رواية قوة الحب الفصل الثاني 2 بقلم تقى حسام
رواية قوة الحب الفصل الثاني 2 بقلم تقى حسام
رواية قوة الحب البارت الثاني
رواية قوة الحب الجزء الثاني
رواية قوة الحب الحلقة الثانية
نرمين من بدلته ومنظره عرفت انه رجل مهم وإنها محاوله اغتيال اتصلت بسررعه بالاسعاف الأول وبالشرطه وهي بتعيط
الو الحقوني.. عاصم بصوت منخفض اتصلى بياسين
نرمين ياسين مين؟
عاصم. اخويا الفون في العربيه
نرمين. حاضر
جت الإسعاف والناس إتلمت الشارع غريب عليها والناس فكانت خايفه فتحت العربية من ارتبكها بدلت اخدت الشنطه بتاعته اللي في العربيه والفون وسابت شنطتها و راحت المستشفى. دخل العمليات نرمين واقفه قلقانه برا وشكت في كل اللي حواليها
وبعد ساعات خرج الدكتور وقال. الحمد لله خرجنا الرصاصه وحالته كويسه عشان ماكنتش في القلب
نرمين الحمدلله والباقي
الدكتور. مع الأسف في حاله اتوفت في لاحظتها عشان كانت الرصاصه في المخ والحاله التالته كويسه افضل حاله فيهم
نرمين. بخوف شديد يعني في راجل مات
الدكتور. مع الأسف انا مضطر أبلغ الشرطه
نرمين. انا بلغت
جت الشرطه . عشان تحقق في اللي حصل
الضابط. بشك ايه علاقتك بيهم؟
نرمين. معرفش معرفهمش اصلا
الضابط. طيب هتيجي معانا شكلك واركي حاجه وهتتعبينا
نرمين برعب. ايه اجي ليه دا انا اللي مبلغه وكان في راجل هيتقتل وانقذته أقوم انا اللي ينقبض عليا
الضابط. هنشوف في القسم الكلام ده ونعرف انتي تبع مين بضبط الكاميرا اللي كانت متركبه في الشارع صورت اللي حصل وانتي بتضربي واحد في دماغه وعايزه تقتليه وبتسرقي شنطه وكمان شنطتك في عربيه يعني انتي تبع حد
نرمين برعب. لا لأ انا مسارقتش حد ولاكنت عايزه اقتل وبعدين يعني انت عايزني اشوف واحد بيحاول يقتل خطيبي واقف سكته!
الضابط. بتعجب خطيبك!
نرمين. ايوه احنا لسه مش راسميه وكان جاي عشان ياخذني لاني مش عارفه المكان ودول طلعو فجأه ارجوك سبني هنا لغايه ما أطمن عليه و يفوق
نرمين بتبص على الشنطه اللي كانت مخبياها تحت الكرسي وبطلع الفون بتاعه اللي بيرن
ياسين. الو انت فين ياا عاصم كل دا وانت في البنك؟؟
نرمين. انا مش عاصم انت اخوه ياسين
ياسين بستغراب! . ايوه مين حضرتك
اسمي نرمين وفي المستشفى في حاجه حصلت هديك العنوان وتعالي
ياسين برعب حاضر بس عاصم كويس في حاجه حصلت
أنتي مين
نرمين. بعصبيه تعالي وانت تعرف مش انت اخوه حل الورطه اللي وقعتوني فيها دي انا هنا بقالي ساعات
ياسين انا في الطريق
نرمين. انا ايه اللي عملته في نفسي عامله فيها ذكي شان راحه اضرب راجل وادخل نفسي في وسط جماعه مسلحين ويعالم يطلع مين عاصم دا داهيه لايكون تاجر سلاح ولامخدرات ابقى روحت في داهيه بس انا مقدرش اروح القسم واقعد فيه ويتحقق معايا دا انا أموت فيها واقول لأهلي ايه كل شويه أجلكم بمصيبه أنأح من اللي قبلها تعالو انا في القسم الحمد لله لاقيت حجه تمنعني من دا يارب يفوق بسرعه عشان يقول هي إللي انقذتني واسبهم وامشي بس الشنطه دي ايه مش راضيه تتفتح ربنا يستر وتكون إن شاء الله شنطه لاب توب ولا ورق ولا اي زفت حاجة عاديه
ياسين جه جري
نرمين. حضرتك ياسين
ايوه ايه اللي حصل اخويا ماله؟
نرمين هحكيلك………..
ياسين طيب وهو كويس فين الدكتور وايه المستشفى اللي اي كلام دي انا اخويا يبقى في مكان ذي دا؟
نرمين. ياخويا ودا وقته منظره المهم انا عايزه اعرف انتو مين؟ الساعه ٨ بليل عايزه امشي وخايفه والشرطه شاكه فيا
ياسين. عاصم محمد البيك من اكبر راجل أعمال السيارات وانا ابقى اخوه وشريكه في الشغل
وهو كان رايح البنك عشان يحط فلوس الارض اللي لسه بايعها بتاعته في العزبه وفي مشاكل مابينه وبين ناس معينه عايزه تخلص منه
نرمين. طيب وانا اضمن منين إن كلامك صح!
ياسين. ادخل على النت واكتبي اسمه وهتعرفي اننا ناس سمعتنا سبقانا ومش بنعمل حاجة غلط انا هطمن على حالتو
بعد شوي
نرمين براااحه ياااااه الحمدلله انا كده اطمنت دا انا كنت فاكره انكو مافيا ولا تجار سلاح ولا غسيل أموال طيب يا سيدي اتفضل
ياسين. اي ده
نرمين الشنطه اللي تقريبا فيها فلوس الارض
ياسين. بأستغراب. شكرآ
على فكره انا مش ناسي انتي ليكي مبلغ على اللي عملتيه معانا
نرمين العفو بصراحة انا مكنتش هديهالك بس لما عرفت اطمنت دلوقتي انا مش عايزه حاجه غير طلبين ممكن
ياسين. اتفضلي
نرمين انا كان هيتقبض عليا عشان شاكين فيا ماسبونيش غير لما قولتلهم اني خطبته وعايزه اطمن عليه فقولهم يمشوني ثانيا بما انك اخوه ينفع تروحني عشان انا خايفه وبيتي بعيد!
ياسين متقلقيش يا أنسه حاضر انا هكلمهم وهبعت ناس توصلك وهيبقي معاكي حراسه كتير متخافيش بس اكيد هيحتاجو شهادتك في الموضوع هاتي رقمك
نرمين. ماشي متشكره جدااااا بس انا موبايلي وشنطتي في عربيته وكل حاجه دلوقتي في إيد الشرطه هديك الرقم وهبقي اخد حاجتي بعد
ياسين. تمام
كلم عيلته كلهم وطلب حراس وراح لشرطه
نرمين خلصت كلام مع الشرطه وياسين كان معاها
الضابط. احنا اسفين يا أنسه منعرفش انه يبقى عاصم بيه ربنا يطمنك عليه إن شاء الله اتفضلي
نرمين. مشيت مع ياسين لغايه ماطلعو من المستشفى
ياسين. انا مش عارف اشكرك ازاي على كل اللي عملتيه معانا
نرمين. لا شكر على واجب العفو ربنا يطمنك عليه
ياسين. بضحك اي ده يعني مش هاتيجي بكره تطمني على خطيبك
نرمين. لاء سلام مشيت شويه بعدين بصت على ياسين لو سمحت حضرتك معاك رقمي ممكن تبقى تكلمني عشان اعرف حالته بقت ازاي؟
ياسين اكيد وهبقي ابعتلك شنطتك مع الحرس متقلقيش وهو على بكره هيكون فاق بإذن الله
نرمين تمام عن إذنك
رجعت نرمين البيت اهلها قاعدين اختها جرمين اللي في آخر سنه في كليه السياسه والاقتصاد وباباها ومامتها واخوها الصغير نايم
نرمين اول ما دخلت الكل جري عليها خير يابنتي كل دا فين الساعه ١٠ بليل وماله وشك
نرمين بدأت في البكاء والانهيار من اللي شافتو شافت الموت والرعب والدم في وقت واحد مامتها اخدتها في حضنها حببتي ايه اللي حصل حد دايقك تاني أو زعلك جرمين راحت تعملها كوبايه لمون عشان تهدي
بعد شويه نرمين هدت وفكت الطرحه وبدأت تحكي اللي شافتو
مامتها الحمد لله انك بخير بس كان مالك ومال الكلام ده كلو امال الرجاله اللي في الشارع فين! افرضي لو كان معاهم حد تاني ولا الراجل عاصم دا وراه مصيبه كنتي هتعملي ايه
باباها. الواحد مش عارف كانت تسيب الراجل يتقتل ولا كانت تعمل ايه المهم مافيش حاجه والبنت سليمه بس ابقى خلي بالك من نفسك وطلاما هما ناس طلعو كبار اوي يبقى مافيش ضرر او خوف المهم من الأصول برضو اننا نروح نزوره
نرمين. بعدين بعدين انا هقوم اصلي وانام
في الصباح الساعه ١٠ جرمين. اصحى أيتها المرأه الحديديه يالي ماروحتيش الشغل ماهو طبيعي بعد اللي حصل دا حد يقدر يخرج من البيت
نرمين. صحيت عايزه ايه
جرمين. حاجتين اولا بابا بيقولك البسي عشان لازم يروح لراجل اللي اسمه عاصم ثانيا عاصم دا طلع مز اووووي يخرب بيته
نرمين وانتي عرفتي منين؟
جرمين. جبت صوره ماهو مشهور وعملتلو فولو ولا صاحبو ياسين نور الدين ياختيييييييي يخرب بيت الطول والعرض والكتاف اللي تهز الارض حبيتو
نرمين. جتك ستين نيله حاسبي عايزه الحق افطر والبس خليني اروح
جرمين. قصدك نروح انا لازم اشوفهم وقولت لبابا
نرمين ماشي ياستي يلا بينا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قوة الحب)