رواية التضحية الفصل الخامس والعشرون 25 بقلم آية حسن

رواية التضحية الفصل الخامس والعشرون 25 بقلم آية حسن

رواية التضحية البارت الخامس والعشرون

رواية التضحية الجزء الخامس والعشرون

رواية التضحية الحلقة الخامسة والعشرون

نوري قعد في السيارة ماحبش يضايقها بوجوده💕
شافت الغرسة اللي زرعتها ع قبر عبد الرحمن قبل ماتمشي كبرت وفيها هلبا ورد، كان في حد مهتم بيهم، منو زعما؟🤔
شهد: حبيب عمري، اني كملت الهندسة زي ما وعدتك، ليك 10 سنين متوفي وكانهم 100سنة، استاحشتك وما نسيتكش لحظة صدقني قاعدة نحبك زي اول مرة شفتك فيها وحنقعد نحبك لاخر يوم في عمري💔
رجعت للسيارة: نوري في حد كان يجي لعبدو،منو؟
نوري: اني كنت كل يومين تلاتة نطل نسقي في الغرسة لانها منك، عبدو مات من الدنيا لكن من قلبك عمره ما حيموت🥺
روحت شهد ونوري ومر اليوم بكل سعادة لكل الموجودين❤
بعد اسبوع شهد مشت لسعاد سلمت عليها لانها مريضة وقعدت معاها ساعات وحكتلها شن صار معاها كله❤
سعاد: اكتر وحدة عرفتها ناجحة انتي،شن مخططة توا🤔
شهد: بنحط ملفي في وحدة من الشركات، بنفتح محلي، وبنفوت السنة هادي هكي بعدين بنخدم مُدرسة في مدرسة (العالمية) قالو عليها البنات لما جوني انها كويسة 🦋
سعاد: موفقة يارب العالمين، والدك قاعدة يوم الخميس؟ ترا كلميها توا اساليها ❣

شهد: خويلة اليوم الاحد وتخططي للخميس، تعالي في اي وقت، قاعدين حني، ماما ع الخط قالت قاعدين❤
سعاد: تمام توا غدوة نكلمها نفهمها علاش خديت موعد🥰
طلعت شهد ركبت سيارتها ومشت لندى خدت منها مفتاح المحل، لانها قررت تفتحه بروحها 🦋
شهد: اول مرة خويلة سعاد تاخد موعد للزيارة، ممكن لاني غبت عليهم هلبا، باعدت علي امي فترة سفري؟
ندى: غريبة الحق، لان لما كنتي مسافرة كانت تتواصل مع امك وتجيها وتمشيلها، ممكن لانك انتي رجعتي ف مرات بتزوري حد من العيلة☺️🥲
شهد: بعد اللي صار مع علي وسارة والعداوة اللي صارت بديت خاف يدخلوني فيه الموضوع، احسن حاجة دارتها زينب جبدت روحها منهم🥲🦋
ندى: اي قالت فكيني منهم، لكن سعاد شن تبي؟ 🤔
مر الاسوع بكل هدوء للكل عدا سعاد، تبي امل في موضوع، وجي يوم الخميس، جت سعاد وليال كانت زيارتهم رسمية، وحتى ولد ليال ماجاش معاهم وهدا اللي اكد انها زيارة رسمية مش زي لما استقبلو شهد كان الولد معاهم🤔🦋
شهد: خيرك ماجبتيش معاك وليدك، يهبل طالعلك هو🤤🦋
ليال: قعد مع علي يبي الملاهي ومحمد في مصراتة عند امه بيروح بعدين مرات ❤
سعاد: ابلة امل اني جاياتك في موضوع رسمي شوية، اني نبي نخطب شهد لولدي علي 💍
شهد مصدومة وتشبح لسعاد وعيونها دمعو 🥺💔
سعاد: صح ولدي تزوج وطلقها، لكن هي سبب طلاقها مش هو، لما ليال جابت غارت ودارت المشاكل والنكد، لانها بنت وحدة عند اماليها تعودت ع الدلال، لكن مش في كل شي دلال هدا من ربي مابيد حد 😶
امل: اني وجعتني لما تطلقت لانها صغيرة، لكن توا زينب قالت تزوجت وحملت لكن البيبي طاح🥺💔
سعاد: اني ماقلتش ان هي ماتجيبش صغار، لكن علي اخر كلام الدكاترة ان هما جيناتهم مع بعض ماتركبش يعني لو تفارقو كل حد حيجيه صغار ويعيش🥰❤
شهد بعد الصدمة: اني مايهمنيش هدا كله، مانخونش صاحبتي لو مهما يصير، وحتى لو هي راضية 😒🦋
ليال: لكن هي الاولى كسراتك ولا نسيتي ي شهودة 🥲
شهد: اولا كل حد وقناعته في الدنيا، هي قناعتها تسمحلها، اني ماتسمحليش، ثانيا الموضوع توا ليها 9سنين اني نسيته ونحيته من راسي بالكامل🦋
سعاد: بتفكري ولا كلامك نهائي؟ اني نعطيكم فرصة اسبوع، فكري شهودة، وانتي ابلة امل زيدي حاولي معاها🥺❤
امل: انشالله خير يارب العالمين خلينا نفكرو وبعد اسبوع بعون الله نرد عليك 🥰🥰
طلعت سعاد وليال بعد الزيارة الرسمية وقعدو يتناقشو في السيارة مع علي 😶
سعاد: يكون في علمك خطبتهالك راه وهي رفضت 😶😒
علي: كييف؟ من قالك نبي نتزوج، وخطبتي شهد فوق منها، معقولة؟ 😯
ليال: هي خير منك ومن سارة، رفضت بش ماتكسر حد، وعندها علم ان سارة هي اللي طلبت الطلاق وتزوجت ومع ذلك رفضت 😶
علي: شهد ونعرفها من ح توافق عزة نفسها وقناعاتها فوق كل شي، اني مش مانبيهاش بالعكس اني نتمناها 🥺💔
سعاد: اني من لما عرفتها نبيك تاخدها، لكن انت كنت معمي، ولو صممت ع الرفض عندها حق لانك كسرتها والكسر عمره ما ينتسى بالطريقة هادي، ربي يهديك ويعطيك ماتتمنى❤
عند شهد وامل كان الجو مشحون ومتوتر بيناتهم 🔥💥
شهد: طلبهم مش ف مكانه، اني معتبرتهم صحاب بس😒
امل: خلاص سارة مشت في حالها، وافقي عادي🥲

شهد: حتى انتي معاهم، ماما كيف تبيني نرجع لواحد خاني ولو كانت مع وحدة تانية عادي، مع صاحبتي، باعني وتزوجها هي، كيف ترا قوليلي🥺💔
امل: يابنتي الولد كويس ومهندس زيك ومتعلم وبحوشه، والعيلة تحبك وامه خصوصا، يعني كامل مكمل🥺❤
شهد: لو ع العلم اني مش ناقصني علم، الخدمة 3مجالات، العيلة عندي صاحباتي احسن عيلة بالنسبة ليا، الحوش ونعول علي واحدشن مزال تبي تاني؟ 😒🔥
امل: من وين حق الحوش ياحنا! 😯😒
شهد: نوري ماجر المحل من 6سنين يعني الدخل لاباس بيه توا، جمعت نص حقه وجايتني منحة من كندا يجريلي عليها فراس ❤🔥
فات اسبوع التفكير وكان الرد كيف ماتوقعو “لا” من شهد🦋
ليال ومحمد يتعشو فتحو نفس الموضوع 🔥
محمد: اسمعي عندها الحق خوك مادارش فيها خير، شهد مش لعبة بين يديه لما سارة سيباته يبيها، اسف عارفه خوك🥲
ليال: عمري، كلامك حق، حتى اني قلت ان الموضوع غلط اهو خسرنا صحبة شهد، وعلي مش مدور حد قال يبي يسافر بيخدم في مصر 🥲💔
محمد: اي احسن خليه يسافر، يغير نفسيته لانه ضايع، شوفي شهد لما روحت تقول مش نفسها اللي مشت🔥❤
شهد ليها شهر مروحة من امريكا وصلتها المنحة ولقطت فلوسها وشرت شقة صغيرة وخلتها فاضية منغير اثاث🥲
خشت في كورس صيفي لتنمية مواهب المراهقين وقعدت تخدم فيه وكان مريح والطلبة حبوها اللي فيه 🤤💜
بعد سنة بدت مُدرسة في المدرسة اللي تقرا فيها بنت ندى وولد خوها احمد 🤎
عبد الرحمن ولد احمد في الصف الخامس ورهف بنت ندى ف الصف الاول، وسبحان الله شهد هي ابلة المرحلتين في مادة الرياضيات 🔥💜
خشت للصف الخامس الحصة الاولى طول عرفت عبد الرحمن لانه يشبه عمه الله يرحمه 💔🥺
عرفت بنفسها وتعرفت عليهم وهما حبوها الصغار 🤤
طلعت من الفصل كلمت ندى: مشالله علي ولد احمد، كانت عندي حصة في فصلهم، مزال بنتك الحرفة، خالتها بتشرح الدرس اهو بنخشلها😂😂💜
اول ماخشت شهد طول رهف ضحكت وناضت حضنتها🤤
شهد: ههه محلاها ياربي، كلكم حلوين اني خالتها وحتى انتو نحبكم شن اسمائكم ترا قولولي، اني شهد وانتو؟ 🦋
قعدت تشوف للصغار، لقت بنوتة مقعمزة في الاخير، لما شافتها شهد نصدمت من الشبه اللي بيناتهم، كانها شهد وهي صغيرة، حرفيا كانها هي، كان باين عليها الحزن او حاجة زي هكي عجبتها وخشت قلبها طول🥺💜
شهد: شن اسمك انتي ي حلوة تعالي قعمزي هني جنب رهف حبيبتي🥺💜
البنوتة جت وقعمزت في اول مقعد مع رهف وبصوت خجول قالت: اني اسمي (وتين) 🥺🤍
شهد: انتي ورهف توا صاحبات تمام؟ اسمك حلو، وتين منو؟🤔💜
وتين: اسمي وتين اكرم عبد الهادي💥

شهد من شدة الصدمة لين قعمزت ع الكرسي، تخيلو بنت اكرم تحت يدين شهد. حاليا، لفت الدنيا ورجع اكرم لحياة شهد 😱💔
شهد: حنينة اسمها سهام صح؟ وماما شن اسمها؟ 🥺💔🤔
وتين: ماما اسمها رغد، اي نينا اسمها سهام تعرفيها! 🥲
شهد: زمان كنت تقرا مع بابا وحنينة قرتنا ☺️🦋
تمت الحصة وشهد طلعت حكت كل شي لندى وهي مش مستوعبة اللي صار ولا كيف؟! 😯😯🦋
ندى: بنته؟ متاكدة! في فصل رهف هي؟ حي، كيف هكي حي اصبري نستوعب 😯😯🤍
شهد: اي مع رهف في نفس الفصل والمقعد برضو قسما بالله تقول اني لما كنت صغيرة، تشبهلي، لكن البنت ماذنبها شي مهما كان 🥺💔
ندى: اي صح ملايكة حرام يوخيتي، لكن انتي ربي يعطيك علي قد نيتك الطيبة وقلبك الابيض🥺🤍
شهد: شن بناخد من الحقد ترا قوليلي؟ انتي اكتر وحدة تعرف اني شنو🥺🦋
فات شهر والكل نفس الحال مافيش حاجة مميزة 😶
شهد تقري في المدرسة والطلبة كلهم يحبوها وهي مالت هلبا لوتين وحبتها هلباا 🦋
وتين تروح للحوش تحكي لحناها وبوها علي ابلة شهد لكن اكرم مادارش في باله انها شهد نفسها، لان في باله مهندسة مش معلمة وشن قربها للتعليم؟ 🤔🤨
في يوم من الايامات شهد عندها خدمة مع الادارة عطلت في المدرسة لما طلعت لقت الصغار كلهم روحو والمدرسة فاضية، لقت وتين مزال قاعدة تستنى، وقفت عليها🥺🦋
شهد: تعالي هني صقع عليك. منو يروح بيك انتي؟ 🤔

وتين: مرات بابا ومرات حنينا بالسيارة، اني قاعدة عند حنينا لان ماما بتموت تندها سرطان🥺💔
شهد وجعها قلبها علي وتين، هدا علاش باين عليها الحزن صح رغد كانت مش كويسة مع شهد لكن بنتها بتدفع الثمن ولا بتنكسر علي امها، غمرتها وقعدت في حضنها لين شهد بكت لان وتين ناقصها حنان الام حرفياا🥺💔💔🦋
هدرزت عليها شوية وبعدين شهد بتروح قبل ماتشوف اكرم او سهام، لكن ……
شن بيصير زعما في الحلقة السادسة وعشرين؟ 🥀