رواية موضوع عائلي (الشيخ والبلطجي) الفصل الثاني والعشرون 22 بقلم رحاب القاضي
رواية موضوع عائلي (الشيخ والبلطجي) الفصل الثاني والعشرون 22 بقلم رحاب القاضي
رواية موضوع عائلي (الشيخ والبلطجي) البارت الثاني والعشرون
رواية موضوع عائلي (الشيخ والبلطجي) الجزء الثاني والعشرون
رواية موضوع عائلي (الشيخ والبلطجي) الحلقة الثانية والعشرون
محمد
زينب انا بجد لازم اروحله..
زينب بحزن
يا محمد خلي باباك او اخوك اللي ما جاش اصلا يرحو ، انما هتسيبني كده يعني والناس..
هناء بحده
اومال يعني يسيب ابنه تعبان انتي ما فيش احساس خالص..
محمد بضيق
يا ماما ارجوكي اهدي، انا اسف جدا يا زينب قولي اي حاجه للناس بس ما اقدرش اسيب ابني وبجد انا اسف..
_ قال محمد كلامه ومشي بسرعه وهناء قربت من زينب وقالتلها..
هناء
معلش يا عروسه اصل مهما عملتيله وانتي فهماني هيفضل ابنه عنده رقم واحد، ما اعطلكيش هروح اعتذر للمعازيم واقولهم راح لابنه…
مشيت هناء وام زينب وقفت جنبيه وقالت
شايفه الحربايه اللي انتي عايزه تتجوزي ابنها…
زينب بدموع
لو سمحتي يا ماما انا مش عايزه اتكلم انا هاخد السواق ومروحه ومش عايزه حد يكلمني خالص..
_مشيت زينب وقربت ام زينب من حامد اللي كان واقف يتكلم مع هناء وقالت بحده…
ام زينب
ينفع اللي بيعمله ابنكم ده وانتو واقفين ساكتين..
هناء بحده
في ايه يا عواطف ما توطي صوتك، ماله ابني ابنه تعبان وراحله ولا انتي عايزااه يرميه ويفضل يرقص ويغني مع بنتك..
عواطف بسخريه
هه يرقص ويغني اشحال ان ما كانتش الخطوبه اسلاميه ومعقدها علينا..
هناء
وافقتو ليه ليكون ماسك عليكم زله..
عواطف بغيظ
يرضيك الكلام ده يا حج حامد..
حامد بهدوء
انا محقوقلكم يا ست الكل بس الكلام بالهداوه الراجل ابنه تعب فجأه..
عواطف
تعب فجأه ولا دي لعبه من طليقته عشان تبوظ الخطوبه..
هناء
لااااا عندك استوب يا رووحي انتي تغلطي في ابني اعديها حماته ومعلش تغلطي في الراجل اللي جنبي ده ياريت انما تغلطي في هاجر حبيبة قلبي ام حفيدي والله اجيبك من شعرك…
عواطف بغيظ
انت ست مش متربيه وقليلة ذوق وانا كلامي مع ابنك…
_قالت كلامها ومشيت بسرعه وهناء زعقت وقالت بصوت عالي وعصبيه..
هناء
انتي بتغلطي في مين يا وليه يا كركوبه يا معرقبه يا مقشفه سيبني يا حااامد عليها..
حامد
خلاص يا هناء في بتوع تلفزيون هنا مش ناقصين فضايح…
هناء.
اوعي كده سيب ايدي ما هو كله من ابنك اللي راح يناسب عرر زي دول..
حامد
طيب اهدي وتعالي نشوف الناس اللي معزومين دول ونعتذرلهم..
هناء
يونس فين ما جاش ليه..
حامد
زعلان علي زعل مراته عشان هاجر..
هناء
حقهم ده لولا اني امه والله ما كنت جيت..
حامد قرب منها وقال
وحشتيني يا هناء ووحشتني خفة دمك دي..
هناء
ما تتلم يا حامد ويا اخويا قبل ما تقولي الكلمتين دول روح بص في مرايه علي شعرك اللي قلب ابيص وسنانك اللي وقعت دي..
ضحك حامد بصوت عالي وقالها
هههههههه اهو برضو اللي ما وحشنيش لسانك اللي بينقط سم..
هناء
طيب حاسب بقي لينقط عليك ونخلص منك، بعد اذنك يا حج حامد…
ـــــــ #بقلم_الكاتبه_رحاب_القاضي ــــــــ
_وتحت بيت هاجر كان محمد واقف بره عربيته وقال لزينب اللي بيكلمها..
محمد
اديني اهو مستنيها تنزل عشان نروح المستشفي..
زينب
طيب يا حبيبي ابقي طمني عليه وان شاء الله خير..
محمد.
حاضر…
وشاف هاجر نازله وقال
خلاص يا زينب هكلمك وقت تاني هاجر نزلت اهي..
زينب اتنهدت وقالت
حاضر ما تنساش تطمني عليه..
_ قفل محمد معاها وهاجر وقفت قدامه وهو شال منه ابنها وقال..
محمد
يا نهار اسود يا هاجر الواد مولع وانتي مش عارفه تتصرفي يعني..
هاجر بدموع
عملت كل اللي اقدر عليه والله وبرضو السخونه ما نزلتش واول مره اتحط في الموقف ده ومش عارفه اعمل اي حاجه..
محمد
طيب خدي شيليه واركبي يلا هنروح المستشفي..
ركبت هاجر ومحمد جنبيها وقالتله
ودينا المستشفي اللي شغاله فيها هناك في دكتوره بتاعت اطفال شاطره جدا…
اتحرك بالعربيه ورد عليها
لا طبعا ابني مش هيروح مستشفي حكومي، انا هوديه احسن مستشفي خاصه..
بصتله هاجر بحزن وقال
اي حاجه بس ياريت بسرعه…
_ وفعلا وصلو المستشفي وكان الدكتور هناك بيكشف علي حامد الصغير وهاجر واقفه جنبه ومحمد واقف بعيد عنهم شويه..
الدكتور
لو سمحتي يا مدام ممكن تتفضلو بره انتي والشيخ محمد واخلص كشف وابقي اطمنكم…
هاجر بحده
انت بتزعقلي ليه اصلا اي ده..
محمد قرب منها وقال
خلاص يا هاجر لو سمحتي تعالي نستني بره عشان الدكتور ياخد راحته..
_طلعت هاجر قعدت علي كرسي قدام الاوضه وهي لتعيط، وكان في ممرضتين واقفين قريب منها وواحده قالت…..
البنت
شوفتي عامله نفسها بتعيط وعامله الفيلم ده عشان تبوظ خطوبته وتجيبه ليها علي ملي وشه..
ردت عليها صاحبتها وقالت
اصلا حقه يسيبها شكله مش ساهله وبيئه اووي ازاي كان متجوزها اصلاً..
البنت
فعلا دي ما تجيش حاجه جنب زينب عدنان دي صورها علي الانستجراام تجنن…
_قامت هاجر وقعدت بعيد. عنهم عشان ما تسمعش كلامهم اللي زاد. من حزنها اضعاف، وبصت لنفسها وهي لابسه هدومها بأهمال بسبب خوفها علي ابنها وانها كانت مستعجله، وافتكرت كلامهم وفضلت تعيط اكتر، قرب منها محمد وقال بهدوء..
محمد
ممكن تهدي يا هاجر هو هيكون كويس..
هاجر بحده
مالكش دعوه بيا ممكن…
محمد بضيق
حاضر..
_وطلعت الممرضه وقالتلهم يدخلو ودخلت هاجر واخدت في حضنها ابنها اللي كان بيعيط وفي ايده محلول والدكتور قالها..
الدكتور
هو هيفضل معانا النهارده وبكره هيمشي..
محمد
خير يا دكتور هو ايه اللي عنده اصلا؟
الدكتور
التهابات في ودانه عملتله الم في المعده وسخونه، جسم الطفل الصغير كتله واحده لو حاجه واحده تعبته هتنقل للجسم كله عشان كده اي حاجه تلاحظوها عليه من البدايه يتعرض علي الطبيب قبل ما تزيد…
محمد
تمام يا دكتور شكرا جدا تعبناك معانا..
الدكتور
لا علي ايه يا شيخ محمد ده انت بالنسبالنا حاجه كبيره انا ديما بتفرج علي برنامج حضرتك ومن اشد المعجبين بحضرتك..
ابتسم محمد وقاله
شكرا وربنا يوفقك..
طلع الدكتور والممرضه قالت لهاجر
اول ما المحلول يخلص شليه من ايده ودوسي علي الزرار ده وانا هجيلك حالاً..
هاجر
حاضر….
_ طلعت الممرضه وهاجر ضمت ابنها ليها اكتر ودموعها بتنزل وهي خايفه علي ابنها اوووي، بصلها محمد بحزن علي حالتها وقال..
محمد
نيميه علي السرير يا هاجر عشان ما تتعبيش..
هاجر بجمود
لا مش تعباانه ومعلش ازعجتك تقدر تتفضل تكمل خطوبتك…
محمد
ايه اللي انتي بتقوليه ده، في ايه يا هاجر؟..
هاجر بجمود
ما فيش حاجه بس انا غلطانه. اني كلمتك وخليتك تسيب خطوبتك، اصلا ليه كلمتك طول عمري باختار غلط…
محمد بحده.
لا تكلميني لان ده ابني وحقي اكون جنبيه في اي وقت يكون محتاجني..
هاجر
لا اطمن انا مش هخلي ابني يحتاجلك في اي حاجه.، اصلا انت ما بقتش شبهنا ولا احنا شبهك..
محمد زعق فيها
اخرسي يا هاجر وبطلي تقولي كلام. سخيف زيك…
_ واول ما صوته علي ابنهم فضل يعيط اوي بأنزعاج، ادايقت هاجر وقالتله..
هاجر
اتفضل بره لو سمحت..
محمد
لا انا بايت هنا ومش همشي غير لما اطمن عليه..
هاجر بحده
عايزه ارضعه يا محمد ممكن. بقي تطلع..
اتنهد محمد بضيق وقالها
حاضر او ما تخلصي اندهيلي عشان مش همشي انا قااعد بره….
طلع. محمد وهاجر قالت بغيظ
قعدت عليك حيطه..
ــــــ #بقلم_الكاتبه_رحاب_القاضي ــــــ
_في بيت صبري اخو شهد..
كانت شهد قاعده. بتذاكر مع اسر ابن اخوها والباب خبط وراحت زهره فتحت ولقيت يونس..
زهره
يونس اهلا اهلا عاش من شافك…
يونس
ازيك يا ام اسر عامله ايه؟..
زهره
بخير الحمد لله تعابي اتفضل..
دخل يونس وقال
هو الاسطي صبري هنا؟..
زهره
ايوه بيستحمي جوه تعالي اقعد. مع شهد بتذاكر لاسر اهي لحد ما يطلع..
يونس
حاضر…
_ قفلت زهره ااباب ودخلت المطبخ ودخل يونس ووقف بعيد عنها شويه وشافها وهي بتذاكر لاسر وبتقوله..
شهد
ما تنزلش من علي الخط يا اسر مش مليون مره اقولك..
اسر
والنبي ما نزلت من علي حاجه يا شهد انا قاعد جنبك اهو..
شهد
ايه يا واد خفة الدم. دي…
رد عليها يونس وقال
طالع لعمتو..
شهد
انت جيت امتي؟..
قعد جنبيها وقال
من شويه، ما قولتيش يعني انك جايه وقافله موبيلك ليه؟..
شهد بحزن
مدايقه شويه..
يونس
ليكي بيت تدايقي فيه ومليون مره اقول ما تروحيش اي مكان غير لما اكون عارف..
شهد بضيق
انا روحت فين يعني انا جيت عند اخويا..
يونس بحده.
ما قولتيش ليه انا فاكر انك عند هاجر لحد ما السواق قالي انك هنا واكلمك الزفت مقفول..
شهد
عايز ايه يا يونس؟..
يونس
تعقلي وبطلي عند يا شهد..
شهد
هو ايه اللي عِند اني عايزه تخلف منك ويبقي عندنا طفل ابقي بعند معاك..
يونس بحده
ايوه عشان احنا مش بقالنا 100 سنه مستعجلين عشان تعملي كده لسه قدامنا كتير يا شهد..
شهد
هو انت ناقصك ايه يا يونس عشان نخلف؟
يونس بجمود
انا اذا كنتي وانتي بطولك وانا خايف عليكي وحتي لما بكون مسافر بفضل اكلم فيكي كل شويه ولما تخرجي من غيري بيركبني مليون عفريت عايزاني اجيب عيل صغير اربطه بيا وانا كده..
شهد بضيق
دي حجه بيقولها اي راجل مش عايز اي رابط بينه وبين الست اللي متجوزها عشان وقت ما يزهق يسيبها..
يونس بجمود
انتي شيفاني كده يا شهد؟..
شهد بدموع
لا..
يونس مسك ايدها وقال
والله هنخلف وهنجيب بدل العيل عشره بس اديني وقتي يعني عشان ما احسش اني مضغوط او اتفرضت عليا حاجه وقتها علاقتي انا وانتي اللي هتتأذي..
شهد مسحت دموعها وقالت
حاضر يا يونس استني بس نتعشي وبعدين نمشي سوا..
باس يونس علي ايدها وقال
بتبقي قمر وانتي بتسمعي كلامي..
شهد ابتسمت وقالت
انا قمر ديما في كل حلاتي..
غمزلها يونس وقال
طيب ما انا عارف هو انا في حاجه مصبراني علي دماغك الصغيره دي غير. حلاوتك يا بطل..
شهد بكسوف
اتلم طيب الواد قاعد..
اسر بسخريه
انتي لسه واخده بالك اتنيلي..
_ ضحك يونس بصوت عالي، وشهد كمان وبصت ليونس بقلق وهي ناويه تعمل؟….
ـــــ #بقلم_الكاتبه_رحاب_القاضي ـــــ
_في الساحل كانت ولاء قاعده علي البحر وهي بتقلب في موبيلها وشافت ذكري لاستوري كانت ليها علي الانستجرام…
وكانت صوره ليها هي ومازن في اليوم ده قبل سنه كانت بتحبه وبتعشق كل حاجه بيعملها ليها، ضحكت بسخريه لما افتكرت انها كانت كل ما تنزل ليهم استوري مع بعض كانت تعمل استثناء لاهلها كلهم..
قعد علي جنبيها وهو ماسك كوبايتين قهوه وقال..
علي
سرحانه وبتضحكي علي ايه؟…
ولاء بحزن
السنه اللي عدت زي الوقت ده انا كنت بين الحيا والموت…
حطت الموبيل قدامه وقالت
الصوره دي اتصورتها معاه الصبح واحنا في الجامعه بالليل راح وقال لنسرين انه بيحبها، شوفت انا كنت متخلفه ازاااي…
علي بهدوء
لا لا انتي ما كنتيش غبيه خالص انتي كنتي بتحبي بجد وقدمتي كل حاجه ليه بحسن نيه بس هو اللي ما كانش يستاهلك وبعدين احنا اتفقنا نقول ايه يا هانم..
ابتسمت ولاء وقالت
الحمد لله ان ده حصل عشان اتجوزك يا سي علي…
قرب منها علي وقال
ايوه كده واخر مره افكر تتقال من نفسك لما يتفتح الموضوع ده..
ولاء
يا شيخ اتنيل بدل ما تقولي انسيه وما نفتحوش تاني..
علي
انتي مش هتقدري تنسي ولو انا قولتلك كده يبقي معناها اني مش عايز اشاركك في كل لحظات حياتك، لا انا عارف انك هتفتكري ومبسوط انك لما بتفتكري بتيجي وتتكلمي معايا..
ولاء
انا بحبك اووي يا علي ومبسوطه من الكلمه دي وانا بقولهالك لانك تستاهلها..
علي بثقه.
عارف..
ولاء
يا رخم طيب هات الفون بتاعي بقي عشان اكلم ماما وبابا واشوفهم وصلو ولا لا؟..
علي
لا كفايه كلمناهم كتير وهما هيوصلو الصبح ويطمنونا وبعدين معاهم عُدي اخويا..
ولاء
ايزه صح انت ليه بقي بعت معاهم عدي؟..
علي بخبث
عشان هاجر..
ولاء
انت لسه الموضوع ده في دماغك..
علي
ايوه حرام اختك صغيره تقعد من غير جواز وهي وعدي مناسبين لبعض هو مطلق وهي مطلقه هو ما بيخلفش وهي معاها ولد يعني مش هيقسي علي ابنها عشان ولاده والجو ده..
ولاء بضيق
بس هاجر بتحب محمد وانا قولتلك كده..
علي
لا اطمني عدي هينسيها ابوه ده انا طالعله اصلا..
ولاء ضحكت وقالت
لا بحيث كده. يبقي اطمنت علي اختي..
_ قالت كلامها وحضنت دراعه وفضلو هما الاتنين قاعدين قدام البحر وهما بيتكلمو وبيضحكو ومبسوطين جدا مع بعض…
ـــــــ #بقلم_الكاتبه_رحاب_القاضي ـــــــ
_ وتاني يوم الصبح في المستشفي..
صحي محمد علي صوت مامته اللي بتلاعب في حامد، وقال بصوت نايم..
محمد
انتي جيتي امتي يا ماما؟..
هناء
جيت دلوقتي يا حبيبي الف سلامه علي حمودي..
قرب من مامته وبص لابنه وقال
لا شكله بقي احسن دلوقتي…
طلعت هاجر من الحمام وقالت
هاتيه بقي يا طنط عشان هغيرله، الدكتور قال كلها ساعه وهنمشي..
هناء بقلق
انتي مال عينيكي حمرا كده ليه، انتي كنتي بتعيطي ولا ايه؟..
هاجر وهي بتشيل ابنها
لا بس عشان ما نمتش خالص فتعبت شويه…
هناء بصت لمحمد وقالت
اومال كنت جاي تنام هنا يعني ولا ايه مش تشيل عنها شويه..
محمد بضيق
قولتلها تنام وانا هفضل واخد بالي منه..
هاجر بسخريه
قال كتر الف خيره..
_ وكل اللي عدي كوم علي هاجر ولما دخلت زينب خطيبة محمد عندهم كان كوم تاني، ومسكت زينب ايد محمد وقالت..
زينب
عامل ايه يا حبيبي طمني عليك؟..
محمد ابتسم وقال
ابني اللي تعبان علي فكره، اهو كويس الحمد لله…
زينب بصت لهاجر بخبث وقالت
الله ابنك حلو اوووي شبهك جدا يا حبيبي…
_حاولت هاجر علي اد ما تقدر انها تداري دموعها اللي ملت عيونها، وبدأت ايدها تتنفض بتوتر وحزن وهي بتغير لابنها وانقذتها هناء اللي قالت..
هناء
لو سمحتو احنا مش بنتعرف هنا، خد خطيبتك يا محمد وخليها تطمن عليك بره…..
محمد بضيق
في ايه يا ماما زينب جايه تطمن علي حامد. كتر الف خيرها…
هناء بحده
الدكتور قال ما ينفعش يبقي في اكتر من تلاته في الاوضه معاه فعشان ما تسيبهاش لوحدها خدها واخرجو بره ولا نخرج الواد وامه يعني..
زينب بهدوء
لا عادي يا ماما هناء انا كده كده واخده محمد وماشين عشان نعمل سيشن الخطوبه اللي فاتنا امبارح، والف سلامه علي حامد يا هاجر..
هناء بحده
الله يسلمك يا اختي هاجر بتغير لابنها مش فاضيه..
محمد
يلا بينا يا زينب، هكلمك يا هاجر عشان اطمن علي حامد يا ريت تردي عليا…
_ قال كلامه وطلع بره ومعاه زينب، وهناء قربت من هاجر اللي دموعها نزلت وقالتلها..
هناء بحزن
هو مش ابني بس والله ما يستاهل ولا دمعه من عيونك عليه..
هاجر بحزن
لا ابدا ما فيش حاجه انا بس قلقانه علي حامد…
هناء
طيب بطلي تعيطي حامد بقي كويس اهو وانتي اكيد ربنا مخبيلك الاحسن منه مليون مره..
_ وفجأه اتفتح الباب ودخل حمدي ومعاه فاطمه بسرعه ومعاهم عدي اخو علي اللي كان وسيم جدا بطوله وعضلاته وعيونه العسلي وشعره ودقنه اللي فيهم شوية خوصل بيضه..
حمدي
حامد عامل ايه اوعي كده يا هاجر..
قعد حمدي مكانها وحضن حامد وقاله
كده تخوف جدك عليك يا ابن الكلب..
هناء بغيظ
هاااجر لمي ابوكي..
_ضحكت هاجر غصب عنها علي هناء اللي اتعصب عشان ابنها، وفاطمه قالتلها بحده…
فاطمه
مليون مره اقول بلاس تحمي الواد الدنيا برد بس انا كلامي ما بيتسمعش عاجبك اللي حصل ده.
هاجر بغيظ
يا ماما انا بحميه كل اسبوعين مره انتي بتقوليلي كل اربعين يوم ليه هخلله..
فاطمه
والله ما كنت بحميكي انتب واختك الشتا كله وانتو صغيرين..
ضحكو كلهم وعدي قال لهاجر
الف حمد لله علي سلامته يا مدام هاجر..
هاجر بهدوء
الله يسلمك يا استاذ عدي، معلش تعبوك معاهم بابا وماما…
عدي بصلها وابتسم وقال
لا تعبهم راحه انا اصلا كنت قلقان علي حامد وجيت اطمن عليه..
فاطمه
تسلم يا اصيل يا ابن الناس الاصيله يا متربي..
_كانت بتقول كلامها وباصه لهناء، وفي الوقت ده دخل محمد وقال..
محمد
معلش بس نسيت موبيلي.
حمدي بهدوء
ولا يهمك يا ابني اتفضل..
دخل محمد وعدي قرب من حمدي وقاله
بعد اذنك يا عمي ممكن اشيله شويه..
حمدي
ايوه طبعا اتفضل..
_وقام حمدي واداااه حامد وقرب عدي من هاجر وقالها بصوت واطي..
عدي
احلي حاجه في ابنك عيونه البني زيك بالظبط وانا بحب اي حاجه بني..
_بصتله هاجر بتوتر من كلامه، ومحمد سمع كلامه لهاجر وبصله بحده وقال لهاجر بعصبيه..
محمد
ياريت بعد كده تفضيلو شويه وتاخدي بالك منه..
هاجر بحده
هو انا يعني مستنياك تقولي اخد بالي من ابنه ازاي، انت اخر واحد يتكلم فاهم…
فاطمه
والله احنا كلنا واخدين بالنا منه والعيال كلها بتتعب وتخف ولا انت وصغير ما تعبتش..
هناء بقلق
لا ازاي ده كان كل يوم والتاني عند الدكتور، يلا بينا ننزل انا كمان هروح معاك..
وبصت لهاجر وقالت
هبقي اجيلك وقت تاني اطمن علي حامد..
هاجر
تنوري يا طنط في اي وقت..
_ طلع محمد مع هناء وكان متعصب جداً…
ــــ #بقلم_الكاتبه_رحاب_القاضي ــــ
_وبالليل في بيت احمد رياض..
كان واقف قدام المرايا بيظبط في لبسه ونور قالتله وهي مدايقه..
نور
يعني اليوم اللي هتيجي فيه بدري هتسيبني وتخرج..
احمد بضيق
واقعد جنبك اعمل ايه يا نور..
نور قامت وقفت قدامه وقالت
هو في ايه يا احمد ليه حاسه ان كلامي ووجودي بقي تقيل عليك…
احمد
هو فعلا تقيل لو بالطريقه دي، وبتدين بجد اعمل ايه بالقعده جنبك..
نور قربت منه وقالت
طيب ايه رئيك تاخد اجازه ونسافر..
احمد بسخريه
ويا تارا اخدتي الاذن من ماما ولا لسه، ولا دي فكرتها هي..
نور بضيق
هو في ايه يا احمد بالظبط؟..
احمد
في اني زهقت من العيشه هنا وعايز انا وانتي نكون في بيت لوحدنا ممكن؟..
نور
لا طبعا يا احمد انا مش هايزه مشاكل مع مامتك وبعدين هنسيبهم لوحدهم يعني ليه؟..
احمد بسخريه
غريبه ده انتي ما اهتمتيش لاهلك اللي ولا حتي بتسألي عليهم زي ما بتهتمي لاهلي..
نور بحزن
انا عملت كل ده عشانك يا احمد…
احمد
ااه عشاني بعتي اهلك وعشاني مش قادره تسيبي اهلي، متأكده انه عشاني انا ولا عشان تبقي نور هانم..
نور اتملت عيونها دموع وقالت
هي دي اخرتها يا احمد بعد كل ده؟..
احمد مسك قزازة البرفيوم وقال
من الاخر يا نور انا هجيب بيت لوحدي بعيد عن اهلي موافقه اهلا وسهلا مش موافقه خليكي قاعده هنا مع اهلي…
_ قال كلامه وحط البرفيوم بتاعه بكل هدوء ومشي، ونور قعدت علي السرير وقالت لنفسها بقلق..
نور
وبعدين معاك يا احمد هو انا كنت ناقصه..
ـــــــ #بقلم_الكاتبه_رحاب_القاضي ـــــــ
_ وفي بيت حامد الصاوي…
كانت بطه قاعده جنب يونس علي السفره وقدامهم عظيمه وحامد وبطه حطت اكل قدام يوسف وقالتله..
بطه
دوق يا يوسف الكفته انا اللي عملاها علي فكره..
يوسف
حلوه من قبل ما ادوق يا حبيبتي..
حامد بضيق
اقسمي البطه دي با عظيمه مش هنقضيها كفته وبس..
عظيمه بهدوء
حاضر يا حج من عينيا…
يوسف
بقولك يا حج انا كنت خلاص يعني ظبطت اموري علي الصيف ان شاء الله اعمل الفرح وو..
حامد بجمود
احنا مش متفقين يا يونس بعد ما بطه تخلص الكليه بتاعتها..
يوسف بضيق
يا حج انا دلوقتي عندي 34 سنه استني كمان تلات سنين هبقي وقتها داخل علي الاربعين مع اني مس هوقف بطه عن حلمها ولا هخليها ما تروحش الجامعه..
بطه بحزن
يا عمي ده يوسف هو اللي سجعني ادخل الكليه اصلا..
حامد بحده
هو احنا مش متفقين ان الفرح بعد ما تخلص بطه الكليه، وانت وافقت ايه بقي اللي خلاك مستعجل اووي كده..
_ نبرت حامد كانت مفهومه ليوسف وان حامد مش واثق فيه وفاكره طمعان في ورث بطه، فأبتسم يوسف وقاله..
يوسف
تمام يا عمي حامد استناها ولو العمر كله المهم امها هتكون ليا في الاخر..
عظيمه ابتسمت وقالت
ربنا يريح بالك يا حبيبي يا غالي يا جوز الغاليه..
بطه بضيق
احطلك كفته كمان…
رد عليها بصوت واطي
ما عندكيش سد الحنك لجوز امك..
ضحكت بطه بهدوء وقالتله
اتلمم يا يوسف..
ــــــ #بقلم_الكاتبه_رحاب_القاضي ــــــ
_في بيت الاستاذ حمدي..
كانت هاجر قااعده في البلكونه بعد ما نيمت ابنها وبتشرب شاي ودموعها ماليه عينيها ودخل عندها حمدي وقال..
حمدي
عامله ايه يا هاجر؟..
هاجر
كويسه يا بابا حامد الحمد. لله بقي احسن وانا بقيت كويسه..
حمدي.
ربنا يخليهولك يا حبيبتي ويفرحك بيه ياارب..
هاجر ابتسمت وقالت
ويخليك ليا يا حبيبي..
حمدي بهدوء
ليه كلمتي محمد يا هاجر، ليه فهمتيه انك محتجاله؟..
هاجر بدموع
غلطه عارف يا بابا اوقات كتير برغم المسافات والمشاكل بس اوي ما بتقع في مشكله ما بيجيش في بالك غير اللي انت متعشم فيه ومش بتشوف اي حاجه تانيه غير انه ممكن يساعدك عشان انت لو كنت مكانه كنت هتعمل كده، بس اللي حصل ده خلاني اتاكد ان محمد ولا مره حبني واني بالنسباله دلوقتي ولا حاجه ولو طلبت منه حاجه هيعملها وكانه بيتفضل عليا بيها..
حمدي
ابوكي عايش واللي تحتاجيه انا تحت امرك فيه يا هاجر، اوعي تعملي كده تاني هو عايز يعمل حاجه لابنه يعملها مش عايز براحته احنا لا هنرميه عليه ولا هنحرمه من ابنه تمام..
هاجر بدموع
ده اذا فضيله يا بابا هو مشغول دلوقتي بمتابعينه وبخطيبته..
حمدي بجديه
انتي لسه بتحبيه يا هاجر وردك ده هيترتب عليه اللي انا جاي اقولك عليه اصلا..
هاجر بحزن
هكدب عليك لو قولتلك لا، انا فعلا يا بابا لسه بحبه بس عمري ما هرجعله بعد كل اللي شوفته منه..
حمدي بهدوء
تمام عُدي اخو علي جوز اختك اتقدملك وعايز يتجوزك وما عندوش اي اعتراض انك تعيشي معاه انتي وحامد ودي تاني مره يطلب مني الطلب ده من لما ولدتي..
_في الوقت ده افتكرت هاجر موقف محمد مع زينب خطيبته قدامها حتي ما اهتمش لمشاعرها ولا كانت فارقه معاه، وردت علي باباها وقالت؟؟.
ـــــــ #بقلم_الكاتبه_رحاب_القاضي ـــــ
_ وعلي اليخت بتاع احمد..
كان قاعد هناك هو وسلطان ومعاهم يونس ومحمد ويوسف اللي راحلهم وكانو بيضحكو كلهم وقال سلطان لمحمد..
سلطان
بزمتك يعني جربت الجواز وطلقت وشوفت الغلب اللي فيه ورايح تقرره تاني..
احمد بسخريه
قوله والنبي انا بصراحه مستغربك وخصوصا انك بتقول انك حبيتها بعد ما طلقت مراتك..
محمد
يا جماعه دي سنة الحياه وعلي فكره انا كنت مبسوط جدا في جوازتي الاولي بس ما اتفقناش مش اكتر…
احمد
يبقي العيب فينا او في اللي بنقابلهم…
يونس بخبث
ليه هو انت شايف ان جوازتك غلط؟..
_ضربه يوسف في ايده، بس يونس ما اهتمش واستني يسمع رد احمد اللي ابتسم بسخريه وقال..
احمد
تقريبا اللي بيحصلي قريب منك يا شيخ محمد يعني انا حاربت الكل واتحديت اهلي عشان اتجوزها وهي كمان عملت عشاني كتير بس بعد الجواز طلعت نسخه من حد كاتم علي نفسي..
ضحك سلطان وقال
ههههه قصدك طنط ثريا…
يونس بجمود
فا انت بقي خايف تبعد تبان واطي بعد ما هي ضحت بكل حاجه عشانك..
احمد
لا مش هكون واطي، ولا انت ايه رئيك يا شيخ محمد..
محمد بهدوء
والله كل بني ادم بيدور علي راحته المهم ما يجيش علي راحة غيره انت لو شايف ان انفصالك عنها حاجه هتريحك وتريحها اعمل كده انما لو هي هتتأذي يبقي اتحمل شويه وحاول تغيرها ما اتغيرتش يبقي لا تتعب نفسك ولا تتعبها ويمكن يكون ليها نصيب احسن منك….
يوسف
سوري يا شيخ محمد لو هتدخل بس انت ما ظلمتش كده مراتك وابنك لما طلقتها؟..
محمد بثبات
لا لاننا ما كناش متفقين وكانت حياتنا مشاكل وروتينيه جدا وده كان هيجيبلنا خساره اكتر…
احمد
طيب وبعد الطلاق انت مرتاح مع اللي بتحبها ولا ندمان..
افتكر محمد عدي وكلامه لهاجر وقال
هتكون مرتاح بس هيجيلك وقت ما تبقاش طايق الدنيا كلها بسبب ان ممكن غيرك يكون مكانك…
احمد ابتسم وقال
معاك حق ده انا لو حد بس قرب من مراتي اكله بسناني….
محمد
كويس وفكرت فيها الاول اهو قبل ما تتسرح..
سلطان. بخبث
طيب لو حد قرب من الجو عادي ولا هتاكله بسنانك..
احمد بضيق
همحيه من علي وش الارض فخاف مني..
ضحك سلطان وقال ليونس
يونس باشااا اول ما اتعرفنا كنت لسه عريس جديد بس واصح انك متجوز عن حب برضو عشان كده مستقر بزياده..
يوسف
بالعكس يونس كان عايش قصة حب ما تجيش في بال حد منكم، بس ما حصلش نصيب واتجوز صالونات وطلع النصيب احلي بكتير من اللي كان عايزه ولا ايه..
سلطان
بس غريبه انا ولا مره شوفت مراتك وديما كده مخليه بعيد عن عيون الناس..
يونس بضيق
وانت عايز تشوفها ليه اصلا؟..
احمد
بالمناسبه الست الولده عزمااك انت والمدام عندنا في البيت علي العشا بكره…
_بص يونس ليوسف اللي قاله بصوت واطي وقلق…
يوسف
اوعي توافق يا صاحبي..
بص يونس لاحمد تاني وابتسم وقاله
ان شاء الله ده شرف ليا..
_ وبعد نص الليل خلص يونس سهرته معاهم ورجع البيت كانت شهد نايمه في حضنه وقالتله..
شهد
يعني هما عايزني انا اروح ليه برضو مش فاهمه؟..
يونس
عادي يا شهد عزومه عادي زي اي عزومه…
شهد
يونس كنت عايزه اقولك حاجه؟…
يونس
خير يا شهد؟..
قعدت شهد وقالتله
افرض مثلا يعني مثلا انا حملت بالغلط وده وارد يحصة انت هتعمل ايه؟..
يونس بضيق
هنزله..
شهد بحزن
بس ده حرام يا يونس..
يونس بحده
هيبقي الذنب ءنبك، عشان انتي مش هتحملي بالغلط انتي هتكوني قصداها ولو حصل رد فعلي مش هيعجبك يا شهد واديني قولتلك، تصبحي علي خير اطفي النور..
شهد بحزن
بس انا مش عايزه انام…
يونس بهدوء
نامي يا شهد وسيبي كل حاجه لوقتها…
_ نام يونس واداها ضهره زي عادته، بصتله هي بدموع، وافتكرت اللي حصل مع الدكتوره لما راحتلها النهارده..
_فلااش باااك…
الدكتوره
برافو جدا يا مدام شهد، انك تشيلي مانع الحمل دلوقتي وتقرري تجيبي طفل ده احسن قرار لان كل ما الست بتكبر في السن فرصة الانجاب بتقل..
شهد
ما هو انا عشان خايفه من حاجه زي كده تحصل هعمل كده بس هو انا عايزه لوو جيت بعد. كده مع جوزي تقوليلو اني لسه باخد المانع..
الدكتوره
ليه هو رافض موضوع الخلفه..
شهد بحزن
للاسف ايوه..
الدكتوره
اممم طيب انا هساعدك وكمان نديكي حبوب فتامينات هتساعدك فانك تحملي بسرعه وهتشيل اي اثر للحبوب بتاع المانع..
شهد بقلق
حاضر وخير ان شاء الله..
_باااك…
_مسحت شهد دموعها ونامت وهي مرعوبه من رد فهل يونس لو حملت او عرف انها بطلت تاخد الحبوب بتاعت منع الحمل..
_ تفتكرو بقي ايه اللي هيحصل؟..
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية موضوع عائلي (الشيخ والبلطجي))