رواية ملجئ اللطيف الفصل الثاني 2 بقلم دنيا حسن

دنيا: تعرف يا علي يعجبني فيك أنك تعمل العملة وبعدها تعمل نفسك برئ عارف انا سيبتك ليه !

سيبتك لما هونت عليك، وسيبتك عشان انت مبقتش مصدر اماني خلاص انا بقيت خايفة منك، سيبتك لما حسيت نفسي قليلة أوووي في عين نفسي وأنا بشحت منگ الاهتمام اللي انت بتتمناه دلوقتي مني.

عارف أنا كُنت مستعدة اضحي بعمري كله عشانك ولكن انت متستاهلش .. فاكر كام مرة نمت فيها معيطة بسببك !

فاكر كام مرة سببتلي وجع وأنت بالنسبالك عادي !

فاكر كام مرة اجي اعاتبگ فيها تقولي بطلي نگد !!

اقولگ كام مرة وجعتني بتصرف أو بموقف .. بس أنك تيجي ناحيه كرامتي فأنا اسفة أنت متنفعنيش أنت مبقتش الأمان اللي انا عوزاه

مجرد اني هونت عليك مش هعرف اثق فيگ ولا أسامحگ .. أنا مكرهتكـ ش ياعلي أنا اتقفلت منگ ودي اسوء من أني اكر هك

أنا حاليًا مبقتش شيفاك أنت بقيت بالنسبالي عادي مگنتش أحب ابدًا أننا نوصل لحيطة سد بس كل موقف انت وجعتني بيه ومسعتنيش فيه بني حاجز لحد مابقت حيطة وللأسف فرصك بالنسبالي خلصت

أنساني وكمل حياتگ مع وحده متغيرش عليگ ولا تهتم بتفاصيلك ولا تفرق معاها لأنگ لو حبيت وحده بتركز فالتفاصيل هتنتهي نفس نهايتنا كده ربنا يوفقك في حياتگ واتمنى متظهرش في حياتي تاني عشان لو ظهرت هوجعگ صدقني أنا عملت أحترام لللي كان بينا لو عاوز تهده وتطلع اسوء ما فيا اظهرلي تاني سلام !

دنيا سابت علي ومشيت وهو في مش مصدق أن دنيا فعلًا سابته

وهنا علي قعد يفتكر كل التفاصيل مابينهم وافتگر كل كلامها لما كانت بتقوله لو فضلت گده هتخسرني وفاق وهو بيقول أنا فعلًا خسرتها

فلاش باك

محمود : مالك ياعلي في اية خضتني

علي بخنقة :دنيا

محمود :مالها

علي: سابتني قابلتني وعطتني الدبلة ومش راضية تسمعني

محمود: قولتلك مليون مرة ونصحتك انك هتخسرها ببرودك معاها

علي: بالله أنا ماناقص ياتقولي أعمل اية ياتسكت

محمود: طالما بتحبها ياصحبي افضل وراها دنيا بتحبك وقلبها ابيض وهتسامحك

علي: تفتكر يامحمود دنيا اول مرة تقلع دبلة خطوبتنا اول مرة احسها قاسية كده وأن مبقتش فارق معاها

محمود: لو ليك نصيب فيها هتاخدها ملگش نصيب يبقى ربنا يعوضك ويعوضها

علي: لو مرجعتش مش هسامح نفسي

محمود: للأسف الندم وقت فوات الاوان مبينفعش

باااااك

علي: اية بامحمود فينك

محمود :فالشغل عملت اي كلمتها

علي: انا طلعت واجعها اوي يامحمود دنيا رفضاني نهائي معرفتش احافظ عليها ولا عرفت ارجعها ضمنت وجودها فَ ضعيتها مش عارف أعمل اية

محمود: ربنا يعوضگ خير ياصحبي

علي: سكوت

محمود: تيجي نسافر ؟

علي: ياريت محتاج اغير جو يمكن لما اختفي عنها شوية تهدى عليا

محمود : هاخد أجازة وأظبط مكان حلو نروحو

علي: تمام هروح واخد اجازة واكلمك سلام

محمود:سلام

مجهول: مساء الخير يافندم مع حضرتك أ.يارا من شركه… أن شاء الله انترفيو حضرتك بكرة الساعه 3

دنيا: مساء النور حاضر يافندم شكرًا

دنيا: بابا ماما Hr شركه …. كلموني لأنترفيو بكرة ادعولي إن شاءالله ربنا يوفقني فيه

حسين:إن شاء الله ينن عيون بابا

رانيا:تعالي في حضن ماما يغتي يغتي وهي بتحضنها بتشاور من وراها لالا زي عبلة كامل في فيلم كلم ماما

حسين: عمال يضحك

دنيا: اللااااااه بتضحك علي اية ياحوس

حسين: اصلي افتكرت عبلة كامل فضحكت

رانيا: بتبرق لحسين هي فين عبلة كامل ياحج

حسين: في التليغزيون هقهقهق

دنيا بغمزة :بقيت بتقلش كتير ياحج هاااا

رانيا: اه ماهو طول اليوم فاتحلي الفيس عاوزة ايه ولا بقي بيقعد معايا ولا بيعمل حاجه

دنيا: احم احم اهاااا نكد طب س س سلام انا بقى ياحج

حسين: عملتيها وخلعتي يابنت رانيا

هو في حاجه بردو تقدر تشغلني عنك يا ام العيال

اسر فتح الباب ودخل

اسر :احم احم سلام عليكم ورحمة الله وبركاته شكلي جيت ف وقت مش مناسب ولا اي

رانيا وحسين: وعليكم السلام ورحمه الله وبركاته

رانيا: تعالا يانور عيوني احضرلك الغدا

حسين برفع حاجب: ونبـي ياختي متقمصتش يعني أهووووو

رانيا: اي ياحج دا ابني

حسين: اي ياحجه بنتي

اسر :واضح اني عملت مشكلة طيب سلام نا بقى