رواية البنات بتحب مين الحلقة الثانية 2 كاملة

حاتم بعد ما البنت الي اتعلق بيها خرجت من الغرفه الي كان فيها بص لاحمد وابراهيم وقالوهم…..بس وحيااااه ابوكم ايه رايكم ف الموزه دي….

احمد : فورتيكه يلا

ابراهيم : مزه السنين

حاتم : ماتحترمو نفسكم ياض انت وهو بدل ما اقوملكم….دي هتبقى مراتي ان شاء الله تعالى 

احمد : مراتك ايه انت هتستبهل انت عارف اسمها ولا كنت عارف وشها اصلا

حاتم: لا بسسسس…..

ابراهيم:  ولا البت لو عجباك انا هعرفك عليها

حاتم : وهتعرفني عليها ازاي ان شاء الله تعالى؟ !

ابراهيم : عيب عليك انت بتشك ف قدراتي ولا ايه….الي ادامك دا خاربها

حاتم : اه صح ب اماره ان البت الوحيده الي انت معجب بيها مش عارف تكلمها اصلا

احمد :  بس هو وعدني انه هيتغير ويحاول يكلمها السنه دي اهاهاهاهاهاهاهاهاهاهاها 

ابراهيم :  اه انتو بتشكلو عليا….طب ايه رايك اني مش هعرفك عليها

حاتم : حوش حوش يواد البنات المرميه حواليك…بس هيا طالما كانت خارجه من الباب الرئيسي للجامعه يبقى هيا غالبا بتخرج من هناك كل يوم…وكمان دا معناه ان كليتها برضو قريبه من الباب الرئيسي…ومن خلال كلامها وان فيه انجليزي بترميه ف وسط كلامها دا بيخلي احتمالات انها تكون من كليه اداب او سياسية واقتصاد اكبر احتمالات….وكمان تقريبا هيا ف سنه تانيه او اولى لان دول اكتر سنيتن الواحد بيبقى ملتزم وبيحضر فيهم الكليه..

ابراهيم :  ايه يواد الحلاوه دي ايه يواد التحليل دا كله…كونان يا اخواتي قاعد معانا

حاتم : يعني بحاول اخرج طاقتي بين كل فتره والتانيه….بس انتو عارفين بجد انا شكلي بحبها

احمد : شكلك بتحبها….انت لو سالت اي راجل معدي صدفه و شافها هيقولك انه بيحبها…ف انت اكيد بتحبها

حاتم : نفسي بجد اشوفها مره تانيه

ابراهيم  :  قول يارب 

حاتم :  يارب * وبيكمل ف سره* تكون من نصيبي

اصحاب حاتم بيستاذنو وبيراوحو عشان هو يرتاح….وحاتم بيشغل التلفزيون….وبيسند راسه على المخده وبيسرح ف احداث اليوم وازاي انه اسعد حد عشان قابلها….وان امنتيه بقت انه ازاي يقابلها تاني….وفضل يسرح فيها ويسرح لحد ما راح ف النوم خاااالص

بيصحى تاني يوم بيحس نفسه احسن….اصحابه بيسندوه وبيساعدوه عشان يروح لحد بيته…وهناك والدته تستقبله بالزغاريط

حاتم  :  ماما ايه ياماما ف ايه

والدته : بركه انك لسه عايش 

حاتم   ليه بس هو انا بحارب

والدته : مش مسكوك وطحنوك وكانو هيموتك لولا اصحابك دول كتر خيرهم

حاتم :صاحبي مين….دول؟!….انتي مين قالك الكلام دا؟!

والدته : صحابك 

حاتم   بيبصلهم ويبرقلهم ويقولهم

حاتم:  انقذتوني مش كدا ب اماره انكم كنتو قاعدين تتفرجو عليا وانا بطحن زي ما يكون ماتش WWE قدامكم صح؟!

احمد :  الله مش اتصلنا بالاسعاف وجات انقذتك

ابراهيم :  واحنا الي ظبطناك مع المزه وانت ماكنتش عارف تتكلم

حاتم : حلفتوني بالغاليه

والدته  : يلا عشان تتغدو تلاقيكم ما كلتوش حاجه من الصبح

حاتم :  ايه ياماما الاكل دا كله

والدته : مش اطحنت يابني وكنت هتموت لازم تتغذى كويس

…وبيمر اليوم ف سلام وبتعدي ايام ورا ايام 

وحاتم بيروح الكليه والجامعة عشان يدور عليها….هو حتى مش عارف اسمها….بس هو كان مجنون بيها….برغم انه أصحابه نصحوه ان الي فيه دا اسمه جنان وانها حتى تلاقيها نسيت شكله وانه لازم يبطل الهبل الي هو فيه دا بس هو ماكنش قادر….لانه حبها بجد….مش قادر يتخيل يعيش من غيرها….كل يوم بيعدي عليها بتوحشه…..لحد ما بالصدفه….وهو معدي لمح واحده كانت بتشبهها من بعيد بس كانت بتتخانق مع واحد وعماله تعيط….هو فرح انه لاقها وكان قلبه عمال يدق جامد زي الطفل الصغير لما بيلاقي حاجه بيحبها هو عمال يقرب منها…وقلبه عمال يدق….وعمال يفكر هيقولها ايه لما يشوفها…..يكلمها ولا يسلم عليها ولا يعمل ايه وعمل يقرب ويقرب…لحد ما سمعها وهيا بتتخانق مع الشخص وهو بيقولها….انا اتخنقت منك ومن غيرتك الزياده دي احنا ماينفعش نكمل مع بعض وهيا ردت عليه انا مقدرش اعيش من غيرك انا بغير عليك عشان بحبك….ونزلت الكلمه كالصاعقه عليه حاتم وقف مكانه مش مصدق نفسه .. الزمن بالنسباله وقف مافيش حاجه ف باله وقال حاتم ساعتها ف سره….

(ايييييييه يادنيا ماوركيش غيري ولا ايه ، ياما ناس تلاقي النعمه على الارض وتدوسها وناس تشيل النعمه من على الارض وتبوسها وبابا يابابا يابابا….ايه ياحاتم دا انت اتجنتت ولا ايه امسك نفسك مش كدة ، ايه الهبل الي انت فيه دا….اعمل ايه بس طلعت مرتبطه يامعلم وبتحب ، مرتبطه وبتحب…مرتبطه وبتحبه وكمان بتغير عليه…..هتعمل ايه باه…اروح اقتلها….لا لا بس انا بحبها قلبي مش هيطوعني….اروح اقتل الي هيا مرتبطه بيه طيب؟!*

اعمل ايه بس؟!!!!

يتبع..