رواية لم ننتهي بعد الفصل الثاني 2 بقلم ساره عادل

رواية لم ننتهي بعد الفصل الثاني 2 بقلم ساره عادل

رواية لم ننتهي بعد البارت الثاني

رواية لم ننتهي بعد الجزء الثاني

رواية لم ننتهي بعد الحلقة الثانية

فقدت الوعي ومحستش بأي حاجه بعد كدا وبعد وقت فوقت لقيت نفسي متكتفه ومرميه ف مكان شبه مهجور ومفيهوش اي حد عافرت وحاولت اقوم و اعدل نفسي و الاقي حاجه افك بيها نفسي بس ملقتش وحتي لو لقيت انا مش عارفه اتحرك… يارب يارب استرها معايا وخرجني من هنا… فينك يا فادي انت فين…..
………..
علي الجانب الاخر
بقولك هات تسجيل الكاميرات
_يا فندم مش هينفع مقدرش اعمل حاجه زي كدا لازم امر من النيابه
امر من النيابه ايه ونيله ايه بقولك بنت عمي مخطوفه و انت تقولي نيابه وبعدين فين حراس الامن اللي بيبقو ع البوابة انا ملقتش فرد واحد حتي
_يا فندم بعد اذنك بلاش شوشره روح بلغ الشرطه و وقتها نفرجك علي التسجيلات
*مسكه من هدومه ورفعه زنقه ف الحيطه*
قسما بالله ان ما ورتني التسجيلات لاموتك ف ايدي بقولك وريني التسجيلات بدل ما اقتلك ورينييي
_اا ح حااضر حاضر
*رجع تسجيلات المراقبه لحد وقت اختطافي وقق الفيديو وجاب ورقه وقلم سجل رقم العربيه وصور الشباب وخرج بسرعه طلب اوبر لريم عشان تروح وركب بسرعه عربيته ومشي ف نفس الاتجاه اللي مشيت فيه العربيه *
_ايوا يا رامي اسمع هبعتلك صور لكام شاب اعرفلي عنهم كل حاجه وكمان هبعتلك نمره عربيه تقولي لمين وهي فين حاليا قدامك بس بسرعه يا رامي بسرعه
حاضر بس في اي فهمني
_مش وقته يا رامي مش وقته و اه اعملي بلاغ باختطاف جنه يا رامي و اوعي اوعي حد من اهلي يعرف
حاضر سلام
*فضل ماشي علي نفس الطريق وبيبص حواليه لعل وعسي يلاقي اي حاجه ملفته بس المكان فاضي و مافيش اي حاجه*
_ايوا يا رامي
العربيه مالهاش وجود اما الشباب دول ف ملفهم مليان جرائم خطف واغت*اب وت*رش وفيه دايما مكان بيروحو عليه اما بيخطفو البنات
_قول المكان بسرعه

*****… بس خلي بالك يا فادي دول شباب خطر والمكان مهجور
*قفل وداس بنزين ومشي بسرعه جنونيه بعد وقت كان وصل نزل وبص ع المكان كان. مكان مهجور ف منطقه شبه صحراويه حط سلاحه ف وسطه ومشي براحه نحيه المبني وسمع صوت
الاول: بس البت جامده وتستاهل
الثاني: يا عم ما كنا خلصنا وهي متخدره عشان متعافرش وتتعبنا
الاول: اصل انا بحب المعافره اوي *قال جملته ومعاها ضحكه سمجه*
الثالث: طب وهنعمل ايه بعد ما نخلص
الاول: بفكر اسيبها اصلها دخلت دماغي و اهو تسلينا
الثالث: دا لو اهلها مبلغوش
الاول: يعم انت مشوفتش شكلها كان عامل ازاي كان شكلها حزين شكلها وحيده ياعم مالهاش حد المهم يلا نروح نشوفها صحيت ولا لسه
*دخل فادي ف اللحظه دي وضرب نار ف الجو*
_اه يولاد ال*لب ضم ياض منك ليه علي بعض ضم دا انا هطلع م*تين ابوكو
الاول: انت مين ياعم انت
_انا اللي هسود عيشتك يا روح امك
*واحد منهم ميل لتحت وجاب طوبه رماها علي فادي علي خوانه اتفاداها وضرب نار علي اتنين والتالت هرب وفضل يضرب فيهم ضرب مبرح ودخل بجنون المبني *
_جنه .. جنه
فااادي انا هنا الحقني يا فادي
_انا جيت يا حبيبتي اهدي انا جيت
*فكني وقومني وخدني ف حضنه مسكت فيه جامد وفضلت اعيط *
سبتني دا كله ليه ليه مجتش ورايا علطول انا نديت عليك كتير ليه سبتني ليهم يا فادي
_شششش اهدي انا جيت اهو انا اسف اهدي خلاص عدي
*نزلني وبصلي وعيونه كلها خوف مسح دموعي وباس راسي وحضني مره تاني *
خرجني من هنا بسرعه انا خايفه
_حاضر.. حاضر يا حبيبتي

*خرجنا وفتحلي الباب وركبت وقفل عليا ولف عشان يركب بيفتح بابه جيه واحد وضربه بحاجه علي دماغه فقدته توازنه اتخضيت ف مكاني شاورلي ان منزلش من مكاني لف ليه وبيحاول يصمد بس الضربه مأثره عليه جامد زقه و وقعه ع الارض ف اللحظه دي مقدرتش امسك نفسي نزلت وجريت عليه *
فااادي قوم اوعي تقفل عينك ارجوك متغمضش فتح عينك اوعي تقفله…..
الخاطف: ههههه قومي يا حلوه انا محدش ياخد حاجه مني غصب عني
سيبني يا حي.وان يا زبا.له انت سيبني بقولك
*فضلت اعافر معاه واحرر نفسي من المتحر.ش القذ.ر دا لكن هيهات بين قوة فتاه ضعيفه لا حول لها ولا قوه وقوة شاب يمسك بي و كأني شئ من حقه *
ابعد عنيييي ابعد يا حيو.ان انت فاااادي قوم يا فادي ارجوووك
*مسكت ف رقبته بغل وفضلت اعض فيها ومسيبتوش غير بالد.م زقيته وجيبت حجره كبيره ونزلت بيها علي دماغه وفضلت اضرب فيه بكل غل *
دي عشان اتجرأت ولمستني… ودي عشان ضربت حبيبي فادي… ودي عشان انت قذ.ر وعبره ليك اننا مش ضعاف اتفووووه
*بعدت عنه وجريت علي فادي بحاول افوقه مش بيفوق بينزف بغزاره وفقد وعيه تماما جريت فتحت العربيه وبدأت اسحبه وبعافر اني اقومه احطه ف العربيه وبعد محاولات كتير دخلته وقفلت عليه وروحت ركبت وقعدت قدام الدريكسون مش عارفه اعمل ايه *
اعمل ايه اعمل ايه.. بتتساق ازاي دي… يصيتله ورا… دي غلطتك هو لو انت علمتني السواقه مكنش كل دا حصل… اعمل اي يارب دلوقتي الهمني يارب قبل م الحيو.ان دا يصحي
*رن موبايله بسرعه اخدته ورديت
الو
_ايوا يا جنه انتو فين دلوقتي
الحقني يا رامي انا مش عارفه اسوق اعمل ايه
_تسوقي! امال فين فادي
فادي ورا اهو فقد وعيه ونا مش عارفه اعمل ايه وهو بينزف ارجوك قولي اعمل ايه عشان اطلع بالعربيه انا مش عارفه اعمل ايه
_طيب اهدي اهدي ثبتي الموبايل و امشي علي الخطوات و اهدي
ماشي ثانيه… اهو ثبته قول
_دوري العربيه
ادورها ازاي يعني
_هتلاقي مفتاح جنب الدريكسون لفيه هتلاقي العربيه اشتغلت

ماشي دقيقه… شغلته ايوا اشتغلت اهي اعمل ايه تاني مش بتتحرك
_العربيه اوتوماتيك ف مش هتواجهي صعوبه ف الغيارات هتلاقي الغيار جنبك طلعيه لقدام
العصايه المدوره دي
_ايوا هي دي طلعيها قدام براحه
ثواني… طلعتها ممشيتش برضو
_مهي مش هتمشي الا لما تدوسي بنزين.. هتلاقي البنزين تحت رجلك نحيه اليمين دوسي عليها
دوست…. يلاهوااااااااااي دي ماشيه بسرعه اوي اعمل ايه
_خففي رجلك عليها متدوسيش جامد واحده واحده
ماشي… تمام كدا السرعه قلت بس ماشيه ببطء برضو
_يا جنه ركزي بالله عليكي متدوسيش اوي ومتخففيش رجلك اوي حسي بيها يا جنه
ماشي.. ايوا تمام السرعه ظبطت.. اعمل ايه تاني بقي
_انا هبعتلك لوكيشن و امشي زي ما الجي بي اس هيقولك وابعتيلي لوكيشن شير ونا هجيلك و احاول اوصلك وخلي بالك من المطبات يا جنه ابقي هدي السرعه قبل م المطبات متديش فرامل مره واحده خلي بالك و انا هفضل معاكي برضو
ماشي بسرعه يا رامي ارجوك
*فضلت ماشيه ع الجي بي اس لحد ما وصلت علي طريق وفيه عربيات رايحه جايه بدأت اتوتر ومش عارفه اعمل ايه خصوصا ان كل شويه العربيه تبطل وافضل بالساعات عشان تشتغل السواقه صعبه اوي*
&يا انسه امشي كويس يا انسه انتي علي طريق سريع
معلش والله اصل مبعرفش اسوق و لازم اسوق عشان فادي متعو….
&يا انسه انتي لسه هتشكيلي همك اركني يا انسه علي جنب
يعني ايه اركن علي جنب اعمل ايه يعني
&حودي يمين يا انسه
حاضر اهو…. يلاهواااااي العربيه اتخبطت
&في حد يا انسه يحود وهو علي نفس السرعه
سندت راسي علي الدريكسون وفضلت اعيط
&انتي كويسه يا انسه
لا مش كويسه عشان فادي بيموت ورا و انا مش عارفه اسوق و انت بتزعقلي ومش راضي تسمع حكايتي ورامي مجاش لحد دلوقتي و انا مش عارفه اعمل ايه
$طيب اهدي انا اسف انزلي اركبي العربيه دي و انا هساعدك
مش هتخطفني!
*بصلي باستغراب وسابني وفتح العربيه وشال فادي وحطه ف عربيته ركبت جنب فادي وحطيت راسه علي رجلي وفضلت بصاله وبعيط *
انا اسفه انا السبب ياريتك ما جيت ورايا انا اسفه

$متخافيش يا انسه هو لسه حي مماتش
بعد الشر عليه متقولش كدا
$يا انسه هو انا قولت حاجه انا بطمنك
ماشي بس متقولش الكلمه دي تاني
*بصلي ف المرايه بغرابه ومردش عليا وبعد وقت وصلنا للمستشفي دخلوه علي طول للاستقبال وشويه ولقيت رامي جيه
_طمنيني هو عامل ايه دلوقتي
مش عارفه يا رامي مش راضيين يقولولي حاجه انا خايفه يكون جراله حاجه مش هقدر اسامح نفسي ابدا يا رامي
*قري وقف قدامي وحط ايده علي كتفي وطمني *
_اهدي مش هيجراله حاجه ان شاءالله دا فادي يعني
احمم ان شاءالله… بعدت عنه و قف قدام الاوضه ومستنيه حد يخرج وبعد وقت خرج الدكتور وطمنا عليه انه بقي كويس وشويه هيفوق من البنج بس هو محتاج كيس دم لانه فقد دم كتير *
انا يا دكتور نفس فصيلته اقدر اتبرع فين
+الممرضه هتقولك عن اذنك
*روحت معاها واتبرعتله وبعدها دخلت اوضته فضلت قاعده قصاده لحد ما فاق *
حمدلله علي سلامتك خوفتني عليك
*حضن وشي بإيده*
_انتي كويسه
انا كويسه الحمدلله انت عامل ايه حاسس بحاجه اندهلك الدكتور
-لا انا كويس جدا انتي ازاي جبتيني هنا وعملتي اي مع البغل اللي ضربني دا
دا انا مسكته ضربته حته ضربه علي دماغه وعضيته وطلعت عينه
_انتي!!! !
اه انا مالك بتقولها بإستغراب ليه
_لا ابدا اصل كلك علي بعضك 150 يعني ف مستغرب انك قدرتي علي بغل اطول مني انا شخصيا
_خلاص متزعليش خدي هنا رايحه فين
اوعي ياعم كدا مبحبش حد يتريق علي الطول بتاعي
_خلاص اسف مش هتريق تاني… طيب وجينا هنا ازاي
هو انا مقولتلكش اصل سوقت العربيه
-انتي!؟؟؟ ؟؟
ايوا يا فادي مالك مستغرب ليه
_طبيعي استغرب انتي عمرك ما سوقتي عجله حتي
لا مهو رامي كان معايا التيلفون وهو قالي اعمل ايه
_رامي!! هو فين دلوقتي

هو كان بره تقريبا ف الحسابات
_ماشي يلا نمشي بقي
لا مش هينفع لازم لما كيس الدم يخلص كله
_دم مين دا كمان
انا
_انتي جايه تبهريني انهارده مش كدا
ليه يا فادي كنت مفكرني عندي عصير قصب ف عروقي ولا ايه
_لا والله مش القصد بس انتي بتخافي م الحقن وعمرك ما رضيتي تاخدي حقنه تقرييا من ساعه ما كان عندك 3 ايام وقت اما اتطعمتي وكان غصب عنك
تصدق يا فادي انا غلطانه اني اتبرعتلك
*ضحك بأرهاق ومسك ايدي باسها*
_تسلم عروقك وايدك اللي اتسحب منها
احم ماشي…. المهم يلا عشان تاكل لازم تاكل
_لا احنا لازم نروح عشان هدومك متبهدله وشعرك نصه برا وحالتك مش تمام
هنروح بعد ما نطمن عليك
_هنروح دلوقتي
يا فادي لسه الكيس مخلصش
_مش مهم
يا خساره دمي اللي هيترمي ف الزباله
_لا هاخده ذكري متخافيش
تصدق فكره
_فكره ايه يا جنه فكره ايه يلا قوميني
*قربت عدلته وشال هو الكانيولا وطلعنا انا وهو *
اي يا بطل حمدلله علي سلامتك

_الله يسلمك يا رامي
اي يابني رايح فين انت مفروض تفضل تحت الرعايه انهارده
_لالا انا بقيت كويس
متأكد؟
_اه اه
تمام يمعلم…. خدي يا جنه حطي الجاكيت دا عليكي وسيبي فادي انا هسنده
*مسك فادي ف كتفي جامد وجز ع سنانه
_تسلم يا رمي مكنش له لزوم كدا كدا مروحين
لا ازاي بس تعالي يا معلم
*اخدت الجاكيت لبسته وبصيت علي فادي اللي باصصلي بعصبيه ابتسمت بشكل عفوي ف اتعصب اكتر خرجنا ركبنا العربيه وروحنا علي بيتي بناءا علي رغبه فادي عشان اهله ميخافوش فتحت ست الكل و اول ما شافت حالتنا صوتت ف وشنا
$يالهوي اي اللي حصل فيكو يولاد و ايه اخركو كدا و انتي يا زفته الطين موبايلك مقفول ليه
طب ممكن ندخل يا ماما وهنرد علي كل التفاصيل حاضر
*دخل رامي مع فادي وحطه ف اوضتي معرفش اشمعنا بس هو دخل ونام كمان طلع رامي من الاوضه*
_اي خدمات يا جنه
لا شكرا يا رامي اتفضل الجاكيت بتاعك شكرا
_لا خليه عادي مش محتاجه عن اذنكو
*قفلت وراه وداخله علي اوضتي لقيت ف ايد حنينه كدا سحبتني علي الارض وراها *
$انتي رايحه فين يا منيله انتي تعالي قوليلي اي اللي حصل وبالتفصيل
يا ماما ارجوكي ارتاح بس و اخد شاور وهقولك انتي مش شايفه حالتي عامله ازاي
$مهو عشان كدا لازم اعرف اي اللي عمل فيكو انتو الاتنين كدا
حاضر حاضر يا ماما….. *بدأت احكي لماما كل حاجه من طق طق لسلاموعليكو*
بس ياستي ادينا قدامك اهو
$يا مصيبتي… طيب والاو*اخ دول عملو فيكي حاجه احكيلي انا امك
ياستي معملوش حاجه… او معرفش انا كنت متخدره
$يا فضحتك يا محمد يافضحتكككك احنا لازم نكشف
ماما متعاملنيش كأني روحت بمزاجي وبعدين اي يفضحتك دي دا بدل ما تاخديني ف حضنك وتحمدي ربنا اني رجعت
$مهو يابنتي…. عن اذنك يا ماما
*سيبتها و دخلت اوضني اخدت غيار ودخلت اخدت شاور وبعدها دخلت اطمن عليه لقيته نايم فضلت جنبه شوبه بصاله ومركزه معاه وبمشي ايدي علي شعره*
_حلو مش كدا
ايه!! اه.. قصدي انا صحيتك
_لا خالص انا قلقت.. عامله ايه دلوقتي

تمام.. هسيبك ترتاح عن اذنك
_استني مالك زعلانه ليه كدا
ارتاح دلوقتي و اما تبقي كويس نبقي نتكلم… المهم كلم ريم عشان رنت كذا مره
_طب خليكي استني متطلعيش
لا عشان تكلمها براحتك
_قولت خليكي
*اتصل وفضلو يتكلمو وحاسه من طريقته انهم بيتخانقو بس مش راضي يوضح قومت عشان ياخد راحته وسامعه صوته بيزعق وبعدها سكت جيبت مايه ودخلتله *
انت كويس.. خد
شرب…_اه كويس
كنت بتزعق ليه
_مافيش تفاهه منها المهم مالك وشك زعلان ليه
ماما
_مالها
مش بتحبني يافادي تخيل ام تعرف ان بنتها كانت مخطوفه وكان فيه شخص هيعتدي عليها وتقولي يا فضحتك يا محمد خايفه علي الفضيحه مش خايفه عليا كأني انا روحت بمزاجي المشكله انا معرفش اذا كان حصل حاجه او لا وهي بدل ما تطمني بتقلقني اكتر
*شدني علي كتفه وملس علي زعبوطي *
_شششش ايه راديو ما صدقتي… متخافيش محصلش حاجه انتي زي الفل
و انت عرفت منين يعني
_اصل سمع….
&الله الله يا استاذ فادي بقي انا قلقانه علي حضرتك و انت هنا حاضنلي الست الهانم
_انتي اي جابك ياريم

*قومت مخضوضه و وقفت بعيد بدأت عيني تدمع *
ريم والله…
&انتي تسكتي خالص دلوقتي انتي دورك لسه مجاش
_انتي مين سمحلك تتكلمي معاها بالطريقه دي
*بصيتلهم وسيبتهم وطلعت بعيط وسامعه صوت زعيقهم من الصاله وشويه و الباب اتفتح ولقيتها خارجه عليا بعصبيه*
$ارتحتي.. ارتحتي خلاص اشبعي بيه يكش تولعو
*سابتنا ومشيت ومكنتش فاهمه هي بتقول ايه واشبع بمين…*

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية لم ننتهي بعد)