رواية غيبوبة القدر الفصل الأول 1 بقلم رويدا القاضي
رواية غيبوبة القدر الفصل الأول 1 بقلم رويدا القاضي
رواية غيبوبة القدر البارت الأول
رواية غيبوبة القدر الجزء الأول
رواية غيبوبة القدر الحلقة الأولى
“كنت نسمع بالقضاء والقدر لين عشته”
أنس م91 من صغري نحب نخدم ونعتمد على نفسي برغم اني ولد واحد لبوي وأمي .
تخرجت من الثانوي وقتها كنت مجمع بلغ لابأس بيه
أمي كانت كل شئ في حياتي .
أمينة: اسمع سلم ولدي الدنيا فيها حياة وموت ومدامك عندك وين تسكن خلي ندورلك بنت حلال .
أنس: وقته يما لو ربي عطاني عمر توا تشوفي صغاري فكيني من الزواج والمسؤولية انا نبي نكمل قرايتي .
علي: وكمل ياولدي من مانعك انا وامك من عندنا غيرك نصرفوا عليك وعلى مرتك وان شاء الله مانقصرو بشئ.
أنس: نعرف انكم مستحيل تقصرو معاي في أي حاجة لكن انا نبي نعتمد على نفسي.
أمينة: غير قول باهي وخلي نتوكل على الله ونشوفلك بنت عيلة وناس تسر قلبك وخاطرك الا لو انت في وحدة في بالك تبيها.
أنس:🤣 توا عارفتني انت يما متع الكلام هذا انا هوا انتى وبوي وخواتي مش ملحق نشوفكم بنلحق نحب .
علي: هذا الصح الحب ياولدي الحقاني ايجئ بعد الزواج .
أمينة:😏😏 يعلم الله قداش جريت في جرتي ياحاج
ولا نسيت.
علي: تحشمي يامرأة ولدك يسمع فيك 🥲 امتا صار الكلام هذا.
أمينة: شكله انا نحلم المهم توكل انت لخدمتك ياأنس
وربي يقدم للي فيه الخير.
أنس: في خاطري حشمتوني هذا وين اذكرتوا أيام حبكم 🤣.
طلعت من الحوش لقيت الشباب في الشارع قلت نوقف عليهم شوية.
حاتم: تي وين ياراجل زي هلال العيد معاش تبان تقول
مانجحت غير انت 🤣 خف علينا شوية ياعبقري زمانك.
أنس: على اساس انا مفوتها عكسات في الشارع 🛣 زيك نحسب في الماشي والجاي ونقيد في أحوال الناس.
هيثم: لالا . الجو هذا مش طبيعي خيرك والع ياراجل تقول بركان تستنى في كلمة تحركك باش تتفجر .
أنس: 🥲العلية يبو يجوزوني يحسابوني هبلت نبي نعيش انا مش وقت الزواج.
حاتم: 🤣🤣 انت مازال اللحية ماتحلقش فيها مش نظام الشعرة الكحلة الخضراء للي تقول زغب كيف طالعة.
هيثم: وان شاء الله الصغار للي بتجيبهم بتربيهم ولا هما بيربوك 🤣.
أنس: والله العيب مش فيكم 🤫 فيا انا للي حاسبكم تريس وجاي نكلم فيكم.
حاتم: ارخي روحك ياراجل الزواج ماقدروشي التريس يقدروه القطاطيس 😏.
أنس: نمشي لخدمتي خليكم انت العبو خربقا في الشارع
ولا نقولكم روحوا لقطوا نحيلة النجاح 🤦🏻♂️.
حاتم: هههه لقط معانا .
أمينة: تعرف ياعلي انا عاجبتني بنت محمود بنية أدب وأخلاق وكله فيها.
علي: لكن مش كبيرة البنت من عمره يمكن ولا.
منى: لالا .يابابا هيا توا تقرأ أولى ثانوي أصغر من أنس بسنتين .
أمينة: علاش نتكلم انا عاد قعمزي انت وانا نوض .
علي: خلي البنت في حالها ماقالت شئ باهي اعرفنا انها صغيرة .
مها: ايح شن قالت هيا على عمرها واك أمي من توا مش متحملة فيها كلمة كان وصلت كيف.
أمينة: اهو خودلك جت الثانية وحدة تضرب و وحدة تلقم .
علي : شن نتوكل على الله ونكلم محمود باش نتفاهم معاه على كل شى.
منى:
خشيت انا وما لدار مش عاجبني للي تقول فيه
أمي معقولة تبي تخطبله بذون ماتاخد رأيه ماهو هذا زواج مش لبسه .
مها: ماعندناش علاقة تزوجه تتصرف كيف ماتبي أمي من يومها للي في رأسها بتفده.
أمينة: 🤨 زيدو تتمتو انتم الإثنين عارفتكم تتكلموا عليا توا .
علي: ههههه والله ماحاسدك على حاجة غير على صحة واذناتك بس .
أمينة: نوض بالك برا لمحمود وكلمه وانت تنق عليا انت ومفرخك اللطف ياربي .
علي: باهي اهو بنمشيله وان شاء الله ايصير خير.
طلعت من الحوش ونفكر في ردة فعل محمود لما بنقوله زعمك بيقبل بي أنس ولا بيرفضه واتجيه صدا.
وصلت عند محمود وخشيت ضيفني وقام بالواجب
خلي توا نفتح الموضوع.
محمود: شن ياعلي ياصاحبي تكلم للي جيتني فيه ماتمشي إلا بيه .
علي: والله سهالتها عليا هلبا اسمع انا جاي بنخطب بنتك ساره لولدي.
محمود:😐 اه ولدك أنس للي كيف طلع من الثانوي.
علي:😒 ع أساس انا عندي ولد ثاني غير أنس .
محمود: وانت خيرك مستعجل على زواجه مازال صغير والعمر قدامه .
علي: اسمع ياصاحبي الدنيا فيها حياة وموت وماتعرفش امتا الواحد توقف ساعته نبي نفرح بيه ونشوف صغاره على حياة عيني .
محمود: بعد عمر طويل هوا نعمه الأخلاق والله بنتي ماتلقى أحسن منه لكن بشرط مافيش عرس لين تتخرج
بنتي من الثانوي.
علي: تم للي قلته مبارك اقرأ الفاتحة على نية التيسير .
حواء: والله بوك اليوم نغبر فيه كيف يعني شن احنا وين من هذا كله😡.
سارة: انا بنته كيف ايدير فيا هكي 😭 يتصرف من ذماغه من قله نبيه هوا.
حواء: اقلبي وجهك من قدامي انا فاش وانتى فاش وقتك توا ماهو.
سارة: هلبا عائلات في بلادنا تتصرف في حياة بناتهم على كيفهم وهذا أكبر غلط .
لكن احيانا بسبب اختيار خطأ في نظرك تعيش أحلى أيام حياتك مع شخص مش متوقع وجوده في مخطط
القدر .
روح عمي علي وخش بابا باش يحكي لي ماما على الموضوع طبعا بعد نقاش طويل عريض وعياط
والحوش نقلب بابا سكر رأسه على الموضوع والحق خفت نكلمه .
أمينة: شن صار بشر اعطاك ولا ردك .
علي: الحمدلله وافق لكن بشرط العرس بعد سنتين مشتوا.
أمينة:😱 اه انا قتلك ولدي نبي نفرح بيه توا تقولي العرس بعد سنتين هبلت انت كيف توافق .
علي: البنت مازال صغيرة وهذا شرط بوها وتم .
مها: البنت مازال تلعب مع صغار عمها هذا للي تبي اديره انتى مخالف للقانون البنت مازال قاصر .
أمينة: اسمعي مش قريتي كلمتين في الجامعة اتحئ تعرضي عضلاتك عليا خليك انت لين تظفري الشيب باش بعدها تفكري انك تتزوجي .
أنس: شن يما تخلي فيا نتخايل انه غدوا الصبح بنموت ⚰ مستعجلة على العرس اهو زوجي بناتك .
منى: ايه قولها بالله عليك 😁 احسن كلمة تقولها شئ امك للي ايجئ طفشه .
امينة: خزي على هالجيل لا يتحشم لا يستحى احمدي
ربي انه بوك خش كان تكلمتي قدامه راني كسرت رأسك 😲 ومافيش زواج لين يتزوج أنس قبل.
منى: حليلك من ربي على الفرق للي اديري فيه بينا .
أنس:🤣🤣 رسمي شكله بنتك تبي تتزوج عادي تعرفي التشادي للي يخدم في براكة الخضراء يدور والأقربون
أولى بالمعروف .
مها: امتا بتمشي للبنت وتخطبيها رسمي ولا مازال الموضوع مطول .
أمينة: توا الاسبوع هذا نمشي انا وأنس ايدير مقابلة شرعية ويشوفها وبعدها الأسبوع الثاني يمشوا اعمامك
ايديرو فاضنية وساهل.
منى: شن ايدير مقابلة شرعية 😅🤣 بالله شن تحكي بجديات اسمع انت ماشي ارفع معاك حلووة مصاصة .
أنس: يما كان قتلتها بنتك اهيا راك تكلميني لسانها أطول منها .
أمينة:اقتلها ريحني منها أقلها اهو نحصل شوط هدرزة
واحبابي ايجوني .
منى: واك ملك دموية انتي تعرفي غير الذبح والقتل احرف من هلتر .
مها: ايوه احنا الدرويشة منى طلعت تعرف هتلر .
أنس: والله مسكينة بنت الناس للي بتعيش في حوش المجانين اهو 🙄.
أمينة: اشيه من توا يفكرلها من توا كان توصل احتمال يطلعنا برا الحوش .
انس: تعالى ياغالية نبوس على رأسك انتى الخير والبركة وللي ماتبيش امي وأخواتي ماليهاش مكان بينا .
أمينة: سلم ولدي عارفاتك حتى انا ربي يكملك بعقل ويفتحلك كل باب مسكر .
منى: واك مفلحه في الكلام اضحك عليها بكلمتين صايرله زي الهواء مستحيل تشده .
مها: باش تتعلمي منه يافاشلة وانت لسانك يقطر سم تقولي الكلمة الطيبة بتدفعي عليها ضريبة .
“اخترتك قدري وماأجمل القدر عندما يكون الحب تاجه “
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غيبوبة القدر)