلامى كله وسكتت
وهو كمان فضل ساكت مش مصدق اللى بيسمعه ومش عارف ياخد رد فعل .
قولتله :
أرجوك يأآسر سامحنى , أنت وعدتنى لو قولت كل حاجه بصراحه هتسامح….
قطع كلامى وقال :
سامحتك !!!
بصتله بأندهاش ومكنتش مصدقه نفسى قولتله :
أيه !!؟
قالى بهدوء :
خلاص سامحتك , وممكن نرجع لبعض عادى !!
حضنته وفضلت أبوس فيه , وقولته :
من النهارده انا خدامه تحت رجلك والله ماهكدب عليك وعمرى ماهخبى عليك حاجه تانى أبدا
قالى بحنيه :
وعد !!؟
قولتله بثقه :
وعد .
Lina basyouni
بصيت على هدومه اللى كلها بقعت من دمى وقولته :
قوم غير هدومك يابيبى و خد شاور عايزاك جمبى وحشنى أوى حضنك .
بص على هدومه لقاها كلها دم .
راح ناحية الدولاب وقالى وهو مبتسم :
أوعى تكونى رميتى البجامة الزرقا بتاعتى !
فرحت أوى أنه رجع طبيعى بسرعه كده , بصراحه كنت مبهوره بحبه ليا .
الحب اللى خلاه يسامحنى على كل اللى عملته فى أقل من 5 دقايق !!!
قولتله بحنيه :
البجامة دى كنت على طول باخدها فى حضنى وانت بعيد عنى .
بعتلى بوسه فى الهوا وهوه بيغير هدومه اللى عليها دمى وبيرميها جمبى على السرير
وخد البيجامه ودخل يأخد شاور …
قومت أنا كمان وغيرت هدومى ولبست حاجه بيحبها , وقعدت قدام المرايا أحط ميك أب .
سمعت موبايلى رن , دورت على موبايلى , لقيته تحت المخده على السرير , بصيت على الرقم لقيته
011 , شركه الموبايل ..
رميت الموبايل تانى وهو بيرن على السرير , بس سمعت زى صوت ذبذبه وانا برميه , مسكت الموبايل لقيت صوت الذبذبه راحت !!!
فضلت ماشيه بالموبايل على السرير علشان أعرف صوت الذبذبه دا جاي منين !!
لقيته جاى من ناحية هدوم آسر اللى على السرير !!!
مشيت بالموبايل على الجاكيت بتاعه , فلقيت صوت ذبذبه الموبايل بتزيد , عند حته معينه فى الجاكيت !!!
سيبت الموبايل ومسكت الجاكيت , لقيت حاجه زى زرار جوه البطانه , فتحت البطانه بتاعة الجاكيت فلقيت ميكرفون صغير متركب فيه كارت ميمورى ميكرو !!!!
آسر بيسجل كلامى !!!!!!!!
دورت زى المجنونه على أى حاجه فى جيوبه , لقيت تليفون !!!
آسر معاه تليفون !!! وكان مخبى عليا !!!
حاولت أفتح الموبايل لقيته بباسورد , بس لقيت رساله واتس باينه على شاشة الموبايل كانت مبعوته ,ولسه مافتحاش …
مكتوب فيها
Lina Basyouni
عملت أيه !!؟
فهمت تقريبا نص الحكايه لما شوفت أسم اللى بعتاله الرساله “هايدى ”
خرج آسر من الحمام بالفوطه ملهوف لما أفتكر انه نسى وقلع هدومه اللى فيها الميكرفون والتليفون
أتصدم لما لقانى ,مقطعه بطانه الجاكيت وماسكه تليفونه.
غلط غلطه واحده بس , عرفت منها خيانته ليا طول الفتره
دى .
Lina Basyouni
صرخت فيه ووقولتله :
أنت مين !!!؟ وتعرف هايدى أخت آدم جوزى منين !!!
هجم عليا وخطف الموبايل من أيدى , وفضل يضرب فيا بأيده وبرجله علشان ياخد التسجيل الصغير اللى فى أيدى
لحد ماقدر يفتح أيدى بالعافيه وياخد التسجيل , شدنى من شعرى وجرجرنى منه على الارض وهو بيضرب فيا
Lina Basyouni
وبيقولى :
أنتى مجنونه … أنتى اللى قتلتى أعز صديق ليا آدم … ياواطيه
الموت رحمه ليكى يا وس …. أنا هخليهم يعدموكى بعد ما تتفضحى يابنت الكلب !!!
وساب شعرى وفضل يشوط فيا برجله …
حاولت أقاومه فرفسته برجلى فى حته حساسه , فسابنى ومسكها بايده بعد ماصرخ من الالم
Lina Basyouni
جريت على السرير , وفتحت الواتس بسرعه وبعت رساله صوتيه للكردى صرخت وقولتله :
ألحقنى ياكرد…
خطف آسر الموبايل ورماه بعيد ومسك راسى وخبطها فى حرف السرير مرتين وسابنى وأنا سايحه فى دمى و بيغمى عليا , عينى كان بتفتح وبتقفل لوحدها وبغيب عن الوعى شويه وبرجع تانى ….
شوفته وهو بيلبس هدومه وبياخد الموبايل وبيحط التسجيل الصغير فى جيبه …….
شوفته وهو بيتف عليا قبل مايدينى ضهره ويروح ناحية باب الاوضه وهو بيمشى ……..
شوفت حد بيضرب راس آسر بعصايا خشب أول مافتح باب الاوضه علشان يخرج ……
ماشوفتش مين اللى ضربه , بس شوفت آسر وهو على الارض مغمى عليه وراسه بتجيب دم كتير .
بعدها غيبت عن الوعى

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية أنشودة كارمن)