رواية عشق أحفاد الجوهري الفصل السابع والعشرون 27 بقلم آية المهدي

رواية عشق أحفاد الجوهري الفصل السابع والعشرون 27 بقلم آية المهدي

رواية عشق أحفاد الجوهري البارت السابع والعشرون

رواية عشق أحفاد الجوهري الجزء السابع والعشرون

رواية عشق أحفاد الجوهري الحلقة السابعة والعشرون

صباح يوما جديد
في قصر عائلة الجوهري
استقيظت حور بارهاق وبدلت ملابسها وذهبت للاسفل
حور : صباح الخير على الجميع
الجد : صباح النور بقيتي كويسة يا حبيبتي قلقتيني عليكي لما سيف قالنا امبارح
حور : اه يا جدو بقيت احسن متخافش
والداتها: احسن اي انتي مش شايفة نفسك عاملة ازاي وشك باهت ومرهقة انتي هتبقي عروسة بعد شهر لازم اهتم بيكي وباكلك من انهاردة
حور بشهية : طيب انا جوعت والله
والداتها : يا حبيبتي تحبي اعملك اي قولي وانا اعمله
حور : عايزة اي طيب نفسي في بطاطس بالفراخ
والداتها : اي فراخ وانتي من امته وانتي بتاكليها
حور بتوتر : هو أنا كنت مش بحبها
عز: لاء مكنتيش حتي بتقربي منها
حور : طيب خلاص شوفوا انا بحب اي واعملوا
أسيل : أيوة صح كده هي ناسية يا جماعة معلشي
سيف باستغراب : لاء ابدا عادي
الجد : طيب خلاص اعملي يا امل لبنتك اللي هي عايزاه
امل والداته مليكة : حاضر يا بابا
الجد : يلا بينا يا سليم يا ابني

قصي وباسل وشهاب باستغراب : انت خارج يا بابا
الجد : اه يا ابني رايح مشوار انا وسليم ولما ارجع لينا كلام مع بعض
هز الجميع رأسهم بالايجاب لكلام والداهم وذهب سليم وجده للمستشفي
الجد : هي دي المستشفي يا ابني
سليم : اه يا جدي هي
الجد : طيب يلا بينا يا ابني نطمن علي والداها دي صدمة يا ابني وهو معذور بنته اللي رباها 23 سنة تطلع في الاخر مش بنته
سليم : عندك حق يا جدي انا بس خايف علي مرات عمي لما تعرف انه بنتها اللي فكرتها متوفية عايشة
علي الجهة الأخري في القصر
كانت والدته مليكة والدته باسل وأسيل ورؤي وزهرة وعز وحسام ومالك وسها كان الجميع جالسون مع بعضهم
رؤي : قوليلي يا مرات عمي اتعرفتي علي عمي قصي ازاي
والدته مليكة : يا بنتي أنا مش حكيتلك الحكاية دي قبل كده
أسيل وزهرة وباقي الشباب : احنا مش عارفين وعايزين نعرف
عز بمرح : بقا تقولي للبت دي وابنك لاء يا ماما
والدته مليكة : طيب حاضر خلاص هقول انا اتعرفت علي عمكوا قصي صدفة وكنت محتاجة مساعدة وكنت رايحة مكان مش عارفه فين وهو اخدني ليه وبعدها بقيت اشوفه في كل مكان بس ده مكانش صدفة وبعدها اجي اتكلم معايا وقال إنه معجب بيا واني اخد معاد من والدي كنت فرحانة وقتها لاني كنت حاسة بحاجة تجاه وبعدها اتخطبنا وقعدنا فترة 6شهور مخطوبين بعدها اتجوزنا وبعدها خلفت سراج وادهم ومراد والداك وقتها كان نفسه في بنت ووقتها حملت في تؤام
الشباب بصدمة : تؤام

عز : تؤام انت قصدك مليكة كان معاها تؤام طيب اي اللي حصل
والدته بحزن : كانوا بنتين ويوم الولاده مليكة كانت بصحة كويسة بس ملك اتولدت وبعدها بكام ساعة اتوفت
عز : انتوا سمتوها ملك طيب ليه ولا مرة اتكلمتوا عنها طيب مليكة تعرف انها كان ليها تؤام
والدته مليكة : لاء مليكة متعرفش وكمان كنت أنا عمري ما نسيتها يا ابني بس مكنتش عايزاكو تزعلوا
أسيل بتوهان : هي ماتت بجد
الجميع باستغراب من سؤالها :
عز : مالك يا بنتي بتقولك صحتها مكانتش كويسة
أسيل : طيب يا مرات عمي هي كانت شبه مليكة وهي مولوده اقصد أنهم كانوا شبه بعض
والدته مليكة : انا مش شوفتهم يا بنتي لاني كنت متبنجة كلي وكمان احنا محدش شافها من العيلة
أسيل بتفكير : يعني ممكن حور اخت مليكة لا لا اي الجنان ده مستحيل اكيد ده شبه عادي بتحصل اكيد انا غلطانة طيب اتاكد ازاي اه تحليل الDNa وكده اتاكد ازاي كانت اخت مليكة ولا لاء
رؤي وزهرة : أسيل أسيل انتي يا بنتي سرحتي في أي ردي
أسيل : ها لاء ولا حاجة أنا بس افتكرت حاجة
والدته مليكة : طيب كل واحد يقوم يشوف مذاكرته بقا وانت يا مالك يا حبيبي تحب تيجي نقعد في الجنينة مع بعض
مالك : لاء أنا مستني مليكة علشان وعدتني نخرج
عز : الله اكبر انت هتاخد اختي مني ولا اي
مالك بغيظ: واختي أنا كمان

عز : لاء يا حبيبي اختك اهي جمبك اسمها أسيل
مالك بعند : ومليكة كمان اختي انت مالك
عز : يا ابني هزعلك انا بغير علي اختي
مالك : وانا كمان
أسيل : بس اي اطفال وبعدين يا عز ده طفل هتغير منه
مالك : قوليله وبعدين مليكة بتحبني اكتر منك
أسيل : بس يا مالك يا حبيبي عيب ابن عمك اكبر منك وبعدين كلنا اخوات مافيش اختي واختك ولا اي يا مالك تحب اقول لسليم
عز بخوف : اي لاء يا حبيبتي كلنا اخوات طبعا أنا بهزر مع مالك حبيب قلبي
مالك بضحك : واضح واضح مقبولة منك
ظل يضحك الجميع علي عز وخوفه من سليم وظلت أسيل تفكر في طريقة لأخذ العينة دون انتباه أحد
علي الجانب الاخر في الشركة
هاتف حازم المجهول
حازم : ها انت وراه ولا اي اعرفلي دخلها ليه ولمين
المجهول : تمام
حازم : خمس دقائق لا اكتر ولا اقل وتكون عرفت سليم وجده داخلين لمين
المجهول ………………

في المستشفي دخل الجد غرفة والد حور
الجد : حمد الله على سلامتك يا ابني بقيت كويس
والد حور : انت مين وانت كنت هنا امبارح كنا بنتكلم وانا بعدها تعبت ووقعت انتوا عايزين اي دي بنتي وهتفضل معايا ومحدش هياخدها مني انا اللي ربيتها وهي بنتي حتي لو مش من دمي
الجد : طيب اهدي يا ابني انا جد سليم وجد حور كمان وانا مش هاخد منك بنتك بس لازم الكل يعرف وهي تعرف وكمان دي بنت ابني وأبوها وامها حقهم يعرفوا وهي تعرفهم كل الفترة دي واحنا مفكرين أننا خسرنا تؤام مليكة وهي عايشة علشان خاطري انا يا ابني مش تحرمنا منها
والد حور : يا عمي انا مقدر مشاعرك ناحية حور بس دي بنتي وانا مقدرش أنها تبعد عني
الجد : ومين قال هنبعدها هي بس تعرف انه احنا أهلها الحقيقين ونشوف والداها والدتها واخواتها وكل العيلة وبعدها اللي هي تقرره هيتنفذ ومحدش هيجبرها علي اي شيء وفجأة دخلت سلمي وشقيقيها
سلمي بدموع : اي الكلام ده يا بابا حور مش اختنا
احمد بصدمة : لاء مش معقول حور اختي واحنا جينا الدنيا مع بعض قول أنه كذب يا بابا
والد حور بحزن : دي الحقيقة يا ابني وكمان هنعمل تحليل DNa علشان نتأكد
سلمي بانهيار : لاء انتوا بتكدبوا حور اختنا ومحدش يقدر يقول غير كده

علي الجانب الاخر
اتصل المجهول بحازم
المجهول : حازم بيه في بنت هنا اسمها حور المهدي وسليم باشا هو وجده جايين ليها وبيقولوا انها حفيدتهم بنت قصي بيه
حازم : حفيدتهم وبنت عمي قصي هو معندوش غير مليكة وقال حازم المجهول اعرفلي هي الاوضة رقم كام وادخل ابعتلي صورتها ودخل المجهول بزي الممرضين ودخل لغرفة مليكة وانذهل للشبه بينها وبين حور والتقط لها صورة وخرج سريعا من الغرفة وأرسل الصورة لحازم ليراها بينما حازم منشغل بأفكاره ويحاول معرفة ما يجري جاءت رسالة لحازم من المجهول وراي صورة مليكة
حازم بصدمة : اي ده مش معقول

يتبع..

• لقراءة الفصل التالي : اضغط هنا
• لقراءة الرواية كاملة اضغط على : (رواية عشق أحفاد الجوهري)