رواية حياه صعبه الفصل الثامن 8 بقلم حور طه

رواية حياه صعبه الفصل الثامن 8 بقلم حور طه

رواية حياه صعبه البارت الثامن

رواية حياه صعبه الجزء الثامن

رواية حياه صعبه الحلقة الثامنة

قلت لك مش هتجوزها
هتتجوزها ورجلك فوق رقبتك
ايه هتجوزهاني غصب يعني
يونس :انا مش باخد رايك بقول لك حضر نفسك يا عريس
مصطفى: انت مستوعب انت بتقول ايه مستحيل تكون دي ام عيالي
يونس: كان لازم تفكر في ده قبل ما تعك الدنيا علينا بغبائك
مصطفى: هي هتنزل اللي في بطنها والموضوع هيخلص انت ليه مكبرها
يونس : نرمين قالت انها لو متجوزتكش هتحكي لمراد عن اللي بينكم &البنت التافهه دي جات وقفت قدامي بكل وقاحه وهددتني بسببك يا تافه
مصطفى : يعني هتجوزين علشان خايف من ابوها
يونس :عارف انا هجوزها لك ليه عشان هي شبهك انتم الاتنين وقحين
مصطفى: انت لو لاقيني في شنطه عربيتك كنت هتعاملني احسن من كده
يونس: منك لله يا مصطفى انا بلعن الساعه اللي امك ولدتك فيها وما,تت وسابتني اشيل قرفك لوحدي
مصطفى :لو كانت عايشه كانت خطاف جنبي مش ضدي
يونس : يا اخي اتنيل دي ارتاحت منك & جهز نفسك
عشان هنحدد كتب كتابك على نرمين اليوم
سابه وخرج
مصطفى: يا بنت الجزمه عملت اللي ما كنتش اتوقعه طيب يا نرمين ان ما سود,ت عيشتك ما يبقاش انا مصطفى
💫💫💫💫💫وبعد مرور 10 ايام💫💫💫💫💫
انت بتعملي ايه هنا
الهام :جاي اشوف ابني ولا عايزني اعرف انك عملت حادثه وما جيش اشوفك
عاكف : ومن امتى كان يهمك
الهام :انت اللي بتبعدني عنك يا ابني
عاكف :اخرجي بره مش عايزه اشوف وشك ثاني
الهام : انا امك وحقي اجي في اي وقت اشوفك
عاكف: انت ما لكيش اي حق تخرجي من الباب ده وما تفكريش ترجعي تاني
الهام : بعد كل السنين دي مش قادر تنسى وتسامحني
عاكف: عايزاني انسى اني شفت خيانتك بعيني انا بقرف منك ومن امثالك وما بتحملش وجودكم حواليا ومستحيل اسامحك
الهام: ابوك هو سبب كل ده
عاكف بتحذير: اوعي تجيبي اسمه على لسانك تاني انت فاهمه اخرجي من حياتي
الهام باستعطاف: يا ابني انا وانت ملناش غير بعض
عاكف يضحك بوجع: حكايه الام وابنها دي انت موتيها بخيانتك من زمان انت مت بالنسبه لي
💫💫💫💫💫💫💫💫💫
علاء: تفتكري هيسيب حياه في حالها بعد ما اتجوز
هناء :ما افتكرش مصطفى واحد عنيد لما بيحط حاجه في دماغه ما بيسيبهاش
علاء : ايه السر ي هناء اللي بينك وبين الناس دي
هناء :السر ده هو اللي هيحمي حياه
علاء: طب ليه ما فكرتيش تحمي نفسك بيها
هناء: انا خلاص ضعت من زمان المهم دلوقتي حياه مستحيل اسمح لهم انهم يؤذوها او يلمسوا شعر منها
علاء: للدرجه دي بتحبيها بتخافي عليها لدرجه انك تفضلي تحميها بدل ما تحمي نفسك
هناء: حياه ملاك لسه بريء خبار الدنيا لسه ما جاش عليها لو طولت احميها بروحي هحميها انا عايشه علشانكم انتم الاتنين
علاء: يمكن كنت صغير وما قدرتش احميكي بس صدقيني انت وحياه هحميكم ومش هسمح لحد يقرب منكم تاني وانت الطريق اللي مشيتي فيه ده خلاص نهايته جات فهماني
هناء: الدخول في الطريق ده كان اجباري ما افتكرش ان الخروج منه هيكون اختياري
💫💫💫💫💫💫 وبعد مرور شهر💫💫💫💫💫
=معقوله القمر بيقدم النسكافيه بنفسه
حياه بصبر : حضرتك تؤمر باي حاجه ثانيه
الزبون : ما تخلصي شغلك امتى
حياه تلف وشها وتمشي ولكن يمسك ايدها : لو سمحت يا فندم سيب ايدي
الزبون :هستناكي لحد ما تخلصي ومش هنختلف في السعر
حياه :انت واحد قليل الذوق
عاكف يشيل ايده من عليها ويضر,به بوكس ويلف وشه عليها ويبص لها بتعجب :هو انت فاكره انك كده بتهزئي لا انت بتدلعيه
حياه: انت ايه اللي عملته ده هتعملي مشكله في المكان
عاكف: شكل الوضع كان عاجبك ايه قدم سعر ما يترفضش
الزبون يقف ويضر,ب عاكف بوكس وحياه تسنده قبل ما يقع وعينه تتثبت عليها اول مره يلاحظ ان عينيها زرقاء وبالجمال ده يبلع ريقه& ويرجع يضر,ب الزبون والمكان يتحول الى فوضى
عاكف يجري وراها في الشارع : استني هنا
حياه والدموع تلمع بعيونها: عايز ايه تاني مش كفايه اترفضت بسببك
عاكف: انت ازاي تسمحي انه يمسك ايدك وانت بتقولي ان السكه دي مش بتاعتك
حياه :وانت مالك تدخل ليه في حياتي يا ريت تبعد عني
عاكف يضحك بسخريه : واضح ان لما ضر,بته ضيعت عليك مبلغ كويس
حياه: تمام لو هي دي الفكره اللي هتخليك تبعد عن حياتي فتفكيرك صح
عاكف: تمام تعالي معايا وانا هدفع لك قد اللي كان هيديه لك مرتين
حياه: انت ازاي قادر تكون حقير بالشكل ده
عاكف : علشان اللي زيك اللي بيبيعوا نفسهم هي دي اكتر معامله تناسبها
حياه: انت مين علشان تحكم على اخلاقي روحي اتخلص من امراضك النفسيه بعيده عني وروح حاسب اللي كانوا السبب فيها ما تحاسبنيش انا

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حياه صعبه)