رواية دميمه ولكن عشقني الفصل السابع عشر 17 بقلم آية أحمد

رواية دميمه ولكن عشقني الفصل السابع عشر 17 بقلم آية أحمد

رواية دميمه ولكن عشقني البارت السابع عشر

رواية دميمه ولكن عشقني الجزء السابع عشر

رواية دميمه ولكن عشقني الحلقة السابعة عشر

ﺩﺧﻞ ﻣﺮﻭﺍﻥ ﺍﻟﻐﺮﻓﻪ ﺍﺩﻋﺖ ﺟﻤﻴﻠﺔ ﺍﻟﻨﻮﻡ
ﻧﺎﻡ ﻣﺮﻭﺍﻥ ﺑﻌﺪﻣﺎ ﺑﺪﻝ ﻣﻼﺑﺴﻪ
ﻓﻲ ﺍﻟﺼﺒﺎﺡ ﺍﺳﺘﻴﻘﻆ ﻣﺮﻭﺍﻥ ﻭﺟﺪ ﺟﻤﻴﻠﺔ ﺟﺎﻟﺴﻪ ﻋﻠﻲ ﻛﺮﺳﻲ ﺍﻟﺼﺎﻟﻮﻥ
ﺍﻋﺘﺪﻝ ﻭﻗﺎﻝ ﻣﺤﺎﻭﻻ ﺍﻥ ﻳﺒﺪﻭ ﻃﺒﻴﻌﻴﺎ : ﺻﺒﺎﺡ ﺍﻟﺨﻴﺮ ﻳﺎ ﺣﺒﻴﺒﺘﻲ
ﻧﻈﺮﺕ ﻟﻪ ﺟﻤﻴﻠﺔ ﻭﻟﻢ ﺗﺠﻴﺒﻪ ﻓﻘﺪ ﻛﺎﻧﺖ ﺷﺎﺭﺩﻩ اقترب منها مروان وهو يقول : ايه يا حبيبتي مالك قاعده كدا ليه
نظرت له جميله بحزن ولم ترد عليه بل اخذت تنظر لعينيه
حاول مروان ان لا نظر لعينيها مباشره حتي لا تفضحه عينيه عما سوف يفعله بها
تركها وﺩﺧﻞ ﻣﺮﻭﺍﻥ ﺍﻟﺤﻤﺎﻡ ﺍﺯﺍﻝ ﺍﺛﺎﺭ ﺍﻟﻨﻮﻡ ﺗﻨﻬﺪ ﻭﻧﻈﺮ ﺍﻟﻲ ﺻﻮﺭﺗﻪ ﺑﺎﻟﻤﺮﺍﻳﺔ ﺍﻟﺤﻤﺎﻡ ﺍﻣﺴﻚ ﺣﻮﺽ ﺍﻟﺤﻤﺎﻡ ﻭﺟﺪ ﺩﻣﻮﻋﻪ ﺗﺘﺴﺎﻗﻂ رغم منه ﺣﺎﻭﻝ ﺍﻟﺘﻤﺎﺳﻚ وهو يمسح دموعه من وجنتيه ﺍﻟﺘﻘﺖ ﺍﻧﻔﺎﺳﻪ بضيق ﻭﻏﺴﻞ ﻭﺟﻬﻪ ﻣﺮﺓ ﺍﺧﺮﻱ
نظر مرة اخري لوجهه وهو يقول كيف لك ان تاذي حبيبتك كيف يمكنك ان تتحمل ان تاذي طفل لم يري يوما شمس الحياة ويتنفس هوائها انت طبيب مهمتك هو انقاذ حياة الناس من المرض والموت وانت الان مجرد قاتل يقتل روحا لا تعرف لاي ذنب اقترفت امسك راسه وضرب الحائط بقبضه يديه
مروان :بس يا مروان متفكرش كدا انت لازم تعمل دا مقدمكش غيره حبيبتك بتموت ﺧﺮﺝ ﻣﻦ ﺍﻟﺤﻤﺎﻡ ﻭﺟﺪ ﺟﻤﻴﻠﺔ تجلس علي كنبه الشيزلونج ﻣﺎﺯﺍﻟﺖ ﺗﻨﻈﺮ ﻟﻨﻘﻄﻪ ﻣﺎ ﺣﺎﺋﻂ ﺍﻟﻐﺮﻓﺔ ﺷﺎﺭﺩﻩ ﻋﻨﺪﻣﺎ ﺍﻗﺘﺮﺏ ﻣﻦ ﺟﻤﻴﻠﻪ ﻭﺟﻠﺲ ﺑﺠﺎﻧﺒﻬﺎ ﺍﺭﺗﻌﺶ ﺟﺴﺪﻫﺎ ﺑﺸﺪﻩ كانما مسكها صاعق كهربي
ﻣﺮﻭﺍﻥ ﻣﺘﻠﻬﻔﺎ : ﻣﺎﻟﻚ ﻳﺎ ﺣﺒﻴﺒﺘﻲ ﻭﺿﻊ ﻛﻒ ﻳﺪﻳﻪ ﻋﻠﻲ ﻛﺘﻔﻬﺎ ﺍﺭﺗﻌﺸﺖ ﺍﻛﺘﺮ ﻭﺍﺑﺘﻌﺪﺕ ﻗﻠﻴﻼ ﻋﻨﻪ
ﺟﻤﻴﻠﺔ : ﻣﻠﻴﺶ ﻳﺎ ﻣﺮﻭﺍﻥ
ﻣﺮﻭﺍﻥ بحزن عليها : ﺍﺯﺍﻱ ﻳﻌﻨﻲ ﺍﻧﺘﻲ ﺟﺴﻤﻚ ﺑﻴﻨﺘﻔﺾ ﻓﻲ ﺍﻳﻪ
ﺣﺎﻭﻟﺖ ﺟﻤﻴﻠﺔ ﻣﻨﻊ ﻧﺰﻭﻝ ﺩﻣﻮﻋﻬﺎ ﻭﻟﻢ ﺗﻨﻈﺮ ﻟﻪ حتي لا تنهار ﻗﺎﻟﺖ : ﺍﻧﺎ ﻛﻮﻳﺴﺔ يا مروان
ﺗﻨﻬﺪ ﻣﺮﻭﺍﻥ : ﺷﻜﻠﻚ ﻣﺮﻫﻘﻪ ﺍﻧﺎ ﻫﺮﻭﺡ ﺍﺟﻴﺒﻠﻚ ﻋﺼﻴﺮ ﻳﻬﺪﻳﻜﻲ ﻭﻗﻒ ﻣﺮﻭﺍﻥ ﻭﺗﻘﺪﻡ ﻧﺤﻮ ﻏﺮﻓﻪ ﻣﻼﺑﺴﻪ ببطء ﻛﻮﺭ ﻗﺒﻀﺔ ﻳﺪﻳﻪ ﺣﺘﻲ ﻳﺘﻤﺎﺳﻚ
ﺩﺧﻞ ﻣﺮﻭﺍﻥ ﻏﺮﻓﻪ ﺍﻟﻤﻼﺑﺲ ﻭﺍﺧﺮﺝ ﻣﻦ ﺩﻭﻻﺏ ﺍﻻﺩﻭﻳﺔ ﺷﺮﻳﻂ ﻣﻦ ﺍﻟﻤﻨﻮﻡ ﺍﻟﻘﻮﻱ ﺍﺧﺬ ﻣﻨﻪ ﻛﺒﺴﻮﻟﻪ واحده ﻭﻭﺿﻌﻪ ﻣﺮﺓ ﺍﺧﺮﻱ ﺑﺎﻟﺪﻭﻻﺏ ﺍﻟﺘﻔﺖ ﻭﺟﺪ ﺟﻤﻴﻠﺔ ﺧﻠﻔﻪ ﺟﺤﻈﺖ ﺣﺪﻗﺖ ﻋﻴﻮﻧﻪ
ﻣﺮﻭﺍﻥ ﺑﺘﻠﺠﻠﺞ : ﺍﻳﻪ ﻳﺎ ﺣﺒﻴﺒﺘﻲ ﺍﻟﻠﻲ ﻗﻮﻣﻚ ﺗﻌﺎﻟﻲ ﺍﺭﺗﺎﺣﻲ ﺍﺧﺬﻫﺎ ﻣﺮﻭﺍﻥ ﻭﺍﺟﻠﺴﻬﺎ ﻋﻠﻲ ﻛﺮﺳﻲ ﺍﻟﺼﺎﻟﻮﻥ ﻟﻢ ﺗﺴﺘﻴﻄﻊ ﺟﻤﻴﻠﺔ ﺍﻳﻘﺎﻑ ﺩﻣﻮﻋﻬﺎ ﻓﺎﻧﻬﺎ ﻧﺰﻟﺖ ﺩﻭﻥ ﺍﻥ ﺗﺸﻌﺮ ﻇﻞ ﺭﺟﻠﻴﻬﺎ ﻭﺟﺴﺪﻫﺎ ﻳﺮﺗﻌﺶ
مروان : انا هجيبلك العصير بسرعه تركها مروان ونزل للمطبخ ﺗﻘﺪﻣﺖ بخطي ﻧﺤﻮ ﺩﻭﻻﺏ ﺍﺩﻭﻳﺔ ﻣﺮﻭﺍﻥ ﺑﺤﺠﺮﺓ ﺍﻟﻤﻼﺑﺲ ﺍﺧﺬﺕ ﺷﺮﻳﻂ ﺍﻟﻤﻨﻮﻡ ﻧﻈﺮﺕ ﺑﻪ ﻭﺍﺧﺬﺕ ﺗﺒﻜﻲ ﺑﺸﺪﻩ وتجهش بالبكاء
وقف مروان بالمطبخ يصنع ﻛﻮﺏ ﺍﻟﻌﺼﻴﺮ ﻭﺿﻊ ﺑﻪ ﺣﺒﺎﻳﻪ ﺍﻟﻤﻨﻮﻡ ﺍﻏﻠﻖ ﻋﻴﻨﻴﻪ ﺑﺤﺰﻥ ﻓﺎﻧﻪ ﻟﻢ ﻳﻜﻦ ﻳﺘﺨﻴﻞ ﺍﻧﻪ ﺳﻴﺎﺗﻲ ﺍﻟﻴﻮﻡ ﺍﻟﺬﻱ ﻳﻔﻌﻞ ﺑﻪ ﺫﻟﻚ ﺑﺠﻤﻴﻠﻪ ﺗﻨﻬﺪ ﺑﻀﻴﻖ من ثم ﺻﻌﺪ ﻣﺮﻭﺍﻥ ﻭﻗﻒ ﻗﻠﻴﻼ ﺍﻣﺎﻡ ﺑﺎﺏ ﺍﻟﻐﺮﻓﺔ ﺍﻣﺴﺢ ﺩﻣﻮﻋﻪ ﻭﺩﺧﻞ ﺍﻟﻐﺮﻓﺔ ﺍﺻﺘﻨﻊ ﺍﻻﺑﺘﺴﺎﻣﻪ ﻭﺍﻗﺘﺮﺏ ﻣﻦ ﺟﻤﻴﻠﺔ ﻭﺟﺪﻫﺎ ﺗﺮﺗﻌﺶ ﺗﺮﻙ ﻛﻮﺏ ﺍﻟﻌﺼﻴﺮ ﻭﺿﻤﻬﺎ ﺍﻟﻴﻪ
ﻣﺮﻭﺍﻥ ﻭﻫﻮ ﻳﺤﺎﻭﻝ تهدئتها : ﺑﺘﺘﺮﻋﺸﻲ ﻟﻴﻪ ﻛﺪﺍ ﺍﺑﻮﺱ ﺍﻳﺪﻳﻚ ﺗﻬﺪﻱ ﻭﻣﺘﺘﺮﻋﺸﻴﺶ كدر
ﺟﻤﻴﻠﺔ ﻭﻫﻲ ﺗﺒﻜﻲ ﺑﺸﺪﻩ
ﻣﺮﻭﺍﻥ بحزن : ﺟﻤﻴﻠﺔ ﻣﺎﻟﻚ
ﺟﻤﻴﻠﺔ ببكاء : ﻣﻔﻴﺶ ﻳﺎ ﻣﺮﻭﺍﻥ ﺍﻧﺎ ﺗﻌﺒﺎﻧﻪ ﺷﻮﻳﻪ ﻭﺩﺍﻳﺨﻪ
ﻣﺮﻭﺍﻥ ﺑﺘﻠﺠﻠﺞ : ﺧﺪﻱ ﻛﻮﺑﺎﻳﺔ ﺍﻟﻌﺼﻴﺮ ﻋﻠﺸﺎﻥ ﺍﻟﺪﻭﺧﻪ ﻳﺎ ﺣﺒﻴﺒﺘﻲ ﻧﻈﺮﺕ ﻟﻪ ﺟﻤﻴﻠﺔ ﻧﻈﺮﺓ ﻣﺼﺘﺤﺒﻪ ﺑﺪﻣﻮﻉ
قائله بعينيها : معقوله يا مروان اهون عليك
ﻣﺮﻭﺍﻥ ﺑﺘﺮﺩﺩ ﻭﺍﺧﺬ ﻛﻮﺏ ﺍﻟﻌﺼﻴﺮ ﻭﺍﻣﺪﻩ ﻟﺠﻤﻴﻠﺔ
ﺍﺧﺬﺗﻪ ﺟﻤﻴﻠﺔ ﺑﻴﺪﻳﻬﺎ ﺍﻟﻤﺮﺗﻌﺸﺔ ﻭﺩﻣﻮﻉ
ﻣﺮﻭﺍﻥ ﺑﺎﺑﺘﺴﺎﻣﻪ ﻣﺼﺘﻨﻌﻪ : ﺍﺷﺮﺑﻲ ﻳﺎ ﺣﺒﻴﺒﺘﻲ ﻋﻠﺸﺎﻥ ﺗﺒﻘﻲ ﻛﻮﻳﺴﺔ
ﺍﻣﺴﻜﺖ ﺟﻤﻴﻠﺔ ﻛﻮﺏ ﺍﻟﻌﺼﻴﺮ ﻭﺍﺑﺘﻌﺪﺕ ﻋﻦ ﻣﺮﻭﺍﻥ وهي بداخلها تنكسر الي شظايا
ﻛﺎﺩﺕ ﺟﻤﻴﻠﺔ ﺍﻥ ﺗﺸﺮﺏ ﻭﺟﺪﺕ ﻣﺮﻭﺍﻥ ﻳﻔﺮﻙ ﺑﺎﺻﺎﺑﻌﻪ ﺑﺘﻮﺗﺮ وهو يبتلع ريقه
ﺟﻤﻴﻠﺔ ﺑﺘﻨﻬﺪ ﻣﺤﺎﻭﻟﻪ ﺍﻟﺘﻤﺎﺳﻚ امامه : ﻣﺮﻭﺍﻥ ﺍﻧﺖ ﻋﺎﻭﺯﻧﻲ ﺍﺷﺮﺏ ﺍﻟﻌﺼﻴﺮ ﺩﺍ ﻳﺎ ﻣﺮﻭﺍﻥ
ﻣﺮﻭﺍﻥ بتضايق : ﺍﻳﻮﺓ ياحبيبتي ﻻﺯﻡ ﺗﺸﺮﺑﻴﻪ ﻭﺍﺷﺮﺑﻴﻪ ﻛﻠﻪ
ﺟﻤﻴﻠﺔ ﺑﺤﺰﻥ : ﻭﺍﻧﺎ ﻫﺸﺮﺑﻪ ﻳﺎ ﻣﺮﻭﺍﻥ ﻋﻠﺸﺎﻧﻚ انت
ﺍﺭﺗﺸﻔﺖ ﺭﺷﻔﺔ ﻣﻦ ﺍﻟﻌﺼﻴﺮ
ﺍﻋﺘﺼﺮ ﻗﻠﺐ ﻣﺮﻭﺍﻥ ﻭﺍﻣﺘﻠﺊ ﻋﻴﻮﻧﻪ ﺑﺎﻟﺪﻣﻮﻉ ﺛﻢ ﺍﻣﺴﻜﺖ ﺍﻟﻜﻮﺏ واسكبتﺍﻟﻌﺼﻴﺮ ﺑﺎﻻﺭﺽ امام مروان
ﻣﺮﻭﺍﻥ ﺑﻐﻀﺐ : ﺍﻳﻪ ﺩﺍ ﻭﻗﻌﺘﻲ ﺍﻟﻌﺼﻴﺮ ﺍﺳﺘﻨﻲ ﺍﻋﻤﻠﻚ ﻭﺍﺣﺪ ﻏﻴﺮﻩ ﻭﻗﻒ ﻭﻫﻢ ﺑﺪﺧﻮﻝ ﺣﺠﺮﺓ ﺍﻟﻤﻼﺑﺲ ﻻﺧﺬ ﺷﺮﻳﻂ ﺍﻟﻤﻨﻮﻡ
ﺟﻤﻴﻠﺔ ﻭﻫﻲ ﺗﻤﺴﻚ ﺷﺮﻳﻂ ﺣﺒﻮﺏ ﺍﻟﻤﻨﻮﻡ
ﻗﺎﻟﺖ بغضب وهي تمسك الدواء بيديها: ﻣﺘﺘﻌﺒﺶ ﻧﻔﺴﻚ ﻭﺗﺪﺧﻞ ﺗﺪﻭﺭ ﻋﻠﻴﻪ ﻻﻧﻪ ﻣﻌﺎﻳﺎ
ﺻﺪﻡ ﻣﺮﻭﺍﻥ ﻣﻦ ﻭﺟﻮﺩ ﺷﺮﻳﻂ ﺍﻟﺤﺒﻮﺏ ﻣﻊ ﺟﻤﻴﻠﺔ
ﻣﺮﻭﺍﻥ ﻭﻫﻮ ﻳﻘﺘﺮﺏ ﻣﻨﻬﺎ : ﺟﻤﻴﻠﺔ ﺍﻧﺎ
ﺻﺮﺧﺖ ﺟﻤﻴﻠﺔ ﺑﻪ ﻭﻗﺎﻟﺖ : ﺍﻳﺎﻙ ﺗﻘﺮﺑﻠﻲ
ﻣﺮﻭﺍﻥ ﺑﺪﻣﻮﻉ : ﺟﻤﻴﻠﺔ ﺍﺳﻤﻌﻴﻨﻲ
ﺍﻣﺴﻜﺖ ﺟﻤﻴﻠﺔ ﻛﻮﺏ ﺍﻟﺰﺟﺎﺟﻲ ﻭﻛﺴﺮﺗﻪ ﻣﻤﺎ ﺟﺮﺣﺖ ﻳﺪﻳﻬﺎ ﺻﺮﺥ ﻣﺮﻭﺍﻥ ﺑﻬﺎ ﻣﺘﻠﻬﻔﺎ : ﺟﻤﻴﻠﺔ ﺣﺎﺳﺒﻲ ﺍﻳﺪﻳﻚ
ﺍﻣﺴﻜﺖ ﺟﻤﻴﻠﺔ ﺳﺮﻳﻌﺎ ﺍﺣﺪ ﻗﻄﻊ ﺍﻟﺰﺟﺎﺟﻴﺔ وضغطت عليها بيديها مما تسبب لها بجرح بيديها ﻭﺻﺮﺧﺖ ﺑﻤﺮﻭﺍﻥ
ﺟﻤﻴﻠﺔ بصراخ : ﺍﻗﺴﻢ ﺑﺎﻟﻠﻪ ﻟﻮ ﻗﺮﺑﺘﻠﻲ ﻫﻘﻄﻊ ﺷﺮﻳﻨﻲ
ﻣﺮﻭﺍﻥ وهو يحاول تهدئتها : ﺍﻋﻘﻠﻲ ﻳﺎ ﻣﺠﻨﻮﻧﻪ
ﺻﺮﺧﺖ ﺟﻤﻴﻠﺔ ﺑﻪ ﺑﺎﻗﺼﻲ ﺻﻮﺕ ﻟﻬﺎ ﻣﻤﺎ ﺭﻛﺾ ﺍﺣﻤﺪ ﻭﺷﺎﻫﻲ ﻟﻌﻨﺪﻫﻢ فقد كان الباب مفتوحا
ﺍﺣﻤﺪ متلهفا : ﻓﻲ ﺍﻳﻪ ﻣﺎﻟﻚ ﻳﺎ ﺟﻤﻴﻠﺔ ﺍﻳﻪ ﺍﻟﻠﻲ ﻋﻮﺭﻙ ﻛﺪﺍ
ﺟﻤﻴﻠﺔ ﻭﻫﻲ ﺗﺮﺗﻌﺶ ﻭﺗﻮﺟﻪ ﺍﻟﻘﻄﻌﻪ ﺍﻟﺰﺟﺎﺟﻴﻪ ﺍﻟﻴﻬﻢ جميعا ﻭﺗﻮﺟﻪ ﺑﺼﺮﻫﺎ ﻋﻠﻴﻬﻢ
ﺟﻤﻴﻠﺔ ببكاء وارتعاش : ﺍﻳﺎﻛﻢ ﺣﺪ ﻳﻘﺮﺏ ﻣﻨﻲ
ﻣﺮﻭﺍﻥ ﻭﻗﺪ ﺍﻣﺘﻠﺊ ﻋﻴﻮﻧﻪ ﺑﺎﻟﺪﻣﻮﻉ : ﺍﻫﺪﻱ ﻳﺎ ﺟﻤﻴﻠﺔ ﻫﺎﺗﻲ ﺍﻻﺯﺍﺯﺓ ﺩﻱ
ﺻﺮﺧﺖ ﺟﻤﻴﻠﺔ ﺑﻪ : اللي هيقربلي اقسم بالله لاذي نفسي واذيه انا خلاص مبقاش حاجه تهمني في الدنيا دي
ﺷﺎﻫﻲ بغضب : ﺍﻧﺘﻲ ﺍﺗﺠﻨﻨﺘﻲ ﺳﻴﺒﻲ ﺍﻟﺰﻓﺖ ﺍﻟﻠﻲ ﺍﻳﺪﻳﻚ ﺩﺍ وبطلي امور الهبل والجنان دا
ﺟﻤﻴﻠﺔ ﻭﻫﻲ ﺗﺼﺮﺥ ﺑﺸﺎﻫﻲ : ﻣﻠﻜﻴﺶ ﺩﻋﻮﺓ ﺑﻴﺎ ﺑﻘﻲ ﺍﺭﺣﻤﻴﻨﻲ ﺑﻘﻲ
ﺭﻛﻀﺖ ﺟﻤﻴﻠﺔ ﻟﺪﺍﺧﻞ ﺍﻟﺸﺮﻓﺔ ﻭﺍﻗﺘﺮﺑﺖ ﻣﻦ ﺳﻮﺭ ﺍﻟﺸﺮﻓﻪ
ﺭﻛﺾ ﺍﻟﺠﻤﻴﻊ ﺧﻠﻔﻬﺎ ﺻﻌﺪﺕ ﺟﻤﻴﻠﺔ ﻓﻮﻕ ﺳﻮﺭ ﺍﻟﺸﺮﻓﺔ في اقل من دقيقه
ﻣﺮﻭﺍﻥ بخوف عليها : ﺟﻤﻴﻠﺔ ﺍﺑﻮﺱ ﺍﻳﺪﻳﻚ ياحبيبتي ﺍﻧﺰﻟﻲ
ﺟﻤﻴﻠﺔ : ﻟﻮ ﻗﺮﺑﺖ ﻣﻨﻲ ﻫﺮﻣﻲ ﻧﻔﺴﻲ ﺍﻧﺎ ﺧﻼﺹ ﻃﻬﻘﺖ ﻣﻦ ﺍﻟﻌﻴﺸﺔ ﺩﻱ ﻣﺶ ﻋﺎﻭﺯﺓ ﺍﻋﻴﺶ معاكم مش عاوزة اعيش
ﺩﻣﻊ ﻣﺮﻭﺍﻥ : ﻻ ﻳﺎ ﺟﻤﻴﻠﺔ ﺑﻠﻴﺰ متقوليش كدا
احمد : جميله انزلي بس متخفيش محديش هياذيكي
جميله بصراخ : لا مش هنزل
مروان ببكاء : جميله
ﺟﻤﻴﻠﺔ ﻭﻫﻲ ﺗﺒﻜﻲ : ﺣﺮﺍﻡ ﻋﻠﻴﻜﻢ بقي ﻛﻠﻜﻢ ﺟﻴﺘﻮﺍ ﻋﻠﻴﺎ ﺗﻨﻬﺪﺕ ﻣﺤﺪﻳﺶ ﻓﻴﻜﻢ ﻓﻜﺮ ﻓﻴﺎ ﻋﺎﻭﺯﻧﻲ ﺍﻋﻴﺶ ﻋﻠﻲ ﺍﻗﻞ ﺍﻣﻮﺕ ﺍﻧﺎ ﻭﺍﺑﻨﻲ ﺍﻟﻠﻲ ﻓﻲ ﺑﻄﻨﻲ ﻣﻴﻤﻮﺗﺶ ﻟﻮﺣﺪﻩ
ﻣﺮﻭﺍﻥ ﺑﺪﻣﻮﻉ : ﺟﻤﻴﻠﺔ ﺍﻧﺎ ﻣﻜﻨﺘﻴﺶ ﻋﺎﻭﺯ ﺍﻗﻮﻟﻚ ﻋﻠﺸﺎﻥ ﻣﺘﺰﻋﻠﻴﺶ
ﺟﻤﻴﻠﺔ ﺑﺒﻜﺎﺀ : ﺍﺧﺮﺱ ﻣﺶ ﻋﺎﻭﺯﺓ ﺍﺳﻤﻊ ﺻﻮﺗﻚ ﺍﻧﺖ ﻣﺘﻔﺮﻗﺶ ﻛﺘﻴﺮ ﻋﻦ ﺍﺧﻮﻙ ﺍﻧﺘﻢ ﺍﻻﺗﻨﻴﻦ ﺩﺑﺤﺘﻮﻧﻲ ياريتني ماحبيتك ياشيخ ولا عرفتك ياريت كان قلبي اتقطع قبل ما يفكر يحب واحد زيك
مروان بدموع : بعد الشر عليكي
ﺷﺎﻫﻲ ﺑﻐﻀﺐ : ﺍﺧﺮﺳﻲ ﺍﻧﺘﻲ ﻳﺎ ﺑﻮﻣﻪ ﻳﺎ ﻭﺣﺸﻪ ﺍﻧﺎ ﻋﻴﺎﻟﻲ ﺍﺗﺠﻮﺯﻭﻛﻲ ﻋﻠﺸﺎﻥ ﻳﺠﺒﺮﻭﺍ ﺑﺨﺎﻃﺮﻙ ﺣﺎﺯﻡ ﻟﻮﻻ ﺍﻧﻪ ﺍﺗﺠﻮﺯﻙ ﻣﻜﻨﺶ ﺣﺪ ﻋﺒﺮﻙ
ﺟﻤﻴﻠﺔ ﺑﺒﻜﺎﺀ ﻣﺼﺎﺣﺐ ﻟﺼﺮﺍﺥ : ﺍﺳﻜﺘﻲ ﺍﺑﻮﺱ ﺍﻳﺪﻳﻚ ﺗﺴﻴﺒﻨﻲ ﺑﻘﻲ ﺍﻧﺘﻲ ﺍﻳﻪ ﻣﻘﺘﻨﻌﻪ ﺍﻥ ﺍﺑﻨﻚ ﻛﺎﻥ ﻣﻼﻙ ﺍﺑﻨﻚ ﺩﺍ ﺍﺳﻔﻞ ﺍﻧﺴﺎﻥ ﻭﺍﻗﺬﺭ ﺍﻧﺴﺎﻥ ﻗﺒﻠﺘﻪ ﻓﻲ ﺣﻴﺎﺗﻲ ﻣﻨﻪ ﻟﻠﻪ ﺩﻣﺮﻧﻲ ﺩﻣﺮﻧﻲ ﻭﺳﺮﻗﻨﻲ خد كل حاجه دمرني
ﺷﺎﻫﻲ ﺑﻐﻀﺐ : ﺍﺧﺮﺳﻲ ﻳﺎ ﻗﺬﺭﻩ ﺩﺍ ﺍﻧﺘﻲ ﺍﻟﻠﻲ ﺣﺮﺍﻣﻴﻪ ياتربيه الحواري
ﺟﻤﻴﻠﺔ ﺑﺒﻜﺎﺀ وصراخ : ﻓﻮﻗﻲ ﺑﻘﻲ ﺍﺑﻨﻚ ﺩﺍ ﻣﻜﻔﻬﻮﺵ ﺍﻧﻪ ﺍﻏﺘﺼﺒﻨﻲ ﻭﻋﻤﻠﻲ ﻋﻘﺪﺓ ﻧﻔﺴﻴﻪ ﻭﺟﺴﻤﺎﻧﻴﻪ ﻻ ﺩﺍ ﻛﺎﻥ ﺑﻴﺤﺎﻭﻝ ﻳﻘﺘﻠﻨﻲ ﺍﻧﺎ ﻭﺍﻟﻠﻲ ﻓﻲ ﺑﻄﻨﻲ ﻣﻜﻨﺶ ﺑﻴﺪﻳﻨﻲ ﺍﺩﻭﻳﺘﻲ ﻭﻟﻤﺎ ﺗﻤﺖ ﺍﻝ 21 ﺍﺩﺍﻧﻲ ﺣﺒﻮﺏ ﻫﻠﻮﺳﻪ ﻭﺧﻼﻧﻲ ﺍﻣﻀﻲ ﻋﻠﻲ ﺗﻨﺎﺯﻝ ﻋﻦ ﻛﻞ ﻣﻤﺘﻼﻛﺎﺗﻲ ﻭﺭﺛﻲ ﺍﻟﻠﻲ ﻛﻨﺖ ﻃﻮﻝ ﻋﻤﺮﻱ ﻧﻔﺴﻲ ﺍﺧﺪﻩ ﺍﺑﻨﻚ ﺍﻟﻘﺬﺭ ﺿﻴﻌﻪ ﻣﻦ ﺍﻳﺪﻱ
ﺟﻤﻴﻠﺔ ﺑﺼﺮﺍﺥ : ﻭﻳﺎﺭﻳﺘﻚ ﺭﺣﻤﺘﻴﻨﻲ ﺑﻌﺪﻳﻬﺎ ﻛﻨﺘﻲ ﺑﺘﻌﻤﻠﻴﻨﻲ ﻛﺎﻧﻲ ﻣﺬﻧﺒﻪ ﺍﻧﻲ ﺍﻧﺎ ﺍﻟﻠﻲ ﻗﺘﻠﺘﻪ ﻣﺮﻋﺘﻴﺶ ﺍﻧﻪ ﺍﺫﺍﻧﻲ ﻭﺍﻧﺎ ﻻ ﺣﻮﻝ ﻟﻴﺎ ﻭﻻ ﻗﻮﺓ ﻛﻨﺘﻲ ياريتك سكتي بعد لما مات بردو مرحمتنيش وكنتي ﺑﺘﻮﻗﻌﻲ ﺑﻴﻨﻲ ﻭﺑﻴﻦ ﻣﺮﻭﺍﻥ ﻭﺍﻧﺎ ﻣﻜﻨﺘﻴﺶ ﺑﺮﺿﻲ ﺍﻗﻮﻟﻪ ﻛﻨﺘﻲ ﺑﺘﺴﻤﻌﻴﻨﻲ ﺍﺳﻮﺀ ﻛﻼﻡ ﻋﻠﺸﺎﻥ ﺗﺠﺮﺣﻴﻨﻲ ﺑﻴﻬﺎ اني وحشه وجمالي علي قدي وتربيه حواري طيب الجمال دا بايد ربنا انا مليش دخل بيه لكن الناس اللي في الحواري دي احسن منك ياللي عايشه في قصور
نظرت لها شاهي وامتلئ عيونها بالدموع ولاول مرة تري جميله شاهي تضعف وتدمع
جميله :قوليلي ﻛﻨﺘﻲ ﺑﺘﻼﻗﻲ ﻣﻨﻲ ﺍﻳﻪ ﻏﻴﺮ ﺍﻻﺑﺘﺴﺎﻣﻪ ﻭﺍﻟﻤﻌﺎﻣﻠﻪ ﺍﻟﻄﻴﺒﺔ ﻛﺎﻥ ﻧﻔﺴﻲ ﺗﺎﺧﺪﻳﻨﻲ ﻓﻲ ﺣﻀﻨﻚ ﻭﺗﻌﺎﻣﻠﻴﻨﻲ ﻛﺎﻧﻲ ﺑﻨﺘﻚ ﻻﻧﻲ ﺍﻗﺴﻢ ﺑﺎﻟﻠﻪ ﺑﺤﺒﻚ ﺑﺲ ﻟﻼﺳﻒ ﺍﻧﺘﻲ ﺑﺘﻜﺮﻫﻴﻨﻲ ﻓﻴﻜﻲ ﺑﺘﺼﺮﻓﺎﺗﻚ ﺩﻱ نزلت دموع شاهي
ﻣﺮﻭﺍﻥ ﺑﺪﻣﻮﻉ : ﺟﻤﻴﻠﺔ ﺍﻫﺪﻱ ﻳﺎ ﺣﺒﻴﺒﺘﻲ ﺑﻠﻴﺰ
ﺟﻤﻴﻠﺔ : ﺍﺧﺮﺱ ﺍﻧﺎ ﻣﺶ ﺣﺒﻴﺒﺘﻚ ﺍﻧﺖ ﺍﻧﺴﺎﻥ ﺯﻱ ﺍﺧﻮﻙ ﺍﺧﻮﻙ ﻗﺘﻠﻨﻲ ﻛﺒﻨﺖ ﻭﺍﻧﺖ ﻋﺎﻭﺯ ﺗﻜﻤﻞ ﻣﺴﻴﺮﺗﻪ ﻭﺗﻘﺘﻠﻨﻲ ﻛﺎﻡ ﺣﺮﺍﻡ ﻋﻠﻴﻜﻢ ﺑﻘﻲ ﺍﺭﺣﻤﻮﻧﻲ
ﺷﻌﺮﺕ ﺟﻤﻴﻠﺔ ﺑﺎﻟﺪﻭﺍﺭ ﺭﻛﺾ ﻣﺮﻭﺍﻥ ﺍﻟﻴﻬﺎ ﻭﻟﻜﻨﻬﺎ ﺍﻭﻗﻔﺘﻪ ﺻﺎﺭﺧﻪ
ﺟﻤﻴﻠﺔ : ﻣﺘﻘﺮﺑﻠﻴﺶ
ﻭﻗﻒ ﻣﺮﻭﺍﻥ
ﺟﻤﻴﻠﺔ : ﺍﻣﺎ انت يا ﺧﺎﻟﻮ ﺍﻧﺖ ﺍﻟﻮﺣﻴﺪ ﺍﻟﻠﻲ ﻛﻨﺖ ﻇﺎﻟﻤﺎﻙ ﻓﻲ ﺍﻟﺒﺪﺍﻳﺔ ﺍﻧﺎ ﺑﺤﺒﻚ ﺍﻭﻱ ﻳﺎ ﺧﺎﻟﻮ ﺑﺲ ﺍﻧﺖ ﻇﻠﻤﺘﻨﻲ ﺯﻳﻬﻢ ﻟﻤﺎ ﻭﻓﻘﺖ ﻋﻠﻲ ﺍﻟﻠﻲ ﻣﺮﻭﺍﻥ ﻋﺎﻭﺯ ﻳﻌﻤﻠﻮﺍ
احمد : جميله علشان خاطري انزلي وانا مش هخليه يخدك
جميله ببكاء : لا انا انا مش هنزل
ﻣﺮﻭﺍﻥ ﺑﺼﻴﺎﺡ : ﺍﻧﺘﻲ ﻫﺘﻤﻮﺗﻲ ﻟﻮ ﻣﻨﺰﻟﺘﻴﺶ ﺍﻟﻄﻔﻞ ﺩﺍ ﺍﻓﻬﻤﻲ ﺑﻘﻲ
ﺟﻤﻴﻠﺔ ﺑﺒﻜﺎﺀ : ﻳﺒﻘﻲ ﺩﺍ ﻗﺪﺭﻱ ﺍﻧﺎ ﻋﺎﻭﺯﺓ ﺍﻣﻮﺕ ﻭﻣﻌﺶ ﻣﻌﺎﻛﻢ ﺗﺎﻧﻲ ﺍﻧﺎ ﻛﻨﺖ ﻏﺒﻴﺔ ﻳﻮﻡ ﻣﺎ ﺩﺧﻠﺖ ﺍﻟﺒﻴﺖ ﺩﺍ ﻭﻋﺮﻓﺘﻜﻢ ﻳﺎﺭﻳﺘﻨﻲ ﻛﻨﺖ ﻋﺸﺖ ﻓﻲ ﺍﻟﺤﺎﺭﺓ ﻓﻲ ﺷﻘﺘﻲ ﻟﺤﺪ ﻟﻤﺎ ﺍﻣﻮﺕ ﺍﻧﺎ ﺑﻜﺮﻫﻜﻢ ﺍﻧﺎ ﻛﺪﺍ ﻛﺪﺍ ﻣﻴﺘﻪ ﺻﺮﺧﺖ ﻭﻗﺎﻟﺖ ﺑﻜﺮﻫﻜﻢ ﺍﺷﺘﺪﺕ ﺍﻟﺪﻭﺍﺭ عليها ﻟﻢ ﻳﻤﺮ ﺳﻮﻱ بضع ﺛﻮﺍﻧﻲ ﺣﺘﻲ فقدت وعيها ﻭﻛﺎﺩﺕ ﺍﻥ ﺗﺴﻘﻂ ﺭﻛﺾ ﻣﺮﻭﺍﻥ ﺍﻟﻴﻬﺎ ﻭﺟﺬﺑﻬﺎ ﺍﻟﻴﻪ ﻟﻠﺪﺍﺧﻞ ﻟﺘﺴﻘﻂ ﺑﺤﻀﻨﻪ ﻛﺎﻧﺖ ﺟﻤﻴﻠﻪ ﺗﺎﺧﺬ ﺍﻧﻔﺎﺳﻬﺎ ﺑﺼﻌﻮﺑﻪ ﺣﻤﻠﻬﺎ ﻭﺭﻛﺾ ﺑﻬﺎ ﺳﺮﻳﻌﺎ ﻟﻠﺴﻴﺎﺭﺓ ﻭﺿﻌﻬﺎ ﺑﺎﻟﺴﻴﺎﺭﺓ ﻭﻗﺎﺩ ﺍﻟﺴﻴﺎﺭﺓ ﺑﺴﺮﻋﻪ ﻛﺒﻴﺮﺓ وركض احمد وشاهي وركبوا سيارتهم سريعا خلف مروان
ﺍﺧﺬﺕ ﺟﻤﻴﻠﺔ ﺗﺨﺘﺮﻑ : ﺍﺑﻨﻲ ﻣﻮﺗﻨﻲ ﺍﻧﺎ ﺑﻼﺵ ﺍﺑﻨﻲ ﺍﺑﻨﻲ لا هو ملهوش ذنب
ﺍﻣﺴﻚ ﻣﺮﻭﺍﻥ ﻳﺪﻳﻬﺎ ﻭﺻﻞ ﻣﺮﻭﺍﻥ ﻟﻠﻤﺸﻔﻲ
ﻧﺰﻝ ﻭﺣﻤﻠﻬﺎ ﻭﺭﻛﺾ ﺑﻬﺎ ﻟﺪﺍﺧﻞ ﺍﻟﻤﺸﻔﻲ ﻛﺎﻧﺖ ﻣﻨﺎﻝ ﺗﻨﺘﻈﺮ ﻣﺮﻭﺍﻥ
ﻣﻨﺎﻝ : ﺍﺗﺎﺧﺮﺕ ﻟﻴﻪ
ﻣﺮﻭﺍﻥ ﻭﻫﻮ ﻳﻀﻊ ﺟﻤﻴﻠﺔ ﻋﻠﻲ ﺍﻟﺴﺮﻳﺮ : ﻫﻲ ﻣﻐﻤﻢ ﻋﻠﻴﻬﺎ
ﻣﻨﺎﻝ : ﻣﺪﻳﺘﻬﺎﺵ ﺍﻟﻤﺨﺪﺭ ﻟﻴﻪ ﻭﻫﻲ ﺗﻔﺤﺼﻬﺎ
ﻣﺮﻭﺍﻥ ﺑﺪﻣﻮﻉ : ﺟﻤﻴﻠﺔ ﻋﺮﻓﺖ ﻛﻞ ﺣﺎﺟﺔ ﻳﺎﺭﻳﺖ تجهضيها ﺑﺴﺮﻋﻪ ﻋﻠﺸﺎﻥ متتعذبش ﺍﻛﺘﺮ ﻣﻦ ﻛﺪﺍ
ﻣﻨﺎﻝ : ﺗﻤﺎﻡ ﻫﺎﺗﻬﺎ ﺍﻟﻌﻤﻠﻴﺎﺕ ﻳﺎ ﻣﺮﻭﺍﻥ
ﺣﻤﻠﻬﺎ ﻣﺮﻭﺍﻥ ﻭﺗﺠﻪ ﺑﻬﺎ ﻧﺤﻮ ﺍﻟﻌﻤﻠﻴﺎﺕ ﻭﺿﻌﻬﺎ ﻋﻠﻲ ﺍﻟﺴﺮﻳﺮ وتركها للممرضات بعد قليل
ﺷﻌﺮﺕ ﺟﻤﻴﻠﺔ ﺑﺒﺮﻭﺩﺓ ﺍﻟﺠﻮ ﻓﺘﺤﺖ ﻋﻴﻮﻧﻬﺎ وجدتها ترتدي جلباب الاخضر الخاص بالعمليات وحافظه معقمه للشعر ﻭﺟﺪﺕ ﺿﻮﺀ ﻗﻮﻱ ﻣﺴﻠﻂ ﻋﻠﻲ ﻋﻴﻨﻴﻬﺎ
ﺻﺮﺧﺖ ﺟﻤﻴﻠﺔ ﻭﺣﺎﻭﻟﺖ ﺍﻻﻋﺘﺪﺍﻝ ﻟﻜﻨﻬﺎ ﻭﺟﺪﺗﻬﺎ ﻣﻘﻴﺪﻩ رجليها بعيده عن بعضهم البعض استعداد للعملية
صرخت جميله بالممرضات : فكوني فكونيييي
ﻧﻈﺮﺕ ﺟﻤﻴﻠﺔ ﺣﻮﻟﻬﺎ ﻭﺟﺪﺕ ﻣﺮﻭﺍﻥ ﻳﺮﺗﺪﻱ ﻣﻼﺑﺲ ﺍﻟﺘﻌﻘﻴﻢ ﻭﺟﻮﺍﻧﺘﻲ يدخل غرفه العمليات
ﺻﺮﺧﺖ ﺟﻤﻴﻠﺔ ﺑﻪ : ﻣﺮﻭﺍﻥ ﻗﻮﻣﻨﻲ ﻳﺎ ﻣﺮﻭﺍﻥ
ﺍﺗﻲ ﻃﺒﻴﺐ ﺍﻟﺘﺨﺪﻳﺮ ﻭﺍﺧﺬ ﻛﻒ ﻳﺪﻳﻬﺎ ﻏﺮﺱ ﺑﻪ ﺍﺑﺮﻩ ﺍﻟﻜﺎﻧﻴﻮﻻ
ﺟﻤﻴﻠﺔ ﻣﺘﺎﻟﻤﻪ : ﻣﺮﻭﺍﻥ ﺍﻟﺤﻘﻨﻲ ﺍﻗﺘﺮﺏ ﻣﺮﻭﺍﻥ ﻣﻨﻬﺎ ﻭﻫﻮ ﻳﺒﻜﻲ ﺍﻣﺴﻚ ﻛﻒ ﻳﺪﻳﻬﺎ ﻭﺿﻐﻂ ﻋﻠﻴﻪ
ﺟﻤﻴﻠﺔ ﺻﺎﺭﺧﻪ : ﻗﻮﻣﻨﻲ ﻳﺎ ﻣﺮﻭﺍﻥ ﻓﻜﻨﻲ ﻳﺎ ﻣﺮﻭﺍﻥ
ﻣﺮﻭﺍﻥ : ﻣﺶ ﻫﻴﻨﻔﻊ ﻳﺎ ﺣﺒﻴﺒﺘﻲ
ﺟﻤﻴﻠﺔ ببكاء: ﻻ ﺑﻠﻴﺰ ﻳﺎ ﻣﺮﻭﺍﻥ ﻣﺘﻘﺘﻠﺶ ﺍﺑﻨﻨﺎ ﺍﻧﺎ ﻣﺶ ﻫﻘﺪﺭ ﺍﺧﻠﻒ ﺗﺎﻧﻲ ﻣﺘﻤﻮﺗﻨﻴﺶ ﺑﺎﻟﺒﻄﺊ ﺳﻴﺒﻨﻲ ﺍﻧﺎ ﺍﻣﻮﺕ ﻭﺧﻠﻴﻪ ﻫﻮ ﻳﻌﻴﺶ
ﻋﻠﻖ ﻃﺒﻴﺐ ﺍﻟﺘﺨﺪﻳﺮ ﻣﺤﻠﻮﻝ ﻟﺠﻤﻴﻠﺔ ﻭﺍﺳﺮﻉ ﻧﺰﻭﻟﻪ وضع مشبك استشعار بموشرات النبض باصابعها وجهاز الضغط بذراعها
ﺻﺮﺧﺖ ﺟﻤﻴﻠﺔ ﻭﻫﻲ ﺗﺤﺎﻭﻝ ﺍﻥ ﺗﻔﻚ ﻧﻔﺴﻬﺎ
ﻣﺮﻭﺍﻥ ﺑﺪﻣﻮﻉ وهو ينظر لمؤشراتها الحيويه من الشاشه التليفزيونية: ﺍﻫﺪﻱ ﻳﺎ ﺣﺒﻴﺒﺘﻲ
ﺟﻤﻴﻠﺔ ﺑﺼﺮﺍﺥ : ﺳﻴﺒﻨﻲ ﺑﻘﻲ ﻟﻮ ﻛﻨﺖ ﻓﻌﻼ ﺑﺘﺤﺒﻨﻲ ﻣﺘﻌﺬﺑﻨﻴﺶ ﻛﺪﺍ ﻭﺗﻤﻮﺗﻴﻨﻲ ﺑﺎﻟﺒﻄﺊ ﻣﺮﻭﺍﻥ ﺍﻧﺖ ﻋﻤﺮﻙ ﻣﺎﻫﺘﺒﻘﻲ ﺍﺏ متموتهوش ابوس ايديك
ﻣﺮﻭﺍﻥ ﺑﺒﻜﺎﺀ : ﻣﺶ ﻋﺎﻭﺯ ﺍﺑﻘﻲ ﺍﺏ ﺍﻧﺎ ﻋﺎﻭﺯﻙ ﺍﻧﺘﻲ ياجميله
ﻃﺒﻴﺐ ﺍﻟﺘﺨﺪﻳﺮ : ﺍﺧﺪﺭﻫﺎ ﻣﻮﺿﻌﻲ ﻭﻻ ﻛﻠﻲ
ﻣﺮﻭﺍﻥ وهو يمسح دموعه: ﻛﻠﻲ ﻳﺎ ﻣﺤﻤﺪ
ﺟﻤﻴﻠﺔ ﺻﺎﺭﺧﻪ : ﻻﺍﺍﺍﺍﺍ ﺍﺑﻌﺪﻭﺍ ﻋﻨﻲ ﺍﺑﻨﻲ ﻻ ﺣﺮﺍﻡ ﻋﻠﻴﻜﻢ ﺩﺍ ﺍﻧﺎ ﻟﺴﻪ ﻣﺸﻔﺘﻬﻮﺵ ﺍﺑﻮﺳﻚ ﺍﻳﺪﻳﻚ ﻣﺘﻌﻤﻠﺶ ﻛﺪﺍ ﻓﻲ ﺍﺑﻨﻚ ﻳﺎ ﻣﺮﻭﺍﻥ
محمد : اهدي يا مدام مينفعش كدا رخي اعصابك
امسك مروان كف يديها : معنديش حل تاني غير دا يا جميله
صمتت جميله والتقتت انفاسها وازاحت وجهها بعيدا عنه
ﻭﺿﻊ ﻣﺤﻤﺪ ﻛﻤﺎﻣﻪ ﺍﻻﻛﺴﺠﻴﻦ ﻋﻠﻲ ﻓﻢ ﺟﻤﻴﻠﺔ اغلقت عيونها الدامعه واخذت تتنفس اكسجين
ﻣﺮﻭﺍﻥ : ﺳﻤﺤﻴﻨﻲ ﻳﺎ ﺟﻤﻴﻠﺔ ﻭﺍﻟﻠﻪ ﺩﺍ ﻛﻠﻪ ﻋﻠﺸﺎﻧﻚ ﻓﻘﺪﺕ ﺟﻤﻴﻠﺔ ﻭﻋﻴﻬﺎ ﺑﺎﻟﺘﺪﺭﻳﺞ ﺣﺘﻲ ﺍﻣﺘﻠﻚ ﺍﻟﺒﻨﺞ ﺟﺴﺪﻫﺎ ﺩﺧﻠﺖ ﻣﻨﺎﻝ ﺣﺠﺮﺓ ﺍﻟﻌﻤﻠﻴﺎﺕ
ﻣﻨﺎﻝ لمروان : ﺍﻧﺖ ﻫﺘﻜﻮﻥ ﻣﻮﺟﻮﺩ
ﻣﺮﻭﺍﻥ : ﺍﻫﺎ ﻣﺶ ﻫﺴﻴﺒﻬﺎ
ﻣﻨﺎﻝ : ﻫﻴﺒﻘﻲ ﺻﻌﺐ ﻋﻠﻴﻚ ﻳﺎﺑﻨﻲ
ﺗﻨﻬﺪ ﻣﺮﻭﺍﻥ ﻭﻗﺎﻝ : ﺍﺑﺪﺋﻲ ﻳﺎ ﻣﻨﺎﻝ
ﻣﻨﺎﻝ وهي تقول للممرضه : ﻣﺸﺮﻁ
ﺑﻌﺪ ﻋﺸﺮ ﺩﻗﺎﺋﻖ ﺍﺧﺮﺟﺖ ﻣﻨﺎﻝ ﺍﻟﺠﻨﻴﻦ ﻭﺍﻋﺘﻄﺘﻪ ﻟﻠﻤﻤﺮﺿﻪ ﻧﻈﺮ ﻟﻪ ﻣﺮﻭﺍﻥ ﺑﺘﺤﺴﺮ ﻭﺍﻣﺴﻚ ﻛﻒ ﺟﻤﻴﻠﺔ ﺑﺸﺪﻩ ﻟﻢ ﻳﻘﺪﺭ ﻋﻠﻲ ﻭﻗﻒ ﺩﻣﻮﻋﻪ ﻣﻦ ﺍﻟﻨﺰﻭﻝ
ﺑﻌﺪ ﺍﻧﺘﻬﺎﺀ ﻣﻨﺎﻝ ﻣﻦ عمليه التنظيف وتخيط الجرح ﻛﺎﻥ ﻣﺮﻭﺍﻥ ﻭﺍﻗﻒ ﻳﻨﻈﺮ ﻟﺠﻤﻴﻠﺔ
ﻣﻨﺎﻝ : ﺭﺑﻨﺎ ﻳﻌﻮﺽ ﻋﻠﻴﻚ ﻳﺎ ﻣﺮﻭﺍﻥ ﻭﻳﺼﺒﺮﻙ
ﻣﺮﻭﺍﻥ : ﻳﺎﺭﺏ
ﺧﺮﺟﺖ ﻣﻨﺎﻝ ﻇﻞ ﻣﺮﻭﺍﻥ ﺑﺠﺎﻧﺐ ﺟﻤﻴﻠﺔ ﺑﻐﺮﻓﻪ ﺍﻻﻓﺎﻗﺔ ﻓﺘﺤﺖ ﺟﻤﻴﻠﺔ ﻋﻴﻮﻧﻬﺎ ﺑﺒﻄﺊ ﺣﺎﻭﻟﺖ ﺍﻻﻋﺘﺪﺍﻝ ﻭﻟﻜﻨﻬﺎ ﺻﺮﺧﺖ ﻣﻦ ﺍﻻﻟﻢ ﺭﻛﺾ ﻣﺮﻭﺍﻥ ﻟﻌﻨﺪﻫﺎ ﻭﺍﺟﺒﺮﻫﺎ ﻋﻠﻲ ﺍﻟﺘﻤﺪﺩ
ﺟﻤﻴﻠﺔ بغضب وصراخ : ﻗﺘﻠﺖ ﺍﺑﻨﻚ ﻳﺎ ﻣﺮﻭﺍﻥ ﻗﺘﻠﺘﻪ ﻟﻴﻴﻴﻴﻴﻴﻪ
ﻣﺮﻭﺍﻥ ﻭﻫﻮ ﻳﺤﺎﻭﻝ ﺗﻬﺪﺋﺘﻬﺎ : ﺍﻫﺪﻱ ﺍﻟﺠﺮﺡ ﻫﻴﺘﻔﺘﺢ ﻛﺪﺍ
ﺟﻤﻴﻠﺔ : ﺍﺑﻌﺪ ﻋﻨﻲ ﻣﺘﻠﻤﺴﻨﻴﺶ ﺍﺑﻌﺪ ﻋﻨﻲ
ﺻﺎﺡ ﻣﺮﻭﺍﻥ ﺑﺎﻟﻤﻤﺮﺿﺔ : ﺣﻘﻨﻪ ﻣﻬﺪﺋﻪ ﺑﺴﺮﻋﻪ
ﺟﻤﻴﻠﺔ : ﻣﻨﻜﻢ ﻟﻠﻪ ﺍﻧﺎ ﺑﻜﺮﻫﻢ ﺩﻣﻌﺖ ﻋﻴﻮﻧﻬﺎ ﺑﻜﺮﻫﻚ ﺍﻭﻱ يامروان
ﺍﻋﻄﺘﻪ ﺍﻟﻤﻤﺮﺿﻪ ﺍﻟﺤﻘﻨﻪ ﻏﺮﺳﻬﺎ ﻣﺮﻭﺍﻥ ﺑﻴﺪ ﺟﻤﻴﻠﺔ ﻭﺍﻓﺮﻏﻬﺎ
ﺟﻤﻴﻠﺔ ﺑﺪﻣﻮﻉ ﻭﺻﺮﺍﺥ : ﺍﻩ ﺑﻜﺮﻫﻚ ﺑﻜﺮﻫﻚ ﺍﻭﻱ ﺩﻣﻌﺖ ﻋﻴﻮﻧﻬﺎ ﻭﺍﻏﻠﻘﺖ ﻋﻴﻮﻧﻬﺎ ﻣﺴﺘﺴﻠﻤﻪ ﻟﻠﻨﻮﻡ
ﺑﻌﺪ ﺳﺎﻋﺘﻴﻦ ﺍﺳﺘﻴﻘﻈﺖ ﺟﻤﻴﻠﺔ ﻭﺟﺪﺗﻬﺎ ﺑﻐﺮﻓﻪ ﺑﻬﺎ ﺳﺮﻳﺮﻳﻦ ﻛﺎﻥ ﺍﻟﺠﻤﻴﻊ ﺣﻮﻟﻬﺎ ﻣﻌﺎﺩﺍ ﻣﺮﻭﺍﻥ
ﺍﺣﻤﺪ : ﺣﻤﺪﺍﻟﻠﻪ ﻋﻠﻲ ﺳﻼﻣﺘﻚ ﻳﺎ ﺟﻤﻴﻠﺔ ﻧﻈﺮﺕ ﻟﻪ ﺟﻤﻴﻠﻪ ﻭﺻﻤﺘﺖ
ﺷﺎﻫﻲ : ﺣﻤﺪﺍﻟﻠﻪ ﻋﻠﻲ ﺳﻼﻣﺘﻚ ﻳﺎ ﺟﻤﻴﻠﻪ
ﺟﻤﻴﻠﺔ ﺩﻣﻌﺖ ﻋﻴﻮﻧﻬﺎ وهي تنظر لهم ﻭﺍﺧﺬﺕ ﺍﻧﻔﺎﺳﻬﺎ ونظرت لسقف الغرفة دون ان تتكلم
ﻣﺮﻭﺍﻥ : ﺭﻭﺣﻮﺍ ﺍﻧﺘﻢ ﻳﺎ ﺟﻤﺎﻋﻪ
ﺷﺎﻫﻲ : ﺍﻧﺎ ﻫﻔﻀﻞ ﻣﻌﺎﻫﺎ
ﻣﺮﻭﺍﻥ : ﻣﻴﻨﻔﻌﺶ ﺗﻔﻀﻠﻮﺍ ﺭﻭﺣﻮﺍ ﺍﻧﺘﻢ ﻭﺍﻧﺎ ﻫﺒﻘﻲ ﺍﻃﻤﻨﻜﻢ
ﺍﺧﺬ ﺍﺣﻤﺪ ﺷﺎﻫﻲ ﻭﻏﺎﺩﺭﻭﺍ ﺩﺧﻞ ﻣﺮﻭﺍﻥ ﺍﻟﺤﺠﺮﺓ ﻟﺠﻤﻴﻠﺔ ﻣﺮﺓ ﺍﺧﺮﻱ ﻭﺟﺪﻫﺎ ﺗﺠﻠﺲ ﺗﺒﻜﻲ ﺍﻗﺘﺮﺏ ﻣﻨﻬﺎ ﻭﻛﺎﺩ ﺍﻥ ﻳﻀﻤﻬﺎ ﺍﻟﻴﻪ ﺩﻓﻌﺘﻪ ﺑﻌﻴﺪﺍ . ﻋﻨﻬﺎ
ﺟﻤﻴﻠﺔ ﺑﺼﺮﺍﺥ : ﺍﻳﺎﻙ ﺗﻠﻤﺴﻨﻲ ﻃﻠﻘﻨﻲ
ﻣﺮﻭﺍﻥ : ﺍﺳﻤﻌﻴﻨﻲ ﺑﺲ ﻳﺎ ﺟﻤﻴﻠﺔ
ﺻﺮﺧﺖ ﺟﻤﻴﻠﺔ ﺑﻪ ﺍﻥ ﻳﺒﺘﻌﺪ
ﻣﺮﻭﺍﻥ ﺑﻐﻀﺐ : ﺑﻄﻠﻲ ﺻﺮﻳﺦ ﺍﻟﺠﺮﺡ ﻫﻴﺘﻔﺘﺢ ﺗﺎﻧﻲ
اخذت تبكي بشدة حتي تعبت ونامت من كثرة الصراخ
ﺍﺳﺘﻴﻘﻈﺖ ﺟﻤﻴﻠﺔ ﻭﺟﺪﺕ ﻣﺮﻭﺍﻥ ﻧﺎﺋﻢ ﻋﻠﻲ ﺍﻟﻜﺮﺳﻲ ﺍﻟﻤﺠﺎﻭﺭ ﻟﻬﺎ ﻣﻤﺴﻚ ﺑﻜﻒ ﻳﺪﻳﻬﺎ ﺳﺤﺒﺖ ﻳﺪﻳﻬﺎ ﺳﺮﻳﻌﺎ
ﺍﺳﺘﻴﻘﻆ ﻣﺮﻭﺍﻥ ﺳﺮﻳﻌﺎ ﻭﻧﻈﺮ ﻟﺠﻤﻴﻠﺔ
ﻣﺮﻭﺍﻥ : ﺣﺒﺒﺒﺘﻲ
ﺍﺯﺍﺣﺖ ﻭﺟﻬﻬﺎ ﺑﻌﻴﺪﺍ ﻋﻨﻪ ﻣﺮﻭﺍﻥ : ﺣﺒﻴﺒﺘﻲ ﺍﺳﻤﻌﻴﻨﻲ
ﺍﻋﻄﺘﻪ ﺟﻤﻴﻠﺔ ﻇﻬﺮﻫﺎ ﻭﻇﻠﺖ ﺻﺎﻣﺘﻪ
ﻣﺮﻭﺍﻥ ﺑﺪﻣﻮﻉ : ﺟﻤﻴﻠﺔ ﻣﺘﻌﻤﻠﻴﺶ ﻓﻲ ﻧﻔﺴﻚ ﻭﻓﻴﺎ ﻛﺪﺍ انا مش قادر استحمل اشوفك كدا ياحبيبتي
ﺿﻤﺖ ﺍﻟﻐﻄﺎﺀ ﻣﻨﻬﺎ ﺍﻛﺜﺮ ﻛﺎﻧﻪ ﻳﺤﺘﻮﻳﻬﺎ ﻭﻭﺿﻌﺖ ﻳﺪﻳﻬﺎﻋﻠﻲ ﺫﺭﺍﻋﻬﺎ ﻛﺎﻻﻧﺴﺎﻥ ﺍﻟﺬﻱ ﻳﺸﻌﺮ ﺑﺎﻟﺒﺮﺩ ﻇﻠﺖ ﺗﺮﺗﻌﺪ ومازالت صامته ﻭﺿﻤﺖ ﺫﺭﺍﻋﻴﻬﺎ ﺍﻛﺜﺮ ﺍﻟﻲ ﺻﺪﺭﻫﺎ ﺍﻟﺘﻘﺘﺖ ﺍﻧﻔﺎﺳﻬﺎ ﺍﺭﺟﻌﺖ ﺭﺍﺳﻬﺎ ﻟﻠﺨﻠﻒ ﻭﺍﺳﺘﻨﺪﺗﻪ ﻋﻠﻲ ﻇﻬﺮ ﺍﻟﺴﺮﻳﺮ
ﻣﺮﻭﺍﻥ ﺑﻘﻠﻖ عليها : ﺟﻤﻴﻠﺔ
ﺍﻏﻠﻘﺖ ﻋﻴﻨﻴﻬﺎ ﺍﻟﻤﺤﺘﺒﺴﺔ ﺑﺎﻟﺪﻣﻮﻉ ﻣﻘﺎﻭﻣﻪ ﺍﻻﻟﻢ ﺍﻟﻤﺘﻮﺍﺟﺪﻩ ﺑﻬﺎ
ﻃﺮﻕ ﺍﻟﺒﺎﺏ ﻭﺩﺧﻠﺖ ﻣﻨﺎﻝ ﻭﻣﻌﻬﺎ ﻣﻤﺮﺿﺔ
ﻣﻨﺎﻝ . : ﻋﺎﻣﻠﻪ ﺍﻳﻪ ﻳﺎ ﺟﻤﻴﻠﺔ ﺍﻧﻬﺎﺭﺩﻩ ﻓﺘﺤﺖ ﺟﻤﻴﻠﺔ ﻋﻴﻮﻧﻬﺎ ﻭﻧﻈﺮﺕ ﻟﻤﻨﺎﻝ ﺿﻤﺖ ﺳﺎﻗﻴﻬﺎ ﻣﻦ ﺻﺪﺭﻫﺎ ﻭﺍﺣﻄﺘﺘﻬﻢ ﺑﺬﺭﺍﻋﻴﻬﺎ ﺑﺸﺪﻩ
ﻣﻨﺎﻝ : ﺍﻧﺎ ﺟﻲ ﺍﺷﻮﻑ ﺍﻟﺠﺮﺡ ﻭﺍﻃﻤﻦ ﻋﻠﻴﻜﻲ
ﺿﻤﺖ ﺟﻤﻴﻠﺔ ﺳﺎﻗﻴﻬﺎ ﺍﻛﺜﺮ ﻟﺼﺪﺭﻫﺎ ﻭﺍﺧﺬﺕ ﺗﺮﺗﻌﺪ
ﺍﻗﺘﺮﺑﺖ ﻣﻨﻬﺎ ﻣﻨﺎﻝ ﻟﻜﻲ تفحصها ﺑﻤﺠﺮﺩ ﺍﻥ ﻭﺿﻌﺪﺕ ﻳﺪﻳﻬﺎ ﻋﻠﻲ ﺍﻟﻐﻄﺎﺀ ﻟﻜﻲ تزيحه ﺻﺮﺧﺖ ﺟﻤﻴﻠﺔ ﻭﺩﻓﻌﺘﻬﺎ ﺑﻘﻮﺓ ﺷﺪﻳﺪﺓ ﺟﻌﻠﺖ ﻣﻨﺎﻝ ﺗﻬﻮﻱ ﺑﺎﻻﺭﺽ
ﻣﺮﻭﺍﻥ : ﺍﻫﺪﻱ ﻳﺎ ﺟﻤﻴﻠﺔ

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية دميمه ولكن عشقني)