رواية قمر مشوه الفصل التاسع 9 بقلم عزة يحيى
رواية قمر مشوه الفصل التاسع 9 بقلم عزة يحيى
رواية قمر مشوه البارت التاسع
رواية قمر مشوه الجزء التاسع
رواية قمر مشوه الحلقة التاسعة
ذهبت قمر نحو الغرفه المخصصه لها تبكي فرحا علي عوض ربنا لها فحمد الله كثيرا
و تذكرت شهد عندما اوصتها بان تهاتفها عندما تصل و عندما تنهي عملها فتناست في الصبح ان تهاتفها
قامت علي الفور باخراج هاتفها لكي تحدث شهد
قمر /السلام عليكم الو ايوة يا شهد
شهد/و عليكم السلام كل دا يا قمر انا كنت هموت من القلق عليكي قوليلي عاملتي ايه
قمر/متقلقيش يا حببتي و اسفه اني نسيت اتصل عليكي الصبح
شهد/يا حببتي و لا يهمك المهم تكوني بخير
قمر/الحمد لله انا كويسه جدا
شهد/يارب دايما يا حببتي و قوليلي اصحاب البيت عامله معاكي ايه حد ديقك بكلمه و لا حاجه
قمر /ابدا و الله دا كله بيعاملني معامله حلوة قوي
شهد/بجد يا قمر و لا بتضحكي عليا
قمر /و الله ابدا انا حاسه اني في وسط اهلي و الله بس في حاجه
شهد/ايه هيا
قمر/ابن صحاب البيت انا حاسه اني شوفته قبل كدا
شهد/شوفتيه فين
قمر /مش قادره افتكر بس ملامحه مش غريبه عليا
شهد/جايز وويخلق من الشبه اربعين
قمر /جايز برضو المهم اني متفائله خير
شهد/ ربنا يقدملك كل خير يا قمر و يحبب فيكي خلقه كمان و كمان
قمر /امين يارب…. المهم قوليلي فضيتي الشقه و لا لسه
شهد/فضتها خالص و سلمتها كمان لعم خليل
قمر/ربنا يخليكي ليا يا شهد انا مش عارفه من غيرك كنت هعمل ايه
شهد/متقوليش كدا يا قمر احنا اخوات
قمر /ربنا يديم المعروف
شهد/يارب بالحق الراجل اللي اشتري العفش و هو بيفك الدولاب لقي صندوق صغير فوق الدولاب
قمر /صندوق… و في ايه الصندوق دا
شهد/معرفش هو صندوق صغير و مقفول بقفل
قمر /غريبه ممكن يكون بتاع ماما بس ماما عمرها ما جبتلي سيره حاجه ذي دي او انا شوفته معاها
شهد/يعني اعمل ايه
قمر/عموما خاليه عندك و اما نتقابل ابقي اشوفه
شهد/خلاص تمام
قمر /خلاص يا قلبي هقفل معاكي دلوقت و هكلمك تاني
شهد/متغبش عليا يا قمر علشان مقلقش عليكي
قمر/حاضر سلام
شهد/سلام
🌿🌿🌿🌿🌿🌿🌿🌿🌿
في صباح اليوم التالي
استيقظت قمر باكر جدا حتي عن الموعد التي اخبرتها به امينه ذهبت اتاخذ حمام بداخل الغرفه الخاصه بها و بدلت ملابسها و ذهبت نحو الخارج فالجميع مازال نائما
ذهبت الي الغرفه الخاصه بادوات التنظيف و اخذت ما يلزمها و ذهبت اولا الي غرفه السفره و قامت بتنظيفها و تعطيرها ثم ذهبت نحو الصالون و من بعدهم نحو الردهه الكبير و اكملت علي الباقي تنظيف و تعطير تبقي فقط غرفه المكتب فضلت تنظيفها بعد ان تستيقظ امينه لكي تقف امينه بجانبها اثناء التنظيف حتي لا تقوم بتخريب شيئ
و بعد الانتهاء ذهبت نحو المطبخ و جلست علي المقعد لكي تستريح قليلا و نظرت باتجاه الساعه فتبقي قليل علي استيقاظ امينه ذهبت نحو الحديقه لكي تنعش راتها بهواء الصباح و مع المنظر الخلاب للحديقه جدد بها الشعور بالحيويه و النشاط و بعد قليل من الوقت عادت مره اخري نحو المطبخ و ما هي الا ثواني و وجدت امينه تاتي نحوها
امينه/صباح الفل و النشاط انتي صاحيه من بدري
قمر /مش قوي
امينه/مش قوي ازاي دا انا و انا خارجه من الاوضه شميت ريحه المكان الحلوه و بصيت علي المكان كله لقيته متنضف لحقتي تصحي و تنضفي دا كله لوحدك
قمر /ربنا المعين
امينه/يارب امال انتي جايه منين كدا
قمر/خلصت و لقيت لسه شويه علي ما تصحي قولت اتمشي في الجنينه شويه
امينه/طب ريحي انتي و انا هعمل الفطار
قمر /طب كله برا خلص ما عدا اوضه المكتب خوفت ادخلها لوحدي ابوظ حاجه او حاجه تضيع فقولت لما تصحي انتي تقفي معايا
امينه/انا هوضب الفطار دلوقت
قمر /لسه شويه علي ميعاد الفطار تعالي معايا اعملها بسرعه علشان بعد الفطار اطلع انضف فوق
امينه/ايه يا بنتي براحه علي نفسك الدنيا مش هتطير و لا الشغل هيخلص
قمر /عارفه بس بحب اخلص اللي ورايا اول باول علشان اقعد فاضيه بعد كدا
امينه/امري لله تعالي
و ذهبت امينه و قمر نحو غرفه المكتب لتقوم قمر بتنظيفها سريعا مما اعجب امينه علي سرعتها و نظفتها في نفس الوقت فلم تترك شيئ لم تنظفه و بعد الانتهاء
امينه/خلاص روحي ريحي شويه علي ما اجهز انا الفطار
قمر /هاجي اعمله معاكي
امينه/و الله ما انتي عامله حاجه معايا ريحي انتي شويه
قمر /طب خلاص هروح اتمشي في الجنينه
امينه/روحي
و ذهبت امينه نحو المطبخ و ذهبت قمر نحو الحديقه و ظلت تتجول بها هنا و هناك الي ان رات العامل الخاص بالحديقه يقوم بتنطيفها و يسقي الزرع و الورود ايضا
قمر /صباح الخير
عامل الحديقه/صباح النور انتي مين يا بنتي و دخلتي هنا ازاي
قمر /انا قمر الشغاله الجديده جيت امبارح
عامل الحديقه/اها لو سمعوكي صحاب البيت
قمر /سمعوني علي ايه
عامل الحديقه/و انتي بتقولي شغاله اسمها مساعده انتي المساعده الجديده
ابتسمت قمر ابتسامه و اسعه لرحمه قلوب اصحاب هذا المنزل
قمر /خلاص مش هقول كدا تاني و حضرتك اسمك ايه بقه
عامل الحديقه/اسمي سمير
قمر /اهلا يا عم سمير
عم سمير /اهلا بيكي يا بنتي
قمر /تحب اساعدك
عم سمير/ما تروحي تساعدي امينه احسن
قمر /حلفت مسعدهاش في حاجه تاني
عم سمير /ليه كدا
قمر /علشان صحيت بدري خالصت تنضيف المكان كله تحت و قالتلي روحي ريحي شويه
عم سمير/علشان كدا خلاص يلا اسمعي كلامها و ريحي شويه
قمر /بس
عم سمير/مبسش يلا
قمر /طب ممكن طلب
عم سمير /اؤمري
قمر /الامر لله انا بس كنت عايزه شويه ورد
عم سمير /شويه طب قولي ورده اتنين تلاته مش شويه
قمر /لا ما هو انا مش عايزاهم ليا
عم سمير/امال عايزاهم لمين
قمر /احطهم في الفازات اللي جوا اصلهم فضيين و كمان يعملو ريحه جميله
عم سمير/تعرفي انك اول واحده تيجي تطلبي مني كدا من زمااااااان جدا
قمر /ليه هما مش بيحبو الورد
عم سمير/لا بيحبوة بس اللي كانت بتهتم بالورد راحت
قمر /هيا مين
عم سمير /متشغليش بالك تعالي خدي الورد
و ذهبت معه و اعطها كميه متوسطه من الورد متنوع الاشكال و الالوان و قامت هي بتوزيعها في اماكن مختلفه جعلت منظر المكان و الرائحه جميله جدا و ذهبت نحو المطبخ لتتفقد امينه و جدتها تعمل علي تحضير الافطار و قاربت علي الانتهاء
قمر /ها يا ابله امينه لسه مخلصتيش
امينه/لا قربت اهو
قمر/طب اروح انا اجهز السفره
امينه/ماشي روحي
ذهبت قمر لتحهيز السفر و بعد وقت كان الجميع قد استيقظ و بدؤ في الهبوط الي الاسفل فكانت اول من هبطت كانت وفاء اعجبها كثيرا رائحه المكان و الورود المتوزعه بكافه ارجاء المنزل
ذهبت الي المطبخ علي الفور وجدت قمر و امينه يعملان علي تجهيز الافطار
وفاء/صباح الخير
التفتو اليها
قمر وامينه /صباح النور
وفاء/ايه الروايح الحلوه دي
امينه/دي قمر صحيت من بدري نضفت و عطرت المكان
وفاء/ما شاء الله عليكي انتي صاحيه من بدري علي كدا
قمر /يعني مش قوي
امينه/انا صحيت لقتها صاحيه و مخلصه كله
وفاء/لا متتعبيش نفسك كدا اعملي زي اللي قبلك و قسمي الشغل علي الايام
قمر /ان شاء الله حاضر
استمعت وفاء نداء زوجها
وفاء/الفطار قدامه كتير يا امينه
امينه/لا ثواني و تكون كل حاجه جهزه
وفاء/طب انا رايحه اشوف مصطفي عايز ايه
امينه/اتفضلي
و في الخارج
مصطفي/كنتي فين يا وفاء
وفاء/كنت في المطبخ بشوف الفطار خلص و لا لسه
مصطفي/طب انا ماشي
وفاء/ايه من غير فطار دا الفطار خلص خلاص
مصطفي/معلشي في ميعاد مهم و رايا
وفاء/ميعاد ايه دا اللي يخليك ترجع من غير فطار
مصطفي/اصل وصلتلها
وفاء/وصلت ل………. اوعي تقول عرفت مكانها
مصطفي /ايوة
وفاء/طب استني اجي معاك
مصطفي/لا خاليكي و ان شاء الله مش هرجع غير بيها
وفاء/متتاخر يا مصطفي
مصطفي /حاضر و متقوليش حاجه لحد غير لما ارجع
وفاء/ماشي
و ذهب مصطفي نحو المكان المراد
و ذهبت وفاء باتجاه غرفه السفر و بعد قليل شاركها الجد و من خلف قسمت و ابنتها
كارم/ايه الريحه الحلوة دي
لم تنتبه و فاء لهم و كانت شارده فيما اخبرها به زوجها
كارم/وفاء… وفاء….. وفاااااء
وفاء/ايوة يا عمي
كارم/مالك
وفاء/مفيش سرحت شويه معلشي كان في حاجه
كارم/لا مفيش امال فين مصطفي
وفاء/خرج بيقول عنده ميعاد قبل الشغل
انضم اليهم مالك
مالك/ميعاد ايه دا
وفاء/مش عارفه هو قال كدا
مالك/تمام…. بس ايه التغير دا
وفاء/دي قمر
كارم/البت دي روحها حلوة بجد و سابت بصمتها في كل حاجه
قسمت/تغير ايه دا انا مش شايفه تغيير
كارم/علشان انتي عاميه البصر و البصيره
قسمت/وليه حضرتك متقولش ان انتم اللي مكبرين اي حاجه البنت دي بتعملها دي خدامه و دا شغلها عادي جدا
كارم/قسمت انا قولت قبل كدا ايه
قسمت/اسفه يا عمي
و بدا في تناول الطعام و بعد ذلك قام الجد للذهاب الي غرفه مكتبه كالمعتاد اوقفه مالك
مالك/بعد اذنك يا جدي كنت عايزك في موضوع
كارم/خلص فطار و حصلني علي المكتب
و ذهب كارم نحو المكتب و اعجبه كثيرا ترتيبه و تنظيمه و رائحته
بعد قليل من الوقت طرق مالك الباب و سمح له الجد بالدخول و قد اعجبه المكتب هو الاخر
مالك/يا بختك يا جدي
كارم/علي ايه
مالك/علي الجو الهادي دي مع الريحه الحلوة و شكل الورد حاجه كدا تهدي الاعصاب بصحيح
كارم/فعلا معاك حق اللي اسمها قمر دي عندها زوق جدا و لو انها فكرتني بوجع قلبي بس بجد مبسوط
مالك/ربنا ما يوجع قلبك يا جدي
كارم/المهم قول انت عايزني في ايه
مالك/اتهرب برحتك المهم دلوقت فاكر ادم صاحبي
كارم/مش متذكر قوي المهم ماله
مالك/عدا عليا في الشركه و عرض عليا انه يشاركني في مشروعه باسم الشركه
كارم/و بعدين
مالك/انا عرضت عليه اشاركه من فلوسي الخاصه و اهو نكبر سوا و يبقي لينا اسمنا في السوق بعيد عن الشركه
كارم/كبرت يا مالك و عايز يبقالك اسمك في السوق
مالك/لا و الله يا جدي بس حبين نكبر من غير ما يتقال علينا ان احنا كبرنا علشان شركه السيوفي
كارم/علي بركه الله شوف اللي يريحك و في مصلحتك و اعمله
مالك/احم احم
كارم/عايز ايه قول علي طول
مالك/يعني لو ينفع يعني
كارم/ما تتكلم علي طول يا مالك
نالك/الارض بتاعه (…… ) يعني لو ينفع نشتريها او ناجرها و نعمل عليها المشروع
تحول و جه كارم الي الحزن و احسه مالك علي الفور
مالك/لو مش عايز بلاش يا جدي
كارم/انت عارف كويس ان الارض دي مش للبيع و لا للايجار
مالك/عارف خلا…….
قطعه كارم
كارم/بس ممكن اشركك بيها
مالك/بجد يا جدي
كارم/ايوة بجد
مالك/هو انا اطول ان كارم السيوفي يشاركني
كارم/بس مش انا اللي هشاركك
مالك/امال مين
كارم/صاحب الارض
مالك/و هو مين صاحب الارض
كارم/مسيرك تعرف المشروع هيبقي مشاركه بينك و بين صاحبك و بين صاحب الارض اول ما المشروع يشتغل هتبتدي تعين نصيبه في البنك
مالك/باسم مين
كارم/وقتها هتعرف
مالك/ربنا يخليك ليا يا جدي
كارم/و يبارك ليا فيكي
مالك/طب عن اذنك بقه يا جدي علشان عندي شغل
كارم/اذنك معاك
و خرج مالك من المكتب و ترك كارم شارد في ذكريات الماضي
🌿🌿🌿🌿🌿🌿🌿🌿🌿
اما مصطفي فذهب نحو العنوان الذي ارسله احد رجاله بعد البحث عنه عند وصوله وجد ميتم يذهبون به نحو المقابر فلم يهتم لهذا و ذهب الي البنايه المدون رقمها بتلك الورقه التي بحوذته و صعد للطابق المطلوب
و اخذ يترك علي الباب فلم يجد احد ظل يطرق و يطرق
حتي تحدث مع نفسه(هو مفيش حد هنا و لا ايه)
هبط للطابق الاسفل و اخذ يطرق الباب الي ان فتحت له امراه و اخذ يتحدث معها قليلا و يعلم منها اين سكان الطابق الاعلي
جحظت عيناه بشده من هول ما سمع و حلت الصدمه معالم وجه و شلت اطرافه لثواني حتي اعاد ضبط اعصابه من جديد و لكنه فشل فتوتر قليلا و هو يحادث تلك المراه ليتاكد مما استمع اليه و بعد انهاء الحديث معها هبط في خطوات بطيئه.
و ظل يفكر كيف يخبر عائلته بهذا الخبر كيف يخبرهم بان…………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قمر مشوه)