روايات
رواية جريمة عشق 4 الفصل الثاني 2 بقلم مريم نصار
رواية جريمة عشق 4 الفصل الثاني 2 بقلم مريم نصار
رواية جريمة عشق 4 البارت الثاني
رواية جريمة عشق 4 الجزء الثاني
رواية جريمة عشق 4 الحلقة الثانية
مراد : خارج من الحمام ..
فريحه : راحت بسرعه وسألته بلهفه . ها يامراد . بابا آدم يقصد ايه لما قالك عايز سكر ؟
مراد : اهدى يا فريحه . مايقصدش حاجه . ده كان طلب عادى. هو قال هيتصرف ..
فريحه : حطت ايدها ع قلبها . اووف الحمد لله يارب . يالهوى يامراد متعرفش انا كنت حاسه با ايه؟
مراد : بقولك ايه؟ عشان بابا انا معرفش دماغه دى فيها ايه بالظبط .
. مش انا مخابرات اهو؟ لكن ده الوحيد الل معرفش بيفكر ف ايه او يقصد ايه ؟ المهم بقى . هزار من النوع ده تانى قدام ميرو وآدم ابنك ممنوع فاهمه ؟
فريحه : شهقت . ايه يامراد ..؟ واحنا من امتى بنقول حاجه قدام الولاد .. لا طبعا ماينفعش اصلا ..
مراد : يابت انا فاهم . انا اقصد لما اهزر معاكى عادى واقولك عايز سكر . وابوسك من خدك قدامهم .. الكلام ده بقى من هنا ورايح ممنوع قدام العيال .. فاهمه ..
فريحه : هزت راسها حاضر ياحبيبى وده الصح .. ثوانى اجبلك تيشرت ..واتحركت خطوه ..
مراد : شدها لحضنه بسرعه .. تيشرت ايه بس ؟ قوليلى العيال فين؟
فريحه : قلبها بيدق بسرعه . احم ميرو وآدم نامو ف اوضتهم ..
مراد : طيب انا عايز سكر ..
فريحه : مراد . ا.انت قولت ……
مراد : يابت احنا لوحدنا ياحماره .. وانتى وحشانى اوى . ورجع خصله شارده ورا ودنها ..
فريحه : غمضت عينيها بحب كبير .. وهمست بحبك اوى يامرادى ..
مراد : ومرادك بيموت فيكي . وقرب منها بحب كبير …
وبعد فتره . مراد واخد فريحه ف حضنه .
فريحه : مرادي..
مراد : عيونه .
فريحه : ف حاجه حصلت . وكنت عايزه اخد رايك فيها .
مراد : بانتباه . حاجة ايه ؟
فريحه : الدكتوره وفاء . زميلتى الل اتعرفت عليها ف المؤتمر . الل عندها مزرعه وبيت كبير واسطبل خيل .
مراد : بتفكير . وفاء؟ اه ايوه ايوه . مش دي الل جوزها فاتح شركه ف اسبانيا؟
فريحه : ايوه هي ياحبيبى .
مراد : مالها بقى ؟
فريحه : امبارح كلمتنى واتس . تطمن عليا . ودردشنا مع بعض شويه . وف وسط الكلام . قالت إنها عايزه تبيع المزرعه بالبيت بكل حاجه . لأنها هتسافر إسبانيا لجوزها وهتقيم هناك معاه ..
مراد : اه وبعدين .؟
فريحه : احم . هي قالت إن البيت كبير جدا ومبني من سنتين اتنين بس وهو أقل من الفيلا حجات بسيطه . وتصميمه ع شكل فيلا ومن تلات ادوار . ومبنى ع مساحة أرض كبيره جدا . وحواليها جنينه كبيره اوى وفيها بيسين . واسطبل خيل . ومزرعة فواكهه . ده غير إن ف مجموعة خيل عربي وبعتتلى صور الخيل والمزرعه والبيت. بجد حاجه وهم ..
مراد : بمكر . اممم هاتى من الآخر يافريحتى .
فريحه : بصت ف عينيه بتمنى . مرادي بصراحه انا بتمنى اننا نشترى المزرعه دي . بجد الموقع وكل حاجه هناك تجنن ..
مراد : رجع راسه لورا بتفكير . وسكت شويه..
فريحه : اتنهدت . وحطت راسها ع المخده جمبه ..
مراد : شدها لحضنه . رايحه فين يابت الورامه . خلينى افكر ..
فريحه : ابتسمت . وحطت راسها ع صدره وسكتت..
مراد : بعد لحظات . قال ادينى يومين بس واشوف الحوار ده كله . ولو ف السليم . اعتبرى بيت المزرعه ملكك ياقلب مراد ..
فريحه : شهقت بسعاده . بجد يامراد. حبيبى حبيبى والله اموووا..
مراد : ههههه . اه بجد يقلبى . انا فكرت ف الواد آدم واطفال العيله . عندهم ميول يتعلمو الفروسيه . خصوصا تيم وآدم . انهم يبقو عندهم مزرعة خيل ويعيشو حياتهم جميل جدا. وكمان ف إجازة الصيف . نجمع العيله كلها ف بيت المزرعه . وهيبقى وقت جميل جدا. والأهم من كل ده انتى يافريحتى . طلباتك اوامر بس بمزاجي ها؟
فريحه : حضنته بفرحه كبيره . حبيبى انا والله بموت فيك يامرادي. انا بجد مبسوطه اووووى ..
مراد : ضمها لقلبه . وانا مش عايز حاجه غير انى اشوف ضحكتك منوره وشك يافريحتى .
فريحه : بسعاده كبيره ربنا يباركلي فيك ياحبيبى . ويارب يارب اجيبلك نونو قريب.
مراد : كشر عينيه. نعم ياروح امك؟ نونو مين ده يافريحه. احنا قفلنا كلام ف موضوع الخلفه ده ..
فريحه : طلعت من حضنه بتكشيره. موراد ارجوك توافق انا عايزه اخلف منك ارجوك بالله عليك ..
مراد : بغضب مكبت . مفيش نقاش ف الموضوع ده يافريحه انسي . انا كفايه عليا اوى مريم و آدم . انا معنديش إستعداد انى اشوفك بتتعذبى تانى قدام عينى. وبعدين انتى من شهر تقريبا مكلمانى ف نفس ام الحوار ده وقفلناه . ايه الل حصل دلوقتي؟
فريحه : بدموع . الل حصل انى عايزه اجبلك عيال كتير . عايزه اعمل عيله كبيره يامراد . ارجوك وافق إن شاله اولد قيصري . بس وافق .
مراد : مسح وشه بايديه ونفخ بنفاذ صبر . قومي من وشي يافريحه . قومي ..
فريحه : صكت ع أسنانها بغيظ مكبت . طييييب انا هاقوم . بس وحياة مراد عندى وعشقي ليه لا اخلف تاني يابن العدوي والموضوع بقى منتهي ها بقى . وقامت بنرفزه ..
مراد : رفع حاجبه . وغصب عنه ابتسم .. وقال البت بتاعتي بتعلى صوتها عليا . دي ليلتها سوسا انهردا .
خدي ياااابت ..
————بقلمي مريم نصار
تاني يوم الصبح .. ف المالديف .
فهد ورينو .. نايمين ف سرير جمب سراير آركان و آرين .وقافلين الأوضه بالمفتاح.
آرين : صحيت . ورفعت راسها . وشافت فهد نايم وضحكت . ونزلت من ع السرير . ورايحه عند فهد . وبتحاول تطلع ع السرير . وقالت فهد . فهد قووم. تؤ .. قووم بابي ..
فهد : حس بيها وفتح عينيه .. وابتسم وغمض عينيه . ومثل انه نايم ..
آرين : مش عارفه تطلع ع السرير .. وبتفكير بصت حواليها . وشافت كرسي صغير . وجريت بفرحه . شالت الكرسي بصعوبه ..
رينو : صحيت . وابتسمت ..
فهد : شاور ليها بهمس. هشش بصي تابعى آرين . وغمضو عينيهم بسرعه ..
آرين : جابت الكرسي . وحطته جمب السرير . وطلعت عليه . وحاولت تطلع ع السرير . وطلعت . وسقفت وقالت هيييه آلين ثاطله .( آرين شاطره) وقعدت ع بطن فهد . وبتصحيه . بابي قووم . مامي لينو قومي . تؤ يوووه .
فهد ورينو . قلبهم مبسوط جدا من تصرفات آرين ..
آرين : نامت ع صدر فهد . بابي قووم . ورفعت راسها ببراءه . وباست فهد من خدو . قوم فهد بيبى قووم .
فهد : مقدرش يكمل تمثيل . وفتح عينيه وضحك .. روح بابي ..
آرين : اتعدلت وسقفت هيييه بابي ثاطل وقام .
فهد : ههههه . واتعدل وضمها لقلبه وباسها كتير . روح بابي قلب وعقل بابي ..
رينو : اتعدلت ومبسوطه .. صباح الخير يا رينو ياصغيره انتى وباستها ..
آرين : سقفت هييه مامي ثاطله صحيت لينو ..
آركان : فاق ع صوتهم . وقام . ونفس الحركه وطلع ع الكرسي . وراح قعد ع رجل رينو . مامي باح الخيل .
.رينو : ههههه صباح القمر والجمال ع عيون آركان قلب مامي انا . وباسته ..
آركان : باح الخيل بابا فهد بيبى ..
فهد : ههههه صباح الجمال .. تعالى هات بوسه ل بابا .. وضمه لقلبه بفرحه كبيره ..
آرين : بصت ل آركان . الكان تعالى العب يلا . ونزلت .من ع السرير . و آركان نزل . وبيلعبو ف اللعب ..
رينو : اتنهدت بسعاده . ودعت ربنا بقلبها .. أنه يديم عليها النعم .. وجايه تقوم . شهقت ..
فهد : شدها لحضنه . تعالى رايحه فين؟
رينو : بتضحك . ايه ياحبيبى . هاقوم اخد شاور و اتوضي واصلي الضحى . وأجهز الفطار ..
فهد : دفن وشه ف شعرها . انتى مفكرا عشان آرين و آركان سلمو علينا . انا هنسى اسلم عليكى؟ تؤ عمري ما انسى ..
رينو : ابتسمت . ربنا يخليك ليا يا فهد ..
فهد : زاد من حضنها . مراتى حبيبتى نجحت وبقت دكتوره .. انا بجد فخور بيكى جدا .. وهتبقي أعظم دكتوره ..
رينو : غمضت عينيها بحب . انا عايزه اكون أعظم زوجه لقلبك . انا مكتفيه بيك انت وبعيلتى . وجودك جمبى لوحدو نجاح كبير ليا يافهد ..
فهد : رفع دقنها .. عارفه لو العيال دى مش موجوده انا كنت دلوقتي قطعت كلامك بالبوسه بتاعتى ..
رينو : خرجت من حضنه . هههههههه طيب كويس أن الولاد موجوده . هههههه ..
فهد : رفع حاجبه . اممم بقى كدا ؟ ماشي ياروحي . مسير العيال تنام اوكي . وغمز ..
رينو : ضحكت بسعاده . يلا قوم يدوبك نلحق صلاة الضحى ..
فهد : حاضر يانجمتى .. وقام . ودخل الحمام وفرش اسنانه . واتوضى وخرج يصلى ..
ورينو : صلت .وغيرت للولاد .. ودخلت المطبخ . تجهز الفطار ..
فهد : شايل آرين ع كتف . و آركان ع كتف . ودخل المطبخ . ها ياروحي خلصتى . واخد قطعة خيار وأكلها ..
رينو : بتشاور بايدها للولاد وبتضحك . ايوه ياحبيبى خلاص اهو ..
فهد : ههههه بتشاورى للعيال يا اوزعه .
رينو : كشرت عينيها بغيظ . فهد ..؟
فهد : بعتلها بوسه ع الهوا. عيونه ..
رينو : بحرج . وبعدين معاك بقى ؟
فهد : بص ل آرين و آركان انا عملت حاجه؟
الاتنين هزو راسهم لأ ..لينو اسكتى…
رينو : كشرت عينيها بغيظ اكبر . آه اوكي اوكي . اتفقو عليا حلو. لكن ماتنسوش انى معايا تيمو حبيب قلبي . وهنكون فريق اقوى منكم ..
فهد : ههههه .. الل يشوف شكلك وانتى عماله تعتذرى ل تيمو امبارح .مايشوفكيش دلوقتي .. بجد استغربت جدا ..
رينو : اتنهدت بحب . تيم ؟ والله يا فهد لو قولتلك ع معزة تيمو ف قلبى مش هتصدقنى ..
فهد : صك ع اسنانه بغيظ مكبت ونزل الولاد ع الارض . اممم وايه كمان ؟
رينو : قربت منه . وحطت أيدها ع خدو . تيم ده عاش معايا فترة فراقك وبعدك عنى . تيم ابنى . تيم هون عليا كتير .. كتير اوى يافهد من وجع فراقك .. وعينيها لمعت بدموع.. كأنها افتكرت الماضي ..
فهد : هز راسه .. لأ اوعي تعيطى اتفقنا؟ .. وباس كف أيدها الل ع خدو .. انا عارف كل دا .. وكمان عارف إن تيم شايفنى انى اخدتك منه .
. وانا بحاول أقرب منه .. لانى اولا بحبه جدا . عيل مشاكس ودمه خفيف .. بحب ردود أفعاله اوى. وغير كدا .. انا شايف مدى تعلقه بيكى . لكن الل مش هسمح بيه .. آرين فاهمه يارينو؟
رينو : ابتسمت .. تيم لسه هيروح تالته ابتدائى يافهد .. سيب كل حاجه تمشي زى ما ربنا كاتب .. وربنا يكتب لينا الخير يارب ..
فهد. : هز راسه اللهم امين ..
رينو : لفت ضهرها ومسحت دمعه نزلت منها . احم يلا بقى خد آرين و آركان واطلع فوق . وانا هحصلك بالفطار ..
فهد : لفها ليه .. مالك يارينو ؟
رينو : مفيش حاجه صدقنى .. كل الحكايه انى افتكرت زمان مش اكتر .. لكن دلوقتي انت معايا وف حضنى ..
فهد : ضمها لقلبه ومسد ع شعرها .. انا مش معاكي وبس .. انا بين ايديكي يارينو . وباس جبينها بحب كبير .. اطلعى انتى وانا هجيب الفطار يلا .
رينو : ابتسمت واخدت آرين و آركان وطلعت ..
فهد : اخد الفطار . وطلع فوق ع سطح اليخت . وقعد .. وحس ان رينو مش طبيعيه .. وشدها لحضنه . وقعدها ع رجله . وآكلها بايديه . ويهمس ليها ب اجمل كلام الغزل ..
رينو : كانت مبسوطه . ووجود عيلتها الصغيره الجميله دي . كفيله انها تنسيها اي ذكرى حزينه .
فهد : حبيبتي ثوانى . وقام وقف .. وقال يلا بينا؟
رينو : ع فين ؟
فهد : هاخد معشوقتي الصغيره . وولادى . ف اجمل جولة طيران مستعده ..
————بقلمي مريم نصار
فيلا السيوفي …
رنا : دخلت اوضتها علشان تصحى طارق لصلاة الضهر … واتصدمت اول ما شافت طارق ماسك وشه وبيتألم .
طارق : اااه . مش قادر خلاااص ..
رنا : قربت منه بخوف كبير . طارق مالك ياحبيبى . فيك ايه؟
طارق : اااه يارنا . جوزك خلاص راحت عليه ..
رنا : راحت عليك؟ مالك يا طارق قولى . وماسك خدك كدا ليه؟
طارق : بيتألم . ضرسي . ضرررسي يختى هيجننى . اااه يامخك ياطارق ..
رنا : نفخت .. اووف الحمد لله . ياراجل خضتنى .. وبعدين انت لازم تخلع ضرسك ده .. انت كل سنه لازم ضرسك ده يوجعك ويبهدلك كدا ؟
طارق : اخلعه ؟ انتى عايزه ابن العدوي يشمت فيا .. ااااه .
رنا : بنفاذ صبر . آدم هيشمت فيك ليييه؟ يا ما نفسي اعرف ..
طارق : اااه تعرفى ايه ؟ سبينى ف حالى . اااه يابا ..
رنا : قامت وقفت ثوانى هروح اجبلك قرنفل وراجعه ..
طارق : مش هيعمل حاجه يختى . اااه . انا بموت . انا خلاص . هموت ضحية ضرس العقل ااااه ..
رنا : الصبر من عندك يارب . ياراجل بعد الشر عليك . وبعدين مرات ابنك دكتورة اسنان . قوم انت كدا صلى ونروح العياده ورودي تكشف عليك .
طارق : بصلها . دكاتره.؟ انا مش هروح لدكاتره .
رنا : ليه ؟ ممكن اعرف . وصعب عليها وقعدت جنبه . وباسته من خدو برقه . ليه بس ياطاروق ياحبيبى . كل مره ترفض نروح لدكتور الاسنان . وكملت بدلع ممكن تقول السبب ل رنوش قلبك ..
طارق : باسها من خدها . فيكي من يكتم السر ؟
رنا : ف بيييرر ياحبيبى ..
طارق : بحرج .. احم اصل انا بصراحه . بخاف من حقنة البنج اوى يارنا ..
رنا : بدهشه ..وكتمت الضحكه . احم بتخاف ياسيادة اللواء .
طارق : اهو شوفتى هتتريقي ازاى ؟ اااه ياعيني عليك ياطارق وع حظك المنيل ..اااه.
رنا : هههههه . اسفه ياحبيبى . انا هنزل اجبلك قرنفل وراجعه .. واتحركت وهي بتضحك . الراجل بيخاف من حقنة بنج ههههه .. وكل شويه يقولى انا اسد ف نفسي كدا . هههههه ..
طارق : حط ايدو ع خدو ااااه منك لله يا آدم ااااه ..
رنا : نزلت المطبخ . هاتى ياعايده علبة القرنفل من عندك ..
عايده : حاضر يا ست رنا . اتفضلى ..
رنا : شكرا ياعايده . بقولك ايه . اعملى انهردا ع الغدا شوربة خضار .. ل سيادة اللوا.
عايده : حاضر يا ست رنا من عينيا ..
رنا : تسلمي .. وخارجه من المطبخ . وسمعت فونها بيرن . وراحت تشوف مين . وكانت مريم . وابتسمت وردت . الو سلام عليكم يامريم.
مريم : بابتسامه . وعليكى السلام ياحبيبتى . عامله ايه يارنا ؟
رنا : الحمد لله بخير . انتى عامله ايه دلوقتى؟
مريم : انا بخير بفضل الله .. فارس ورودي والأحفاد عاملين ايه ؟
رنا : الحمد لله تمام . فارس سافر امبارح . ورودي لسه خارجه من شويه ع العياده . وچود وچواد . نايمين شويه ..
مريم : الحمدلله انهم بخير . وربنا يحفظك يافارس يبنى ف كل خطوه ..
رنا : بحب . اللهم امين يارب . ربنا يباركلى فيكى يامريومه ..
مريم : ويباركلى فيكى ياحبيبتى . وابو فهد عامل ايه؟
رنا : قعدت . طارق ؟ طارق ده كتب ع جنانى رسمي ..
مريم : ههههه ليه بس كده؟ ده ابو فهد راجل ونعم ..
رنا : اه يختى ونعم فعلا .. تصورى دخلت ع طارق من شويه وكان ضرسه هيجننه ومخلى عينيه ف وسط راسه . وبردو مش راضي يخلعه .. راجل رهيب ..
مريم : بزعل لاحول ولاقوة إلا بالله . ليه كدا .؟ . الف سلامه عليه .
. وبعدين دى مش اول مره يحصل كدا .. ده كل سنه .
. وتصدقى ف نفس ميعاد كل سنه كمان . لأ كدا غلط يارنا . ممكن لاقدر الله يحصل مضاعفات . لازم يشوف دكتور . يا اما يتعالج يا اما يخلع الضرس ده ..واهي كمان رودي دكتورة اسنان زى الفل ..وشاطره جدا ما شاء الله عليها ..
رنا : والله غلبت معاه يامريم . ومش عايز يكشف ..
مريم : بتفكير . هو ابو فهد انهردا اجازه مش كدا ؟
رنا : ايوه يا حبيبتي .. يارب تقولى انك جايه انتى والعيله هفرح اوى ..
مريم : ابتسمت . اجيلك ع عينيا . بس سبيها ع حسب الظروف واشوف آدم ..
رنا : بسعاده إن شاء الله هيوافق . هو ابو مراد عندو كام مريم يعنى ..
مريم : ربنا يكرمك يارب يارنا . طيب ياحبيبتى انا هقفل دلوقتى اتصل ع آدم أكلمه .
رنا : ماشي ياحبيبتى مع الف سلامه ف رعاية الله ..
مريم : ونعم بالله مع السلامه .. وقفلو ..
رنا : اخدت القرنفل وطالعه ل طارق ..
————بقلمي مريم نصار
فيلا العدوي ..
مريم : بتفكير اتصلت ع آدم . ورد عليها ع طول..
آدم : بحب كبير . أميرة قلب آدم . كنت لسه هتصل عليكي حالا ..
مريم : ابتسمت بحب . القلوب عند بعضها ياحبيبى ..
آدم : طبعا ياروحي. عامله ايه دلوقتى ؟ واخدتى العلاج ؟
مريم : الحمدلله بخير طول ما انت بخير . وانا اخدت العلاج ف ميعاده .. ربنا مايحرمنيش منك ابدا ..
آدم : ولا يحرمنى منك.. ها قوليلى بقى . نفسك ف ايه؟
مريم : بصراحه ياحبيبى انا اتصلت عشان اقولك انا كلمت رنا . وعرفت منها إن ابو فهد ضرسه رجع تعبه من تانى ..
آدم : هز راسه اممم . الواد ده دماغه زفت ومابيسمعش الكلام . ولازم يخلع الضرس ده.
مريم : وده كمان رأي رنا . بس هو معاندها بقى . والله اعلم السبب . المهم ياحبيبى حاول تكلمه . بصراحه وجع الضروس ده . ربنا يعافينا ..
آدم : حاضر ياحبيبتى انا هكلمه وهتصرف معاه ..
مريم : ربنا يبارك ف عمرك . ولو انت فاضي بعد ما ترجع إن شاء الله . كلنا كدا نروح عندهم زياره عائليه ايه رايك.؟..
آدم : بتفكير . امم تمام . هرد عليكي لما ارجع البيت إن شاء الله ..
مريم : ترجعلى بالف سلامه . ويجعل الطريق رفيق ليك يا آدم ..
آدم : اتنهد بحب . آمين يا اميرتي ..
مريم : طيب ياحبيبى . انا هقفل اتصل اطمن ع البنات .. ف رعاية الله وحفظه..
آدم : مع السلامه ياروحي . وقفل . ومط شفايفه بتفكير اممم… واتصل ع طارق . ورد .
طارق : بيتألم . الوو ..
آدم : ههههه ايه يا اسد الغابه . ماتنشف كدا .
طارق : بغيظ . عايز ايه ياض انت . انت متصل تهزر ..؟
آدم : هههه ابدا ابدا . وحد يقدر يهزر مع سيادة اللوا طارق السيوفى. الف سلامه ع ضرسك ياحبيبى..
طارق : اممم ماشي يابن العدوي . وليك روقه اااه بس افوق اااه .
آدم : ههههه سلامتك ياطاروق .. يلا يلا قوم البس عشان اخدك مشوار مهم ..
طارق : ولا يا آدم اخلع من نافوخي انا مش طايقك ..
آدم : بتحذير. البس ياطارق . ونص ساعه هكون عندك انا وبيتر .. الموضوع حياه او موت .. انت فاهم ..؟
طارق : اتخض . ياستار يارب .. موضوع ايه ده؟ لأ انا ف ثوانى هكون جاهز .. بس قولى ف ايه؟
آدم : اتنهد بزعل . هتعرف كل حاجه بعدين . وربنا يستر بجد يصحبى ..
طارق : بقلق . انت قلقتنى يا آدم انا هلبس بسرعه ..
آدم : ماشي يصحبى . وانا جايلك مع بيتر سلام …
…..
ف المالديف .. ع سطح اليخت ..
فهد : قام وقف وقال يلا بينا؟
رينو : ع فين ؟
فهد : هاخد معشوقتي الصغيره . وولادى . ف اجمل جولة طيران مستعده ..
رينو : بدهشه . انت بتتكلم جد . هنركب الطياره هنا ..
فهد : طبعا . لازم تشوفى الجزيره من فوق . يلا بينا ياحبيبتى . ثوانى هنزل اجيب المفاتيح. ونزل ..
رينو : كانت مبسوطه. وشالت آرين . وباستها بابي هيسوق الطياره يا رينو ياصغيره ..اموواه
وتعالى انت كمان يا قلب مامي . وشالت آركان . وباسته.
فهد : طلع . وشال منها الولاد . ونزل وهي نزلت وراه . وجواها احساس جديد .. ووصلو عند الطياره ..
فهد : نزل الاولاد ع الأرض . نجمتى تعالى اركبى انتى الاول . واقعدى ف الكرسي الل جمبى .. وساعدها وركبت . وشال الاولاد طلعهم .. وركب الطياره . وقرب من رينو . وخطف بوسه رقيقه منها .. وربط ليها الحزام .
رينو : قلبها دق بحب كبير وضحكت. وشالت آرين ..
فهد : ابتسم وقعد ع الكرسي . وربط الحزام. وشال آركان ع رجله . وبص ل رينو . هاا جاهزه ياحبيبتى .؟.
رينو : هزت راسها . ايوه ياحبيبى . بس خلى بالك يافهد ارجوك ..
فهد : ههههه حاضر . هخلى بالى اي مقابل هفرمل ع طول ههههه.
رينو : ههههه . ربنا معانا إن شاء الله.
فهد : شغل الطياره . وقالت بصوت عالى عشان المروحه . انتى خايفه ياروحي؟ .
رينو : غمضت عينيها .وضمت آرين لحضنها . وقالت لأ مش خايفه .
فهد : طيب فتحي عينيكى . واتفرجي ع الطبيعه اوكي .. وساق الطياره . وطار بيهم فوق الجزيره . وكان منظر ولا ف الخيال ..
رينو : عيونها ع الجزيره من فوق . وانبهرت بجمال المنظر وقالت . واو يافهد . بجد سبحان المبدع .. الشكل من فوق ليه وصف وإحساس تانى خالص . سبحان الله العظيم.
فهد : ابتسم .. طبعا . ولسه بقى لما تشوفى البحر . وحرك الطياره . واتجه لفوق البحر ..
رينو : شافت البحر . والشكل تحفه فنيه . لكن خافت مش شكل الميا .. وحست بدوخه وغمضت عينيها .. ورجعت راسها لورا .
فهد : مالك يارينو ؟
رينو : انا خايفه من البحر .
فهد : حبيبتى . انا معاكي . وكمل بهزار. وبعدين انا مش طاير لفوق اوى يعنى . احنا يدوبك بعيد عن الأرض بحوالى ٥٠٠ متر بس ..
رينو : بدهشه ايييه؟ ٥٠٠متر بس. يلا نرجع ع اليخت والكوخ يافهد ارجوك ..
فهد : هههههههه ع أساس عمرك ما ركبتي طياره ؟
رينو : لا ركبت طبعا . لكن مش هيلكوبتر . بجد دوخت . وحاسه انى هرجع ..
فهد : كشر عينيه ترجعي . لأ خلاص . تعالى بس اخر جوله . اتفرجي ع الأسماك الملونه وانسي الدنيا ..
فهد : طار بيهم . ولف الجزيره اكتر من ساعه ونص . ورينو بدءت تندمج وسرحت بخيالها مع جمال الطبيعه . وكانت مبسوطه جدااا.
. وكانت بتسأل فهد عن حجات كتير تخص الجزيره والصخور والشجر . وفهد يجاوبها . وكان وقت ممتع و مبسوط جدا بعيلته الجميله دي ..
————بقلمي مريم نصار
آدم وبيتر ف العربيه . قدام فيلا السيوفى .
بيتر : يامسهل .. ايه ياعم آدم هو الباشا هيخرجلنا امتى ؟
آدم : متستعجلش يابيتر . كل حاجه ف آوانها حلو . وبعدين احنا لسه واصلين مفيش ٥ دقايق ..
بيتر : بصله بدهشه . ولا يا آدم انت بقيت بارد كدا امتى؟
آدم : هههههه . بارد ؟ واتنهد بحب .. وسرح ف آميرته . وإن معاملتها الطيبه وروحها الحلوه . حولت كل حاجه ف حياته لهدوء تام وسعاده كبيره ..
بيتر : بصله تانى باستغراب . ولا يا آدم انت سرحان ف ايه؟ اوعى تكون بتحب جديد ؟ هتروح ف داهيه .
آدم : بصله ورفع حاجبه . احب جديد ؟ ايه يبنى المستحيل الل انت بتتكلم فيه ده؟ ربنا يباركلى ف أم عيالي ..
بيتر : ايوه كدا . طمنتنى عليك .. ربنا يباركلك ف عيلتك كلها يصحبى ..
آدم : آمين يارب … الواد ديف مش ناوى يستقر هنا بقى؟
بيتر : هز راسه لأ . هو مبسوط بره مصر . وشركته الجديده بدأت تقف ع رجليها .. هو بيجي هو ومراته وأولاده زياره اسبوعين ويرجع تانى .. يلا ربنا معانا كلنا ..
آدم : امم كارولين عامله ايه؟
بيتر : ههههه اهو رامي جوزها ده نسخه من طارق المهيبر . ومخلى كارو واولادها طاقين ومهيبرين .. بس بينى وبينك يصحبى . احفادى مهونين عليا غياب ديف كتير ..
آدم : هز راسه بزعل . انا مش عارف ازاى ديف قادر يبعد كل ده ؟
بيتر : انا سايبه ع راحته . عشان ميجيش يقول انت ظلمتنى يابابا .. واتفضل الاستاذ طارق جاى يتمخطر اهو ..
آدم : لف وشه وشاف طارق خارج من الفيلا . وحاطط ايدو ع خدو ..
طارق : فتح باب العربيه وركب . اااه سلام عليكم ياض منك ليه..
آدم : ابتسم وعليك السلام . يا اسد ههههه.
بيتر : هههههه . الف سلامه عليك ياضنايا .
طارق : صك ع اسنانه بغيظ . واتألم اكتر ااااه . وحيات امى بس لما اخف . هتشوف انت وهو الأسد . ورايحين ع فين إن شاء الله .؟
.و انت قلقتنى ياكابتن . موضوع ايه الل حياة او موت فهمني؟
آدم : شغل العربيه . ومثل الزعل . ربنا يستر ياطارق . اسكت متفكرنيش ..
بيتر : كاتم الضحكه ..
طارق : بقلق . يبنى انت قلقتنى بجد . طيب قولى ايه الل حصل؟
آدم : سايق . كلها نص ساعه وهتفهم كل حاجه . واتنهد استرها معانا يارب ..
ف عيادة الاسنان ..
رودي : بتابع مع حاله .. افتح بوقك ياحبيبى . ايوه شاطر .. ها حاسس بحاجه؟
الطفل : هز راسه لأ .
رودي : شاطر برافو عليك . يلا يلا . ثوانى . ايوووه . وخلعت الضرس .. وجابت قطنه حطتها للطفل مكان الخلع .. قوم تعالى ..وراحت قعدت ع كرسي المكتب . وبتكتب روشتة علاج .
أم الطفل .. ميرسي جدا لحضرتك يادكتور .
رودي : عوجت بوقها لأ ميرسي ع واجب . اتفضلى ياحبيبتي . دي روشتة بالعلاج . ده مسكن كل ٨ سعات . وده انتبيوتك كل ١٢ ساعه .. ومياكلش ولا يشرب حاجه سخنه ع طول .وردى بصت ع رجلين أم الطفل وقالت .الف سلامه عليه ..
أم الطفل : قامت وكانت لابسه بنطلون جينز ضيق جدا ومقطع وتوب قصير . اوكي يا دكتور . بجد بجد ميرسي خالص ..
رودي : بغيظ مكبت . ميرسي ع واجب خالص . اتفضلى .
أم الطفل خارجه .. وردي بتبص عليها . لاحول ولاقوة إلا بالله.. الوليه تخينه والبنطلون هيطرشق من جنابه عليها .. نسوان ماتختشيش بصحيح . استغفر الله العظيم يارب ..
آدم : وقف قدام عيادة رودي .. يلا وصلنا انزلوا ..
طارق : كشر عينيه وقال انت جايبنى عيادة الاسنان ليه ياعملى الاسود ؟
آدم : المشكله الل حصلت ف الدور الل فوق عيادة رودي . خلى عندك صبر شويه ..
بيتر : هههههه . يلا بينا أنا هتجنن واشوف المشكله ..
ونزلو كلهم . ودخلو العماره .. وواقفين قدام الاسانسير ..منتظرينه ينزل ..
طارق : انا مش مطمن ليك ياض انت وهو ؟
آدم : بص ف الساعه ومردش..
بيتر : اهدا يااسد يعنى احنا خطفينك . بس بجد هتجنن واشوف ال……وفتح عينيه بدهشه اوبااا …
الاسانسير . نزل وخرج منه أم الطفل وخارجه ع بره ..
آدم : بص ع بيتر .. وبص ع طارق ..
طارق : بيتألم . ومفتح عين ومغمض عين . وقال يخربيتك برميل متحرك ..
بيتر : برميل ايه ياجاهل دى……
آدم : بصوت جهوري . دي ايه يامراهق منك ليه؟ هااا؟ يالل عندك أحفاد انت وهو ..
طارق : ركب الاسانسير . بقولك ايه انا بصيت ع حجمها . ولبسها زفت اصلا .
بيتر : احم ايوه فعلا . لبسها ملفت حبتين . صح ياطارق ..
طارق : مش حبتين اوى . هو ملفت جامد.
بيتر : صح هو جامد بصراحه . احم قصدى دى قلة ادب مننا اننا نبص ع غيرنا . احم ولا ايه يا آدم ..
آدم : هز راسه بنفاذ صبر .. وبص ل طارق بلوم . وقال المشكله حتى . إن العين تزنى وزناها النظر .. ولا اييييه؟ ياسيادة اللوا؟
وانت كمان يابو ديف ياجد لاحفاد . ياتافه منك ليه ؟
طارق : همس استغفر الله العظيم يارب . ده انت عملنا الاسود ف حياتنا ..
بيتر : كتم الضحكه وسكت ..
آدم : قرب من وش طارق واتكلم بفحيح افعى … ع فكره انا حجزتلك عند رودي . وهتخلع ضرسك عايزك اسد كدا فوق ماشي يالا ؟
————بقلمي مريم نصار
رودي : الو ايوه يافروسه وحشتنى اوى..
فارس : وانتى كمان يارودي المجنونه . وحشتينى جدا عامله ايه ياحبيبتى ؟
رودي : بزعل وحشه من غيرك يسطى . انت هترجع امتى بقى ؟
فارس : يسطى؟ ماشي . المهم يامعلمه انا راجع إن شاء الله كمان يومين ..
رودي : بتنهيده . ماتجيب بوسه يافارس ..
فارس : فتح عينيه بدهشه . وبص حواليه . احم رودي انا قاعد مش لوحدي وداخل ع مؤتمر مصيري ..
رودي : وده ايه علاقته بالبوسه ؟ ماتنجز ياجدع انت .. اله ؟
فارس : احم . لما ارجع الفندق إن شاء الله ياحبيبتى.
رودي : عوجت بوقها . طيب قولى كلام حلو زيك كدا يافروسه ..
فارس : ابتسم بحب . رودي المجنونه . انتى ف العياده ايه مفيش عندك شغل ؟
رودي : حطت ايدها ع خدها . تؤ عندى . طاروق ع وصول ..
فارس : بقلق بابا.؟ . بابا ماله يارودي؟
رودي : حبيبى اهدا متقلقش .. عمو آدم اتصل عليا . وقالى إن ضرس بابا طارق رجع يوجعه تانى . وانا قولتله انا بصيت عليه قبل كده ولازم يتخلع .. لكن طاروق رافض . وعمو آدم قالى انا هتصرف واجيبه وجاى ..
فارس : اتنهد . رودي خلى بالك من بابا .. وطمنينى عليه حتى ف رساله . لحد ما اخلص المؤتمر واتصل عليه ..
رودي : حاضر يانجم متقلقش . ده طاروق ده حبيبى .. المهم مش هتجيب بوسه ؟
فارس : ههههه والله بموت ف جنانك ده .. لكن حاليا ف موقعى ده ماينفعش خالص . هيبتى بتروح يامجنونه ..
رودي : ابتسمت بحب . انا بحبك اوى يافارس . يارب ترجعلى بالسلامه ..
فارس : بحب . همس وانا بموت فيكى ياقلب فارس .. وكلها يومين واكون عندك إن شاء الله …
الممرضه . خبطت. دكتوره كشف جديد موجود بإسم اللواء طارق السيوفى ..
رودي : هزت راسها ليها . وقامت بسرعه . طيب يافارس . بابا طارق جه. انا هقفل دلوقتى وهطمنك بعدين ..سلام .
طارق : بره . وخايف وبيدارى خوفه . ومتغاظ جدا من آدم . وقاله بغيظ . وانت مالك ياجدع انت .. انا اشتكيتلك ولا اتنيلت قولتلك عايز اكشف؟ ..
آدم : ببرود . اخويا حبيبى تعبان ولازم اطمن عليه .. وبعدين انت خايف من حاجه؟
طارق : ها ؟ احم وا.انا هخاف من ايه يعنى؟ انا مابخفش . ا.انا قلبى ميت.
بيتر : هههههههه . هههههههه.
آدم : ضحك بصمت ..
طارق : بنرفزه . انت جايب الواد بيتر ده معاك ليه ؟ وبصله انت جاي تضحك عليا ياض انت؟
بيتر : هز راسه . نو يافخر العرب ههههههههه..
آدم : ضحك . هششش بس انت وهو ..
رودي : خرجت بسرعه . وابتسمت اهلا . اهلا اذيك ياعمو آدم عامل ايه منورني والله؟
آدم : الحمدلله يادكتوره ربنا يكرمك. انتى كويسه .
رودي : انا الحمدلله بخير. اذيك ياعمو بيتر . العياده نورت بجد ..
بيتر : الله يسلمك يادكتوره . ومنوره بوجودك . وب حماكي ههههه ..
رودي : طاروق ؟ احم قصدى بابا طارق . ده الكل ف الكل . الف سلامه عليك يابابا ..
طارق : بغيظ اهلا يختى ..
رودي : يختى ؟ احم وقربت منه طارق انا هنا دكتوره اشطا ؟
طارق : بغيظ اكبر . بقولك ايه يابت يا رودي انا مش طايق نفسي . واكتبيلى ع اي مسكن عشان امشي من هنا …
آدم : بمكر . مش لما الدكتوره تكشف عليك ياسيادة اللوا ؟ ونشوف خلع ولا حشو .. ولا ايه يابيتر ياخويا ؟
بيتر : هههههههه . طبعا يا آدم ياخويا . لازم الدكتوره تكشف . وبعدين دى مرات ابنه يعنى هتكشف بضمير . سلامتك ياطاروق ههههه.
طارق : صك ع اسنانه بغيظ .. اااااه ياضرسي . وحيات امى ماشي ..
رودي : اتفضل يابابا .
آدم : رودي يابنتى ينفع اكون موجود معاه. انتى متعرفيش غلاوته عندى ..
بيتر : وانا كمان عايز اتفرج عليه ..
طارق : بص لفوق .. وقال جواه استر يارب . والله ما هبص ع حد تانى . تووووبه ..
رودي : طبعا اتفضلو حضراتكم . ودخلت اوضة الكشف ..
آدم مسك طارق من ايد . وبيتر سانده من الاتجاه التانى ..
طارق : شد نفسه . جرا ايه ياجدع انت وهو . وانا داخل العمليات . انتو مأفورين كدا ليه؟
بيتر : احم اسف انا بس اندمجت شويه وكتم الضحكه ..
آدم : رفع حاجبه . ومط شفايفه . وشاور ل طارق اتفضل ع السرير ..
طارق : بص ع سرير الكشف . وشاف الأجهزه . بلع ريقه بتوتر . ومش عايز حد يشمت فيه . احم . وقال بتمثيل . ايوه شايفه وعادى يعنى . احم . وراح قعد ع السرير ورجع راسه لورا . وقلبه بيدق بخوف .وبص ع رودي وفتح عينيه ع الاخر بصدمه ..
رودي : بتلبس الجوانتى . وجابت حقنه شكلها مريب .. وحطتها جمب الاجهزه . ونزلت الاضاءه ع وش طارق . وقالت . يلا ياطاروق . افتح بوقك …
طارق : بلع ريقه بتوتر . احم وهمس بصوت واطى . رودي انتى بتحبى حماكي صح؟ مش انا حبيبك ومدلعك؟
آدم : جه وقف جمب راسه بتقول حاجه ياطارق؟
طارق : بغيظ بقول منك لله يا آدم ياعدوي ..
آدم : ببرود . كلنا مننا لله يصحبى . يلا يارودي شوفى شغلك . عشان عندي شغل ..
رودي : يلا ياطارق افتح بوقك بقى ؟
طارق : عينيه ع آدم بغيظ وفتح بوقه . اها..
رودي : بتكشف . اممم .. ايوه .. امممم . هنا ضرس لازم يتشال . وف ضرس عايز حشو عصب .. تمام .. هو مش ملتهب اوى وهيتشال انهارده ..
طارق : فتح عينيه ع الآخر بصدمه كبيره . احم بس…بس انا مش عايز أشيل ضرسي .. انا هاخد مسكن ..
رودي : مسكن ايه بس ياطاروق . ده ضرسك ضارب خالص . يلا افتح بوقك عشان تاخد حقنة البنج .
طارق : بصوت عالى .. ايييه؟ بننننننج . وبص ع آدم وبيتر الل هلكانين ضحك .
. ورسم الجديه احم . اه بنج . بس انا شايف انه ملتهب . يعنى. احم لو اخد مضاد حيوي . ولما يخف اجيلك بنفسي واخلعه ..احم ..
رودي : نفخت اووف وبعدين معاك بقى . قولنا مش ملتهب اوى . يلا ياعسل افتح بوقك ياحبيبى يلا يابابا ..
آدم : قرب من طارق بمكر .. هيبتك بتروح يا اسد ..
طارق : رفع راسه ليه . بكرهك يابن العدوي ..
آدم : ببرود .. القلوب عند بعضها ياحبيبى . واتعدل احم يلا يارودي . طارق بيقولك اديله البنج وخدي راحتك ..
بيتر : همس . ولا يا آدم هو قالك كدا ؟
آدم : بوشه الأصفر ده ؟ تؤ مايقولهاش ..
بيتر : هههههههه . والله ماقادر ههههههههه ..
طارق : اطلع بره انت وهو يالا …
رودي : طاروق عيب. دول اخواتك وضيوفك . وبصراحه عمو آدم خايف عليك . يلا افتح بوقك . بسم الله .
طارق : غمض عينيه جامد .وفتح بوقه .. وبيدعى ع آدم وبيتر .. وافتكر رنا . وقال هتوحشيني يارنا .. كان نفسي اعيش اكتر من كدا معاكي . هتوحشوني ياعيالى .. واحفادي . اااه ياطارق . نهايتك ع ايد إبن العدوي . صاحب عمرك .. ادي اخرت الصحوبيه .. اتشاهد ياطارق . اتشاهد قبل ما تموت ..
رودي : بتقلع الجوانتى . اله ايه ياطاروق . مغمض عينيك ليه ؟
طارق : انتبه وفتح عينيه . وبص حواليه وشاف آدم وبيتر ..هيدمعو من كتر الضحك الصامت .
. وقال الحمد لله مختش بنج . اكيد صعبت عليها …
رودي : طاروق انت خدت البنج حالا .. شويه كدا . وهخلع الضرس ..
طارق : ضحك ببلاها . والله انا اخدت البنج . ايه ده ؟ انا محستش بحاجه . يسلام أما مرات ابني شاطره بصحيح .
وبعدها كشر ايه ده؟ بوقى منمل ليه ؟ يخربيتك يارودي .انتى حقنتى بوقى . ااه مش حاشش بحاكه .
بيتر : وشه احمر من كتر الضحك . ولا يا آدم انا مش قادر هموت واضحك يالا …
آدم : بيضحك بصمت وقال اصبر لسه لما يخلع الضرس . هههههههههه ..
————بقلمي مريم نصار
عند رعد الجوهري..
رعد : داخل البيت .. وبينده ع هيلينا . هالي ؟ حبيبتي انا جيت انتى فين ؟
رعد .وقف بدهشه . ايه ده؟ انتى قاعده ليه كدا؟ وانتى بتعملى ايه؟ وفين سفيان؟———