رواية قمر مشوه الفصل الرابع والعشرون 24 بقلم اية عطية
رواية قمر مشوه الفصل الرابع والعشرون 24 بقلم اية عطية
رواية قمر مشوه البارت الرابع والعشرون
رواية قمر مشوه الجزء الرابع والعشرون
رواية قمر مشوه الحلقة الرابعة والعشرون
قمر/انا عملت ايه
امينه/الأكل اللي جوه دا و كمان التنضيف برا
قمر/مش فاهمه ما دا اللي كل يوم بعمله ايه الجديد
امينه/الجديد انك بقيت من اصحاب البيت دا و مينفعش تعملي اللي كنتي بتعمليه
قمر /ليه إن شاء الله
امينه/علشان انتي من انهارده هتبقي هانم
قمر /هانم ….اه و بعدين
امينه/بصي أن مش هتكلم معاكي أما تنزل ست وفاء و كارم بيه هما اللي هيقوليلك ايه ينفع و ايه مينفعش
قمر /هو انا عملت ايه علشان دا كله
امينه/كل اللي انتي عملتيه غلط
قمر /ايه الغلط في كدا
في هذه الأثناء كانت تهبط وفاء من أعلي الدرج
امينه/اهي ست وفاء نزلت هيا تقولك
وفاء/صباح الخير
قمر و امينه/صباح النور
وفاء/اقولها ايه في ايه يا امينه
امينه/ست قمر……
قطعتها قمر
قمر /ست ايه ……من أمتي دا
وفاء/مش وقته يا قمر
ثم نظرت الى امينه
وفاء/كملي يا امينه
امينه/ست قمر صحيت من بدري قامت نضفت و جهزت الفطار و انا بقولها معدش ينفع تعمل كدا و هي مفيش فايده
وفاء/بس كدا
امينه/ايوة
وفاء/طب روحي انتي كملي اللي وراكي
ثم أمسكت قمر من يدها
وفاء/و انتي تعالي معايا
و اخذتها و خرجت الي الحديقه و جلست وفاء و قمر في المقعد المقابل لها
قمر /ممكن اعرف ايه الغلط اللي عملته
وفاء/بصي يا حبيبتي اللي كنتي بتعمليه امبارح انهارده مينفعش
قمر /ايوة ليه بقه مينفعش
وفاء/علشان انتي كنتي امبارح مساعده هنا إنما انهارده انتي صاحبه بيت
قمر /طيب حلو الكلام مش انا صاحبه بيت
وفاء/ايوة
قمر /يبقي صاحبت البيت من حقها تعمل اللي هيا عايزاه في بيتها
وفاء/دا لما منكتش عندها إمكانيات أن يبقي في حد يساعدها
قمر /حتي لو في إمكانيات لحد يساعدها الست بردو بيبقي ليها بصمه في بيتها
وفاء/مش في الطبقه اللي احنا فيها
قمر /خلاص و انا مش من الطبقه دي
وفاء/ازاي يعني
قمر /انا متربتش علي كدا ماما علمتني كل حاجه و كانت دائما تقولي الست الشاطره اللي تعرف تعمل كل حاجه
وفاء/و هي الست الشاطره متبقاش شاطره غير لما تهلك نفسها في شغل البيت
قمر /لا ماما علمتني ان كل حاجه و ليها وقتها يعني في وقت للبيت و وقت للعيال و وقت لجوزي و وقت لنفسي
جاءت وفاء للتحدث تحدث قبلها كارم
كارم/برافو عليكي يا قمر بس بردو مفيش مانع انك ترتاحي شويه علشان انتي لسه صغيره و خالي كل الكلام اللي قولتله دا نفذيه عملي لما تتجوزي و ساعتها هتبقي شاطره بجد إنما دلوقت تنتبهي لمذكرتك و بس
قمر /حاضر يا جدو
في الوقت دا هبطت نيلي و مالك أيضا
نيلي/يلا بينا علي الكليه يا قمر
قمر /ايوة يلا
كارم/مش هتفطرو الاول
نيلي/هنفطر في الكليه سلام
مالك/استنوا انا هوصلكم و ارجع اخدكم
نيلي/يلا يا باشا
و اخذهم و غادور باتجاه السياره
و كانت وفاء تنظر لقمر بغضب
كارم/مالك يا وفاء
وفاء/بقالي ساعه بقنع فيها و حضرتك في ثانيه قولتلها كلمتين قالتلك حاضر يا جدو
كارم/انتي بس معرفتش تدخللها الدخله التمام
وفاء/مش مهم المهم انها اقتنعت
جاء إليهم مصطفي
مصطفي/هي مين دي اللي اقتنعت
وفاء/قمر
مصطفي/اقتنعت بايه
وفاء/ب………
و بدات تقص له ما حدث
اما في الجراج الخاص بالسيارات
كانت نيلي تقنع قمر بالجلوس في الامام و قمر ترفض بشده
مالك/خالينا كدا كتير انتم هتتاخرو علي الكليه و انا هتاخر علي شغلي
نيلي/خلاص بقه يا قمر يلا
قمر /بس
نيلي/يخربيت شكلك بس ايه اركبي بقه يا شيخه نرفزتيني علي الصبح
و بعد إلحاح كبير صعدت بالامام
و صعدت نيلي بالخلف و وضعت سماعات الهاتف بأذنها و ظلت تعبس بالهاتف
اما مالك فكان في قمه سعادته لأنها بجانبه…….الي الان يظن أنه يحلم
مالك/عامله ايه انهارده
قمر /الحمد لله
مالك/نمتي كويس
قمر /ايوة
مالك بصوت خافت/عقبال ما تنامي في حضني
قمر /بتقول ايه
مالك/ها..لا و لا حاجه …..بقولك ايه صحيح
قمر /نعم
مالك/ايه رايك نعمل خطوبتنا يوم الخميس
قمر /نعم اللي هو كمان كام يوم
مالك/ايوة
قمر/لا استني شويه
مالك/استني ليه
قمر/مش عارفه
مالك/ما دام انتي مش عارفه انا عارف و مستعجل كمان و نفسي تبقي جواز علي طول مش خطوبه
اتكسفت قمر بشده صعد اللون الأحمر الي وجهها
مالك/بالهوية علي الخدود دي
قمر/لو سمحت بطل
مالك/حاضر هبطل بس وافقي علي الخطوبه
قمر/روح كلم جدو
مالك/يعني انتي موافقه
قمر/ايوة
مالك/دا انا هوصلكم و ارجع اكلم جدي علي طول
لم ترد قمر عليه و ظلت صامته و احمرار وجهها في تصاعد و من الداخل قلبها يرقص فرحا لتمسك مالك بها
و اوصلهم الي الجامعه و تركهم و ذهب سريعا عاءد إلي المنزل
اما في الجامعه
عندما دخلت قمر و نيلي اتجهت الأنظار جميعها الي قمر فجمالها يخطف الانظار و ظلت العيون تتبعها و قابلتها شهد التي فرحت بشده لصديقتها لأنها سوف تعيش حياتها بشكل طبيعي دون خوف من أنكر الناس عليها
و ذهب ثلاثتهم الي المدرج و جلسو بجانب بعضهم و دخل المعيد و بدات المحاضره و بعد الانتهاء ذهب الثلاثه نحو الكافتيريا حتي يأتي موعد المحاضره القادمه
🌿🌿🌿🌿🌿🌿🌿🌿🌿
في مكان آخر بالجامعه يقف شخص يتحدث بالهاتف
الشخص/انا واقف من ساعه ما جيت و هي مجتش و الله يا باشا
الاخر/ازاي يعني….. يعني هي مش هتيجي
الشخص/مش عارف
الاخر/طب هقولك
الشخص/قول يا باشا
الاخر/روح اسال عليها الدكاتره حبايبنا و اعرف منهم جت و لا لا و لو مجتش ظبط حد اول ما تيجي يبلغنا
الشخص/حاضر
🌿🌿🌿🌿🌿🌿🌿🌿🌿
قبل ذلك بقليل في الكافتيريا بالقرب من جلوس الفتيات يقف مجموعه من الشباب المستهتر
شاب١/شايف يلا القمر دا
شاب٢/دي طلقه يابني
شاب٣/دي تلاقيها من الدفعه الجديده
شاب١/طب يلا بينا
شاب٣/طب بالهداوه احنا مش عايزين وش مش عايزين نبدا السنه بمشاكل
شاب٢/فعلا مش عايزين نلفت النظر
شاب١/انتم مال قلبكم بقه ضعيف ليه
شاب٢/لا ضعيف و لا حاجه يلا بينا
و ذهب الثلاثه الي البنات
شاب١/صباح الفل
نظر الفتيات الي الشباب باستغراب دون رد
شاب٢/طب رد الصباح ياقمر
قال هذا و هو ينظر لقمر
نظر الفتيات باستغراب و قلق من اين علم اسمها
شاب٣/انتم سنه أولي لسه
لم تتمالك شهد نفسها اكتر من كدا و خرجت عن صمتها
شهد/جري ايه يا اخويا انت و هو رميت السلام و محدش رد يبقي من الأدب تاخد بعضكم و تمشو
شاب٢/و من الأدب بردو انكم تردون علينا
شهد/و مين قالك أن احنا عندنا ادب
شاب٣/طب حلو بما انكم معندكوش ادب و لا احنا كمان عندنا ادب يبقي نتعرف علي بعض
خرجت نيلي هي الأخري
نيلي/نتعرف انتم من بتوع نتعرف طب احنا اسفين احنا مبتعرفش
شاب١/ليه
شهد/انا اقولك ليه
و قامت بخلع الحذاء الخاص بها و علي غفله قامت بضرب الشخص الذي أمامها و فعلت نيلي كما فعلت شهد و أمسكت الاخر أما الثالث فحاول فض الشباك بينهم و قمر اخذت تساعد اصدقاءها و قامت بضربهم هي الأخري بيدها
و علا صوتهم و استمع لهم أمن الجامعه وذهبوا سريعا إليهم لكي يفضو الاشتباك
و بعد وقت كان يقف الجميع أمام مكتب عميد الجامعه
العميد/ايه في ايه
شهد/يا دكتور احنا كنا قاعدين في الكافتيريا في امان الله و جم الشباب دول علينا و اقعدو يديقونا بالكلام
شاب ١/احنا يدوب بنقول صباح الخير لقناهم نزلوا فينا ضرب
نيلي/يعني هنضربكم من الباب للطاق
العميد/خلاص ثم نظر للشباب احنا لسه في اول السنه و دا اول و اخر إنذار المره الجايه رفد
الشباب/اسفين يادكتور و دي اخر مره
العميد/طب اتفضل يلا علي محضارتكم
و ذهب الشباب الي الخارج و أثناء خروجهم دخل ادم و معه دكتور اخر
ادم/السلام عليكم
العميد/و عليكم السلام اتاخرت كدا ليه انت و هو
الدكتور الاخر/اسفين يا دكتور
العميد/طب استنوا ثانيه
ثم نظر باتجاه البنات و نظر أيضا ادم و الدكتور اللذي معه الي ما ينظر له العميد
العميد/و انتم دي مش اول مشكله ليكم و البنت التانيه فين
نيلي/بنت مين
العميد/اللي دكتور يحيى ضربها بالقلم
شهد/هي دي
قالت هذ و هي تشير الي قمر
العميد/لا مش دي
نيلي/ لا هي دي يا دكتور
العميد/دي ازاي
شهد/هو موضوع كبير بس هي دي قمر
العميد/و ريني البطاقه بتاعك
أخرجت قمر البطاقه الشخصيه الخاصه بها
قمر /اتفضل يا دكتور
العميد/انتي عمليه عمليه يعني بس لحقني تعمليها أمتي
شهد/باختصار يا دكتور قمر كانت معرضه للقتل و كانت متخفيه تحت القناع اللي حضرتك شوفتها بيه و لما الموضوع خلاص اتحل هي خلعت الماسك
العميد/تمام المهم انتم لسه سنه أولي امال اما تبقو تالته و رابعه هتعمل ايه
نيلي/احنا اسفين يا دكتور بس هما اللي ابتدو
ادم/خلاص عندي يا دكتور المره دي
العميد/هي مره عندك و مره عند صحبك
ادم/اوعدك تكون اخر مره
العميد/اما اشوف بس عايز اعرف انتم تعرفون منين
ادم/الانسه دي تبقي بنت خالت مالك و الانسه دي ودي أصحابها
نيلي/معلوماتك قديمه انا فعلا بنت خاله مالك و قمر تبقي بنت عمته مالك و إن شاء الله عن قريب هتبقي خطبته و شهد صاحبتنا
ادم بصوت منخفض/و ان شاء الله هتبقي خطبتي
العميد/دا اخر إنذار ليكم انتم كمان اتفضل يلا
و خرج الفتيات من المكتب و ذهب نحو المحاضره الخاصه بهم
و تبقي ادم و معه زميله لكي يتحدثون في أمور خاصه
و بعد انتهاء المحاضره خرجت الفتايات و ذهبت باتجاه باب الخروج و لكن وقف بطريقتهم ادم
ادم/خلصتو يا بنات
نيلي/ايوة
ادم/طب تعالو اقولكم انا و مالك زي الاخوات و اكتر
نيلي/متشكرين مالك جي يخدنا
🌿🌿🌿🌿🌿🌿🌿🌿🌿
و علي بعد منها كان يقف الشخص الذي كان يتحدث في الهاتف منذ قليل
كان و مازال يبحث عن الفتاه حتي جاء له شخص آخر
الشخص الآخر/مالك يا رافت واقف كدا ليه
رافت/دكتور فؤاد لا مفيش حاجه
فؤاد/ايه اخبار دكتور يحيى
رافت/تمام
فؤاد/سلملي عليه انت الوحيد اللي كنت قريب منه الكل كان بعيد عنه من اسلوبه
رافت/يلا اهو اترفد علشان خاطر حته بت مشوهه
فؤاد/اسكت مش مطلعتش مشوهه
رافت/قصدك ايه
فؤاد /قصدي أنها مطلعش مشوة و كانت عامله كدا علشان في حد كان عايز يقتلها و طلعت قمر و هي قمر بجد
رافت/انت علي كدا شوفتها من غير اللي كان علي وشها
فؤاد/ايوة بص هناك كدا هي البنت اللي في النص دي
قال ذلك و هو يشاور باتجاه ادم و البنات
رافت/يخربيت جمال امها دي طلعت قمر بجد
فؤاد/ مش بقولك
🌿🌿🌿🌿🌿🌿🌿🌿🌿
و في ذلك الوقت كان قد عاد مالك إليهم كما وعدهم و هذه المره اخذ شهد و أصر أن يقم بتوصيلها إلي منزلها و عاد هو الي المنزل الخاص بعائله السيوفي و معه نيلي و قمر
و عند دخولهم و جدو كارم يجلس و معه مصطفي و وفاء علي السفره
وفاء/ولاد حلال يلا اغسلوو اديكم و تعالو
و بعد قليل عادو و بداو بتناول الطعام و بعد الانتهاء
و هم يجلسون في غرفه الصالون
كارم/عامله ايه انهارده يا قمر
قمر /الحمد لله
كارم/كان مالك كلمني في موضوع خطوبتكم
اتكسفت قمر بشده
كارم/ايه رايك يا قمر
قمر/……….
كارم/قمر ردي
ابتسمت قمر و لم تتحدث
وفاء/خلاص يا عمي السكوت علامه الرضا و متحرجهاش اكتر من كدا
مصطفي/علي بركه الله
كارم/خلاص يا مالك جهز نفسك علي يوم الخميس
مالك/ربنا يخليك يا جدي….من بكرا هنزل احجز اكبر قاعه في البلد
كارم/اللي انت عايزة انت وقمر اعمله
قمر/احم احم بعد اذنك يا جدي
كارم/نعم يا قمر
قمر /كنت بقول يعني ملهوش لزوم قاعه و كدا و احنا ممكن نعملها هنا علي الضيق
مصطفي/ازاي يا بنتي دا فرحك انتي و مالك و كمان فرصه نعلن فيها انك حفيدته السيوفي
قمر/خالي الفرح الكبير دا يوم الفرح
مالك/امال دلوقتي ايه
قمر /دلوقتي خطوبه
مالك/طب ما تيجي نخليها فرح مره واحده
قمر /مالك
مالك/خلاص طب بقولك ايه ايه رايك نعمل…………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قمر مشوه)