رواية الحادية عشرة الفصل العاشر 10 بقلم ميرنا ناصر

رواية الحادية عشرة الفصل العاشر 10 بقلم ميرنا ناصر

رواية الحادية عشرة البارت العاشر

رواية الحادية عشرة الجزء العاشر

رواية الحادية عشرة الحلقة العاشرة

_ياصباح نجاة اللى بتغنى
= يوسف.. بنتى حصلها حاجه، صح؟ عملتى فى بنتِ ايه انطق.
_لا لا لا إطمنى ياروما، البت بخير انا بس كنت جاى عشان
“بصيت له من فوق لتحت، وانا شايفة شكله وهو ملهوف ومطلع لى ورده من جيبه -كتر خيره- ”
=خير يا أستاذ يوسف إنجز ورايا مشغوليات.
_بصراحه كدا ياروما.
=بص يا استاذ يوسف ياطليقى، انا إسمى غرام، وبالنسبالك انت مدام غرام او استاذة غرام، روما دى لما تكون أخويا، ابويا، جوزى بعد الشر.
_اه من أولها معاملة ناشفة، بس من حقه الجميل يتدلع.
=ياسلام! جميل؟ انت سخن ياا يا أبو أيسل.
_قوليلى يا يويو زى زمان.
= استغفر الله العظيم، دا صباح ايه اللى زى الزفت ده.
_متسوقيش الدلع والامتناع عليا، انا عارف إنك بتحبينى، وهتموتِ ونرجع
“ضحكت وبصيت له، وقعدت أتفرج على حركاته وكلامه”
_غرام انا ليلى عايزاها عشان الولد تجيبلى ولد، مش حب ولا عشان بكرهك او مليت او زهقت لا لا، انتِ مش هتعرفِ تخلفى تانى، وكنت عايز ارضى أمى. اهم حاجة الام دى اللى هندخل بيها الجنة، دا ربنا وصى عليهم فى كتابه.
=ربنا وجنة!! شوف سبحان الله يا اخى اول مرة اشوفك بتجيب سيرتهم، لا لا سورى جبت سيرة ربنا قبل كدا فى الجواز اه
_ياغرام، والله ما عيشت غرام ولا حب غير على ايدك، انا جاى طالب الود والرضا.
=يوسف.
_عيون يوسف.
=هات اللى عندك فى جملتين وبس عشان شغلى.
_البنت ياغرام..البنت مقطعة قلبى أيسل الرقيقة الحنونة، قلب أبوها بتتقطع على فراقنا، البنت جات عيطت لى وقالتلى يابابا انا نفسى أعيش معاك انت وماما من تانى، وماما أكيد بتحبك وانت بتحبها، انا تعبانه من غيرك يابابا وراحت ماسكه قلبها
=اه ياقلب مامتك، بنتِ مسكت قلبها؟ سلامتك انت وهى ياابو بنتى كمل
_ الله يسلمك من كل سوء يارومتى قولتلها ياسولى انا وماما واخدين إجازة بس اوعدك اوعدك بكرا من النجمة هروح لماما واقنعها ، بصر احة ياغرام مش عايز بنتى تعيش فى اسره مفككة، صعبت عليا نامت فى حضنى من كتر العياط، شيلتها ونومتها فى اوضتها وفضلت جمبها سهران للصبح قلبى بيتقطع، احنا اتسرعنا يارومتى اتسرعنا.رجوعنا لازم يتم لو مكنش علشانى لازم علشان بنتنا.
=طب بص بقى يا ايها الاب المثالى الحنون، رجوع إنسى، رجوع لايه بالظبط؟ للضرب والاهانة، ولا للمقارنات بصى فلانة مرات فلان بتلبس ايه وعامله ايه؟ ولا رجوعى لدايرة كلها انت وبس، انت تتبسط، انت زعلان، انت فرحان، انت. انت. انت، ولا رجوعى للضغط النفسى اللى مأثر على صحتى من ضغط وسكر، المدة اللى قعدتها هنا مشتكيتش بيهم ولا مرة غير بس لما اشوف وشك. ولا ارجع للشغل عشان انت مش عارف تكفى بيتك، ولا ارجع للبخل مش بس البخل المادى لاء، بخل مشاعرك مبتقوليش كلمة حلوة توحد ربنا.. ابقى مريضة لو رجعت لواحد مريض زيك.. أما عن حوار بنتِ، فهى نايمه من الساعه 8 ونص بعد ما سمعت ليها الايات اللى حفظتها جديد، ونامت وانا معاها على الفون، يعنى كمان مش زوج فاشل ولا اب فاشل تؤ وممثل كمان فاشل
.
“سمعت صوت قلم على وشى،بس المرادى متوجعتش ولا عيطت عينى كانت فى عينه بصيت له وبكل تحدى ومتهزيتش، ورديت له القلم اتكلم يكل عصبية وهو بيكسر الكرسى اللى جمبى ”
_انتِ شكلك اتجننتِ انتِ بتضربينى انا بالقلم شكلها وحشتك ضربات زمان ياغرام انا هوريكِ .
“سحب خشبه من الكرسى اللى كسره ونزل ضرب فيا، كنت بحاول اتفادى الضربات واوقعه على الارض بقاوم بكل ما اوتيت من قوة، بس غلبنى، وهنا كان لازم استنجد بالناس واصرخ زى الاطفال، اوعى تعيطى ياغرام، إياكِ ثم إياكِ تنهارى، اصمدى اوعى يغمى عليكِ استحملى ياغرام، إفرحِ، لحد ما كل الناس اتجمعوا مكنتش شايف حد مميز غير شخص بعيد بيضرب يوسف وبيسدد له لكمات قوية”
_ قوميها يا فريده، ساعديها ياحاجة
“كانت فريدة بتصرخ، بتقول دم ومفزوعة، طنط كريمة اللى دموعها سابقة دموعى وهى بتدعى عليه صوت عمو كامل وهو بيقترح انه يطلب إسعاف هنا كان لازم اكون أقوى وانى أقف واجمع اللى باقى منى ومن صوتى واتكلم ”
=م.. محضر.
_ايه ياغرام؟
=محضر ياعمو عايزه أعمل محضر باللى حصل
_بينا على القسم تعالى يافريدة
_انا جاى معاكم
“صوت وسيم، هو الطيف البعيد اللى كان بيضرب يوسف، مكنتش حاسة بألم قد إحساسى بالانتصار، انا ضربته وقاومت مستسلمتش لضربه وقعدت مكانى مستنية رد فعله ولكماته، دافعت عن نفسى لأول مرة فى حياتى قُصاده، يارب انا ضعيفة يارب، مليش حد غيرك، مفيش أب بيسأل، ولا اخد بيسند، انت أحن من الكل، اسندنى وقوينى وثبتنى، ارشدنى واصلح حالى، دا انا غلبانه ومليش غيرك ”
_______________________________________
_هى كدا واخده مسكنات فى الكانيولا دى عشان جسمها كله كدمات، يخلص المحلول يادكتورة فريدة وسيبى الكانيولا عشان لو تعبت باليل نحط ليها مسكنات تانى
_طمنى يا نور يابنى، هى مش واعية ليه للى حواليها
=من المسكنات، وتقريبا اعصابها تعبانة
“مكنتش قادرة اكلم حد منهم شايفهم طشاش وسامعهم ، كنت حاسة انى فى غابة والكل بياكل فيا زى الفريسة اللى بينهش فى جسدها اسود ووحوش، كل الدنيا ظالمة وقاسية،
كنت شايفه نور مخنوق وبيبص ليا بشفقه،
عم كامل وهو مليان غضب وعصبية اب لبنته محستهاس من ابويا فى يوم.
‏طنط كريمة وهى عمالة تدعى افوق واسمعهم .
‏فريدة وهى منهارة وسانده على كتف طنط كريمة.
‏واخيرا وسيم اللى شايفة دموعه من بعيط بيمسحها بسرعه قبل ماتنزل تغرق قميصه وحد ياخد باله، وخلاث هغمض عنيا بس قمت على صوتهم هما.. ايوه اهلى، او خذلانى عشان تكون أصح”
‏
‏_رافعة على جوزك ابو بنتك قضية وهيتحول على النيابه، انا معرفتش اربى، وجاية تسكنِ فى سقة مهجورة ومسكونة باللهم احفظنا، انا قولت لامك انك عنيدة ومحتاجة يتكسر رقبتك ، انا هربيكِ ياغرام من اول وجديد.
‏
‏_نطمن بس عليها يابو غرام
‏
_فى ايه يا عادل داخل واخد فى وشك ومش هامك حد.
_عم كامل انت عارف ان بنتِ ساكنة هنا وساكت. سايبها تعيش فى شقة مسكونة
“بص ليا من بعيد وشاور لى بإيده، مفهمتش بس كنت مركزه معاه كنت بحرك رأسى وكأنى بقوله مش فاهمه، بعد دقائق صغيرة لقيت المكان حواليا نار ودخان، كلهم خافوا وجريوا واللى منهم صرخ بإن العفاريت ظهرت من تانى ، واللى يقول كل حاجه مولعه إلا سرير غرام دى خلاص بقيت منهم، واللى عمال يفتكر اى آية يقولها وفى خلال كام ثانية كانوا كلهم تحت ماعدا وسيم ”
_اسف، على اللى حصل مكنتش عايزك تسمعى اى شد بالذات دخول والدك.
“حاولت اتكلم وكأنى بجمع الحروف زى طفل لسه بيتعبم النطق”
=الساعة كام؟
_ الساعة الحادية عشرة
“ضحكت ضحكة باهتة”
=مواعيدك.
_طول عمرها مظبوطة
=انت عملت ايه؟
_فين الكفتة؟
=فى التلاجة!
_طيب هروح أحضر آكل
=انت..انت لازم تمشى احنا كدا وحدنا فى الشقة حتى أيسل مفيش.
_ياشيخة اتنيلى، انا قد ابوكِ، ثقِ فيا انا عفريت محترم وبراعى الاصول انا هحضر الاكل فى المطبخ وهنقعد ناكل فى البلكونه.
= انا مش قادرة أقوم
_غرام مُحاربة وقوية ولازم تعافر.
=انا عاملة دايت مفيش كفته ليا
_عارف، فى زبادى عندى هحضرلك طبق سلطه مُعتبر وزبادى.
_________________________________________
«|البلكونه»
_استفزتيه عشان يضربك؟
=تؤ هو لما بيتزنق بيضرب دا اسلوبه.
_مستنجدتيش بالناس علطول ليه ياغرام سبتبه لما عضمك اتكسر؟
=تقدر تقول كنت بتحداه وبتحدانى، بثبت لنفسى انى فعلا بقاوم وبحارم مش غرام الضعيفة اللى كانت عارفة انها لو عملت اى حاجة هتتضرب وتبقى محضرة مسكنات عشان لما يرجع يضربها متحسش
_ايه؟ انتِ كنتِ كدا؟!
= اه متستغربش، لو رديت على مامته، لو اتخصملى فى الشغل، لو الاكل ناقص ملح لو البيت مش مترتب، لو حصل منى اى موقف منالش إعجابة كنت بجرى احضر مسكنات وبرشام منوم واخد العلقه المتينه وبرشامه منوم والموضوع خلص.
_ايه رأيك نلعب؟
=نلعب!!

يتبع……

لقراءة الفصل التالي : اضغط هنا

لقراءة جميع حلقات الرواية اضغط على : (رواية الحادية عشرة)