رواية الصفقة الفصل الأول 1 بقلم مريم خالد

رواية الصفقة الفصل الأول 1 بقلم مريم خالد

رواية الصفقة البارت الأول

رواية الصفقة الجزء الأول

رواية الصفقة الحلقة الأولى

مساء الخير يا حج رمضان…
رمضان :مساء النور يا بنتي… مين ست شادو… ازيك يا ست البنات؟!
شادو:الحمد لله… ايه اللي سمعته دا يا حاج… انت لو عايز تخسرني مش هتتصرف كدا… الا لو كنت عايز تنهي التعامل معايا ومع شركتي بقى؟!!!
رمضان :لا طبعا… حضرتك عارفة اني بتعامل معاكي ومن قبلك كنت بتعامل مع والدك فاروق بيه… ومن قبل كل حاجة ابويا كان مبيتعاملش غير مع جدك الحاج صالح الشرقاوي ربنا يديله الصحة يا رب
شادو :الله… طب م انت عارف اهو ان شغلك كله معانا… رايح ليه بقى تدي محصولك ل يونس!!
رمضان: يا ست الكل انتي عارفة اني مبحبش ادخل نفسي فالحرب بتاعتكوا دي… بس انتي عارفة…الشغل شغل
شادو:ازاي ي حاج مش عايز تدخل نفسك فالحوارات والحرب وفنفس الوقت رايح تتفق مع يونس ضدي… وبعدين هو او عمي مستحيل يدفعوا قد اللي كنت انا بدفعه..
رمضان:والله من ناحية الفلوس.. ف عمك معملش حاجة يونس ابنه هو اللي اتفق معايا.. وكمان لما قولتله انك اتفقتي معايا عالمحصول الجديد.. صمم انه ياخده هو ولو بضعف التمن… وانتي عارفة يا ست الكل ان دا سوق.. والسوق مكسب وخسارة
(بتمشي شادو وبتدي ضهرها ل رمضان..)

شادو: خليك فاكر يا رمضان انك اخترت… وانا زي ما انت قولت.. فحرب.. والحرب مبتفرقش.. فمتزعلش بقا ياا.. يا حاج
رمضان في سره :وبعدين بقا ف لعب العيال دا… ايه العيلة المجانين دول؟!
(بتمشي شادو وتركب عربيتها وبيمشي وراها رجالتها….
شادو بنت ف نص العشرينات..ملامحها عربية اصيلة..بشرتها خمري وعيونها عسلي..شعر بني طويل..متخرجة من كلية سياسة واقتصاد لكنها فضلت تشتغل وتمسك مصانع وشركات خاصة ب ابوها.. وببراعة قدرت انها تفهم السوق لحد ما بقت من اهم سيدات الاعمال… من عيلة كبيرة وجدها راجل غني و عنده مجموعة شركات الشرقاوي للاستيراد والتصدير.. وزي ما فهمنا ان ليها عدو وهو يونس ابن عمها وطبعا عمها وابوها بيحاربوا بعض فالسوق … لكن ابوها وعمها بيحبوا بعض والموضوع بالنسبة ليهم تسلية.. الا ان شادو ويونس واخدين الموضوع جد جداا… اه صحيح.. يونس.. عنده 30 سنة.. خريج تجارة من الجامعة الامريكية.. ملامحة متفرقش كتير عن باقي افراد عيلته اللي بيتميزوا بالطول والشعر البني الناعم والبشرة الخمرية.. بيشتغل مع ابوه وقدر انه يحقق انجازات كتير من وقت ما اتخرج رغم انه سنه صغير)
-وصلت شادو الشركة –
داليا:ايه… سبع ولا ضبع؟!!
شادو :رمضان الخاين… باعني ليونس … انا بجد بكرهه
داليا:حاج رمضان؟!

شادو :لا… يووونس
داليا :انا نفسي افهم هو يعني مفيش غير الراجل اللي انتي بتتعاملي معاه عشان يونس دا ياخد منه المحصول هو كمان؟!
شادو:انتي عبيطة يا بنتي؟!!… انتي مش عايشة معانا.. احنا ف الحرب دي بقالنا سنتين.. هو بيردلي حركة الشركة اليابانية اللي عملتها فيه السنة اللي فاتت.. لانه كان مستني العرض بتاعهم بفارغ الصبر ولاني اول ما عرفت عملت offer احلى من بتاع شركته ..فاليابانيين فضلوا التعامل معايا… بس بصراحة.. ضربة معلم.. اعترف انها حلوة… اختار الوقت اللي انا فيه مشغولة ومعتمدة عالحاج رمضان ف ال deal داومعاد التسليم قرب.. وهو عارف … قفا قانوني يعني
داليا :معنى كدا انه ليه جواسيس عندنا؟!
شادو :طبعا.. زي ما انا عندي جواسيس لحسابه… هو كمان عنده جواسيس لحسابي
داليا:انتوا وصلتوا للي انتوا فيه دا ازاي؟! انتوا مش كنتوا مخطوبين يا بنتي؟!
لينا :مخطوبين ايه يا بنتي.. دا كان كلام عيال كدا… اصل زمان لما كنا كلنا عايشين مع جدو صالح .. كان يعني بيقول ان يونس وانا نتجوز بما اننا ولاد عم وكدا… انتي عارفة يعني دماغ الناس القديمة دي.. خصوصا الصعايدة اللي زي جدو
داليا : طب ايه هتعملي ايه.. التسليم كمان شهرين.. وانتي معندكيش خطة بديلة للي حصل.
شادو :هعمل ايه يعني.. هبعت mail للشركة دي واقولهم ان حصل ظروف هتخليني اتاخر شهرين كمان.
داليا:طب لو موافقوش.. طبعا هتضطري تدفعي الشرط الجزائي.. هو كان كام صحيح؟!
شادو :مليون دولار

داليا : وانتي معاكي المبلغ؟!
شادو : طبعا مش متوفر سيولة تكفي دلوقتي.. بس انا اللي فارق معايا ان انا مش عايزة صورتي تتهز قدام الناس دي.. انا بجد مصدقت ان اسم الشركة بتاعتنا بقا مسمع كدا.. ومصدقت ان بعد ما اتعاملت مع الشركة اليابانية.. اتعاملت مع الصين والهند و المجر وهولندا… وكان نفسي اكمل واتعامل مع الشركة السويدية دي.. بس للاسف شكلها كدا باظت
داليا : لا خير ان شاء الله متقلقيش
شادو : يا رب يبنتي ادعي …ادعي كتييير
-بيجي رسالة ل شادو-
داليا : شوفي كدا ليكون حاج رمضان غير كلامه
شادو: تفتكري… بس لا.. مظنش.. دا لو عمل كدا هيبقا مقلب من يونس مش اكتر..
-بتقرا شادو الرسالة-
شادو:يا خبر.. جدو
داليا : خير يا شادو بتجري ليه.. استني بس..
شادو :جدو تعب وراح المستشفى انا هروح على هناك.. لو شفتي مراد قوليله يجيلي على هناك
داليا:حاضر.. ابقي طمنيني..
شادو:ok..

-في المستشفى-
شادو : لو سمحتي.. اوضة الجحاج صالح الشرقاوي فين؟!
موظفة الاستقبال:حضرتك لسه الاستاذ سائلني حالا تقدري تروحي معاه
-بتبص شادو –
شادو بسخرية : مين دا اللي اروح معاه.. قوليلي لو سمحتي الاوضة رقم كام؟!
بيبص الشخص دا للصوت وبيلتفتله
يونس ببرود : دايما صوتك عالي.. ولا دا يمكن عشان متعصبة شوية النهاردة… خير حد ضايقك ولا حاجة عالصبح يا بيبي
شادو بعصبية :لا عاش ولا كان… انا اصلا ميفرقش معايا الحركة دي.. انت صحيح لعبتها حلو.. لكن انا عندي plan B كدا كدا
يونس : good for you يا شوشو.. بجد هكون مبسوط منك اوي..
شادو: العفو يا يويو
يونس : ولازمتها ايه بقا نضايق بعض م انتي عارفة اني مبحبش الاسم دا
شادو: oops… Sorry .. نسيت خالص يا يويو
يونس: تمام.. انا هقدر انك لسه متاثرة من علقة الصبح..
فاروق : بس بقا بطلوا خناااق… قاعدين تتخانقوا ومش مراعيين انكوا فالمستشفى؟!
شادو: اسفة.. بس ابن اخوك مستفز وبارد ومعنـ
يونس : شايف يا عمو بتقول ايه… انا ساكت عشان خاطرك انما هي اصلا متستاهلش.. دي عيلة رخمة ومناخيرها فالسما وخنيـ

فؤاد: انتوا الاتنين شوية عيال متربتش
شادو: عمو فؤاد وحشتني
فؤاد : لو وحشتك بجد كنتي جيتي زورتيني.. انما انتي وحشة
يونس : ما انا بقول كدا من بدري محدش صدقني
شادو : شايف يا عمو
فؤاد : اخرس يا ولد.. دي بنت عمك زي القمر..
– بتحضن شادو عمها وبخبث بتطلع لسانها ليونس –
– يونس بيشوفها وبيعض على سنانه وبعدين بيقول بخبث-
يونس : عن اذنكوا بقا انا هروح اشوف جدو حبيبي عمل ايه
شادو: طبعا يا ملاك… حاسب لا الاسانسير بيقفل عليه
يونس : هو ايه دا.. جناحي؟!
شادو:لا.. ديلك

-بيضحك الكل و بيروحوا لاوضة صالح-
وهما بيقربوا عالاوضة بيسمعوا صوت زعيق
صالح : انا 100 مرة اقول مبحبش الحقنننن
فؤاد: يلا يا فاروق نلحق بابا قبل ما يقتل الدكتور والممرضة
فاروق : دا لو لاقيناهم اصلا عايشين
صالح: اهلا… ما كنتوا تتاخروا كمان شوية
فؤاد : حمد الله على سلامتك يا بابا
صالح: اهلا يا خويا
فاروق : الف سلامة يا حاج.. الدكتور قال انها حاجة بسيطة ان شاء الله وهتروح معانا
صالح : شرفت يا خويا انت كمان
شادو: جدو حبيبي الف سلامة عليك
صالح: اهلا اهلا اهلا حبيبة قلب جدو تعالي في حضني يا حبيبتي
يونس: الف سلامة يا حبيبي
صالح: الله يسلمك يا حبيبي انت
فاروق بيهمس ل فؤاد: طب ايه.. نمشي احنا

صالح وهو بيبصلهم بحدة : تعالولي… انتوا بقالكوا قد ايه يا اندال ما جيتوش تشوفوني؟!
فاروق : انا عارف والله يا بابا اني مقصر في حقك.. لكن ضغط الشغل مش مخلي عندي وقت
فؤاد: اه والله يا بابا.. انا عن نفسي بقالي شهرين مسافر امريكا ولسا راجع امبارح
صالح : حلو اوي… يبقا انتوا معندكوش وقت.. والمكان اللي ممكن نتجمع فيه هو البيت
فؤاد: ازاي يا بابا ما احنا بنقولك معندناش وقت
صالح: ايوا عشان كدا هنتجمع فالبيت
فاروق: ازاي يعني يا بابا.. قصدك ايه…
صالح : قصدي اللي فهمتوه… نرجع تاني نعيش كلنا فالقصر بتاعي
– الكل باستغراب… اييه؟!!! –
صالح : اللي سمعتوه والا والله ما انتوا ولادي ولا اعرفكوا
-الكل بيبص لبعضه بدهشة –
صالح : يلا اطلعوا برة سيبوني لوحدي … انا هخرج بكرة باذن الله.. ارجع البيت الاقيكوا.. فاروق يجيب نيڤين و شادو وفؤاد يجيب سلوى ويونس و ديما… امكوا هتفرح بيكوا اوي… يلا.. اشوفكوا بكرة…. يلا بقول عايز انام… ما تتحركوا متنحين ليه؟!!
-الكل.. حاضر –

فؤاد : وبعدين.. هنعمل ايه؟!
فاروق : هنروح وامرنا لله… يعني هنعمل ايه.. اهو نريحه يومين وبعدين نبقا نرجع كل واحد لبيته
شادو: no way .. انا مستحيل اعيش مع الكائن دا فبيت واحد
يونس: قال يعني انا اللي هموت واعملها… انا مش طايق نفسي اكتر منك اصلا
شادو: انت اصلا تطول… يبني فوق.. انت متحلمش اصلا انك تعيش معايا فبيت واحد
يونس : فعلا محلمش.. عشان دا مش حلم.. دا كاابووس
فاروق لفؤاد: طب تصدق.. اراهنك لو روحنا بالاتنين دول ابوك نفسه هو اللي هيطردنا
-في بيت فاروق-
شادو: ازاي جدو يفكر كداااا
نيڤين: اهدي شوية…. ممكن

شادو: ازاي يا مامي ازااي…. اقعد معاه في بيت واحد… مينفعش.. انا كدا شغلي كله هيبوظ
نيڤين: بالعكس يا عبيطة انتوا ممكن تستغلوا انكوا مع بعض وتتحدوا بدل ما تتخانقوا.. صدقيني يونس طيب اوي
شادو: مين دا اللي طيب.. الطيب بتاعكوا دا مخسرني مليون دولار النهاردة الصبح.. مكنتش لسه اخدت ال coffee بتاعتي
فاروق: ممكن تبطلي زعيييق… قولتلك هما يومين.. ابقي تعالي على نفسك واشتغليهم فالشركة ومتشتغليش فالبيت… ايه وجع الدماغ دا
نيڤين : طب والله انا وحشني جو العيلة دا اوي
-بيت فؤاد-
يونس : جو بيت عيلة ايه يا ماما دا اللي وحشك… بقولك دي مش سهلة.. مش هي شبرين اهي.. بس والله ممكن تضيعنا كلنا.. وخاصة انها حطاني في دماغها بعد حوار الحاج رمضان
سلوى : يونس.. عيب تقول كدا عن بنت عمك.. دي طيبة والله
ديما : فعلا يا يونس… دي لطيفة جدا.. انا معرفش انت مبتحبهاش ليه
– بيسكت يونس ويفتكر اللي حصل بينه وبين شادو…. –

يتبع ….

لقراءة الفصل التالي : اضغط هنا 

لقراءة جميع فصول الرواية اضغط على (رواية الصفقة)