رواية بداية جديدة الفصل الثالث عشر 13 بقلم إسراء ابراهيم

رواية بداية جديدة الفصل الثالث عشر 13 بقلم إسراء ابراهيم

رواية بداية جديدة البارت الثالث عشر

رواية بداية جديدة الجزء الثالث عشر

رواية بداية جديدة الحلقة الثالثة عشر

ملك: خلاص بقا يا ليلي سامحينا
ليلي: انا عايزة انكلم مع يوسف
سارة: انتي متاكدة من اللي بتقوليه
ليلي: عايزة اعرف هو اتغير فعلا ولا لا
ملك: صدقيني والله العظيم اتغير
ليلي مسكت الموبايل واتصلت علي يوسف
عند يوسف
احمد: هتعمل اي يا يوسف
يوسف: هخط. فها
ولسه هيكمل لقي تليفونه بيرن: دي ليلي
عمر: طب رد كده
يوسف: ازيك يا ليلي
ليلي: انا عايزة اقابلك
يوسف بفرحه بانت في صوته: ده بجد
ليلي: اه بجد مستنياك كمان نص ساعه في مطعم***** سلام
عمر: هو في اي يا يوسف

يوسف: عايزة تقابلني بس انا مش فاهم ليه
احمد: طب صوتها كان عامل ازاي طيب
يوسف بتفكير: مش عارف
عمر: هو كل حاجه مش عارف مش عارف
يوسف: انا كل اللي اعرفه دلوقتي اني لازم اعمل حاجه اخليها تسامحني والنهاردة
احمد: قبل ما تتصل ليلي كنت بتقول انك هتخطفها ده بجد؟؟
يوسف: كنت مفكرها مش هترضي تكلمني فكنت هعمل كده
عمر: طب يلا سيبك من اي حاجه دلوقتي وروح شوفها عايزة اي
عند ليلي
فاطمة: انتي متاكدة من اللي بتعمليه
ليلي: اه
ملك: انتي ليه بتعملي كده في حاجه في دماغك
ليلي بهدوء مبالغ فيه: لا خالص يلا انا هقوم اجهز
بعد نص ساعه في المطعم

يوسف: بجد يا ليلي انا مش مصدق نفسي
ليلي: انا عايزاك تثبتلي انك اتغيرت
يوسف بلهفه: انا فعلا اتغيرت مش عارف اثبتلك ازاي بس الايام هتثبتلك والله
ليلي: طب اي رايك اني مش مهتمه اعرف اصلا اذا كنت اتغيرت او لا
يوسف: يعني اي
ليلي: يعني ربنا يسعدك في حياتك مع اللي تختارها وكانت قايمه تمشي
يوسف مسك ايديها: بس انا اخترتك انتي
ليلي:وانا مش مستعدة اعيش معاك بقيه حياتي اشفاق منك عليا
يوسف: بس ليلي انا بحبك
ليلي: وانا كنت بحبك بس مبقتش او مكنش حب هو مجرد اعجاب
يوسف: يعني اي
ليلي وهي بتشد ايديها منه: يعني ورقتي توصلي ومشيت وسابته
بعد مرور شهرين
ملك: هزغرط وربي الامتحانات خلصت انا مش مصدقة
ليلي بمرح: اه طبعا ما انتي هترتاحي وانا اللي مامي وهقعد مع بنتي فلزه كبدي
ملك: علي اساس انتي هترحمينا اتكلي علي الله يا مامي

عند فاطمة
فاطمة: عمر انا كنت محتاجه اتكلم معاك
عمر: ماشي سامعك اتكلمي
فاطمة: بس هو مينفعش هنا
عمر: اخلصي يا فاطمة ورايا شغ.
فاطمة وهي بتغمض عنيها: انا بحبك
عمر بصدمه: انتي قولتي اي
فاطمة ووشها احمر: مقولتش وكانت هتمشي عمر شدها من ايديها
عمر: مش مهم اسمعها تاني المهم اني سمعتها قبل ما اموت يشيخه ده انتي تعبتيني اجي اكلم الحاجه امتي
فاطمة: الحاجه!! لا متجيش خالص
عمر: حبيبي تسلم اجي اقابلها امتي
فاطمه بكسوف: اللي تشوفوا
عمر: خلاص الخميس الجاي
فاطمة: يلا بقا انا هطير علشان ملك كانت عيزاني
عمر: ماشي سلام

بعد نص ساعه
في بيت ليلي
ليلي كانت داخلة وسامعه بنتها بتصوت: في اي يجماعه هي بتعيط ليه
يوسف: شكلي كده مش عارف اشيلها كويس
ليلي واخدت لانا منه: انت بتعمل اي هنا
شيماء: خلاص بقا يا ليلي هاتي لانا واقعدي اتكلمي معاه
ليلي: خلاص يا ماما انا مفيش كلام بينا
يوسف: لا في اقعدي بس وغمز لشيماء علشان تمشي
يوسف: ما دعونا ننسي اخطاء الماضي ونعمل اخطاء جديدة
ليلي: انت بتقول اي انت عايز اي دلوقتي مش اطلقنا خلاص
يوسف: بس ينفع نرجع لبعض بعقد جديد ومهر جديد
ليلي: وانا مش عايزة ارجعلك
يوسف: بس انا عايز
عند ملك
كانت قاعدة هي واحمد وفاطمه
ملك: احم بصراحه بقا يا جماعه انا مش راضيه عن بعدكم ده ما تنسوا الماضي يجماعه انتم بالذات ملكمش اي ذنب في اللي حصل

احمد: انا معنديش مشكلة معاكي يا فاطمة مشكلتي مع اللي سابتني وانا عندي اربع سنين
فاطمة: احمد انا اكبر منك وكنت واعيه شوية علي اللي بيحصل ابوك كان صعب اوي ووالله امك حاولت كذه مره تيجي تشوفك بس هو مكنش بيدخلها
احمد: طب ما هو مات من كام سنه كانت سيباني ليه ليه مجتش حكتلي كل ده
فاطمة: مش انت اللي كنت رافض
احمد: انا عمري ما رفضت اني اشوف امي او بمعني اصح انا عمري ما اتقالس ان امي جت تشوفني
فاطمة: طب قوم معايا
احمد: علي فين
فاطمة: قوم معايا بس
عند مروان وجومانا
كانوا في الملجأ بيختاروا طفل ياخدوه يربوه
جومانا: انا محتارة ولد ولا بنت يا مروان
مروان والدموع في عينه: اللي انتي عايزاه يا حبيبتي
جومانا: انت بتعيط ليه يا مروان

مروان: كان نفسي يبقي عندنا اطفال من دمنا
جومانا وهي بتحضنه: ربنا اللي رايد كده يا مروان مش كان ممكن يرزقنا بعيال يعيقونا ربنا عالم الخير فين
مروان وبيحضنها جامد: عندك حق انا شايف ناخد ولد
جومانا: وانا بقول كده برضو
عند احمد
في بيت فاطمة
كوثر: انا مش مصدقة نفسي انك جيت تشوفني يبني
احمد وهو بيبوس ايديها والدموع في عينه: انا اسف يا ماما علي اللي عملته معاكي
كوثر: انا اللي اسفه يبني وهعوضك عن كل اللي فات
بعد شوية
احمد: ملك انا عايز اتكلم معاكي
ملك: ماشي
احمد: ملك انتي بجد ملاك مش انسان تتجوزيني
ملك: انا معملتش حاج…. اي انت قولت اي
احمد: بقولك تتجوزيني؟؟
ملك: موافقه طبعا

عند ليلي ويوسف
ليلي: يوسف انا مقدرة المجهود اللي بذلته طول الفترة اللي فاتت علشان تتغير وبصراحه انت لو كنت قد في ظرف تاني طبعا كنت هحبك او انا بحبك بس كرامتي اتبهدلت اوي فانا للاسف مش جاهزة ادخل في اي علاقة وهعيش لتربية بنتي وبس
يوسف برجاء: طب ليلي انا ممكن اديكي فترة تفكري لكن ارجوكي حاولي ترجعيلي
ليلي: يوسف انا مش هقدر ب اي شكل كان اني ارجعلك متضغطش عليا
يوسف: تمام عن اذنك يا ليلي وكل شهر هبعتلك مبلغ علشان البنت
ليلي: تمام شكرا
يوسف: العفو ده واجبي ومشي
شيماء طلعت: يبنتي مش انا امك وبتثقي فيا
ليلي: طبعا

شيماء: صدقيني مفيش حد هيصونك قد يوسف انسي الماضي وخليكي متسامحه
ليلي: وانا مش ناقصه علشان حد يجي يصوني عن اذنك يا ماما
شيماء: ربنا يهديكي يبنتي
بعد شوية
ليلي كانت قاعدة في اوضتها وبتلاعب لانا زينه دخلت عليها
زينه: ليلي ينفع اتكلم معاكي شوية
ليلي: اي الادب ده تعالي
زينه: ليلي مهما حاولتي تبيني انك مبسوطة انا مش شايفة فيكي السعادة حاولي ترجعي ليوسف يا ليلي
ليلي: انتي اللي بتقولي كده يا زينه ده انتي مش بتطيقي حد من عيلتهم اصلا
زينه: بس انا بحبك انتي مش انتي اختي انا بحبك ومش عايزة اشوفك كده
ليلي اخدتها في حضنها وقعدت تعيط: مش قادرة يا زينه اللي عيشته مش سهل ابدا انا بحبه بس لا لا مش هقدر ارجعله
وفجاءة تلفونها رن وكانت ملك وسارة وفاطمه في كول جماعي
ليلي: الو ازيكم

ملك بفرحه شديدة: يا جمااعه انا مش مصدقة احمد طلب يتجوزني وانا وافقت
فاطمة: احم وانا اعترفت بحبي لعمر النهاردة
سارة: ما شاء الله كلكم بتودعوا حيات السنجلة يارب يا ادهومي ترجع من الجيش سالم يارب
ليلي بفرحه: اي الاخبار الحلوه اللي ورا بعض دي انا مش مصدقة مبروك يا حبايبي وربنا يتمملكم علي خير
بعد مرور سنه
كنا في فرح في اكتر من عروسة وعريس ايوه كانوا «يوسف&ليلي؛ ادهم&سارة؛ احمد&ملك؛ عمر&فاطمة»
سارة: مش مصدقة ان حلمنا اننا نتجوز في يوم واحد اتحقق
ملك: ولا انا
يونس: ربنا يتمملكم علي خير يعيال انا عايز اعتذرلكم يا جومانا انتي ومروان علي اي حاجه عملتهالكم في حياتي ربنا يحفظكم كلكم يارب
جومانا حضنت يونس: ربنا يباركلنا في عمرك يا عمي
فاطمة: يلا يا جماعة نرقص وننبسط احنا تعبنا كتير عمال ما وصلنا لليوم ده مش هنقضيها عياط
تمت بحمدالله

لقراءة باقي حلقات الرواية اضغط على : (رواية بداية جديدة)