رواية طفله في عرين الشيطان الفصل التاسع 9 بقلم ميادة السيد الجزار

رواية طفله في عرين الشيطان الفصل التاسع 9 بقلم ميادة السيد الجزار

رواية طفله في عرين الشيطان البارت التاسع

رواية طفله في عرين الشيطان الجزء التاسع

رواية طفله في عرين الشيطان الحلقة التاسعة

مايا بابتسامه : الف مبروك يا هدير انا مبسوطه اوي انك هتيجي تعيشي معانا كان نفسي اوي يكون ليا اخت اكبر مني
هدير بابتسامه حزن : انتي خلاص بقيتي اختي الصغيره زي حبيبه بالظبط
مايا بفرحه حضنت هدير وجواها سعاده وحب
حبيبه ومايا فضلوا يرقصوا بفرحه
هدير دموعها محبوسه جواها حزن ووجع
ــــــــــــــــــــــــــــــــــــــــــــــــ
قبل الفرح بساعتين
مِسِك نايمه على السرير بتعيط
جاسم دخل الجناح بحده خفيفه : انتي يا استاذه ليه مجهزتيش ها
مِسِك نظرت لُ بعدم فهم
جاسم : لو عايزه تيجي معايا الفرح اودامك ربع ساعه علشان تكوني جاهزه
مِسِك ببراءه مسحت دموعها قائلا : بجد هروح معاك الفرح
جاسم : ايوه يلا بقا ولا غيرتي رايك
مِسِك قامت بسرعه : لا لا ثواني وهكون جاهزه
ــــــــــــــــــــــــــــــــــــــــــــــــ
اماني : الو يا حبيبتي بجد
مِسِك بفرحه : ايوه بجد انا فرحانه اوي
اماني بابتسامه : يا قلبي وانا فرحانه علشان هشوفك انهارده
مِسِك : وانا كمان يا اماني يلا بقا انا اقفل علشان قالي معاكي ربع ساعه
اماني بابتسامه : باي يا قلبي
اماني اغلقت الخط مع مِسِك
مروان باستغراب : فيه اي !
اماني بفرحه : مِسِك جايه الفرح
مروان : بجد ده جاسم مقالش حتي لما حاولت هقنعوا بكدا هو رفض
اماني بابتسامه : مِسِك لسه قافله معايا وقالتلي كده
مروان بارتياح : طب الحمدالله
ثم قال بحب وهو بيقرب منها : عارفه
اماني بتوهان : ايه !
مروان بحب : الفستان حلو بيكي
اماني بخجل : شكرا
مروان بضحك : شكرا ايه يا بنتي هو انا بقولك تعالي كلي
اماني بارتباك : ممكن تخرج بقا علشان نلحق الفرح
مروان بضحك : بس انتي خلصتي
اماني بارتباك : لا لسه على فكره
مروان بضحك : طب خلاص انا هخرج
مروان خرج من الغرفه وهو يضحك على ارتباك اماني وخجلها
اماني حطيت أيدها على قلبها : اهدا يا قلبي اهدا
ــــــــــــــــــــــــــــــــــــــــــــــــ
سناء بدموع : الف مبروك يا بنتي واعيش وهشيل ولادك
هدير بدموع : ماما اوعي تعيطي وبعدين مش ده اليوم اللي كنتي بتتمني ليا
سناء بدموع : غصب عني يا بنتي كل لما هفتكر انك هتبعدي عني مش بستحمل
هدير بدموع : انا مش هسيبكم اصلا يا ماما هفضل معاكم والله
حبيبه : بس كفايه عياط يا ماما هدير مكياجها باظ
سناء بتمسح دموع هدير بحنيه : الف مبروك يا بنتي ربنا يفرحك ويسعدك
ابتسمت هدير واحضتنت والدتها
عصام بحنيه : الف مبروك يا حبيبه بابا
هدير بابتسامه حزن قربت من والدها : الله يبارك فيك يا بابا
عصام ابتسم بحنيه واحتضن ابنته
ــــــــــــــــــــــــــــــــــــــــــــــــ
مِسِك : انا خلصت
جاسم بيرفع عينه وينظر لها
مِسِك بخجل من نظراته
يظل جاسم النظر لها
مِسِك بخجل : جاسم يلا علشان منتاخرش
يفيق جاسم قائلا بحده : اي ده
مِسِك باستغراب : فيه ايه !
جاسم بحده يقترب منها : الروج ده
مِسِك ببراءه : فيها اي ده خفيف
جاسم بحده اخذ منديل يمسح الروج
مِسِك بغضب طفولي : انت بتعمل ايه وبعدين كل البنات بتحط روج
جاسم بحده : وانتي مش لازم تكوني زيهم يعني
مِسِك بغضب طفولي : بس
جاسم بحده : اوعي تحطي اي حاجه على وشك تاني فاهمه
نظرت لُ مِسِك بضيق طفولي
جاسم بعصبية : فاااااهمه
انتفضت مِسِك بخوف قائلا : حاضر حاضر
جاسم محاولا الهدوء : روحي اغسلي وشك يلا
مِسِك بحزن : حاضر
ــــــــــــــــــــــــــــــــــــــــــــــــ
هدير بوجع في داخلها : يارب ساعدني انا خايفه اوي انهارده يارب اديني القوه يارب انا لقيتك تعبانه
ظلت هدير تتذكر ما حدث في الماضي
سناء : يارب فهد يعوض هدير عن كل حاجه وحشه شافتها يارب
عصام : يارب يا حنان
مايا بفرحه دخلت الي هدير الغرفه
مايا بفرحه : ابيه وصل يلا يا هدير
هدير خرجت من الغرفه ووالدها سلمها الي فهد
فهد بسخريه : الف مبروك يا عروسه
نظرت له هدير بخوف وحزن شديد
ــــــــــــــــــــــــــــــــــــــــــــــــ
عاطف : بترقبوها زي ما قولتلكم
درويش : ايوه متقلقش بنراقبها من بعيد لي بعيد من غير ما حد ياخد باله
عاطف : تمام متعملش اي خطوه غير لما هبلغك
درويش : ماشي بس لسه فيه باقي فلوس
عاطف : باقي الفلوس هتاخدها لما الخطه تتنفذ يلا سلام
درويش : سلام
عاطف اغلق الخط مع درويش
عاطف بشرود قائلا : قربت اوي اخد غرضي
ــــــــــــــــــــــــــــــــــــــــــــــــ
البنت : وحشتني اوي
الشاب بخبث : وانتي اكتر
ثم اكمل بشر : بس اي الاخبار
البنت بملل : تمام بس انا زهقت امته بقا هنعيش حياتنا
الشاب بخبث : قريب يا حبيبتي متقلقيش
البنت : خايفه هتكشف وهتكون مصيبه
الشاب : متخافيش مفيش حد هيشك فينا
البنت : بتمنا
الشاب بخبث : بس قوليلي ايه الجمال ده
البنت بدلع : عجباك
الشاب بغمزه : جدا
وذهبوا يفعلوا ما حرموا الله وهم غائبون عن عقاب الله لهم
ــــــــــــــــــــــــــــــــــــــــــــــــ
مايا بصدمه : عمتو رحاب !
رحاب : ايوه عمتك اللي انتوا نسيتوها
فهد ببرود : اهلا يا عمتي نورتي القاعه
رحاب بضيق : كده برده يا ولاد اخويا يكون فرحك انهارده يا فهد وانا معرفش غير من الفيسبوك
( رحاب عمه فهد ومايا سافرت بره مصر ومكنتش بتسال على ولاد اخوها وكل فين وفين لو كلمت مايا )
مايا : معلش يا عمتو كل حاجه جات بسرعه
رحاب بضيق : ما انتوا عازمين ناس كتير اهو
فهد ببرود : الناس دول اللي معانا في كل حاجه يا عمتي
نظرت لُ رحاب بضيق
فهد جلس بجانب هدير
مايا بارتباك : اتفضلي يا عمتو ارتاحي
رحاب بضيق نظرت لها
ــــــــــــــــــــــــــــــــــــــــــــــــ
مِسِك بفرحه : اماني وحشتيني اوي
اماني بحنيه : يا قلبي وانتي وحشتيني جدا بس ايه القمر ده
مِسِك بخجل : انتي القمر
اماني بابتسامه : يا روحي انتي اللي عينيك حلوه
مروان بابتسامه : يلا بقا اقعدوا
جاسم جلس بجانب مروان وجنبه مِسِك
مروان : تعال نبارك لي فهد
جاسم : يلا
مروان بابتسامه : اماني انا وجاسم هنقوم نبارك لي فهد
اماني : طب واحنا عايزين نبارك لي العروسه
مروان : طيب
مِسِك ببراءه : وانا عايزه هقوم ابارك
جاسم بتنهيده : طب يلا علشان نخلص
اماني و مِسِك قاموا ومعهم جاسم ومروان
اماني بابتسامه : الف مبروك يا عروسه
هدير بابتسامه حزن : الله يبارك فيكي
مِسِك بابتسامه : الف مبروك
هدير : الله يبارك فيكي
فهد بهمس لي جاسم : اوعي تقول إنِ مراتك اللي هي الصغيره دِ
جاسم : ايوه هي
فهد : الله يخربيتك يا جاسم ده مش بس سنها صغير ده شكلها صغنن جدا
جاسم بضيق : ممكن تخرس خالص ومالكش دعوه
مروان يكتم ضحكته
فهد بغمزه : هي الصناره غمزت ولا اي
جاسم بضيق : لا طبعا ولا غمزت ولا نيلت بس انت عمال تبحلق فيها كده وعروستك جنبك
فهد بغمزه : مالكش دعوه انت
جاسم بغضب مكتوم : انا رايح اقعد
مروان : ثانيه بس خدني معاك
ثم نظر الي فهد : اسكت علشان متروحش ليله فرحك على المستشفى
ضحك فهد
الاغاني بدأت تشتغل
فهد وهدير قاموا يرقصوا سلو
هدير بضيق : انا عملت اللي انت عايزوا يارات بقا تشيل اهلي من دماغك
فهد بسخريه : انتي واهلك اصلا مش في دماغي
نظرت له هدير بضيق
ثم اكمل فهد : وبعدين انا متجوزك علشان هربيكي من جديد وبعدين هرميكي لي اهلك
هدير بدموع محبوسه : كل ده علشان بس تنتقم مني علشان حاجه تافهه زي دي تضيع سعادتي
فهد بغيظ : بالظبط الحاجه التافهه دي بالنسبالي كبيره
ثم اكمل بسخريه قائلا :
وبعدين بلاش تعيطي خلي الدموع دي بعد ما نروح علشان متخلصش
هدير : انا بكرهك
فهد باستفزاز : القلوب عند بعضها
حبيبه واقفه وفي عيونها الفرحه لي اختها
حازم بابتسامه : عقبالك
نظرت له حبيبه بخجل : شكرا وعقبالك
حازم بابتسامه : تسلمي
ظل حازم وحبيبه يتحدثون
مروان بابتسامه : تعالي نرقص احنا كمان
اماني بخجل : ها لا خلينا احسن قاعدين
مروان : لا تعالي وبطلي كسوف
اماني بخجل : لا بلاش مش بعرف هرقص
مروان بحب : هعلمك يلا
مروان مسك ايد اماني وطلعوا يرقصوا
جاسم ينظر الي مِسِك يراها سعيده وبتسقف
جاسم بهدوء : مبسوطه !
مِسِك بفرحه : جدا انا اول مره هفرح كده
جاسم بهدوء : وان شاء الله متكونش اخر مره
نظرت له مِسِك ببراءه : شكرا جدا
جاسم : على ايه
مِسِك : علشان انت وافقت هاجي معاك على الأقل هرتاح شويه من المذاكره
جاسم : اللي يسمع كلامك ده ميقولش انك كنتي عايزه تكملي لدرجه حاولتي تنتحري
مِسِك : ولسه مصممه اكمل واحقق حلم ماما بدخولي كليه الطب
ابتسم جاسم على براءتها وطيبتها
ــــــــــــــــــــــــــــــــــــــــــــــــ
اماني بترقص مع مروان وهي مكسوفه وعينها في الأرض
مروان بحب : اماني
اماني بخجل وهي تنظر إلي الأرض قائلا : نعم
مروان بضحك : ارفعي عينيك هتفضلي باصه في الأرض كتير
اماني بخجل : كده كويس
مروان بضحك : لا مش كويس يلا بقا ارفعي عينيك
ثم اكمل بحب شديد : عايز هشوف عينيك اللي بتسحرني
نظرت له اماني بتلقائيه
نظر مروان في عيونها بحب قائلا : عارفه من اول يوم شوفت عينيك فيها سحرتيني
اماني سرحت في عينه
مروان بحب : بحبك
اماني بتوهان : ها
مروان بهمس : بحبك من اول يوم شوفتك فيه
اماني بخجل : انا تعبت من الرقص
مروان بابتسامه : طب تعالي نرتاح
ــــــــــــــــــــــــــــــــــــــــــــــــ
بوسي : انا هحطلوا حبيتين علشان يكون مفعول الإدمان اسرع
اشرف بصوت عالي : يلا يا روحي كل ده
بوسي : اهو انا جايه
بوسي خرجت من المطبخ قائلا : يلا اشرب الكوبايه دي
اشرف خد منها الكوبايه وشربها
اشرف بتعب : يلا بقا علشان نقضي احسن ليله
بوسي بخبث : يلا يا قلبي
ــــــــــــــــــــــــــــــــــــــــــــــــ
عادل : مالك يا وليه لي قاعده كده مبوظه
حنان بضيق : الفلوس خلاص بتخلص
صمت عادل
ثم اكملت حنان كلامها بضيق : تقدر تقول هنعمل ايه خلينا المحروسه تتجوز من راجل اعمال علشان بس ناخد اللي عايزينه لما نطلب واهو جوز المحروسه طردنا ورفض يدينا فلوس تاني ، يبقي كنا جوزناها للراجل التاني بس انت اتسرعت وجوزتها للشخص ده
عادل بضيق : وانا كنت هعرف منين انه هيتعامل معانا كده ، انا كنت فاكر اننا لما نطلب فلوس هيدينا لو كنت أعرف أنه هيعمل كده كنت جوزتها للراجل التاني
حنان بضيق : طب والعمل الفلوس اللي انت بتجيبها من شغلك مش بتكفي
عادل بشر : لازم جاسم بيه يطلق البت دي
حنان باستغراب : انا بقولك عايزين ناخد منه فلوس تقولي يطلقها !
عادل بشر : هو لو طلقها ساعتها هشوف اي راجل اعمال غيروا بس ساعتها العريس الجديد نمضي عليه وصل امانه
حنان : طب وهنعملها ازاي
عادل بتفكير : لسه عايز هخطط و هبقا اقولك
ثم اكمل بحده : وبعدين هو فين ابنك يعني انا عندي ولد على الفاضي
حنان : فيه ايه ما تسيب الواد يروق على نفسوا شويه
عادل بحده : مش كفايه وبعدين مش المفروض يساعد
حنان : اهدا بس ولما يجي يبقي تفكروا على خطه علشان نخلي جوز المحروسه يطلقها
عادل بضيق : ماشي اما نشوف اخرتها معاكم
ــــــــــــــــــــــــــــــــــــــــــــــــ
مايا بابتسامه : مالك بس يا عمتو ليه زعلانه
رحاب بضيق : يعني مش عارفه ليه يا بنت اخويا
مايا : احم والله يا عمتو احنا
رحاب بضيق مقاطعا : ياتري بقا مين العروسه دي وهي اتجوزت فهد علشان فلوسه اكيد
مايا : لا طبعا يا عمتو هي وأبيه بيحبوا بعض
رحاب بسخرية : مهو واضح فعلا
تنهدت مايا بحزن على أسلوب عمتها
ــــــــــــــــــــــــــــــــــــــــــــــــ
مروان بهمس : ارتاحتي
اماني بخجل : لسه وبعدين مش ارقص تاني خلاص
مروان بضحك : ماشي
ثم نظر إلي جاسم : هتفضل قاعد كده مش هتقوم ترقص مع مراتك
جاسم بغيظ : مالكش دعوه وبلاش تتدخل
مروان بضحك : ماشي خلاص
مِسِك تنظر لي اماني بابتسامه : اماني
اماني : نعم يا حبيبتي
مِسِك ببراءه : تعرفي انكم لايقين على بعض
اماني وشها احمر من الكسوف
مِسِك اكملت كلامها قائلا : بقالكم قد اي متجوزين صح
اماني : احم انا ومروان بقالنا شهرين
مِسِك ببراءه : بس شكلوا بيحبك اوي
اماني بخجل : بس يا مِسِك خلاص بقا وانتي صغيره على الكلام ده دلوقتي
ضحكت مِسِك بطفوله
ــــــــــــــــــــــــــــــــــــــــــــــــ
ايهاب بحده : فضلت تقولي هتصرف هتصرف ومعرفتش تعمل اي حاجه
الشخص الآخر بحده : فيه ايه يا ايهاب براحه على نفسك
ايهاب محاولا الهدوء : اصلك مشوفتش جاسم بيكلمني ازاي حقيقي بنادم مستفز
الشخص بتنهيده : كل حاجه وليها نهايه يا ايهاب ومتقلقش حقك هيرجع
ايهاب : ماشي يلا سلام
الشخص : سلام
الشخص بشرود اغمض عيونه بوجع
ايهاب : ها يا رانا فيه حاجه
رانا بدلع وهي بتقرب منه : لا مفيش انا بس كنت عايزاك متزعلش نفسك
ايهاب : اااا
فجاه الباب إتفتح
البنت بدموع : كنت متاكده انك مستحيل تتغير كلامهم كان صح الخاين هيفضل خاين
نظر لها ايهاب
ثم اكملت البنت ببعض من الشجاعه : طلقني يا ايهاب انا خلاص اكتفيت
البنت نزلت دموعها على خدها
رانا بارتباك : ايهاب بيه انا
ايهاب : امشي يا رانا الساعه 9ونص يلا
رانا : اوك عن اذنك
هز ايهاب راسه
ايهاب شرد
البنت نزلت من الشركه
البنت بدموع : الو يا سميه
سميه بقلق : مالك يا تقي بتعيطي ليه
تقي بدموع : انا خلاص مش اكمل مع ايهاب
سميه بقلق : طب اهدي وقولي ليه اي اللي حصل
تقي بدموع : مش هيتغير هيفضل خاين ياريتني كنت سمعت كلامكم لما حذرتوني منه
سميه : طب اهدي يا حبيبتي قوليلي انتي فين وانا هجيلك
تقي بدموع : انا معايا السواق هخلي يوصلني ليكي
سميه بقلق : طيب يا قلبي تعالي مستنياكي
تقي بدموع : حاضر
( تقي 24 سنه تزوجت ايهاب عن حب طيبه ورقيقه وبريئه ولازم تتعامل زي الطفله بالظبط )
ــــــــــــــــــــــــــــــــــــــــــــــــ
بعد انتهاء الفرح
رحاب بقرف تنظر إلي هدير قائلا : انا مش هسافر دلوقتي جايه هقعد معاكم شويه
فهد ببرود : تنوري
ثم نظر إلي هدير وأخذها الي غرفته
مايا بابتسامه : اتفضلي يا عمتو نورتي الفيلا
رحاب : بنورك بس قوليلي يا مايا
مايا : نعم يا عمتو
رحاب : هو فهد عرف البنت دي منين أصلها باين عليها وعلى أهلها انها مش من مستوانا
مايا : ليه يا عمتو دي هدير كويسه جدا هي واهلها ومحترمه كمان
رحاب بضيق : ماشي كل حاجه هتبان إذا كانت طماعه ولا لا
نظرت مايا الي عمتها بحزن
ــــــــــــــــــــــــــــــــــــــــــــــــ
فهد بسخريه : اتفضلي يا عروسه
دخلت هدير بخوف الي الغرفه
ثم نظرت إلي فهد بخوف : انا مينفعش هنام معاك في اوضه واحده
ضحك فهد قائلا : على اساس اني هموت عليكي يعني
ثم اكمل بزهق : انا اللي مش طايق اقعد معاكي في مكان واحد بس طبعا ده ميمنعش اخد حقوقي منك
هدير بخوف : مين قالك اني هوافق
فهد بتفكير : امممممم علشان اهلك مثلا
هدير بدموع : لا انا وافقت هتجوزك علشان تبعد عن اهلي
صمت فهد
اكملت هدير بدموع : ارجوك بلاش تنتقم مني بالطريقه دي
فهد :ادخلي الحمام غيري الفستان يلا
نظرت له هدير
فهد : يلا ما تخلصي
هدير دخلت تغير الفستان
ــــــــــــــــــــــــــــــــــــــــــــــــ
سميه بقلق : تقي
تنظر لها تقي بدموع : شوفتي يا سميه الخاين انا حبيته ليه بيعمل كده فيا ليه وانا اللي لازم هسامح والله تعبت
سميه بدموع على حال تقي : انتي ايه اللي وداكي الشركه عنده في الوقت ده
تقي بدموع : كنت رايحه هعملوا مفاجاه علشان بحبه بس هو طلع بيخوني وقال ايه عنده شغل كتير مش هيعرف يتعشى معايا علشان يقضيها مع السكرتاريه بتاعته
احتضنت سميه تقي وظلت تهديها
ــــــــــــــــــــــــــــــــــــــــــــــــ
ايهاب بتنهيده : الو
السواق : الو يا بيه
ايهاب : وصلت الهانم فين !
السواق : وصلتها على عنوان
ايهاب بتنهيده : تمام
ايهاب قفل مع السواق
ــــــــــــــــــــــــــــــــــــــــــــــــ
جاسم : مِسِك
مِسِك : نعم
جاسم : من بكره لازم تاخدي دروس في السنتر
مِسِك : لا مفيش داعي انا بفهم من المدرسه
جاسم : مش كل حاجه بتتقال في المدرسه
مِسِك بإحراج : كفايه مصاريف المدرسه
جاسم : اولا انتي مراتي ومن حقوقك عليا اني هصرف عليكي
مِسِك : شكرا
جاسم ببرود : العفو
مِسِك باستغراب : رايح فين !
جاسم ببرود : رايح على المكتب اكيد
ذهب جاسم من أمامها تحت انداهشها
مِسِك باستغراب : ايه ده شويه كويس وشويه شرير
ذهبت مِسِك الي الغرفه
ــــــــــــــــــــــــــــــــــــــــــــــــ
مروان : اماني
وقفت امانه بارتباك : نعم !
مروان : مردتيش عليا
اماني بتبلع ريقها بصعوبه : على ايه !
مروان بابتسامه يقترب منها قائلا : لما قولتلك بحبك
اماني غمضت عينها : مينفعش
مروان : ايه اللي مينفعش
اماني : حبك ده شفقه ليا
مروان : لا طبعا مش كده
نظرت له اماني : لا هو كده
مروان : لا يا اماني
اماني : لو سمحت يا مروان انت عايزه هنام تصبح على خير
ذهبت اماني الي غرفتها بوجع في قلبها
مروان بغضب ذهب الي غرفته
ــــــــــــــــــــــــــــــــــــــــــــــــ
حبيبه : مالك يا ماما سرحانه فيه ايه !
سناء : مش مطمنه على اختك
حبيبه باستغراب : ليه يا ماما
سناء : مشوفتيش عمه فهد كان بتبص لينا ازاي
حبيبه : اه شوفت بس برده خدت بالي من معامله ابيه فهد ليها
سناء بخوف على ابنتها : انا خايفه على اختك
حازم : خالتو كلام حبيبه صح معتقدش انها ممكن تاذي هدير
سناء بتنهيده : يارب
حبيبه : تصبحوا على خير
حازم بابتسامه : حبيبه
حبيبه : ايوه
حازم : عندك دروس بكره
حبيبه بضيق : مع الاسف ايوه
حازم بضحك : الساعه كام
حبيبه : الساعه 2
حازم : وهتخلصي امته
حبيبه : الساعه 4
حازم : ماشي ان شاء الله
ثم ينظر إلي عصام وحنان : احم هستاذنكم اني هوصل حبيبه بكره بكره وهجيبها
نظرت له حبيبه بفرحه
عصام : اكيد يا ابني انت اخوها الكبير
حازم بابتسامه : اكيد طبعا عن اذنكم
عصام : اتفضل
نظرت له حبيبه بحزن ووجع : بس هو مش اخويا معقول يكون لسه شايفني حبيبه الصغيره اللي بيعتبرها أخته طب اشمعنا انا مش بعتبره اخويا اشمعنا
ذهبت الي الغرفه وظلت تفكر لماذا هي تعشقوا ولكن هو لا يفكر بها ويعاملها كا اخت له ايعقل إن احساسها ليس صحيحا .
ظلت تفكر وتفكر حتي نامت بتعب من البكاء والتفكير .
ــــــــــــــــــــــــــــــــــــــــــــــــ
فكروا معايا كده مين الشخص والبنت المجهولين دول !
ليه فهد بيعامل عمته كده !
عمة فهد هتحب هدير ولا لا !
فهد وهدير حياتهم هتكون عامله ازاي !
مين هو الشخص اللي بيخلي بوسي تحط لي اشرف الحبوب !
عادل هيفكر في خطة ايه !
ايه اللي حصل زمان في حياه هدير !
حازم هيحب حبيبه ولا لا !
ايهاب شخص كويس ولا لا ! وهل هو وزوجته هيرجعوا لي بعض ؟
مين هو الشخص المجهول اللي كان بيكلم ايهاب ؟
ايه خطة عاطف !
جاسم و مِسِك هيطلقوا بسبب الخطط دي ولا لا !
ليه اماني قالت كده لي مروان !
انتظروني في البارت العاشر
ومعلش انا اتلغبطت بين مرات ابو مِسِك وبين ام هدير
مرات ابو مِسِك اسمها حنان
ام هدير اسمها سناء

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية طفله في عرين الشيطان)