رواية الجحيم هو أنت الفصل الرابع 4 بقلم سولييه نصار

رواية الجحيم هو أنت الفصل الرابع 4 بقلم سولييه نصار

رواية الجحيم هو أنت البارت الرابع

رواية الجحيم هو أنت الجزء الرابع

رواية الجحيم هو أنت الحلقة الرابعة

-أه …
فضلت اصرخ جامد واعيط ودراعي جمبي مش قادرة احركه …الأ لم كان شديد …مكنتش اتخيل ان بابا يعمل فيا كده …
-ها هتيجي نكتب الكتاب ولا اكـ سر ايديكي التانية كمان ؟!
كنت ببكي ومردتش عليه …ضحك وقال:
-نكـ سر الايد.التانية وماله..
وبعدين قرب ومسك دراعي التاني وكان هيكـ سره بالفعل بس فجأة دخل علاء ابن عمي وبعد بابا عني ووقف قدامه وقال :
-كفاية ..كفاية بقا ظلـ م ….
كان بيصرخ وهو متعصب وبعدين كمل بنفس عصبيته:
-بتعاملونا كأننا بها يم ملناش أي اراء !!!أنا مش عايزة أتجوزها ولا هي عايزة تتجوزني يبقى خلاص ليه الاجبار هو أنتوا اللي هتعيشوا ولا احنا !!!
-لا هتتجوزها يا علاء …
ده كان كلام عمي الكبير ابو علاء اللي دخل فجأة …بصله علاء بغضب فكمل:
-لو متجوزتهاش هحرمك من الورث. .
-احرمني مش مهم …بس مش هتجوزها …حرام عليكم كفاية اللي حصل …دي هر بت من البيت بسبب الضغط عليها …لولا ان جلال واهله كويسين مكناش هنعرف إيه اللي ممكن يحصل ليها…أنتوا عايزين كده …عايزين تد مروا حياتنا …احنا مش بها يم يا بابا عشان نسمع كلامكم من غير ما نفكر…شروق اختي وبس عمري ما فكرت فيها بطريقة تانية وهي كمان بتعتبرني اخوها الكبير ….
-علاء عنده حق الجواز ده مينفعش اصلا …
اللي قال كده كان خالي بعد ما دخل وبعدين كمل لبابا وقال:
-ولو عملت اللي في دماغك أنا هبلغ جلال واهله وهما يتصرفوا معاك !!!
……..
مر يومين كمان وبابا بعد عني وبطل يضر بني بس كمان رفض يجبس ايدي المكسورة لولا عمي اللي وداني الدكتور بالعافية …..
…….
مرت الايام بسرعة في البلد وانا هموت عشان اكلم جلال بس مش عارفة ووقتها كان داخل عيد الاضحى علينا عمتي بدأت تقرب مني وتعاملني كويس وانا كنت مستغربة بس مديتش خو انة….
-خلاص يظهر ان أبوكي اتقبل الوضع يا شروق برافو عليكي قدرتي تستحملي ..ودلوقتي داخل العيد لازم تلبسي فستان حلو كده …لازم يبان عليكي حلاوة العرايس كده وتشرفينا ….
كان لسه الكد مات باينة على وشي فطبطبت على راسي وقالت :
-واللي على وشك ده تداريه بمكياج ..
هزيت راسي وابتسمت …فحضنتني وقالت:
-تعرفي يا بت يا شروق أنا صحيح ابان خبيـ ثة بس بجد بحبك اووي …أنا اتصدمت بجد من اللي عملتيه عشان كده كنت زعلانة منك بس خلاص أنا اتفهمتك وابوكي كمان هيفهم ….
…..
يوم العيد…
طلعت من اوضتي وانا لابسة فستان لونه بنفسجي وحلو ..ولافة الطرحة بتاعتي وحطيت شوية ميكب وقررت اقعد مع العيلة…
أول ما شافتني عمتي قالت لابويا :
-اهي لابسة فستان بنفسجي ولا هاممها …صح ما انت لو حاكم مكانتش تعمل كده …
كنت مصدومة من تغيرها بالشكل ده ..حسيت انها بتتلون بكذا لون …قام ابويا وقدام كل العيلة ضر.بني بالقلم ودخلني الأوضة وحبسني …
عيشت في مرار باقي العيد ….
أخيرا بعد شهر كامل قضيته في البلد ابويا رجعني لما شاف اني منشفة دماغي ومش هعمل اللي هو عايزه ووقتها أول ما وصلت البيت بالليل بالضبط كان جلال واهلي عنده …
-انا طلبت منك تعاملها كويس لحد ما نجوزهم ايه لزوم اللي عملته ده ؟!
كان حمايا بيتكلم مع بابا بإنفعال …بابا بصله ببرود وقال:
-طول ما هي في بيتي أنا حر أعمل اللي عايزه…ده مجرد كتب كتاب وممكن يتفسخ في أي وقت !!
….
مرت سنة من أسوأ ايام حياتي فعليا كان ابويا بيعاملني اسوأ معاملة ضر ب واها نة وشـ تيمة لدرجة ان قبل فرحي بيومين ضربني بس أنا استحملت لاني قولت خلاص ان يومين وهرتاح …يومين وهكون مع اللي بحبه واللي يحبني ويعاملني كويس…..
…….
يوم الفرح ….
كنت مبتسمة وانا برقص مع جلال …فرحنا كان كبير هو صمم يعملي ليلة محصلتش …جلال اثبت انه مفيش منه بالفعل …هو بعد ما جيت من البلد اتقدملي تاني وقدام الناس وعمل شبكة كمان رغم أننا عاقدين …عمل كل حاجة بتبين انه بيموت فيا ….
-انا بحبك اووي يا جلال …انت الوحيد اللي انا بحبه دلوقتي …انت كل حياتي …
-وانتي كل حياتي …واغلى ما عندي ..
قالها بإبتسامة وهو بيبوس رأسي….
………
بعد أربع ايام ….
صحيت من النوم ولقيت جلال نايم جمبي …ابتسمت بسعادة وانا مش مصدقة …معقول بعد الاها نة والضر ب ابقى سعيدة للدرجادي ….معقول خلاص أنا ارتاحت كده …مش هزعل تاني …هفضل طول حياتي سعيدة …مكنتش مصدقة خصوصا ان جلال عيشني أجمل أربع ايام في حياتي ووعدني انه هياخدني شهر العسل لأي حتة اشاور عليها في اجازتنا …
انتبهت فجأة لما لقيت موبايل جلال وصلتله رسالة على الواتس …
مسكت التليفون ولقيت الرسالة من واحدة اسمها رانيا …
قلبي انقبض وفتحت التليفون وايدي بتترعش من حسن الحظ كنت حافظة الباسورد وفتحت المحادثة …حطيت ايدي على بوقي بصدمة وانا بشوف الكابوس اللي دمر حياتي …محادثة بين جوزي وواحدة غريبة من ابشع ما يكون ..كلمات خلتني اقر ف حرفيا ..مكنتش مصدقة ان جوزي بيخو ني واحنا مكملناش أربع ايام متجوزين !!!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الجحيم هو أنت)