رواية قمر مشوه الفصل السادس 6 بقلم عزة يحيى
رواية قمر مشوه الفصل السادس 6 بقلم عزة يحيى
رواية قمر مشوه البارت السادس
رواية قمر مشوه الجزء السادس
رواية قمر مشوه الحلقة السادسة
في منزل قمر
شهد/ايه لما تشتغل خدامه يبقي شغله محترمه
ام ايمن/ايه اللي مش محترم فيها لم تدور علي أكل عشها بالحلال دا يبقي عدم احترام
شهد/أنتي ساكته ليه يا قمر ما تتكلمي
قمر /مستنيه اما تخلصو خناق
شهد/ادينا سكتنا ممكن اعرف رأيك
قمر /انا شايفه انها مفيهاش حاجه و علي رأي أم ايمن مادام بالحلال يبقي خلاص
جحطت عين شهد بشده
شهد/انتي بتقولي ايه يا قمر
ام ايمن /عين العقل يا بنتي
شهد /انتي بتقولي ايه انتي كمان
قمر /و فيها ايه يا شهد
شهد/فيها كتير قوي لما تبقي جايبه مجموع عالي يدخلك طب و انتي حطه رجل علي رجل او تدخلي هندسه زي ما كان ولدك
بيحلم
و ضيعي دا كله في غمضه عين و تقولي فيها ايه تبقي اكيد اتجننتي يا قمر و انا مش هسمحلك تضيعي مستقبلك
قمر /و مين قال اني هضيع مستقبلي و لا اني اضيع حلم بابا انه يشوفني مهندسه استحاله
شهد/امال اللي انتي بتعمليه دا ايه
قمر/حاجه مؤقته تساعدني اني احقق حلمي متنسيش ان انا الفتره اللي جايه هحتاج مصاريف كتيره فلازم اشتغل و بما اني مش لقيه شغل خالص و مفيش إلا دا إيه المانع
شهد/المانع انك ممكن متقدريش توفقي بين شغلك و درستك
نظرت قمر لام ايمن
قمر/انتي ليكي دلال علي الناس دي يا ام ايمن
ام ايمن/الناس صحاب البيت لا بس اللي كلمتني و بتدور علي واحده تكون بنت حلال تبقي مديره البيت هناك و لها دلال عليهم و انا ليا دلال عليها عايزه ايه
قمر/تعرفيها اني بدرس و اني بشتغل علشان اصرف علي دراستى و انا اوعدها اني مش هقصر في اي حاجه خالص
ام ايمن/دي حاجه سهله خالص
شهد/انتي كدا خلاص قررتي
قمر /ايوة يا شهد و مش هتراجع عن قراري
شهد/و الله ما عارفه اقولك ايه
ذهبت نحوها قمر و احتضنتها و قالت لها
قمر /ادعيلي يا شهد كل اللي عايزاه منك انك تدعيلي
شهد/ربنا معاكي يا حببتي و يوقفلك ولاد الحلال
ام ايمن/ربنا يكرمك يا بنتي و يحسن طريقك
قمر /اللهم امين
ام ايمن/انا هكلمها اهو اعرفها اني لقيت واحده
قمر/ ماشي
ذهبت ام ايمن الي الشرفه لتتحدث عبر الهاتف باريحه
قرع جرس الباب و ذهبت قمر تلك المره لتفتحه هي و من خلفها ذهبت شهد لتعلم من بالباب هي الاخر
قمر/عم خليل اهلا و سهلا بحضرتك
عم خليل/اهلا بيكي يا بنتي
قمر/خير يا عم خليل
عم خليل/انا اسف يا بنتي بس انا جايلك علشان تفضي الشقه
جحظت عين قمر و شهد و حلت الصدمه علي قسمات وجههم
شهد/انتي بتقول ايه يا راجل انت
قمر /اهدي بس يا شهد اما نفهم الموضوع
ثم نظرت لعم خليل و اكملت
عايزني افضي الشقه ليه يا عم خليل
عم خليل/الشقه جيلها بيعه حلوه و اللي عايزها هيوضبها و يقعد فيها
قمر /طب و انا يا عم خليل اروح فين
عم خليل/انا اسف يا بنتي ميرضكيش اني اخسر
شهد/انما يرضيك هيا تقعد في الشارع
عم خليل/انا قولت اللي عندي و قدامك مهله عشر ايام تدبري فيهم حالك
قمر/ايه عشر ايام بس اعمل فيهم ايه
عم خليل/انا عاملت اللي عليا و لما المهله تخلص تسيبي الشقه
شهد/ربنا علي الظالم
قمر /خلاص يا شهد
شهد/خلاص ايه بس حسبي الله و نعم الوكيل
اغلق قمر الباب و ذهبت نحو الاريكه و هي حزينه علي ما يحدث معها
شهد/هتعملي ايه دلوقتي يا قمر
قمر /انا تعبت و الله يا شهد كل ما اقول اتحلت و هتتعدل تتلغبط من حته تانيه مش عارفه الدنيا معنداني ليه
شهد/متقوليش كدا يا قمر دا ابتلاء من ربنا و ربنا بيختبر قوه صبرك و ايمانك
قمر /لله الامر من قبل و من بعد
شهد/محدش عالم الخير فين و كويس انك لقيتي شغل مع اني معترضه عليه بس مش مهم
قمر /طب و هروح فين بعد العشر ايام دول لازم انزل ادور علي مكان تاني
شهد/نعم كله الا كدا استحاله اسيبك تروحي تعيش في مكان لوحدك انسي خالص انتي هتيجي تعيشي معانا
قمر /مستحيل انسي انتي خالص مش هقعد عند حد نهائي
شهد/بس يا قمر ا……
و قطع حديثهم دخول ام ايمن اليهم من الشرفه و قد تناسو وجودها
ام ايمن/خير يا ولاد في ايه
قمر /و لا حاجه يا ام ايمن المهم كلمتي الست اللي جايبه الشغل
تلون وجه ام ايمن وتوترت
ام ايمن/اها كلمتها بس
شهد/بس ايه
ام ايمن /في مشكله
وضعت قمر يدها علي صدرها خوفا من ان تخسر هذا العمل التي حصلت عليه بعد معاناه
قمر/خير يا ام ايمن
ام ايمن /صحاب البيت طالبين ان اللي تشتغل……..
شهد/كملي يا ام ايمن
ام ايمن/انها تبات في الفيلا عندهم
فرحت قمر بشده
قمر /يا ما انت كريم يارب
ام ايمن باستغراب/انتي مش زعلانه
قمر /لا خالص ربنا بيقطع من هنا و بيوصل من هنا
ام ايمن/قصدك ايه
شهد/انا هقولك اصل و انتي في البلكونه جيه………..
و اخذت تصرد اليها ما حدث و ما قاله عم خليل و بعد الانتهاء
عم خليل/شوف الراجل الناقص ربنا ينتقم منه كان عايز يرميكي في الشارع بس ربنا كريم
قمر /الحمد لله
شهد/طب و هي هتقعد هناك علي طول
ام ايمن/اللي بيشتغلو هناك ليهم مكان ينامو فيه و كل واحده فيهم ليها يوم اجازه في الاسبوع تروح في بيتها و ترجع تاني يوم
قمر /طب و قولتلهم علي موضوع درستي
ام ايمن/انا قولت لصاحبتي و هي هتقولهم بس اكدت عليا انهم مش بيرفضو طلب لحد نهائي و انهم ناس طيبين
شهد/و علي كدا هتبدا شغل من امتي
ام ايمن/من بكرا
قمر /علي طول كدا
ام ايمن/دي بقالها مام يوم بتدور علي حد و مصدقت لقت
قمر /علي بركه الله
ام ايمن/طب استئذن انا بقه و هعدي عليكي بكرا الصبح اوديكي هناك
قمر/ان شاء الله
و بعد خروج ام ايمن من المنزل
قمر /شهد قومي معايا بقه اجهز الهدوم اللي هخجها معايا و اشوف الحاجات اللي عايزاها و اركنها عندكم و الباقي مهمتك بقه تشوفيلي ليهم بيعه علشان افضي الشقه لعم خليل
شهد/ماشي يلا قومي
🌿🌿🌿🌿🌿🌿🌿🌿🌿
في منزل كارم السيوفي
وفاء/ها يا امينه برضو لسه ملقتيش حد
امينه /لا لقيت واحده كويسه و بنت حلال بس ليه طلب
وفاء /ايه هو
امينه/هي لسه مخلصه ثانويه عامه ونفسها تكمل درستها
وفاء/و هتقدر توفق بين الدراسه و الشغل
امينه/ايوة و قالت لو معرفتش توفق بينهم مش هتكمل دراسه
وفاء/و تتخلي عن اللي نفسها فيه
امينه /اصلها يتيمه و امها لسه ميته مكملتش شهرين
وفاء/يا حببتي و مالهاش حد
امينه /ملهاش حد خالص و هتشتغل علشان تصرف علي نفسها و علي درستها
وفاء/ربنا يعينها خلاص خليها تيجه و انا موفقه و وقت الدراسه متكتريش عليها الشغل يا امينه
امينه/ربنا يجزيكي كل خير يا ست وفاء و ما يوقعك في ديقه ابدا
وفاء/خلاص خاليها تيجي في اقرب فرصه
امينه/هي هتيجي بكرا الصبح ان شاء الله
وفاء/بالسرعه دي
امينه/هي بقالها فتره بتدور علي شغل و ربنا عطرني فيها بالصدفه
وفاء/خلاص هستناها بكرا
امينه/هتكون هنا من بدري ان شاء الله
🌿🌿🌿🌿🌿🌿🌿🌿🌿
بداخل الشركه الخاصه بعائله السيوفي
يعمل مالك بدقه و تركيز لانهاء كافه اعماله
طرقات خفيفه علي الباب اخرجته من تركيزه
مالك/ادخل
دخلت اليه السكرتيره الخاصه به بخطوات بطيئه
السكرتيره/مالك بيه
مالك/ايوة
السكرتيره/في واحد عايز حضرتك برا
مالك/واحد مين مقالش اسمه
السكرتيره/لا مقالش هو بيقول معرفه قديمه
مالك/طب دخليه اما اشوف مين
خرجت السكرتيره بنفس الخطوات البطيئه لعلها تلفت انتباه و لكنه لم ينتبه لها و اكمل عمله
دخل اليه هذا الغريب بالنسبه له قبل ان يراها
…… /السلام عليكم
رفع مالك راسه اليه و ما هي الا ثواني حتي انتفض من مقعده ذاهبا اليه في سرعه و قام باحتضانه و هو سعيد
بوجوده
مالك/ااااادم يا ابن الاايه انت فين يا ابني اختفيت كدا مره واحده واحشني يااد
ادم/انت واحشني اكتر و الله يا مالك
مالك/انت رحت وقولت عدولي روحت فين دا كله
ادم/سافرت لاهلي في البلد و اتشغلت معاهم خصوصا بعد موت اخويا و شلت الشغل كله مكانه
مالك/الله يرحمه و علي كدا نازل اجازه و راجع تاني و هتستقر هنا
ادم/و الله هيبقي من دا علي دا
مالك/و انت شغال في ايه دلوقت
ادم/و الله انا لحد دلوقت مفيش حاجه خاصه بيا بس نازل علشان اعمل الخاص بيا
مالك/مش فاهم
ادم/فكرت في مشروع كدا و علشان كدا جتلك
مالك/انت تامر في اي حاجه و لو محتاج سيوله كمان
ادم/عارف يا صاحبي الحاله مستوره و كله تمام
مالك/يارب دايما
ادم/انا جايلك علشان فكرت افتح شركه هندسه و كنت حابب اشارك حد اسمه معروف في السوق و طبعا ملقتش غيرك اللي اعرفه و امنه علي مالي
مالك/تمام و فكرت هتبقي تخصص ايه
ادم/ايوه
مالك/خلاص انا معاك يا صحبي
ادم/مش تفكر الاول
مالك/مش محتاج افكر
ادم/طب حتي خد رائي ولدك و جدك
مالك/بردك مش محتاج اخد رائيهم لاني هشركك من مالي الخاص و هي هتبقي حاجه خاصه بينا احنا الاتنين
ادم/بس لا ولدك و جدك يزعلو
مالك/لا متقلقش مش هيزعلو وبعدين انا مش هعمل حاجه الا ما اعرفهم و هما مش هيعترضو
ادم/ربنا يخليك يا مالك
مالك/علي ايه يا اهبل ما انا هكسب زيي زيك
ادم/خلاص احنا محتاجين نشوف مقر للشركه
مالك/متقلقش سيب كل حاجه عليا انت عليك تمضي و تكيش و خلاص
ادم/هههههههه ههههههههه بس كدا دا كل اللي هعمله
مالك/دا دلوقت بس لغايه ما الشركه تجهز و انا هفحت اهلك شغل
ادم/ربنا المعين
🌿🌿🌿🌿🌿🌿🌿🌿🌿
في فيلا كارم السيوفي
في المساء في غرفه مصطفي
مصطفي/ايه يا وفاء مش ملاحظه ان اختك قعدتها طولت دا انتي كنتي بتقولي يومين
وفاء/و الله ما عارفه يا مصطفي
مصطفي/دي بقالها عشر ايام انتي عارفه اني اشلها فوق دماغي العمر كله دي بنت عمي قبل ما تكون اخت مراتي بس دا لو قاعدهي في حالها انما دي حطه مناخرها في كل كبيره و صغيره
وفاء/اعمل ايه يعني ااطردها من البيت
مصطفي/انا مقولتش كدا بس تحس علي دمها شويه و تحترم اهل البيت اللي هيا موجوده فيه
وفاء/انا مش خايفه ان قاعدتها طولت و لا من المشاكل اللي بتعملها
مصطفي /امال خايفه من ايه
وفاء/انا سمعت طراطيش كلام كدا انها هتقدم لبنتها في الكليه هنا
مصطفي/طب و ايه المشكله عادي جدا
وفاء/عادي ازاي بس يا مصطفي
مصطفي/انا مش عارف انتي خايفه من ايه
وفاء/خايفه لتكون راسمه انها تسبها هنا بحجه الكليه
مصطفي/نعااااااااااااااام
وفاء/وطي صوتك يا مصطفي انا بخمن مش اكتر
مصطفي/و افرضي سبتها فعلا هتعمل ايه
وفاء/هعمل ايه يعني
مصطفي/ايه اللي تعملي ايه تقوللها طبعا لا
وفاء/ازاي اقولها لا دي مهما كان بردو بنت اختي
مصطفي/تدخلها في بيت طالبات او تروح و تيجي
وفاء/دي عيبه في حقنا نكون في نفس البلد و تروح تقعد في بيت طالبات او تروح و تيجي كل يوم
مصطفي/انا ميخصنيش و كمان بنت اختك مش بتريح نفسها زي امها
وفاء/سبها لله اللي فيه الخير يقدمه ربنا
مصطفي /يارب
🌿🌿🌿🌿🌿🌿🌿🌿🌿
في صباح اليوم التالي جهزت قمر كل مايلزمها في العمل و تركت الشقه لشهد لكي تتصرف و تبيع ما بها
شهد/خي بالك من نفسك يا قمر
قمر/حاضر و خالي بالك انتي كمان من نفسك
شهد/و كلميني كل يوم تطمنيني عليكي انا مش هكلمك لتكوني في شغل و لا حاجه و اسبب ليكي في مشاكل بس هستني كل يوم تكلميني انتي ماشي
قمر/ان شاء الله و معلش هتعبك معايا في بيع الحاجات دي و خالي فلوسها معاكي علشان اما اجي اقدم ورقي في الكليه ادفع مصاريف الكليه و و مصاريف الكتب كمان
شهد/ربنا معاكي و يعينك يارب و ينولك اللي في بالك
قمر /امين يارب سلام بقه علشان ام ايمن واقفه تحت بقالها شويه و سلميلي علي مامتك كتير
شهد/يوصل يا حببتي اول ما توصلي رنيلي و انا هعرف انك وصلتي و اول ما تخلصي شغل كلميني
قمر/حاضر سلام
و هبطت قمر للاسفل حيث وجود ام ايمن اللتي ذهبت بها نحو الطريق لستلقي سياره اجره و املته العنوان و ذهب بهم الي حيث وجهتهم
اوقف سائق السياره علي حانبي الطريق و هبط الاثنان و قامت بدفع الاجره ام ايمن و اخرجت هاتفها و قامت بالاتصال بصديقتها و اخبرتها انها تنتظرها بالخارج
مرت بعض دقائق حتي جائت اليهم امراه ليست كبيره في العمر تقريبا في منتصف الاربعينات
ام ايمن/اهي تعالي ياقمر
و ذهبت نحوها ام ايمن و قمر
ام ايمن /ازيك يا……….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قمر مشوه)
لو سمحت ممكن حد يرد عليا علي الخاص
روايه قمر مشوه دي بتاعتي انا ايه عطيه مش بتاعه عزه يحيي و انا منزلها علي الوتباد و منزلها علي كذا جروب باسمي ازاي تنزل باسم حد تاني