رواية مروضة الرجال الفصل الرابع والثلاثون 34 بقلم سلطان زماني

رواية مروضة الرجال الفصل الرابع والثلاثون 34 بقلم سلطان زماني

رواية مروضة الرجال البارت الرابع والثلاثون

رواية مروضة الرجال الجزء الرابع والثلاثون

رواية مروضة الرجال الحلقة الرابعة والثلاثون

علشان اخلي عبده يطلع مرات ابويا عمره بفلوسه قولتله أنا
عايزاك تشفلي شغل قالي لا كل الا كده هو انا مخليكي نقصك
حاجه
قولتله أنا عايزة اشتغل علشان عليا ندر لازم اوفيه قالي ندر
اي ده قولتله نفسي اطلع مرات ابويا عمره قالي مرات ابوكي
المفروض تطلعي امك قولتله لا دي الي امي الست دي عملت
كتير علشاني واستحملت بلاوي
قالي عمرك ما حكتيلي حاجه عنها ولا عنك قبل ما تعرفيني
قولتله بصراحة هي مقصرتش معايا خالص وعمري ما شفت
منها غير كل خير قالي انه عارف الشركات الي بتطلع العمره
قولتله لا أنا عايزة اشتغل وادفعها من فلوسي
قالي وبعدين بقا أنتي فاكره اني المشكلة في تذاكر السفر
لازم يكون معها مش اقل من 1000 أو 1500 ريال مش
هتصرف هناك وهتجيب هداية للحبايبها
وايه يابت فلوسي وفلوسك دي
قولتله طب انا عندي فكره اصلي هي نفسها عزيزة اوي
وهتعرف انها من فلوسك وممكن والله ترفضها ..قالي حد يرفض هدية زاي دي
قولتله اه هي ترفض
قالي فكرة ايه يا قلبي قولي
قولتله انت تيجي معايا وتقول اني العمرة دي جتلك تبع
الشغل ببلاش وهي هتقبل قالي هي معها جواز
قولتله ابويا الله يرحمه معه
قالي مش ناقصه غباء الله يرضي عليكي هي يابت هي
قولتله هو صعب أنها تعمله قالي لا حبايبي كتير برضو بس
هو مشكلته بياخد وقت
خلاص ياختي أنا هوفيلك الندر الي عليكي قومت بوسته

وعشنا لليلة غرام الغرام
رحت لمرات ابويا قولتلها رفضت وقالتلي الفلوس دي أوله
بيها الي في بطنك وده مش مالك علشان يبقا ليكي الحق انك
تتصرفي فيه ع كيفك وتبعزقي فيه شمال ويمين الفلوس دي
جوزك تعبان فيها ..
قولتلها خلصتي خطبة الجمعة خلاص
ياامي دي جياله هدية وكان هيطلع إمه مكانك بس هي تعبانه
والسفر خطر عليها وع صحتها وانا عرفت قولت بس دي من
نصيبك لقتها قالتلي بتكلمي جد يادينا قولتله هو مستنيني
ارد عليه امال أنا جيالك ليه
قالتلي والله دعيت ربنا بيها ونولهاني وبتعيط وتضحك في
نفس الوقت ومش مصدقه
قولتلها اصبري بقا اما أقوله قالتلي اه قوليله
خرجت جري تقول ل إخوتها والدنيا اتقلبت فرح وزغريط وانا
قولتلها اني كلمته وقالي خليها تعملي الجواز قالتلي من بكره
والله هروح اشوف اي الاوراق المطلوبه واعملها معرفش اي
الي جمد قلبي وخلاني اخد منصور واروح ل أبوه المحل
يشوفه
رحت ودخلت الشارع الي فيه المحل ودماغي سرحت في ايام زمان
وقلبت علي نفسي المواجع رحت وقفت قدام المحل عماله
ابص عليه كان بيمسح المحل ونفس هدومه المعفنه بالريحه
المعفنه فضلت وقفه ببص عليه
ومنصور قرفان من الريحه وعمال يشد ايدي علشان يمشي
وهو يبصلي ويرجع يكمل مسح لقيته قرب وفضل يبحلق في
الواد ويقرب اوي وقال منصور .. فيه شبه من ابني اوي والله
قولتله بتشبه ع ابنك ياراجل ليه بقاله ٢٠ سنة غايب عنك
وعايز يرفعلي النقاب في الشارع علشان يشوفني
ضربته ع أيده وقولتله ايه ياعم انت مالك ما تهدأ
بص ع بطني اووي ورح ناحيه المحل جاب كرسي وقالي
تعالي اعدي اصبري هجيب حاجه للواد راح جاب حاجات من
السوبر ماركت للواد وياعيني الواد قرفان من الريحه فضل
يمسك فيه وفي هدومه افتكرته زمان لما كان يوسخله
هدومه برحته الزفره دي
قالي كده برضو يادينا أهون عليكي قولتله أنا جيالك تشوف
ابنك وتطمن عليه أنه بخير
عايز تخده كام يوم يتعرف ع اخواته معنديش مشكلة اهم

حاجه يرجعلي وتعامله كويس وانا مش هخاف عليه وهو مع
مراتك
قالي وهي فين مراتي يادينا أنا من وقت ما طلقتك وانا
راحت مني الابتسامة الفرحة أنا بشتغل بس علشان الهي
نفسي وانسي بذمتك ده كريم الي كان معاكي 😭
هي فين ياكريم قالي عند اهلها بقالها اكتر من شهر أنا مش
بقعد ولا بنام غير في شقتك انتي ..انتي ليه بطلتي تردي
عليا وليه رفضتي ترجعي ويبص لبطني جامد ويقولي انتي
اتجوزتي
قولتله سيبك مني انا …مراتك بتحبك انت بس الي طبعك
قاسي ومتعرفش تقول كلمتين عدليين علي بعض
والله ياكريم عمرها ما كانت بالعافية والشدة والضرب
والتهزيق ..الست تاخد عنيها بالكلمة الحلوة الحنيىة بالطبطبة
باللين قالي مبقاش ليا خلق ومعرفش مالي قولتله انت طيب
وكويس وانا عشت معاك كنت اوقات بتكون ذوق ومحترم
اوي وطيب وأوقات تبقا شيطان وشرير وعصبي وتخرب
الدنيا ع اتفه سبب حاول تتخلص من الشخصية الوحشة دي
واظهرلها كريم الطيب الحنين المحترم
قالي انا بقالي فترة كنت بفكر اني انقل اسكن بعيد عن امي وقرفها
قولتله والله عين العقل والله مراتك دي لو ارتاحت. حست
بالأمان وشافت منك الحنيه لتعيش خدامة تحت رجلك
انا ست زيها وعارفه أنا بقولك اي
قوم يلا اقفل وتعالي معايا نروح عندك تغير هدومك دي
وتروح ترجعها
قالي ما انا معايا الطقم الي باجي بيه جوه هلبسه ونروح ع
طول من برا برا لبس وانا وقفت توكتك وجيه عليا وركب
جنبي قولتله اطلع ع البيت قالي ما انا لابس اهو هو انا رايح
اتجوزها من اول وجديد
ماله الطقم يا ام منصور
قولتله يقرف ياكريم الطقم يقرف لو رايحين نرجع كلبه مش
بني ادمه هتلبس ليها لبس احسن من كده
ضحك ورحنا قالي ما تيجي استني تحت وعايز يحاسب
التوكتك قولتله يلا ياكريم بسرعة أنا هستناك هنا في
التوكتك قالي طب هاتي منصور اخلي ابويا يشوفه قولتله
خده وطلعت الموبيل وكلمت مراته قولتلها اني جيالك
وقولتلها ع الحوار قالتلي رجوع لا انا تعبت قولتلها هيجبلك
شقة بعيد عن بوز الأخص دي ومفيش لا ضرب ولا بهدله تاني ولسه قايلي أنه هيجيلك دهب قالتلي والله لسه متختقه مع
ابويا بسبب العيال عاملين دوشه وضرب البت عدمها العافيه
بسبب انها كسرت الريموت
قولتلها دي امه وأبوه ومرات ابويا والشيخ ايهاب وناس كتير
كانو جايين يرجعوكي وانا قولتلهم دي اختي وانا هعرف
أرجعها طلع كريم ومعه منصور وأمه وأبوه واقفين بيبصو

عليا من بعيد وصلنا هناك أبوها الي كان هناك بس
سلمت عليه واتكلمت معه ولسه بقوله وبفتح معاه الكلام
قالي عندكم اهي صاحبة الشأن اسالوها
ندهت هي عليا وقالتلي سيبك منه هو إذا كان عليه عايز
يرمينا كلنا من البلكونه أنا هلم حاجتي وانزل قولتلها وانا
كمان لازم اروح علشان اتاخرت وجوزي عمال يتصل بيا
سبتهم مع بعض
وقولتلها اني هكلمها في التليفون اشوفها عملت اي
قالتلي براحة طيب ووحده وحده ع نفسك وطمنيني عنك لما توصلي

يتبع ….

• لقراءة الفصل التالي: اضغط هنا
• لقراءة باقي حلقات الرواية اضغط على (رواية مروضة الرجال)