رواية اكتفيت بك الفصل الأول 1 بقلم إيمان شلبي

رواية اكتفيت بك الفصل الأول 1 بقلم إيمان شلبي

رواية اكتفيت بك البارت الأول

رواية اكتفيت بك الجزء الأول

رواية اكتفيت بك الحلقة الأولى

انا بحذرك يارحمه بحذرررك تطفشي العريس بتاع النهارده ..
رحمه ببراءه مصطنعه : انا يابنتي ؟ هو انا برضو بتاعه الكلام ده استغفر الله
اختها وهي بتلوي بوقها بسخريه : لا انا اللي بتاعه الكلام ده
رحمه وهي بترقص بمرح : انا مش بتاعه الكلام ده انا كنت طول عمري جاااا*مده
اختها : اومال
مامتها بقرف : انا خارجه برا ،البسي وحصليني عشان تقابلي العريس
رحمه بابتسامه صفراء : عونيا
اختها بخفوت : استر ياللي بتستر
رحمه بابتسامه صفراء : ايه هتفضلي واقفالي كتير !
اختها بتوتر : هه ،ا انا واقفه مستنياكي يعني عشان نخرج سوا
رحمه : يعني مش ماما هي اللي قالتلك تقفي معايا عشان خايفه مني ؟ توء توء واقفه عشان نخرج سوا
اختها بغيظ : مانتي يتخاف منك الصراحه ،انتي مش فاكره اخر عريس عملتي فيه ايه !!
رحمه وببراءه : لبست*ه طبق الجاتوه في وشه حصل ايه يعني !
اختها بسخريه : لا محصلش حاجه ده اخد غ*رزتين في وشه بس مش اكتر
رحمه بلا مبالاه :قضاء وقدر !
اختها : طبعاااا
رحمه ببرود : طب يالا ياحبي نطلع
اختها باستغراب : نطلع فين !
رحمه بضحك : هنطلع فين يعني ،طالعين نقابل العريس !
اختها وهي بتلطم علي وشها بغيظ: هنطلع نقابل العريس وانتي كده !!
شاورت عليها وهي لابسه بجامه وشبشب ورافعه شعرها بعشوائية وشكلها شبه المت*سولين ..
رحمه بمرح : مش عاجبك طلقني
اختها : يابنتي ،يابنتي الله يهديكي بلاش تفضحينا
رحمه بعناد : انا هخرج كده عاجبكوا تمام مش عاجبكوا مش خارجه خالص وخلي العريس يقابلك انتي بقي ..
اختها بقله حيله : لا وعلي ايه اخرجي كده ،انا مالي
وفعلا خرجت كده وكل اللي شافها استغرب ،مش معقوله تكون ديه العروسه ديه اكيد اختها ،مفيش عروسه تخرج تقابل عريسها بالمنظر العره ده …
ابو العريس وهو بيحمحم بتوتر : ا ومال فين العروسه ياجماعه
رحمه وهي حاطه ايديها في وس*طها باستغراب : مش عاجباك انا ولا ايه !
ام العريس بقرف: انتي العروسه
ام رحمه باحراج من تصرفات بنتها : احم ،د ديه مش العروسه ياجماعه ديه الش*غاله ..
رحمه وهي بتض*رب علي ص*درها بصدمه : نهار اسود بقي تقولي علي بنتك شغاله ،اخس عليكي ياماما وانا اللي كنت فاكراكي امي وبتحبيني ،في ام تقول علي بنتها شغاله ،اخس لا بجد اخس الغوا رحلتشي ..
ام رحمه واختها كانوا قاعدين في نص هدومهم ورحمه واقفه تبصلهم بغيظ ..
العريس كان قاعد يبص من تحت لتحت وبيضحك بهدوء وهو متوقع أن ده اللي هيحصل لأنه عارف انها مج*نونه …
العريس بجمود: معلش ياجماعه ممكن تسبوني شويه انا ورحمه
ابو العريس : بس يابني..
العريس : بعد اذنك يابابا سبونا شويه
رحمه وهي بتبصله بشراسه : انت عايز مني ايه !
العريس قام وقف وق*رب منها وهي بصاله بتوتر ووشها بقي احمر : ا انت بت*قرب ليه ياعم انت ..
العريس وهو بي*قرب منها وحاطط أيده في جيبه : بصي يارحمه ..
رحمه بتوتر وهي بتبلع ريقها : ن نعم ياسطا
العريس بضحكه مستفزه : لا ياسطا ايه انا مش سواق ميكروباص ،انا مهندس واسمي عبد الرحمن
رحمه بتوتر اكبر : ن نعم يابشمهندس
عبد الرحمن :طفشتي كام عريس لحد دلوقتي !
رحمه وهي بتبلع ريقها : ع عشره
عبد الرحمن وهو واقف قدامها وحاطط أيده في جيبه : ليه !
رحمه بتوتر : ا الاول الجاتوه بتاعه مكانش عاجبني
عبد الرحمن : والتاني !
رحمه : ا البدله بتاعته لونها كان اصفر ،يرضيك يا عب رحمان !
عبد الرحمن بمزاح : محمد هنيدي ده ولا ايه !
رحمه وهي بتضحك : وربنا قولت كده زيك هههههههه
عبد الرحمن مضحكش وسألها بجمود : والتالت كانت ايه اسبابك !
رحمه بخفوت : هقولك بس متقولش لحد !

عبد الرحمن بخفوت هو كمان : سرك في بير
رحمه بخفوت : بيقولي مفيش شغل بعد الجواز والستات ملهاش غير المطبخ ،قولتله وانت مش قاعد في المطبخ ليه انت مش من ضمن الستات !!
عبد الرحمن : يخربيتك..طب والرابع
رحمه : بصراحه بصراحه كده ،احم مكانش فيه غلطه
عبد الرحمن: اومال رفضتيه ليه !
رحمه : عشان مفيهوش غلطه واسلوبه حلو ومش بتاع بنات وعنده فلوس ومفيش اي غلطه خالص …
عبد الرحمن باستغراب : ايوه برضو فين السبب !
رحمه بتلقائية: اكيد في خا*زوق فيما بعد فرفضت قبل ما اخد خاز*وق
عبد الرحمن: جدعه
رحمه : الله يخليك يابشمهندس
عبد الرحمن : والباقي رفضتيهم ليه !
رحمه : خد عندك ،واحد عينه خضرا وشعره اصفر وشغال في شركه بترول وحاجه كده اللهم صل علي النبي قمر ..
عبد الرحمن باستغراب اكبر : ايوه ماله يعني !
رحمه : اسمه احمد
عبد الرحمن : لا ده خا*زوق ده جدعه
رحمه : والتاني دكتور اسنان وطول بعرض وقمر برضو
عبد الرحمن بجنون: ورفضتيه ليه هو كمان !
رحمه : بقوله شيماااااااااااااااء قالي مالها يرضيك !
عبد الرحمن : لا طبعا جااااجا
رحمه بفخر واعجاب : جدع فهمتني
عبد الرحمن : والباقي رفضي ليه !
رحمه : بساله لو قولتلك في يوم عايزه حاجه حلوه هترد تقولي ايه ! قالي هجبلك اللي انتي عايزاه …
عبد الرحمن : ملوش حق طبعا ،المفروض يقولك هو في احلي منك حاجه عشان اجيبها !
رحمه بابتسامه عريضه : انت ازاي كده ..
عبد الرحمن بضحكه خطفت قلبها : كملي والتلاته التانين رفضتيهم ليه !
رحمه بتلقائيه : لبس*ت واحد منهم بطبق جاتوه في وشه
عبد الرحمن : احم احم ليه!
رحمه بعصبيه : بيقولي انتي قمر ..
عبد الرحمن : وهو قال اي يعني عشان تلب*يسه طبق الجاتوه حرام عليكي !
رحمه باحراج وتوتر: م مش عارفه ،ايه ده ثانيه انت قاعد تاخد وتدي معايا كده في الكلام ولا كانك صاحبي ،بقولك ايه انا مش هتجوز اصلا خد بعضك انت والست الوالده والحج واتكل ..
عبد الرحمن ببرود : لا انا مش همشي من هنا غير وانتي مراتي ياقطه ..
رحمه بسخريه : أن شاء الله ياحبيبي روح كل جاتوه ..
عبد الرحمن : هناكل دلوقتي انا وانتي وماما وناهد وكلنا …
رحمه : نينينينينيني …
عبد الرحمن : موافقه مش كده ..
رحمه بشراسه : لاا.
عبد الرحمن ببرود : يبقي علي بركه الله كتب الكتاب والدخله يوم الخميس اللي جاي …
رحمه بعصبيه : انت عايز تجنن*ي ولا ايه انا مقولتش موافقه !
عبد الرحمن ببرود : بس انا موافق ..
رحمه: بس

عبد الرحمن بمقاطعه وتحذير من عيونه العسلي اللي خطفتها: هتوافقي بالذوق ولا احكي لامك علي البل*اوي بتاعتك اللي بتعمليها ،اولها انك فت*حتي دم*اغ واحد قبل كده والبوليس كان بيدور عليكي بس لولا تدخلي ،ثاني حاجه انك شايله مادتين في الكليه ومخبيه عليها ،ثالت حاجه..
رحمه بمقاطعه وتوتر : ببببسسس انا موافقه ..لولولولولولولي
امها من برا بصدمه : هي ديه رحمه اختك
اختها بصدمه اكبر : هو تقريبا كده والله اعلم ممكن نكون بنحلم
عبد الرحمن خرجلهم وقال بابتسامه وغرور : رحمه وافقت ياجماعه باركولنا …
رحمه وهي بتض*ربه بحاجه علي دماغ*ه وقع علي الأرض بآلم : ومين قال إني موافقه يابشمهندس
اختها بصدمه وهي بتلط*م : يخربيي*ييتك هبب*تي ايه هنتسجن
رحمه بفخر لنفسها : أن شاء الله يفقد الذاكره زي بتوع الروايات وارفضه برضو
وضحكت ضحكات شر*يره وهي بتبصله بانتصار …

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية اكتفيت بك)