رواية التضحية الفصل العاشر 10 بقلم آية حسن

رواية التضحية الفصل العاشر 10 بقلم آية حسن

رواية التضحية البارت العاشر

رواية التضحية الجزء العاشر

رواية التضحية الحلقة العاشرة

شخصيات الحلقة العاشرة🔥
مع اللي نعرفوهم ضفنا 🥀
مرام: من مصراتة عمرها 24 شاطرة ومتخرجة من ادارة الاعمال، مخطوبة وخطيبها معانا، تحبه ويحبها، يخدم معاها تعرفو علي بعض من لما كانو يقرو، هادية وما تحبش الصاحبات عندها فوبياء من خلطة البنات هلبا 💕
الحلقة العاشرة 🔥
بعد ما تم اليوم المتعب هدا روحت شهد وزينب كل وحدة لحوشها وبدت حملة البتات، يطلعو يشروا معاها ومروا اسبوعين وكل شي كان واتي وجي يوم الحفلة 👰🏻🌸
مريم طالعة عسل وتهبل بالفيلو الابيض وتسريحة شعرها
مريم: لو انتي مش معاي لكنت عمري مالبسته في حياتي 🥺
شهد: ربيىيخليكم لبعض ومايفرقكم انشالله يارب العالمين
الخالة: مريومة معاذ بيخش، شهظ البسي عبايتك وخليك معاها
خش معاذ ولما شاف مريم عقله طار من جمالها مع الابيض
معاذ: الله يبارك عليك، شن الجمال هدا 🤤👩‍❤️‍👨
مريم: عيونك الحلوات، حتى انت طالع حلو بالبدلة ☺️💕
معاذ: سامحينا شهودة كله جي علي راسك نردوهولك في الفرح انشالله، وربي يبعتلك كل خير 💕

 

 

شهد: تسلم يارب اقعدو نصوركم،….. محلاها الصورة، احلى عرسان ربي مايفرقكم لكن عندي طلب، لو جتكم بنت سموها شهد علي اسمي مادخلنيش 😁💕
معاذ: عادي اي وعلاش لا كان طلعت قدعة زيك 🥀🦋
جت زينب لمعاذ لان سامر يبي يباركله جي قدام الصالة🥀
شهد: مريم نبصر راه ماتاخدوش الكلام جديات سمي الاسم اللي يعجبك اني اهم شي عندي تزوجتي اللي تحبيه 🥺💕
زينب: علي شنو تتكلمو؟ قولولي 🙂💔
شهد ضربتها علي كتفها: امتا بنفرحو بيك انتي وسامر؟ 😁
زينب: مقوى ايدك….. تو تفرحي ماتخافيش مزال وقت 😁
طلعت العروسة للناس والحفلة كانت قنينة وبسيطة وكملت حفلتها وروحت مع راجلها اللي طول عمرها تحبه لحوشهم🦋
مريم كانت خايفة من اللي صارللها وتتفكر في الموقف😔
مريم: قصدك بيصير معاي زي هداكا اليوم؟ لا منبيش 😔
معاذ: خودي راحتك، لما تلقي روحك عادية ساهل، مريم اني نحبك والمهم عندي انك ما تكرهينيش بس 😔💔
مريم: اللي صار مش ساهل، لكن هدا حرام في حق ربي، احسن شي نصلو وبعدين عادي اني مرتك 🥀🦋
معاذ: احسن شي اي حق وبعدين ساهل كل شي 💕
مريم ماقدرتش توخر لانها خافت من انها ماتعطيش حق راجلها وهي تحبه من داخلها🥺💕
مرت ليلتهم عادية زي اي اثنين متزوجين وعادية 🦋

 

 

 

قصة مريم انتهت، لكن عندنا موضوع جديد……!
بعد حوالي اسبوع من زواج مريم الكل قاعد زي ما هو، لكن الغريب ان نورة بدت تقرب من شهد وتهدرز علي حبيبها محمد وكيف يحبها هلبا لكن نورة كلامها غريب عليه🤔
نورة: نقولك حاجة، خليها بيناتنا، تمام؟
شهد: تفضلي قولي وباذن الله كله بيناتنا ومايطلع شي برا
نورة: اني منحبش محمد وتوا مخطوبة وهو ميعرفش ونبي نسيبه لاني مليت منه والصراحة اني ماحبيتاش بكل 😔
شهد كانت تعز محمد اكتر من نورة وتفترشت علي خاطره💔
شهد: صارحيه يابنت الناس حرام عليك قلبه يتفترش 💔
سكرت شهد الخط وقالت بينها وين نفسها: ناس ماتعرفش قيمة الحب، اااه ياريت عبدو حي، مسكين محمد 💔
بعد حوالي شهر، كلمها محمد استغربت من مكالمته في البداية لكن بعدين تفكرت موضوع نورة سبب اتصاله 🦋
شهد: يا هلا بعرب الصمود مصراتة، وين معش ادور؟ 🤔
محمد بصوت حزين: اهلين شهودة شنجوك انشالله بخير؟ اني نبي نحكيلك موضوع كاسرني، نبيك تسمعيني ممكن؟
شهد: تفضل محمد تكلم عادي نسمعك وعلاش لا! ☺️
محمد حكالها كل شي وكيف ضحكت عليه وان عرسها بعد شهر ومخطوبة من فترة ارتباطهم 💔😔
شهد واجعها محمد من داخل لان عندها علم باللي صار كله

 

 

 

شهد: انت فوتها وربي يعوضك خير منها يارب 🥺🦋
قعدت شهد ومحمد يتواصلو فترة اسبوع ممكن او اكتر ليوم صار فيه شي مش خاطر علي بال شهد نهائي🤔
محمد: في بنت في بالي عاجبتني مع اني مش شايفها لكن خايفها ترفض واني معجب بيها رسمي 🤤❤
شهد: اهاا باهي حلو مرات تنسيك في الماضي، اعترفلها احسن حل وصارحها بكل اللي في قلبك يكون احسن 💕
محمد: زعما هكي تقولي؟……. به هي بسم الله، شهد اني معجب بيك، عادي نرتبطو؟ ماتفهمينيش غلط 🥺
شهد مصدومة: اني…تبصر انت صح؟ محمد اكيد تبصر 😂
محمد: اي انتي، انتي طيبة واسلوبك حلو، مش ضروري شكلك، انتي اللي وقفتي معاي وواسيتيني في كسرتي 💔
شهد: فوتلي يومين ونرد عليك، لان حتى اني قصتي مع الكسر مش قصيرة ولا سطحية في الحب 🥺💔
شهد مزال تحب عبدو، فاتو هاليومين وبعدها شهد قررت انها تنسحب من كل شي وبدون اي سبب شهد تسكر ايميلاتها وكل شي.
شهد تعبت منغير عبدو (جاها اكتئاب متاخر)
محمد كل يوم يبعت ويتصل ب شهد لكن مافيش فايدة، شهد اختفت من حياته كأنها سراب وماشي 💔🦋
الرواية صار فيها هلبا احداث ومزال ماشفتو شي😁🥀🥀
بعد اسبوعين… شهد تعبت من قلبها ومعش قدرت تتنفس وداهشة وهلبا مواضيع، طول مشت للدكتور، طلب منها تحاليل 💉🧫وتخطيط قلب

 

 

التحاليل طلعو سليمات لكن تخطيط القلب يوضح ان شهد فيها مشكلة في قلبها💔
حولوها لدكتور قلب مختص كان شاب صغير في العمر جو ( 36 / 37 ) سنة، المهم لما وصلو لقو ظدى وزينب يستنو فيها، ندى عيونها دموع وزينب زعلانة، شهد حاضنتهم الزوز
شهد: نخش بروحي مافيش داعي كلكم معاي، اني مش صغيرة خلوني من فضلكم 💕
امل: كيف تخشي بروحك مايصيرش لازم اني معاك، كيف؟
زينب: خليها يا خالتي بروحها، هي اكيد لما تبدا بروحها بتكون علي طبيعتها…..، تعالي ارتاحي هني وانشالله خير
خشت شهد للدكتور خطوة تقدم وخطوة توخر خايفة.
الدكتور: شهد ولا لا؟ هي تعالي ماتخافيش ولا تتوتري
شهد: اي اني هكي ينادو فيا صح! كيف حالك دكتور؟
الدكتور: الحمد لله تفضلي قعمزي عالكرسي، قبل ما نبدو عندي ليك سؤال نبيك تجاوبيني بكل صراحة 🦋
قعمزت شهد عالكرسي وخدت نفس: تفضل دكتور اسال 🤔
الدكتور: محصلة صدمة قوية، رعشة، ولا حاجة زي هكي؟
شهد: صدمة اي وكبيرة لكن اني مابينتش اني مصدومة
الدكتور: كيف ترا؟ من اي نوع؟ الصدمات انواع!

 

 

 

شهد: موت شخص نحبه، شخص خاص مش من عيلتي وهدا اللي خلاني مانبينش صدمتي بالرغم من موته قدامي
الدكتور: رحمة الله عليه، هدي روحك،….. شهد عندك عضلة القلب تعبانة وغلطتك انك كتمتي صدمتك 😔
شهد: باهي شن معناه كلامك هذا؟ في حاجة خطيرة؟ 🥺
الدكتور: المطلوب منك عدم بذل مجهود زايد وتوقع الصدمات قبل ما تصير كارثة، متخافيش مافيش حاجة خطيرة حاليا لو حافظتي حتشفي لانك مزال صغيرة 💕
شهد: شن هي الكارثة اللي بتصير؟ نموت قصدك…..؟ ياريت
الدكتور: بعيد السو عليك، قوي روحك، تقدري تتفضلي توا للممرضة تعطيك ادوية تاخديها وقت اللزوم، وبالشفي 🌸
شهد: شكرا هلبا دكتور، امتا نزورك تاني ولا نستمر هكي؟
الدكتور: اهو رقمي اني توا خاش لاجازة تواصلي معاي ع الواتس بين فترة والتانية ولو تعبانة كلميني ف اي وقت 🥀
طلعت شهد وكانت مصدومة وخاشة علي هستيريا 🥴
شهد: ضعف في عضلة القلب تعرفوا شن معناه؟ لو منحافظش علي روحي تصير كارثة ترا قولو شن هي؟…… نموت….. تخيلو موتي ولا كارثة، وربي اكبر فرحة 💔
ندى: بتمشي زي ما مشي عبدو وخلاني
شهد: منو اللي خلاني هكي الا هو اصلا؟ كله منه! 😞
امل: كييف! وانتي شن قربك ليه خوها؟ 🤔
شهد: اني مش قريبة عليه، ت اني نحبه ومشي وخلاني💔
امل نصدمت كيف بنتها من مدة مكسورة وهي متعرفش 😞
قداش ماصعبة قهرتها عليها، حرفيا نقهرت في وقتها💔

 

 

 

الكل روح لحوشه، وفات اسبوع، سامر قرر يخطب زينب وحددو موعد الخطوبة لان ليهم فترة طويلة في علاقة 👩‍❤️‍👨
شهد: صح اني مشيت لعرس مريم لكن انتي تعرفي ظروفها
ندى: اي حق مريم حالتها استثنائية، وزوبة توا نباركلها بالتليفون وانتي لازم تمشي، صاحبتك هادي عيب عليك🦋
شهد: لالامنقدرش، عبدو اللي متوفي راهو، ندى صحصحي
ندى: فايقة اكتر منك انتي، لو كان الحزن والزعل والبكي يرده لبكيت عمري كله لكن خلاص خوي رحمة الله عليه 💔
شهد: يصير خير، سلميلي علي خويلة 💕
سكرت شهد الخط وقعدت تفكر في كلام ندى، صح لازم تعيش حياتها …وطول خطر عليها محمد زعما شن صار فيه؟ارتبط؟ …ربي يسهله ويعطيه خير مني 🦋
مشت شهد للخطوبة وتلاقت مع “سارة” زميلة الابتدائي💕
شهد من عيلة العروسة وسارة من عيلة العريس، هدرزوا وبعدين خش سامر لبس زينب الدبلة وكله تمام 🦋
روحت شهد طول كلمت ندى حكتلها كيف كانت الحفلة حلوة وهدرزت شوية علي نورية ولازم من الدموع طبعا 😢
بعد يومين تجي لشهد مكالمة من رقم غريب، ماتبيش ترد لكن المتصل قعد يتصل ويعاود 🥀🤔
شهد: منو الباردة هادي؟ … ايوا …الو تفضلي منو؟

 

 

المتصلة(بنت): السلام عليكم، شهد الساعدي معاي؟ 🤔
شهد: تفضلي اي اني انشالله خير منو انتي معليشي ☺️
المتصلة: انتي ماتعرفينيش لكن اني نعرفك، اني نبي نسالك سؤال واحد لا غير، تعرفي محمد اللي من مصراتة صح؟ باه علاش هكي صار معاكم؟ بلا سبب اختفيتي منه 💔
شهد: عندك حق لكن ممكن نعرف انتي شن تقربيله؟ 🤔
المتصلة: اني اخته اسمي مرام خديت رقمك من وحدة تعرفك ونعرفها وليا فترة ندور فيك وكيف بنوصل فيك🥀
شهد: اهلا وسهلا بيك، سامحيني وخيتي ماعرفتكش 🌸
مرام: لالا عادي اني دورتك نبيك في موضوع اعتقد عرفتي، شهودة علاش شن اللي خلاك في يوم وليلة تسيبي محمد؟ نورة السبب؟ ولا محمد قالك كلمة غلط؟ 🤔
شن بادير شهد مع محمد واخته؟ هدا اللي بنعرفوه في الحلقة الحادية عشر بعون الله🥀