رواية صداقة قلبت بجوازة الفصل الثاني 2 بقلم نشوة عادل

رواية صداقة قلبت بجوازة الفصل الثاني 2 بقلم نشوة عادل

رواية صداقة قلبت بجوازة البارت الثاني

رواية صداقة قلبت بجوازة الجزء الثاني

رواية صداقة قلبت بجوازة الحلقة الثانية

– وانا مش هخلى الموضوع ده يكمل يا نهلة والاحسن ليكى متعانديش لانك عارفة كويس انا ممكن اعمل ايه
نهلة بصريخ: انت ايه يا اخى انت لا منك ولا كفاية شرك انا مبقتش فاهمة حاجة انا مين ولا انا بالنسبة ليك ايه؟
اسلام: انتى البيست فريند بتاعتى
نهلة بتهكم: بيست فريند يعنى صاحبتك مش حبيبتك يعنى انت هتكون لغيرى وانا لغيرك واظن ان من حقى اعيش حياتى وافوق لنفسى بدل ما اضيع من عمرى سنين تانيين واطلع لوحدى خسرانة
اسلام: يعنى ايه؟!
نهلة: يعنى من النهاردة احنا اصحاب وبس حدودك معايا انك صاحبى ملكش حق تقولى البسى ده وده لا حطى ده وده لا كلمى ده وده لا هتخرجى او لا يعنى ملكش اى حقوق عليا وبالنسبة لشريف انا هعطيله فرصة
اسلام: قصدك هتاخديه سد خانة
نهلة: سد خانة لمين معليش؟! الكلام ده لو حكايتى كان فيها طرف تانى بس انا كنت لوحدى بحارب فى علاقة فاشلة وميتة اصلا فازاى هيبقى سد خانة؟
اسلام بغضب: الاحسن ننهى الكلام لحد كده لان احنا متعصبين ولو اخدنا ع كلام بعض دلوقتى هنخسر بعض
نهلة: وعشان منوصلش للخسارة دى الاحسن ان كل واحد يخليه فى حاله
اسلام: نهلة انتى………….
نهلة مقاطعة: لو سمحت كفاية لحد كده وبعد اذنك روحنى عشان الوقت متأخر
اسلام : تمام
ركبوا العربية ووصلها لحد البيت نزلت من غير ولا كلمة وجريت طلعت ع شقتها وحمدت ربنا ان امها نايمة دخلت ع اوضتها وانفجرت بالعياط وفضلت ع الحال ده لحد ما نامت
فى اليوم التالى راحت نهلة ع الاتليه وكانت سرحانة وتايهة واتعصبت ع واحدة من الزبائن
منة صاحبتها للزبونة: انا اسفة جدا حضرتك هى متقصدش
الزبونة بغضب: ولا تقصد مش هتفرق اصلا انا ميشرفنيش اتعامل مع واحدة زيها
مشيت الزبونة وراحت منة لنهلة: فى ايه يا بنتى مالك النهاردة؟
نهلة بعياط: تعبانة يا منة وزهقانة ومبقتش فاهمة اى حاجة من اللى بتحصلى انا تعبت
منة: اهدى بس وفهمينى فى ايه؟
نهلة: اسلام هيجننى خلاص انا مبقتش فاهمة هو عاوز منى ايه اوقات بحس انى اهمه واوقات بحس انى مش ف دماغه اصلا انا تعبت
منة: طب ومسألتهوش ليه؟
نهلة: كل مرة بسأله بيرد نفس الرد انتى البيست فريند
منة: يبقى خلاص بما انه مش حاسس بيكى وبحبك ده يبقى ميستاهلكيش صونى قلبك ووفرى حبك ده للى يستاهله
نهلة: قصدك ايه؟!
منة: قصدى انك تنسى اسلام ده خالص وتعطى فرصة لشريف واطلبى منه يتقدملك انا واثقة انك لما تعرفى شريف كويس هتحبيه
نهلة: وانتى جايبة الثقة دى كلها منين؟
منة: عشان حساكى لايقة ع شريف اكتر وانكم ثنائى متفاهم
نهلة: دماغى هتنفجر من كتر التفكير خلاص هموت
منة: هقولك ع حاجة حلوة صلى استخارة وخدى قرارك النهائى اللى يدلك عليه قلبك اعمليه
نهلة: حاضر انا هقوم اروح حاسة انى تعبانة اوى
منة: ماشى يا قلبى وانا هخلى بالى من الاتليه متقلقيش
نزلت نهلة ركبت تاكسى وروحت ع البيت قفلت فونها ونامت … كان اسلام ف شغله رن عليها كتير فونها مقفول: ماشى يا نهلة انا هعرفك ازاى تقفلى فونك
فضل صاحبه: فى ايه يا معلم ما تركز فى الورق اللى فى ايدك
اسلام: مش عارف اركز فى اى حاجة يا عم نهلة قافلة فونها وانا قلقان عليها
فضل: ما ترن ع رقم الاتليه
اسلام: ايوة صح ايه الغباء اللى انا فيه ده
رن ع فون الاتليه وردت منة: الو ايوة
اسلام: ازيك يا منة عاملة ايه
منة بتنهيدة: الحمدلله يا اسلام
اسلام: امال نهلة فين برن عليها من الصبح فونها مقفول هى بخير؟
منة: لا مش بخير هى تعبت وروحت
اسلام بخوف: ايه ليه مالها ايه اللى حصل وازاى تسبيها تمشى لوحدها وهى تعبانة؟!
منة: تعب نهلة مش جسدى ده نفسى والبركة فيك
اسلام : فيا انا؟ قصدك ايه بالكلام ده؟!
منة: مقصديش حاجة يا اسلام ع العموم هى كلمتنى من رقم والدتها وطمنتنى انها روحت عن اذنك عشان عندى شغل
قفلت منة السكة من غير ما تسمع رده …. فضل: ها اطمنت
اسلام: مش هطمن الا لما اشوفها او اسمع صوتها
فضل: طب لما انت واقع اوى كده ما تتقدم ليها يا ابنى
اسلام: مش هينفع يا فضل انا ورايا التزامات وحمل لازم اكون اده ابويا مات وساب فى رقبتى بنتين عاوزين يتعلموا ويتجوزوا وانا المسؤل عنهم
فضل: كلام جميل ويحترم بس الكلام ده مجرد شماعة يا اسلام بتعلق عليها تأجيلك للحوار ده بس صدقنى هتندم لما تلاقيها فى حضن غيرك وهتتوجع العمر كله
حس اسلام بنغزة قوية بقلبه لما فكر ان شريف ممكن يتقدم ليها وتوافق …اسلام : طب اعمل ايه؟
فضل: ولا حاجة هتاخد امك وتروح تقابل اهلها وتطلب ايدها سهلة اهى
اسلام: ربنا يقدم اللى فيه الخير
بعد ما عدى اسبوع دخلت نادية ام نهلة وقالت: جهزى نفسك يا قلبى فيه عريس واهله جايين يشوفوكى النهاردة
نهلة باستغراب: عريس! عريس مين يا ماما؟
نادية بغمزة: يا بت ع ماما جهزى نفسك مفيش وقت الناس ع وصول
خرجت نادية وقعدت نهلة ع السرير تكلم نفسها: معقول شريف؟ بس هو مقاليش ليه انه هيجى؟ مفاجأة مثلا! اوف انا تعبت بجد
مسكت فونها ورنت ع منة عشان تيجى تساعدها وتكون معاها … فى الليل وصل العريس وعيلته ولما دخلت نهلة عشان تتعرف عليهم اتصدمت لما لقت العريس اسلام ووووووووووو………………

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية صداقة قلبت بجوازة)