رواية نصيبي وقسمتي الفصل الأربعون 40 بقلم أميرة حسن

رواية نصيبي وقسمتي الفصل الأربعون 40 بقلم أميرة حسن

رواية نصيبي وقسمتي البارت الأربعون

رواية نصيبي وقسمتي الجزء الأربعون

رواية نصيبي وقسمتي الحلقة الأربعون

سمعت مره حد بيقول “قسوه الغالى بتوجع” و دى مش مجرد جمله ولا كلام لا دى اكبر حقيقه ف الدنيا …فعلا قسوه الغالى بتوجع يمكن لما بتحصل من أي حد غريب مش بنتأثر… ممكن نزعل يوم ولا اتنين و خلاص لكن القسوه لما بتكون من حد غالى علينا و قريب لينا بتفضل معلمه فينا العمر كله و مبننسهاش ابدا لان مش بنبقى متوقعين اللى حصل ولا بنكون مستوعبين أن كل ده من اقرب و اغلى ناس لينا👌🏻🖤
كانت تارا نايمه على الارض زى الطير المدبوح وحالتها مأساويه ومش قادرة تصرخ بسبب الربطه اللى على بقها و هدومها متقطعه والد*م على رجليها بطريقه مفزعه ودموعها نازله شلالات وعيونها متثبته على حمزة اللى كان قاعد قدامها وبيبصلها بصدمه وكأن حد رمى عليه تلج وفضل يبصلها بتبريق …..لحد ماقرب منها وشال الربطه من على بقها ولكن كأن صوتها اختفى من الصدمه ومقدرتش تصرخ ….اما هو دموعه نزلت بقهر وهو بيقولها بجنون ولجلجه: ااا….تارااا….تاراا….انا معملتش حاجه…..انا…انا…..هما…هما اللى وصلونى لكدة…..انا…ياتاراا…انا …انا بحبك….انا عملت كدة ازاى؟
وفجأه خبط دماغه فى الحيطه بقوة وهو بيصرخ بدموع: انا عملت كدة ازااااااااااى؟

فضلت تبصله وهى نايمه على الارض لاحول لها ولا قوة ودموعها على خدها من غير صوت وشيفاه بيضرب نفسه بالقلم ويخبط راسه فى الحيطه ويعيط بقهر وكل مايقرب منها يبعد بسرعه ويفضل يعيط وبعدين حاولت تارا تقوم بضعف وهى بتغطى جسمها بأديها ولكن عنيها متثبته على حمزة لحد مابصلها ومسح دموعه وفجأه فضل يضحك ويعيط فى نفس الوقت وهو بيقول: انا بحبك……والله بحبك…..هما اللى وصلونى لكدة ….انا مكنتش عايز اأذيكى…..انا مش عارف عملت كدة ازاى…..تارا …انتى سمعانى …..هههههه….انا حيو*ان ووس*…بس شيطانى كان اقوى منى …تارا …ردى …قولى اى حاجه….اااا…ياتارااا ردددددددددددى.
فضلت تبصله بصمت وعقلها بيسترجع ايامهم الحلوه وافتكرت وقت هروبها من البيت عشانه وافتكرت تنبيهات والدتها بأنه صا*يع وميستهلهاش ولكن هى كانت واقفه فى ضهره وبدافع عنه وافتكرت اغلاطه معاها ومسامحتها له فى كل مرة…..افتكرت خوفها عليه وفرحتها لفرحه وزعلها لزعله….افتكرت لحظاتهم الحلوه والوحشه ومازالت باصه فى عيونه ودموعها على خدها وعيونها ورمت من العياط وشيفاه بيتكلم لكن مش سمعاه واخيرا نزلت عيونها على جسمها وشافت شر*فها قدامها وفضلت تحرك اديها على رجليها وتمسح الد*م برعشه ومازال عقلها بيسترجع الذكريات…….وبعدين بصت لحمزة فى عيونه وشافته بيعيط بقهر واخيرا سمعت صوته وهو بيقول: انا مش هسيبك….وهتجوزك.
فجأه حطت اديها على ودنها وغمضت عيونها بقوة ومشهد اغتصا*بها بيتعاد فى خيالها فافتحت عيونها بسرعه وشافته قدامها وفجأه فقدت الوعى.
وقتها كانت الممرضه واقفه فى اوضه الحج فضل وبتديه دواه ولما جت تاخد كوبايه المايه من على الكومودينو لاحظت ان الشباك مقفول والاوضه مدخلتهاش الشمس فافتحت الشباك وشافت منظر حمزة وتارا واتصدمت وفجأه صرخت فاتخض الحج وسألها: فى ايه يابنتى؟
مردتش عليه وطلعت تجرى بره الاوضه وندت على العمال والأمن وطلعو فى الجنينه الخلفيه وشافو المنظر ….فاجرت الممرضه على تارا ولفت غطا على جسمها المكشوف بسرعه ..اما الامن مسكو حمزة وضربوه علقه مو*ت ولكن هو كان مستسلم ومحاولش يقاومهم وكانت عيونه مثبته على تارا ودموعه ماليه عيونه ويفضل يعيط وبعدين يضحك زى المجنون .
………………………………………………………….
عرفت لمار ان منذر مجاش المستشفى عند والدتها واختها فاخاب ظنها وبصت لعدى بقله حيله والقلق بيذيد فى قلبها اكتر وبعدين حاولت تدارى خوفها وقربت من صبا اللى واقفه قدام اوضه العنايه وعيونها على فارس بحزن وقالتلها: ان شاء الله هيقوم بالسلامه .

بصتلها صبا وقالتلها بدموع: هو قالى مش هيسيبنى وانا مستنيه يطلع قد كلامه.
ابتسم لمار بحزن وقالت: فارس جدع وهيغلب على المحنه دى وهيرجعلك سالم غانم.
ابتسمت صبا بدموع وحضنت اختها بقوة…اما فردوس كانت بتبص لبناتها بقله حيله وانتبهت لكلام عدى لما قال: هنزل اخلص حساب المستشفى واجى ….محتاجين حاجه من تحت.
بصتله فردوس بضيق والتزمت الصمت اما لمار ردت بذوق: شكرا ياعدى.
هز راسه بنعم ورجع بص لفردوس بقله حيله ومشى بهدوء …..وبعد لحظات تليفون لمار رن برقم غريب فاتوقعت يكون منذر فاردت بلهفه: منذر…..
خاب ظنها لما سمعتها بتقول: انا كوثر يالمار….
اتفاجئت لمار من اتصالها وقالت باستغراب: طنط كوثر.
ردت كوثر بحزن: ايوه ….ياريت لو حد من عيالى جمبك تبعدى عنه عشان عايزة اتكلم معاكى ومش عايزة حد يعرف ممكن؟
بصت لمار لوالدتها واختها واتحركت ببطئ وخرجت بره وردت بهدوء عكس القلق اللى جواها وقالت: محدش جمبى …اتفضلى اتكلمى.
اتكلمت كوثر بحزن: انا عارفه انك مستغربه اتصالى ….وعارفه كمان انك مش بتحبينى بسبب معاملتى ليكى واللى ذاد وغطا اللى سمعتيه عنى واللى شوفتيه كمان…..بس انا بكلمك دلوقتى بصفتى ام …..وانتى مسيرك تبقى ام وتفهمى شعورى.
ردت لمار بهدوء: انا مش فاهمه حضرتك عايزة تقولى ايه.
ردت كوثر بدموع: كل الحكايه انى حبيت وعشقت زى اى واحدة فى الدنيا لكن الظروف اضطرتنى اعيش حياه مكنتش حباها…..بس اتجبرت واتجوزت والد منذر وعدى ولكن كان قلبى مع اللى حبيته وغلطتى الوحيده ان قلبى اتغلب على عقلى وبدأت اخون جوزى مع حبيبى ولما اتوفى جوزى حسيت ان الدنيا بتدينى امل انى ارجع حبى من جديد عشان كدة اتجوزت حمدى من ورا عيالى عشان كنت عارفه انهم مش هيوافقو عليه لانه جوز عمتهم وكمان مش هيتقبلو اى راجل تانى ياخد مكان ابوهم……فااضطريت اخبى ….يمكن كنت انانيه بس والله غصب عنى..
لما سمعت لمار حكايتها وسمعت دموعها لااان قلبها عليها وقالت : هو حضرتك بتحكيلى كل دة ليه ….. المفروض عيالك هما اللى يعرفو بالحقيقه دى مش انا.
عيطت كوثر وقالت: انا نزلت من نظر عيالى ومتأكدة انهم مش هيسامحونى عشان كدة قررت اريحهم منى واريح نفسى من تأنيب الضمير وجلد الذات بتاع كل يوم .
خافت لمار من كلامها ولكن خلتها تكمل كلامها وتقول: انا هقطع شرتينى واخلص من العذاب دة بقا.
صرخت لمار وقالت: لاااا متعمليش كدة …. حرام عليكى …..اصلا عيالك محتاجينك …وهيجى اليوم اللى هيسامحوكى فيه بس اصبرى ومتتخليش عنهم .

عيطت كوثر وهى بتقول: الحج فضل حكم عليا اسافر واسيب ولادى وانا سافرت وبعدت عنهم عشان مبقاش عقده فى حياتهم وانا اتصلت بيكى مش عشان تمنعينى انا بس عيزاكى تعرفيهم انى بحبهم من كل قلبى ويمكن لما امو*ت يسامحونى.
ردت لمار بخوف: ارجوكى ياطنط كوثر متبعديش عنهم ….انتى كدة هتقطعى املهم فى الحياه…….ومنذر محتاجلك والله محتاجلك…..وعدى ضايع من غيرك…..هتسبيهم لمين فى الدنيا…ليه عايزة تزودى حزنهم ……. المفروض انك مصدر قوتهم ….متتخليش عنهم وخلى عندك امك واوعدك انهم هيسامحوكى…..بس بلاش تأذى نفسك
ردت كوثر بعياط: والحل ايه يالمار……انا همو*ت عليهم ونفسى اخدهم فى حضنى ونفسى يحسو بعذابى وانا والله ولا حاجه من غيرهم .
ردت لمار: المو*ت مش حل ….انتى كدة هضمريهم وهتقضى على اخر فرحه ليهم ….ارجوكى متبقيش انانيه وفكرى فى سعادتهم حتى لو هتضطرى تتعذبى شويه بس متبعديش عنهم ارجوكى.
فضلت كوثر تعيط بقهر وهى بتقولها: طب ساعدينى….لو سمحتى يالمار ساعدينى …..وانسى اى حاجه انا عملتها معاكى زمان وسامحينى بس بالله عليكى تساعدينى ارجع ولادى لحضنى من تانى .
ردت لمار بصدق: حاضر والله هساعدك بس متأذيش نفسك.
واخيرا اقتنعت كوثر بكلام لمار ولما قفلت معاها فضلت لمار تبص فى الاشئ وتاخد نفسها بصعوبه وهى بتفكر فى منذر وعدى بتدعلهم من قلبها.
وفجأه لقت عربيات اسعاف وقفت قدام المستشفى ونزلو فريق التمريض يطلعو الحالات المصابه من العربيات ويدخلوهم على المستشفى ولمار فضلت واقفه تبص عليهم ودقات قلبها سريعه وجوها قلق وخوف غير طبيعى فاتجاهلت الامر ودخلت لجوه.
………………………………………………………
طلعت الممرضه عند الحج بعد مادٓخلت تارا اوضه لمار ومنذر وقالتله على اللى حصل معاها غضب الحج ووشه احمر من الانفعال وسمعها بتقول: انا هاخدها على المستشفى ياحج.
زعق وقالها: مينفعش تروح المستشفى ….دة اغت*صاب….والبت هتتفضح…..والكلب اللى عمل كدة فين؟
ردت الممرضه: الامن ضربوه واخدوه على القسم…..منه لله ….ربنا ينتقم منه على العمله دى.
زعق وقالها: ازاى دة يحصل فى بيتى …..امال احنا حاطين امن وحراسه لييييييه……البت ايه زنبها يحصل فيها كدة .
ردت الممرضه: لولا انى شوفتهم بالصدفه كان زمانه هرب وفلت بعملته.

زعق وقال: اتصلى بمنذر وعدى خليهم يجو حااالااااا.
…………………………………………………………….
دخلت لمار وشافت عدى واقف مع صبا فاقربت منهم وقالتله : ماتتصل تانى على منذر ياعدى .
بصلها وقال : بحاول من بدرى بس مقفول .
نفخت وبصت لصبا وقالتلها: وطبعا لو قولتلك ياصبا خلينا نروح مش هترضى.
ردت صبا: مش هسيب فارس.
بصتلها فردوس وقالت بضيق: طب خليكى معاها يالمار وانا هروح لأبوكى عشان سيباه من امبارح لوحده.
بصتلها لمار وقالت: حاضر ياماما…..بس ممكن اطلب منك طلب.
سكتت فردوس وهى باصالها وسمعتها بتكمل وتقول: ممكن تدى فرصه لمنذر…..صدقينى ياماما انا عمرى ماهسلم نفسى لشخص مش أمين عليا وطول الفترة اللى فاتت دى هو ملمسنيش مع انى من حقه بس مقربش منى ….والاحداث اللى حصلت معانا خلتنى اشوفه بصورة مختلفه عشان كدة عطيته حقه وانا متأكدة انه هيعمل المستحيل عشان ترضى عنه ….اصلا هو بيحبك اوى …فاعشان خاطرى حاولى تفتكريله حاجه واحدة حلوة وتسامحيه عشانها.
ركزت فردوس فى كلام بنتها ولقت نفسها بتبتسم تدريجيا وقالت بأختصار: ربنا يسعدكم يابنتى اهم حاجه عندى راحتك.
ابتسمت لمار وحضنتها بحنيه وبادلتها فردوس الحضن.
وبعد فترة كانت لمار واقفه جمب اختها وحضناها بخفه وعدى بيتكلم فى الفون وبيحاول يعرف مكان اخوه لحد ماجت احدى الممرضات وقالت: مساء الخير بعد اذنكم ياجماعه …..الدكتور قالى ابلغكم ان فى حادثه حصلت فى مخزن قريب من هنا وفى ناس كتير اتوفت ومن ضمنهم حد من اهلكم فاريت تيجو تتعرفو على الجثث.
حطت لمار اديها على قلبها لأنها حاسه انه هيطلع من مكانه من شده الصدمه اما صبا وعدى اتفاجئو بالكلام وسالها عدى: يعنى ايه حد من اهلنا ..؟
ردت الممرضه: بصراحه يافندم فى خبر كان الدكتور مخبيه عليكم لحد مايلاقى حل ….وهو ان استاذ فارس مش هيقدر يعيش بكليه واحدة لان مع الاستكشاف عرفنا انه مطعون فيها قبل كدة فاممكن فى اى لحظه يحصل فيها فشل فاهنطر نستصقلها هى كمان…. ولكن قبل مانعمل كدة كان لازم نلاقى متبرع وفى الحادثه اللى حصلت دى لقينا حد نفس فصيلته فاريت تيجو تتعرفو على الجثه عشان لو حد تبعكم توافقو على العمليه.
اتصدمو من الكلام اللى سمعوه بالذات صبا اللى حست بدوخه قويه من شده الصدمه وهى بتقول بلجلجه: يعنى فارس لو ملقناش متبرع هيم….وت.
ردت الممرضه : للاسف حاله استاذ فارس صعبه جدا ومحتاجين متبرع ضرورى .
افتكرت لمار ان ابو فارس يبقا حمدى وان حصلت خيانه زمان بين ام منذر وحمدى وان احتمال كبير يكون منذر اخو فارس والجثث اللى بتتكلم عنهم الممرضه ممكن يكون منذر واحد منهم وفصيله د*مه نفس فصيله د*م فارس …..حطت لمار اديها على بقها وشهقت بصدمه وبتقول بدموع: مستحيل….لا لا….مستحيل.
عيطت صبا وقالت: اتصرفو اعملو اى حاجه المهم فارس يفوق ابوس اديكم انقذوه.
ردت الممرضه: طيب اتفضلو اتعرفو على الجثث يافندم عشان نبدأ بالاجراءات.

وكان عدى تفكيره نفس تفكير لمار وبدأ قلبه يدق بسرعه رهيبه ودخل الرعب قلبه وقال بتسرع: انا جاى معاكى.
ردت لمار بعياط: وانا كمان…..
ووقفت صبا تبص عليهم ورجعت تبص على فارس ومبطلعش عياط.
………………………………………………………
اخيرا اتشجعو ودخلو تلاجه الموتى عشان يتعرفو على الجثث وكانو بيقدمو خطوة ويرجعو خطوه من شده خوفهم وقلقهم …واول ما رفعت الممرضه الغطا على وش الجثه غمضت لمار عيونها بسرعه وحطت اديها على قلبها وهى بتاخد نفسها بصعوبه لحد ماسمعت عدى بيقول : عمى حمدى.
فتحت عيونها ولقت ان الجثه تبقى حمدى فاشهقت بصدمه وقالت: ابو فارس.
بصو لبعض بتفاجئ وخلال لحظات شافو ممرضه تانيه داخله وماسكه فى اديها اشياء كتير ومن ضمنها قميص منذر وساعته فانتبهت لمار لكلامها وهى بتقول: انا لقيت الحاجات دى ….احطهم فين؟
جرت لمار واخدت الحاجات من اديها وبصت للمرضه وقالت بلهفه خوف : لقتيهم فين؟
ردت الممرضه الاولى وقالت: يافندم انا قولتلك ان فى حالات كتير اتوفت فى الحادثه واحتمال يكون دى حاجات حد من الجثث .
صرخت لمار بأنفعال وقالت بعياط: لاااااااا مستحيل ….منذر عايش ….مستحيل يموووووت.
انهارت وقعدت على الارض من فلت اعصابها واتجه عدى عندها وسندها وقال بدموع: قومى يالمار.
بصتله بعياط وقالت: منذر ممتش ياعدى.
اتكلمت الممرضه التانيه وقالت: هو حضرتك تقربى ايه لاستاذ منذر.؟
ردت لمار بعياط: انا مراته.
ردت الممرضه: اهدى يامدام …الحاجات دى حاجته وهو موجود فى اوضه الجراحه فامتقلقيش.
كأن الدم رجع لقلبها من جديد وقامت بسرعه وقفت قدامها وفضلت تنهج وهى بتقول بلهفه: ب…بجد…..هو كويس….
بص عدى للمرضه بتركيز وقال بدموع: هو فين بالظبط؟
ردت الممرضه : فى اوضه الجراحه…لانه متصاب برصاصه فى كتفه.
جرت لمار لبره وقبل مايلحقها عدى وقفته الممرضه وسألته: موافقين على العمليه ياأستاذ ولا.
رد عدى: عياله ومراته لازم يعرفو الاول وبعدين تبقو خدو الكليه.
ردت الممرضه بتفهم: بس يااستاذ حاله استاذ فارس مش هتستحمل اكتر من كدة فاياريت لو بايدك تساعده فانقذه قبل مايمو*ت.
فكر عدى للحظه وحسم أمره ورد بقله حيله: هاتى الورق خلينى امضيلك عليه.
……………………………………………………..
جرت لمار لأوضه الجراحه واخيرا عيونها شافته من ورا الازاز وملفوق على ايده وكتفه الشاش ووشه مليان خدوش وجسمه متصاوب بكدمات قويه فافضلت واقفه مكانها كانها بملى عيونها منه وفجاه لقيته انتبه لوجودها فابصلها بلهفه وشافت حركه شفايفه وهو بيقول: لمار.
فاعيطت واتحركت ودخلت الاوضه وشافت الممرضه بتعلقله المحلول فابصتلها وسألتها: مين حضرتك؟….وازاى تدخلى كدة من غير استأذان.
رد منذر بضعف وتعب: دى مراتى.
ردت الممرضه: انا اسفه مكنتش اعرف…بس الزيارة لها مواعيدها.

جرت لمار لعنده وهى مش سامعه كلام الممرضه وقعدت قدامه وعيونها مليانه دموع وقالتله بعفويه: انت كويس؟
ابتسملها بحب ورجع بص للمرضه وقال: هستأذنك تفضل معايا.
بصتله بقله حيله وهزت راسها بنعم وخرجت من الاوضه.
اما لمار منزلتش عيونها من عليه فابصلها وحرك ايده على شعرها ومسح دموعها بخفه ومازال مبتسم وقال بهدوء: خوفتى عليا.؟
عيطت وهى بتهز راسها بنعم فامسح دموعها برقه وقالها بصدق: انا اسف.
فضلت تعيط ومازالت بصاله وقالتله بعفويه: مكنتش اعرف انى بحبك اوى كدة.
اتفاجئ بأعترافها ولكن ضحك بتعب على اسلوبها وقالها بمشاكسة: كان لازم اموت قدامك عشان تقوليها.
ردت بعياط: بعد الشر ….انت كويس صح…..حاسس بوجع.
فضل يبص لعيونها بحب وحرك ايده على جدها وبيقول: تؤ…بالعكس انا مبسوط بيكى.
ابتسمت وسط دموعها ونزلت عيونها لتحت بخجل فابتسم وضغط على خدها بخفه وقال: بموت فيكى يالمار.
زادت ابتسامتها اكتر لحد مادخل عدى الاوضه وجرى لأخوه بلهفه وهو بيقول: منذر ….انت كويس..؟….ايه اللى حصل ؟
انتبهت لمار لعدى وبصتله وهى سامعه منذر بيقول بمرح: خد نفسك الاول.
رد عدى بقلق: قلقتنى عليك ياجدع…..حرام عليك….كنت فين وايه اللى عمل فيك كدة.؟
بص منذر للمار وقال بهدوء: خلصنا من الخديوى واخدنا حقنا منه ……
وبص لأخوه وقال بضيق: واخدت حق ابونا منه.
ورجع بص للمار وقال: خلاص مبقاش فى خوف بعد النهاردة ….كل حاجه انتهت وهتبدأ من اول وجديد.
بصتله بحب وهى بتقوله: كويس انك رجعت بالسلامه.
ساله عدى: عملت فيه ايه؟
بصله منذر وقال: دوقته الموت ….وفى الاخر سلمته للشرطه وهيكمل بقيه حياته فى السجن ومتأكد انه هيعدموه لانه السبب الرئيسى فى موت ابونا.
شتم عدى فى سره وقال: الو** مقولتليش ليه … كنت بردت نارى منه؟
رد منذر بثبات: انا قومت بالواجب….بس مكنتش متوقع وجود حمدى معايا.
رد عدى: اصلا اتوفى.
رد منذر: عارف ….رمى نفسه قدامى واخد طلقه فى راسه.
حطت لمار اديها على بقها بصدمه وسألته: وهو عمل كدة ليه؟

رد منذر: لانه عرف من الخديوى انه شرد ابنه وشغله فى السلاح وجرايم كتير فاكان عايز ينتقم لأبنه ويقدمله حاجه.
رد عدى: فاضحى بحياته.
هز منذر راسه بنعم وبص للمار لقاها بتعيط وهى سامعه عدى بيقول: ومش بس كدة هيقدم حياه جديده لأبنه وهيتبرع بكليته عشان يعيش حياته .
فضلت لمار تعيط وهى متأثره بكلامهم ومش مصدقه اللى بيحصل وقالت بدموع: يارب فارس يقدر يستحمل الصدمه دى ويسامح ابوه.
رد منذر: لازم يسامحه.
……………………………………………………
بعد فترة طويله عرف حمزة من الحج فضل ان تارا حد اعتدى عليها فاطلع من المستشفى هو ولمار بسرعه ولما وصلو فهمو الموضوع من الحج واتصدمت لمار ودخلت لأختها لقتها قاعدة على السرير وضامه رجليها لصدرها ومحاوطاها بأديها ودموعها على خدها وبتبص فى الاشيئ ….فاجرت لمار عندها وحضنتها بقوة وقالتلها بدموع وصدمه: مين عمل فيكى كدة؟
بصتلها تارا بضعف وفجأه ضحكت وهى بتقول : حبيبى .
ردت لمار باستغراب: حبيبك ….مين؟
ردت تارا بضحك ودموع: تخيلى حمزة حبيبى اغت*صبنى.
شهقت لمار وبصت لأختها بتبريقه وزعقت وهى بتقول: يالهوى ….الحيوان…ازاى عمل كدة؟
ردت تارا بعياط: كان عايز يتأكد انا خونته مع عدى ولا لأ ….فاأغتص*بنى.
حضنتها لمار بقوة وهى بتقول بصدمه: حبيبتى …. اهدى ياروحى…اهدى.
عيطت تارا وهى بتقول: حمزة اغتصبنى….حمزة اغتصبنى….حبيبى دبحنى يالمار دبحنى.
عيطت لمار على اختها وفضلت حضناها بقوة وتطبطب عليها بخفه……اما عدى كان سامع كلامهم والغضب مالى قلبه وجمله جده بتتعاد فى عقله لما قاله( تارا من لحمنا ودمنا ومينفعش نسيبها تتفضح….انت لازم تكتب عليها وتدارى على الفضيحه اللى هتحصل )
بص عدى لتارا بحزن واتحرك بسرعه وخرج من الڤيله بعصبيه وركب عربيته وخلال فترة وصل للقسم وطلب بمقابله حمزة ولكن اتفاجئ لما الظابط قاله: حالته كانت غريبه وعرضناها على دكتور مخ واعصاب والتقرير بين انه مخه لسع وبعتناه على العباسيه.

………………………………………………………
بعد فترة عرفت فردوس من بنتها ان حمزة اعتدى على تارا فاغمى عليها من الصدمه ولما فاقت فضلت تضرب على وشها وتقول بعياط وزعيق: انا حزرتهاااااا ….قولتلها مينفعكيش وهى مسمعتش الكلام ….منه لله حسبى الله ونعم الوكيل فيه ….ربنا ينتقم منه.
وفضلت فردوس على الحاله دى لمدة شهر بتتعالج فى المستشفى وخلال الشهر دة كان فارس عمل العمليه وبدأ يستعيد وعيه وخبت صبا عليه خبر وفاه والده عشان صحته متتأثرش ولكن لما بقت حالته مستقره وخرج من المستشفى عرفته الحقيقه قالها جمله صدمتها: حاسس انك بتحكيلى قصه مأثره وزعلان عليها لكن مش حاسس بالزعل اللى ابويا ضحا بحياته عشانى ….اصلا هو مكنش موجود فامش حاسس بفراقه بس جوايا حزن عليه كأنه واحد غريب.
حضنته صبا بقوة ودموعها على خدها وقالت: انا معاك وفى ضهرك والايام هتتسينا كل اللى حصلنا .
بصلها بدموع وقال: اوعى تسيبينى.
…………………………………………………….
فقدت تارا النطق لمدة شهر لحد مااتكتب كتابها على عدى وبقت مراته على سنه الله ورسوله وكان بيعاملها بما يرضى الله ومع الوقت بدأت تتحسن بسبب وجود اخواتها جمبها وبيحاولو ينسوها اللى حصل حتى والدتها فاقت وبقت تتعامل معاها معامله خاصه…. وأسلوب عدى معاها كان بيخليها تقارن بينه وبين معامله حمزة زمان ومغ الوقت عرفت ان عدى هو الراجل اللى يستحقها وبدات تستجيب معاه ولكن عمرها ماهتنسا اللى حصل معاها كأنها نقطه سودة فى صفحتها البيضه.
………………………………………………….
بعد سنه من الاحداث اللى حصلت .
اتجمعو العيلتين على سفرة واحده والجو كان مليان بالسعاده واللى يشوفهم ميتخيلش ان حصل معاهم كل دة.
وحاليا لمار ولدت وجابت بنوته وسموها حبيبه ومازال منذر بيعامل لمار كانها جوهرة وكسبها من الدنيا وكانت لمار فى كل مرة بتحاول تصلح العلاقه بينه وبين والدته ومع الوقت بدا قلبه يلين ناحيتها ورجعت كوثر تعيش معاهم من تانى وبتحاول تخلى ولادها يسامحوها.

اما فارس فااشتغل فى شركه منذر ومسك فرع كبير فى شركته وهو المسؤول الاول عن كل الحسابات وكمان اتجوز صبا واصر الحج فضل انه يعيشو معاهم فى نفس الڤيله وبعد اعتراضات كتير من فارس ولكن وافق قدام الحج وحاليا صبا حامل منه وعايشه معاه فى منتهى الامان والسعادة.
اما تارا فالحد الان عدى مقربش منها عشان ميفكرهاش باللى حصلها وكان بيتعامل معاها كانها بنته وعمره ماهينسا جملتها لما قالها انه هيتحوزها وقتها قالتله بدموع وحصره( نفسي يجي يوم أعيش إحساس إن معقول قلبي فرحان كده ؟ و ما أصدقش الدُنيا من كُتر م الفرحة والرضا ماليين حياتي..انت قادر تفرحنى وتنسينى اللى مريت بيه ياعدى؟ )
ومن وقتها وهو مش عايز منها حاجه غير انها تكون بخير ولكن ميعرفش ان بدأ قلبها يدق لعدى ونست حمزة نهائى ولكن منستش اللى حصلها منه ولكن الحب بدأ من جديد.
اما فرى فادخلت فى صدمه كبيرة بعد موت والدها حمدى وعدى خبا عليها موضوع الكليه اللى اتبرع بيها حمدى لابنه عشان ميزودهاش على فرى.
وحاليا البنات اتجوزو التلت شباب وعاشو مع بعض فى نفس الڤيله ومبعدوش عن بعض لحظه واخيرا ضحكتلهم الحياه من جديد.
…………………………………………………………..

🌹🌹 لما تختار…. اختار اللى يهتم بيك مش اللى بيحبك..
.. موضوع خد اللى يحبك دة انتهى من زمان…🌹
اختار اللى يقدر يحتويك بقلبه وعقله وأفعاله و تصرفاته ووعوده الصادقة وبقاءه ع العهد…..🌹
اختار شبيه لروحك يهمه تفاصيل ألمك قبل فرحك….وعلى فكرة المؤذي عمره ما هيقتنع انه مؤذي ولا ضميرة هيأنبه ولا بيحس بوجع اللي حواليه بالعكس بيظهر ديما ف صورة الضحية والمجني عليه🌹
اختار اللى يعرف في عز الزحمة يخطف بصيرتك و يكون مرايتك وسندك ونجاتك…..🌹
اختار “َسَـندك وعكازك بدقة وإتقان…. قبل فوات الأوان”..🌹🌹
وتوته توته خلصت الحدوثه…..