Uncategorized
رواية رغد الزين الفصل الخامس 5 بقلم رانيا
رواية رغد الزين الفصل الخامس 5 بقلم رانيا
 |
| رواية رغد الزين الفصل الخامس 5 بقلم رانيا |
رواية رغد الزين الفصل الخامس 5 بقلم رانيا
سميره: دي تبقا ملك بنتي
رغد: طب وهي فين هي مسافره
سميره : وقد ظهر الحزن في صوتها ملك بنتي تاهت مننا لما كان عندها ٦ سنين دورنا عليها كتير بس موصلناش ليها
رغد : أنا أسفه بس انتو محاولتوش تاني تدورو عليها
سميره: حاولنا تاني بس في يوم لقينا الظابط إلى ماسك القضيه بيقول انو لقى بنت محروقة وهي في نفس سن ملك وكمان لما روحنا نشوف كان وشها مشوه ومعرفناش نتعرف عليها بس كانت لابسه نفس لبس ملك بنتي الفستان دا أنا كنت فكراه كويس لأني كنت جايباه ليها هديه في عيد ميلادها وبعدها قعدت تعيط
رغد: أنا أسفه والله ي ماما مكنتش اقصد افكرك متعيطيش ادعيلها وخليكي واثقه إنها في مكان أحسن من هنا
سميره بعد م هدت شويه : بدعيلها بس هي وحشتني اوى
رغد خلاص ي ماما عشان خاطري بلاش عياط هي زمانها دلوقتي زعلانه بسبب إنك بتعيطي وفضلت رغد تهدي في سميره..
عند زين
زين: ها عاوزني في اي
مراد : سعد مش هو الكبير
زين : عارف
مراد : عارف إزاي ومقلتش لينا لي
زين : كنت عاوز اتأكد الأول لأن أنا كنت شاكك بسبب تصرفاته دايما بيتكلم في التليفون مكنش بيدينا أوامر علطول دايما كان يقول سيبوني لوحدي شويه من هنا فهمت ان في حد بيحركه
مراد : دا الي اكتشفناه إبراهيم إلى زرعناه في وسطهم سمع سعد وهو بيكلم واحد في التليفون وبيقول ليه إن كل حاجه تمام والبضاعه اتوزعت بس الغريب إن إزاي البضاعة دي اتوزعت وانتو معرفتوش وجت امتى
زين هو لسه مش واثق فينا وشكلو كدا لسه مقلش للراجل الكبير عننا بس قولي معرفتوش اي معلومات عن الراجل دا
مراد : معرفتش عنو غير أن اسمو الكنج
زين : أنا سمعت الإسم دا قبل كدا
مراد : فين
زين : مش فاكر بس أنا فاكر كويس اني سمعت الإسم دا
مراد : حاول تفتكر وتعرفني بس المهم دلوقتي إنك تحاول تكسب ثقتهم قبل العملية الجديده
زين : تمام …
عند سميره ورغد قاعدين يتكلمو وفون سميره رن
سميره : الو
فريده : الو ي سميره إزيك عامله اي
سميره : الحمد لله ي فريده خير
فريده : نادين قالت ليا إن زين اتجوز الف مبروك
سميره الله يبارك فيكي ي فريده
فريده : طب بمناسبة جواز زين بقا إحنا عازمين نفسنا عندكو بكرا ع الغدا عشان نتعرف ع العروسه بتاعتنا
سميره : تشرفونا
فريده خلاص بكرا هنجيلكوا من الصبح عشان نقضي اليوم سوا
سميره : تمام هنستناكو
فريده: مع السلامه بقا عشان نروح الكوافير نجهز أنا ونادين
سميره : مع السلامه
أغلقت فريده الخط وقالت ل نادين
فريده : كدا أول خطوة خلصت
نادين : لسه تاني خطوه ودي الأهم عشان محدش يشك فينا..
عند رغد وسميره
رغد : مالك ي ماما سرحانه من وقت م خلصتي مكالمه الفون لي
سميره جاي ضيوف بكرا عشان يتعرفوا عليكي
رغد : طب فين المشكله
سميره : في مشاكل مش مشكله واحده
رغد : مشاكل اي ي ماما
في الوقت دا زين دخل
زين : مشاكل اي إلى بتتكلموا عنها
سميره والقلق ظهر في صوتها : عمك جاي يتغدي عندنا بكرا هو وفريدة ونادين
زين : اي المشكله ي ماما عادي يشرفونا
سميره : تمام يبني أنا هقوم اقول ل سعاد ع عزومه بكرا
زين : ماشي ي ماما
رغد: أنا هاجي معاكي ي ماما
زين : لا ي رغد أنت هتطلعي تغيري هدومك عشان هنخرج أنا وأنت
رغد : لوحدنا
زين وهو بيقرب منها : أمال عاوزه حد تاني يخرج معانا
رغد مردتش عليه وجريت ع السلم وطلعت الاوضه عشان تلبس وزين وقف مكانه وضحك بعد ساعه زين ورغد في المول
رغد: زين اي رأيك في الفستان دا
زين ب ابتسامه هاديه :جميل
وبعدها راح عند فستان تاني كان متعلق وقال ودا هيبقا أجمل عليكي اي رأيك تدخلي تجربيه وتيجي
رغد : حاضر ودخلت تلبس الفستان
في الوقت دا في بنت راحت عند زين
سهر: معقول زين القناوي
زين : ايدا سهر انت بتعملي اي هنا وجيتي مصر امتى
سهر : جيت من أسبوع كدا و أنا هنا دلوقتي بشتري شويه حاجات بس انت الي بتعمل اي هنا
زين لسه هيرد لقى حد بيرد
رغد : بيشتري معايا شويه حاجات
سهر استغراب : معاكي؟؟
زين : أعرفك رغد مراتي
سهر : أنت اتجوزت؟؟ ……… ????
يتبع..
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية دموعها ملاذي للكاتبة مريم حسني