رواية شيطانة الأسد الفصل الثالث 3 بقلم مريم أشرف
رواية شيطانة الأسد الفصل الثالث 3 بقلم مريم أشرف
رواية شيطانة الأسد البارت الثالث
رواية شيطانة الأسد الجزء الثالث
رواية شيطانة الأسد الحلقة الثالثة
مريم بثقه: مفيش غير حل واحد بس!!
: ايه هو؟
مريم: هروحلو بهويه تانيه ووش جديد خالص وافهمو ان هدفنا واحد..قت*ل شيطانة الداخليه..اللي هي انا وهنحط الإيد في الإيد..وقتها بس هعرف كل حاجه عنه وتحركاته وانا أكيد هزودكم بالمعلومات اللازمه..ها قلت ايه؟
رد عليها اللوا بسخريه: شكلك لسه متعرفيش لؤي الشامي..هيصدقك مثلا..ده بيحسبها بالميلي..
اتكلمت: متخفش عندي طرقي الخاصه وقريب قوي هتعرفوا ان كلامي صح وورا رجل الأعمال المشهور ده وحش مدمر..عن اذنك..
قالت كده وروحت بيتها..
________________________________________________
عند سالي…بتطلع من عربيتها بعد ما خرج لؤي وباقي الموظفين من الشركه..
بصت يمين وشمال تتأكد ان مفيش حد مراقبها بعدها طلعت دبوس من شعرها وحاولت تفتح البوابة بأقصى سرعه قبل ما يرجع السكيورتي اللي راح ياكل حاجه..
اتنفست براحه بعد ماتفتح معاها ودخلت..فضلت تدور كثير لحد مالقت اوضه بابها اسود عرفت انها مكتبه..
دخلتها وبدإت تفتش فيها لحد ماوقعت عينيها على ملف صغير مستخبي وسط الأوراق..مسكته واتأكدت منه بعدها رتبت كل حاجه و طلعت تاني قبل مايرجع الحارس..
كانت بتسوق بتوتر ناحية ڤيلا ياسر..
وقفوها حراسته..
فطلع من الڤيلا على صوتها..
سالي بعصبيه: مش طريقة ناس متحضره تعاملوني بيها يا بهايم وبصت لياسر..
شار لهم ياسر يسيبوها فقربت منه وفايديها الملف..
مد ايده ياخدو فبعدت ايدها بمكر..
سالي بخبث: تؤ تؤ..الفلوس الأول يا ياسر..اضمن نفسي الأول..
ياسر بقرف: مبتتغيريش..طول عمرك *
سالي: متغلطش يا بيه..دنا حياتي قصاد الملف..وكملت بهمس: لؤي لو عرف باللي عملته هيق*تلني!!
ياسر بخفوت مخيف وبيطلعلها الفلوس: امسكي..واياكي تجيبي سيره للؤي فاهمه؟!
هزت راسها بفرح: فاهمه..فاهمه..
________________________________________________
في صباح يوم جديد..
وفي بيت مريم..بتقوم بنشاط وبتبدأ تجهز لخطتها..خلصت ترتيب واتصلت بأختها تتطمن عليها بعدها نزلت..
________________________________________________
مسك مفاتيح العربيه عشان يطلع لشغله..فجأه جرس الباب بيرن..
فتحت الشغاله واتكلمت: نعم يا آنسه؟
مريم وبتغير نبرتها وبتتكلم لبناني بما معناه: عايزه اقابل مسيو لؤي حالا!!
: اقوله مين حضرتك؟
مريم: ملكيش دعوه..انا عايزه اقابله..ممكن؟
دخلت الشغاله وقربت على لؤي: في واحده بره عايزه تقابلك يا بيه..
لؤي باستغراب: مين دي؟..مقالتش اسمها؟
هزت راسها بالنفي: لأ يابيه مرضيتش..
لؤي: طيب دخليها أما نشوف آخرتها..
دخلت مريم بابتسامه ممزوجه بشوية قلق ووقفت قدامه..
أما هو فبلع ريقه بتوتر و كان هيتكلم بس..
مريم قاطعته: احم..آسفه على الدخله الغريبه دي..بس ممكن اتكلم معاك؟
هز راسه وقعدو على الكنبه..
لؤي: اتفضلي بسمعك..
مريم بتردد: ناتالي…بشتغل مهندسه وعندي مشروع خاص بيا ببيروت بس ده في الواجهه زيك كده..
هز حواجبه بصدمه واتكلم: قصدك ايه؟
مريم: تقدر تقول ان انا فسكتكم الثانيه..بين العصابات وكده وغمزتله..
هز راسه وضحك ضحكه عاليه بينت كل اسنانه: العب يا شاطر..والحلو عايز مني ايه؟…أصدرله؟
ابتسمت: لأ…انا جايه عشان حاجه واحده..مريم الراضي!!
بصلها بانتباه: مالها؟
مريم: كلنا عارفين انها بتشكل خطر علينا فلازم نتخلص منها ودي أوامر جايه من الريس الكبييير بتاعنا..
بصوت عالي: نعم؟!!!…اوامر؟!!!…اسمعي يا اسمك ايه؟..انا مش اي حد ييجي يستهبل عليا..دنا ممكن ادفنك فمكانك!!
قربت منه: هقبلها منك عشان انت فعلا متعرفنيش وعمرك ما سمعت بيا لأني بشتغل في الخفاء وللأسف ما تاحتش ليا فرصه اتعرف على الأسد…
لؤي بصدمه: بس هي مش عارفه حاجه نقت*لها ليه؟..نقدر نوقفها من غير قتل…وافتكر تهديده ليها بأختها
ضحكت في نفسها بعدما اتأكدت شكوكها بس اتصدمت لما لقت جوابه عكس ما كانت متوقعه..
بصدمه وذهول ردت: ايه ده؟!..انت بتدافع عنها؟!..نسيت عملت فينا ايه كل ده؟!!!…جرالك ايه..مش انت لؤي الأسد اللي مبيترددش فق*تل أي حد بيوقف في طريقه؟!
حط ايده جوه جيبه: ماشي هفكر وارد عليكي..
هزت راسها وعلامات الاستفهام على وشها..
بعدها مشيت..
فضل واقف مكانه لحظات بيستوعب اللي حصل قبل شويه: لأ مش ممكن يحصل..مش ممكن تمو*ت…ايه اللي بقوله ده؟..اووووف مالك يا لؤي؟!…اتغيرت كده ليه؟…هتكلم معاها…مش ممكن ده يحصل..مش ممكن..
تيليفونه رن..
لؤي : ايوه؟
السكرتير بخوف: لؤي بيه..أصل مش متأكد بس في حاجه غريبه بالشركه..
لؤي بيقاطعه بعصبيه: انا جااي حالا اقفل!!
لؤي في نفسه: يارب ميكونش اللي فبالي..
________________________________________________
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية شيطانة الأسد)