رواية شخص استثنائي الفصل الثاني 2 بقلم شهد
رواية شخص استثنائي الفصل الثاني 2 بقلم شهد
رواية شخص استثنائي البارت الثاني
رواية شخص استثنائي الجزء الثاني
رواية شخص استثنائي الحلقة الثانية
_مُبارك العروسه وافقت يا أنس
•بجد يا أمى!
_بجد يا حبيبى لسه ابوها قافل مع باباك وقال انها موافقه وهنروح نقرى فاتحه ونحدد ميعاد الخطوبه
•ربنا يسهل الأمور ويباركلى فيكى يا ست الكل♥️
_ويباركلى فيك ويسعدك قادر يا كريم
☆منكرش انى قلقت شويه وخصوصاً إن العروس كان باين عليها التردد بس هى أكيد استخارت، عارف انى فيا كل المميزات الى تخلى اى بنت توافق عليا بس مفيش حد فينا كامل وكل واحده بتقدملها بتبص لعيبى وكأنه مغطى على اى ميزه فيا، بتبص لنظرة الناس هيقولوا ايه عليها متجوزه واحد برجل واحده؟!
بس بالرغم من كل الى شوفته وسمعته إلا إنى كنت واثق إن ربنا هيرزقنى الزوجه الصالحه والعوض ليا♥️
☆قرينا فاتحه وحددنا ميعاد الخطوبه على الإسبوع الجاى وحقيقى مستنى اليوم دا جداً ربنا رزقنى ببنت جميلة وعلى خلق ودين وانا مبسوط إن ربنا رزقنى بيها واتمنى انها تكون مناسبه ليا ونكون شبه بعض.
^يوم الخطوبه^
☆كنت لابس بدله بيج وشعرى كالعاده جميل كان شكلى حلو وبصيت لرجلى الى ناقصه ومتركب مكانها طرف صناعى مش باينه شكلى كأنه كامل وكنت مبسوط بده لأنى مش هضطر اسمع كلمه تضايقنى فى يوم زى ده.
☆لليان كانت جميله كانت لابسه فستان بيج زي بدلتى، لبسنا الدبل وحقيقى مبسوط إنها مزينه ايديا بس لفت نظرى حاجه زعلتنى وهى إن لليان حسيت انها متوتره وخايفه حد يعرف إنى مركب طرف صناعى بس قولت جايز دا احساس من عندى بس، الحمدلله عدت الخطوبه على خير واتبسطت جداً إن فى شخص جديد دخل حياتى وهنتقاسمها سوا.
^فى شات الواتساب^
• لليان هبعتلك كام صورة واختارى معايا واحده احطها بروفايل الفيس
_أول واحده حلوه اوى
•تحبى نخرج بكره؟
_هنروح فين؟
•زى ما تحبى
_ممم ايه رأيك نتمشى نشويه ع البحر وبعدها نتغدى فى ماكدونالدز
•ماشى ايه رأيك نخرج الساعه ٥
_حلو اشطا
•هعدى عليكى
_اتفقنا
^على البحر^
*بيتمشوا سوا فى هدوء تام بيبص أنس لمنظر الغروب وبيقول:
•ليه؟
_ليه ايه؟
•ليه وافقتى عليا بالرغم من اعاقتى
_مش عارفه بس حسيت انى ارتحتلك
•مفكرتيش فى الناس
_فكرت كتيير اوى بس بعدها قولت إن الناس مش هتعيش معايا
•بس الناس مؤذيين بكلامهم
_عارفه..انا كنت مرتاحه بس فى نفس الوقت خايفه من كلامهم ونظراتهم واسئلتهم الى مش هتكون عن حاجه غير حياتنا الشخصيه.. بس قولت انه أكيد هقدر اتخطى كل ده واسمع كلامهم السخيف وابتسم بهدوء لأن مش بإيدى حاجه اعملها.
*ابتسم لكلامها وكان لسه هيرد وقفهم صوت بنت بتقول:
_ايه دا لليان! عامله ايه وحشانى اوى(بتبص على أنس الى لابس شورت)
_الحمدلله يا نهى انتِ عامله ايه
_بخير..مين ده(بتشاور لأنس)
_دا أنس خطيبى، دى نهى صاحبتى يا أنس كانت معايا ايام الثانويه ولسا صحاب
•اهلاً
*بتميل على لليان وتقول:
_بس انتِ مقولتلناش انه معاق؟
*بتتحرج لليان وتوتر وتبص لأنس الى حاسس إنها قالتلها حاجه ضايقتها وحس إنها عليه
•بعد اذنك لازم نمشى لأن ورانا معاد
_اها اتفضلوا طبعاً
•لليان…لليان
_ها..نعم يا أنس
•هى مالت عليكى قالتلك ايه؟
_ها!..ابداً ولا حاجه
•مش هتقوليلى؟
_(بعيون فيها دموع)كانت بتقولى خدى بالك من نفسك
•تمام
*روحت بيتها وهى بتفكر فى الكلمه الى قالتهالها صاحبتها “بس انتِ مقولتلناش انه معاق”
☆روحت صليت وخلاص فاض بيا يارب يارب عوضنى خير انا راضى جداٍ بقضاءك يارب ومستنى العوض يارب، كنت عارف إن صاحبة لليان قالتلها حاجه عليا ودا بان جداً فى ملامح لليان الى بعد ما كانت بتضحك ومبسوطه وشها بقى باين عليه الحزن…رنت عليا بعدها وفتحت
•ايوه يا لليان
_أنس انا مش هقدر أكمل…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية شخص استثنائي)