رواية التضحية الفصل الرابع والعشرون 24 بقلم آية حسن

رواية التضحية الفصل الرابع والعشرون 24 بقلم آية حسن

رواية التضحية البارت الرابع والعشرون

رواية التضحية الجزء الرابع والعشرون

رواية التضحية الحلقة الرابعة والعشرون

فراس: اني الحمد لله مسلم ودكتور، لكن ناقصتني بنت الحلال، نبيها ليبية الحق مانبيش ناخد العقن حاشاك الامريكيات اني مش متاقلم مع جوهم، نبي مرا اطيب بيديها ناكل من حوشي، هدا مايعنيش ان بنحرمها من خدمتها لكن وجبة طايبة تكون عشي متلا تفي بالغرض، نبيها محجبة ومتعلمة زيني اني❤👌🏻
شهد: عندك حق وكلامك مزبوط، حلو الراجل لما يحس نفسه تزوج ست بيت مش سيدة اعمال ولا عارضة ازياء مع احترامي ليك، كلامك للامانة واقعي👌🏻🦋
فراس: شهودة نبي نقولك شي ماتفهمينيش غلط 🥲🥲
شهد: مش من عادتي نفهم غلط، لازم من عين الاعتبار 👌🏻
فراس: اني الحق معجب بيك من اول ماشفتك ولدرجة صورتك وانتي راقدة في الطيارة، شهد اني منعرفش علاش سيبتي عيلتك واخترتي الغربة لكن تفكيرك، كلامك، شكلك، اسلوب حياتك كله عاجبني 🥺❤🔥
شهد: فراس اني منبيش نحب ونرتبط ولانتعلق بحد لحق🦋
فراس: شهد اني ليبي ونعرف الاصول الليبية، لكن الحب لا عيب لاحرام لوكان طاهر ونضيف طبعا، اني مانطلبش منك تحبيني ولا ترتبطي بيا، اني نبيك تكوني قريبة مني ع الاقل لين ترجعي لليبيا 👌🏻🤍🥺
شهد: اني نتمنى نقعد قريبة منك لانك احسن شخص عرفته من سنتين فاتو، اني عانيت هلبا من الحب وهدا اللي خلاني نسيب بلادي وعيلتي وصحابي💔😢
وحكتله كل اللي صار معاها من لما عمرها 14سنة لين وصلت 18سنة وكيف قلبها تعب وعانت منه والناس اللي وقفت معاها وكيف سافرت وعلاش💔🥺
فراس: الله يرحم من مات وياخد الحق فمن حي، عندك حق ترفضي الارتباط، اني معاك لين تتخرجي شهد تمام؟ 💕🥺
روحت شهد وفكرت في كلام فراس، كلامه حق من ناحيته 🦋
فراس حط راسه ع المخدة وفكر في كلام شهد لقي عندها الحق قداش بتنكسر مرة، قرر انه يقعد قريب منها ويساندها في قرايتها 💕👌🏻

خشت شهد لكلية الهندسة في كندا وتميزت بذكائها وفطنتها ومرت الايام والليالي وشهد تقرا وفراس معاها خطوة بخطوة في كل شي وعادل زي ما عرفناه ونعرفوه هو العقل الحكيم والقلب الحنين بس🥺🦋
🔥وبعد مرور 4سنوات🔥
بعد اسبوع مشروع تخرج شهد وهي متوترة، اما تتخرج او تعاود السيم هدا🎓🎀
قررت تستشير فراس في كل شي، لان دماغه الله يبارك🤤
شهد: اني مهندسة مدنية، يعني من حقي نجسم اي شي صح؟ 🤔🦋
فراس: اي صح، عنديليك فكرة ولو ماتنجحيش منها ح ننتحر تمام هكي؟ 😂💔
شهد: بعيد السو، حتى لو مانجحتش سلامتك انت🥺💔🦋
فراس: انتي لما ركبتي الطيارة شن صارلك تتفكري؟ 🤔🤍
شهد: وقتها نخنقت وتمنيت مضخة اكسجين معاي 🥺🦋
فراس: هي هادي شهودة الشاطرة، فكرتي ياحنا علي قولت اماليا الطرابلسية، هي مجسم لمضخة اكسجين تقدري تاخديها معاك عالطيارة، يعني خفيفة او ممكن انتي تناقشي كيف يتم تركيبها في الطيارات اساسا منغير تعب للركاب ومنغير كهرباء وضي، كيف تخدم؟ انتي لما تتوتري تحركي رجليك صح؟ 80%من الناس عندها نفس ردت الفعل، يكون فيها دواسات زي اللي في الدراجة الهوائية👌🏻🤍🥀
هي من الصدمة حضنت فراس، بكل امتنان وسرور 🥺💜
شهد: قداش ما محظوظة فيك اني، حرفيا محظوظة🤤🦋
اسبوع وشهد تبحث وتجسم في الفكرة وناقشتها وعجبت الدكاترة هلباا، كان الدكتور المشرف لبناني 🤤🇱🇧
الدكتور: هلا صار فيي قول انك صرتي احلا مهندسة بالدني🤤🇱🇧(اقروها باللبناني) 😂😂
والكل صفق لشهد، الحضور والدكاترة والطلاب، كان معاها فراس وعادل والحفلة بث مباشر لاهل ليبيا وكل شخصياتنا شافه، الكل شاف نجاحها في جامعة كندا، خلاص شهد مهندسة مدنية🎓🦋
فراس جاب المصور وعادل جاب الحلو، ضيفو الحضور، وصورت شهد مع الدكاترة وخالها وصورة مع فراس 💜🔥
مرت حفلة التخرج بكل ارياحية، شهد ماوقفتش هني، بدل مايكون مشروعها كلام على ورق جربت تطبيقه عملي👌🏻
جربتها علي سيدة تخاف من القطار زي خوف شهد من الطيارة، بحكم انها بالاقامة ماتقدرش تسافر بالطيارة، ونجحت الفكرة بفضل الله ثم فراس🔥🦋🤍
بعد سنة من التخرج قعدت الفترة السابقة كلها في المحل، لين فتحو دورة تنمية قدرات للبنات لتعليم المراحل الابتدائية بشهادة معتمدة من(اليونيسيف) خشت فيها شهد كالعادة في كل شي خاشة 😂💜🦋
بعد 6شهور اصبحت عندها القدرة علي تدريس المراحل الاساسية في مادة الرياضيات بحكم انها خريجة الهندسة🦋
بعد6سنوات من الغربة حان الوقت للرجوع لحضن الوطن (ليبيا الحبيبة) 🇱🇾🦋
الاسبوع الاخير لشهد في كندا كان كله نكد، حتى زباين المحل زعلو لانها بتروح، عادل يكابر لان شهد لازم ماتروح لامها وعيلتها وناسها هدا الصح✅👌🏻

فراس من كثر الزعل مرض ع خاطرها وقعد 3ايام في الفراش، وهي معاه ليوم رحلتها 💔✈️😭
وصلت للمطار هي وعادل وفراس، خلاص شهد تودع امريكا كليااا🦋✈️💔
شهد: في اي وقت تعالا تعرف مكان محلي في طرابلس🥺
فراس: حنجيك بين فترة وفترة والتواصل مش حينقطع بيناتنا نهائي🥺💔
عادل: هيا وقت عليك الطيارة بتطلع شهودة🥺💔
فراس: ديري بالك علي نفسك شهودي، بنزورك بعد فترة😢
شهد: ف انتظارك، خالو معاك ي فراس دير بالك عليه، وانت شد صحتك وتعالا نخطبلك احلى بنوتة، ماعندي حد اغلى منك اني🦋
سلامات يا كندااا 🦋 شهـ🦋ـودي
ركبت الطيارة ومش زي اول مرة خافت.. لا! فراس غلبها علي خوفها وقعدت حوالي 6ساعات في الطيارة وتمام🦋
كأنها فاقدة الذاكرة ورجعتلها …تفكرت ناسها في ليبيا …زعما شن صاير فيهم كلهم؟ 🤔💕
ندى ونوري عندهم بنوتة عمرها 5سنين وولد عمره سنة 💕قاعدين يحبو بعض وجوهم حلو، حولو من حوشهم لان صغير عليهم وعيلتهم كبرت 🤍
زينب وسامر عندهم زوز بنات اعمارهم 4/2 عاشية والحمد لله بعد وفاة امها منكدة شوية 💔لكن خدمتها وصغارها ماليين عليها دنيتها وحب سامر ليها معوضها🤍
مريم صغارها كبرو التوام (شهد وعهد) اعمارهم 9سنين وعابد عمره 6سنين🤤 خانها معاذ مرة لكن بعقلها عرفت كيف تتصرف وترجع عيلتها كويسة 🤍
علي وسارة ربي مارزقهم بالذرية مع بعض، 😢سارة ماتبيش تهدي روحها لين سيبت علي من كثر مشاكلهم اطلقو من حوالي 3سنين وكل حد شاف حياته🤍
سعاد مرضت هلبا الفترة الاخيرة من كثرة مشاكل ولدها ومرته وخشت حتى للعناية ومزال تعبانة والحمدلله🤍
ليال ومحمد عايشين حياة رفاهية لان محمد مادياته كويسة، عندهم ولد عمره 4سنين وحامل الاخت🤰🏻انتقلو لطرابلس علي خاطر سعاد 🤍
مرام وخليل ربي رزقهم بولد واحد هو كل شي في حياتهم مع ان اهل خليل يبو ولد تاني او بنت لكن مرام ماجابت الولد خدا الا بالسيف وربي يجبر بخاطرها 🤍
روبين مسكينة تعاني في سرطان في راسها💔 روحها معلقة في شهد، علي قد مادارت فيها هي والمرحوم عبد الرحمن كله ندمت عليه🤍
بريق انخطبت وخطيبها سيبها منغير سبب مقنع🥲 خدت اللي صار مع شهد قدوة ليها ودارت زيها، سافرت للسعودية لكن روحت بعد سنة بس 🤍
اكرم ورغد تزوجو بعد سفر شهد بشهر بس، عندهم بنت عمرها 5سنين، اكرم سيب امه واختار حياته بروحه،🤭 قعد سنة مايعرفش شي علي امه، سهام معتمدة علي روحها لكن متحسرة علي ولدها الوحيد، لو خدي شهد لكانت حياته مرتاحة 🤍

رغد بعد سنتين من زواجها اكتشفت مرضها بسرطان الدم (عفانا الله واياكم) 😔اكرم باع اللي فوقه واللي تحته علي خاطر علاجها لكن مافيش فايدة، رغد تعبانه حرفيا🤍
بنته ماتعرفش امها،😲 قعدت عند حناها، سهام لما عرفت بمرض رغد قلبها سخف علي ولدها وحفيدتها، ومهما صار اكرم ولدها اللي حاربت ع خاطره بوه بش تربيه بسلام🤍
سهام عرفت بتخرج شهد وشافت البث يوم تخرجها هي واكرم يتفرجو مع بعض، متحسرين عليها وين وصلت 🤍
رقية تزوجت قعدت سنة وتطلقت من لسانها جابت ولد وقعد عندها، نوال متحسرة علي بنتها🥲 زي ما تشمتت في سهام قبلة27سنة التاريخ يعاود نفسه🤍
نرجعو ل وقتنا الحالي🔥
شهد سرحانة في الطيارة سمعت الكابتن يحمد بالسلامة معناها وصلو لحضن الوطن🇱🇾🦋
نزلت من الطيارة ومعاها شناطيها لقت الكل يستنو فيها🥺
(امل، ندى، نوري، زينب، سامر، مريم، ليال، محمد، بريق،)🦋
محلاها لمة الاحباب في الاستقبال مع شوق شهد 🥺🔥
روحو لحوشها لقاته متغير، ورتهم صور تخرجها ودارها في كندا والمحل والجامعة والدكاترة وكل شي 🦋💕
الاجواء كانت حلوة، بعدين تفكرت حاجة مهمة مادارتها🥀
شهد: مزال شخص ماسلمتش عليه، نستادنكم ساعة ونجيكم، وين مفتاح سيارتي؟ 🤔🔥
نوري: تعالي اني نرفعك، عرفتك وين بتمشي اصلا☺️💚
نوري منغير كلام مشي للمقبرة، لعبد الرحمن، لما وصلو شهد قعدت تشوفله بصدمة خفيفة🤭🙄
شهد: مزال حافظني، حتى بعد6سنين قاعد عارف☺️💜

خشت شهد للمقبرة وزي اللي توترت اوخافت، كانت اول مرة تتوتر ومش معروف علاش! 🥺💔
شهد رجعت لليبيا ومزال روايتها ماتمتش، زعما شن مزال بتشوف شهد في دنيتها؟ وكيف بتواجه الماضي اللي هربت منه بالسفر، زعما يرجع الماضي ولا دفنه السفر والوقت؟🤔
هدا اللي بنعرفوه في الحلقة الخامسة وعشرين🥀