رواية قمر مشوه الفصل العاشر 10 بقلم عزة يحيى

رواية قمر مشوه الفصل العاشر 10 بقلم عزة يحيى

رواية قمر مشوه البارت العاشر

رواية قمر مشوه الجزء العاشر

رواية قمر مشوه الحلقة العاشرة

في شركه السيوفي جلس مصطفي علي مكتبه مهموم و حزين و لا يعلم ما عليه فعله ايخبر والده بما علمه ام لا فهو يخاف عليه كثير و خائف ايضا ان حالته الصحيه تسوء عندما يعلم هذا الخبر
طل هكذا يفكر و يحاول ايجاد حل لتلك المعضله
حتي وجد ان اسلم حل هو عدم اخبار احد و يخبرهم كما يخبرهم في كل مره بانه حين يذهب الي العنوان لم يجد احد به فهذا هو اسلم حل حتي ياذن الله
و بعد قليل من الوقت جاء اليه اتصال من زوجته كي تطمئن علي من ذهب اليهم
اخذ نفسا عميقا و فتح المكالمه و تحدث بهدوء
مصطفي/ايوة يا وفاء
وفاء/ايوة يا مصطفي ها عاملت ايه
مصطفي/زي كل مره يا وفاء
وفاء/ازي يعني اكيد انت رحت متاخر
مصطفي/و الله ابدا انا اول ما عرفت نزلت علي طول
وفاء/يارب قرب البعيد
مصطفي/ان شاء الله
وفاء/طب روح كمل شغلك
مصطفي/ماشي…. سلام
و عاد الي شروده مره اخري حين تذكر تلك السيده التي تسكن بالطابق الاسفل حين اخبرته انها لا تعلم عنها شئ و وصفت له منزل اخر فقد يكونو علي علم بوجودها اين يجدها فهو الان يبحث عن ابره في قوم قش تحدث مع نفسه بصوت مسموع استمع له مالك عند دخله للمكتب
(ربنا يقرب البعيد)
مالك/هو مين البعيد دا
انتبه له مصطفي
مصطفي /انت دخلت هنا امتي
مالك/خبط كتير علي الباب و حضرتك مش سامع توقعت انك مش موجود فتحت الباب لقيتك سرحان و مش

سامع حاجه خالص
مصطفي/معلشي كنت عايز حاجه
مالك/مالك يا بابا في ايه
مصطفي/ابدا مفيش بس مرهق شويه
مالك/امال حضرتك خرجت بدري ليه من غير فطار
مصطفي/كان في مشوار شغل بخلصه
مالك/شغل ايه دا و انا معرفش عنه حاجه
مصطفي/هو تحقيق و لا ايه اخلص قول انت عايز ايه
توتر مالك قليلا لانه اول مره يجد والده علي هذا الحال
مالك/ابدا يا بابا كنت عايز امضتك علي الورق دا
مصطفي/هات
و اخذ منه الورق و قام بامضائه
مصطفي/اتفضل في حاجه تانيه
مالك/لا كدا تمام
و ذهب مالك باتجاه الباب و قبل ان تلمس يده مقبض الباب جاء صوت والده اليه
مصطفي/مالك
استدار له مالك دون حديث
مصطفي/متزعلش مني علشان اتنرفزت عليك اصل تعبان شويه
مالك/لا الف سلامه عليك يا بابا مفيش حاجه
مصطفي/طب يلا روح شوف اللي وراك
مالك/حاضر يا بابا
و خرج بعد ذلك الي الخارج لاستكمال عمله و ترك والده كما هو وعاد مره اخري الي شروده و هو يحادث نفسه(كدا مش هينفع يا مصطفي لازم تمسك نفسك اكتر من كدا ربنا يعديها علي خير و يحلها من عنده)
🌿🌿🌿🌿🌿🌿🌿🌿🌿

في منزل السيوفي
تجلس وفاء بمفردها بعد ما انهت حديثها عبر الهاتف مع مصطفي
ظلت شارده في الماضي و ما حدث به عادت من شروها و هي تتحدث مع نفسها(ياتري اراضيكي فين ياتري ايه اللي لسه مخوفك مخليكي تهربي من مكان لمكان ياتري انت عاملت ايه تاني من ورانا خالتها خايفه كدا ربنا يسمحك و يغفر لك )
انتبهت علي امينه التي كانت تحادثها
وفاء/كنتي بتقولي ايه يا امينه
امينه/كنت بقول محتاجين ايه علي الغدا انهارده
وفاء/شوفي عمي يا امينه
امينه/انا سالته هو الاول بس قالي اسال حضرتك و قالي ايا كان الاكل ان قمر هي اللي تعمله
ابتسمت وفاء عليه
وفاء/طب اعملي اي حاجه يا امينه انا دماغي مش فايقه دلوقت
امينه/ربنا يريح بالك يارب
وفاء/يارب
و ذهبت امينه الي المطبخ لتحضير الطعام
قمر /ها هنعمل اكل ايه
امينه/محدش حدد الاكل و قالو نعمل احنا
قمر/طب هنعمل ايه
امينه/و الله انا محتاره
قمر /ينفع اقول انا
امينه/اها طبعا قولي
قمر/ايه رايك نعمل بشمل و رقاق و بانيه و بطاطس محمره و بطه حلوه كدا و رز معمر
امينه/الاكل كله دسم كدا
قمر/ما هما علي طول بيملو اكل صحي مش هتيجي من مره و ياكلو اكل دسم
امينه/مش عارفه
قمر /طب خلاص شوفي انتي
امينه/و الله حيرانا……… طب خلاص يلا نعمل اللي قولتي عليه
قمر /انا هساعدك و بعد ما نخلص نطلع ننضف فوق
امينه/تساعديني لا يا قلبي دا انا اللي هساعدك
قمر/يعني ايه مش فاهمه
امينه/البيه الكبير امر انك انتي اللي تعملي الاكل

قمر /بجد و الله
امينه /ايوة بجد
قمر /وبعد ما نخلص نطلع ننضف فوق
امينه/هو احنا هيبقي فينا حيل بعد دا كله
قمر /ايوة ان شاء الله هيخلص علي طول
امينه/اها انتي لسه صغيره و كلك حيويه و نشاط انما انا العضمه كبرت خلاص
قمر /عضمت ايه اللي كبرت انتي لسه في عز شبابك
امينه/انتي هتكلي بعقلي حلاوه
قمر/لا و الله انتي شكلك صغير
امينه/طب يلا بقه احنا ضيعنا وقت كتير
قمر /يلا بينا
و بعد الانتهاء من تحضير الطعام
قمر /اهو يا ستي خالصنا بسرعه و لا لا
امينه/معاكي حق و الله دا انتي لهلوبه
قمر /طب يلا علشان التنضيف
امينه/لا خلاص هنخلي التنضيف بكرا كلها ساعه و الجماعه يجو من برا و نجهز الغدا علي السفر
قمر /ماشي
🌿🌿🌿🌿🌿🌿🌿🌿🌿
في منزل شهد
شهد/و انتي معرفتيش مين دا
ام شهد/لا معرفش
شهد/طب كان عايز ايه
ام شهد/بردو معرفش
شهد/ايه يا ماما هو كله معرفش معرفش امال ايه بقه الللي تعرفيه
ام شهد/انتي هتقعدي تبكتيني قولنا معرفش
شهد /خلاص يا ماما
و ذهبت ام شهد نحو المطبخ لكي تنهي الطعام
اما شهد فظلت تتسال مع نفسها من يكون هذا و ماذا يريد
🌿🌿🌿🌿🌿🌿🌿🌿🌿اما في الشركه الخاصه بالسيوفي
كان مالك يعمل بكل همه و نشاط و سعيد للغايه لانه سيكون له العمل الخاص به و سيكون له اسما بالسوق بعيدا عن ممتلكات جده و والده
طرقات علي الباب شتت انتباهه عن الاوراق التي بيده
مالك/ادخل
دخلت السكرتيره كا العاده تتباها بخطواطتها
السكرتيره/ادم بيه برا عايز يقابل حضرتك
مالك/دخليه و بعد كدا لما يجي يدخل علي طول
السكرتيره/حاضر يا مالك بيه اي خدمه تانيه

مالك/لا شكرا
خرجت من المكتب و تتبعها علي الفور دخول ادم
ادم/صباح الفل
مالك/صباح الخير
ادم/ايه مالك يا مالك في ايه
مالك/متشغلش بالك انت المهم
ادم/خير يا باشا
مالك/كل خير
ادم/ان شاء الله
مالك/انا لقيت مكتب قريب من هنا علشان يبقي مقر الشركه
ادم/طب كويس
مالك/و لقيت كمان الارض اللي هنعمل عليها المشروع بتاعنا
ادم/بجد و الله انا مش مصدق بالسرعه دي دا انا قولت قدمنا وقت علي ما نجهز دا كله
مالك/امال انت فكرك احنا بنلعب و لا ايه
ادم/لا يا باشا عارف انك ادها و ادود
مالك/بس في مشكله
ادم/مشكله ايه
مالك/بخصوص ارض المشروع
ادم/ايه سعرها غالي و لا ايه
مالك/لا الموضوع مش كدا
ادم /امال ايه ما تتكلم علي طول
مالك/الارض مش للبيع و لا الايجار
ادم/اما ايه
مالك/صاحب الارض هيبقي شريك معانا
ادم/طب و ايه المشكله
مالك/يعني انت معندكش اي اعتراض
ادم/لا خالص
مالك/دا انا كنت خايف جدا انك تعترض
ادم/و هو دا اللي كان مزعلك

مالك/تقريبا
ادم/لا يا سيدي معنديش مشكله خالص و فيها اما نكبر مع بعض و يبقي لينا اسمنا الشراكه مش وحشه يد الله مع الجماعه
مالك/فعلا
ادم/المهم مقولتليش مين صاحب الارض دي
مالك/معرفش
ادم/نعم اللي هو ازاي
مالك/انا هفهمك
ادم/اتفضل
مالك/الارض دي خاصه بجدي بس هو كتبها باسم حد تاني
ادم/مين يعني
مالك/انا معرفش
ادم/و انت مسالتوش
مالك/سالته
ادم/و قالك ايه
مالك/قالي بعدين هتعرف
ادم/دا ايه الالغاز دي
مالك/المهم دلوقت انك معندكش اعتراض
ادم/لا خالص
مالك/يبقي علي بركه الله
ادم/ايه المطلوب مني دلوقت
مالك/عليك تخليص كل الاواق الحكوميه
ادم/تمام اي حاجه تانيه
مالك/روح بس خلص دا الاول و بعد كدا هقولك تعمل ايه تاني
ادم/ماشي الكلام
مالك/عدي علي المحامي و انت خارج ظبط معاه ميعاد علشان يروح معاك في تخليص بعض الورق المطلوب
ادم/ماشي……. سلام
مالك/مع السلامه
بعد خروج ادم عاد مالك مره اخري الي عمله

🌿🌿🌿🌿🌿🌿🌿🌿🌿
في منزل السيوفي
عاد مصطفي و مالك من العمل و قامو بتبديل ملابسهم و ذهبو باتجاه غرفه السفره لتناول الغداء
جهزت امينه السفر كامله و وضعت عليها كل ما لذا و طاب من صنع قمر
كارم/الله الله الله علي الروايح الحلوه
مصطفي/اكيد قمر اللي عامله الاكل دا
مالك/ايه الحلاوه شكل الاكل يفتح نفس الشبعان
امينه/انا خلاص راحت عليا و بقت قمر و اكلها هو البريمو
وفاء/ازاي يا امينه تقولي كدا دا انتي الخير و البركه بردو
امينه/ربنا يجبر بخاطرك يا ست وفاء
قسمت/ما خلاص يا امينه انتي هتشحتي
امينه بحزن شديد/انا اسفه يا قسمت هانم
و ذهبت سريعا الي المطبخ و الدموع تملئ عينها
كارم/انتي مفيش فايده فيكي انتي مش عايزه تبطلي الطريقه دي
قسمت/هو انا عملت ايه يا عمي هي اللي وقفه تلت و تعجن
كارم/هي تعمل اللي هيا عايزاه امينه دي واحده من البيت دا مش مجرد واحده بتشتغل هنا
مصطفي/خلاص يا بابا ملوش لازمه الكلام………. و بعدين هتسيب اكل قمر يبرد
ابتسم كارم
كارم/معاك حق و الله دا الاكل يفتح النفس فعلا
وفاء/بالهنا علي قلبك يا عمي اتفضل يلا
مالك و هو ياكل بشراهه من جمال الطعام
مالك/ايوة يا جدي الاكل تحفه سيبك من الكلام دلوقت
مصطفي/في ايه يا ابني براحه
مالك/بصراحه الاكل تحفه بجد
وفاء/ بالهنا يا حبيبي
كارم/مبتكليش ليه يا قسمت
قسمت/عمر ماكل من ايد اللي اسمها قمر دي لا انا و لا بنتي
كارم و هو ينطر الي ابنتها نيلي
كارم/اها واضح فعلا
نظرت قسمت بالاتجاه الذي ينظر اليه كارم وجدت ابنتها تاكل هي الاخري و هي مستمتعه بطعم الطعام
قسمت/نيليييييي
نيلي/ايوه يا مامي
قسمت/ايوة ايه و زفت ايه انتي بتعملي ايه
نيلي /باكل يا مامي
قسمت/بتاكلي من ايد قمر
نيلي/اصل الاكل حلو قوي يا مامي
ضحك الجميع عليهم بشده و لم يتحدث احد
ارتفع غيظ و غضب قسمت قامت و تركت الطعام و هي تبرطم ببعض الكلمات الغير مسموعه من حنقها الذايد و صعدت الي الاعلي
كارم/الاكل حلو يا نيلي
نيلي/جميل جدا يا جدي
و اكمل الجميع طعامهم و بعد ذلك اجتمعو بغرفه الصالون لاحتساء المشروبات التي قامت باعدادها امينه و بعد

تناولها
نيلي/جدو ينفع اتكلم مع حضرتك شويه
كارم/اها طبعا تعالي ورايا علي المكتب
وذهب كارم و خلفه نيلي نحو المكتب و بعد اغلاق الباب جلست نيلي علي مقعد مقابل الجد في زاويه بالغرفه و بعد وقت قليل من الصمت
نيلي/جدو
كارم/نعم يا نيلي
نيلي/ينفع اطلب منك طلب
كارم/اها طبعا اطلبي اللي انت عايزاه
نيلي/بجد
كارم/ايوة بجد مالك مستغربه ليه
نيلي/يعني علشان حضرتك مبتحنيش انا و ماما
كارم/مين قال اني بكرهك يا نيلي انتي و مامتك
نيلي/ماما
كارم/و انتي مسالتهاش ليه
نيلي/سالتها كتير
كارم/و قالتلك ايه
نيلي/مكنتش بتجاوب
كارم/طب و انا عمري عملتلك حاجه زعلتك او عرفتي بيها اني بكرهك
نيلي/ الصراحه لا
كارم/امال ايه خلاكي تقولي ان انا بكرهك
نيلي/مش عارفه
كارم/بصي يا نيلي انتي معتيش صغيره علشان تفهمي كل حاجه حواليكي و بردو مش كبيره كفايه علشان تستوعبي اللي بيحصل كل اللي عايز اقولهولك حكمي عقلك و قلبك انتي متخديش بكلام حد لمجرد انه ثقه بالنسبالك فكري بكلامه دا كويس
نيلي/يعني ماما بتقول كلام غلط
كارم/انا مقولتش كدا بس مامتك ممكن تكون شايفه حاجه من وجهه نظرها هيا صح لكن هي غلط و ممكن تكون شايفه حاجه غلط لكن هي صح احنا بقه دورنا ايه دورنا اننا نفكر بعقلنا كويس جدا و نشوف هلي الكلام دا صح و لا غلط
يعني مثلا بخصوص قمر ولدتك شايفه انها علشان في بعض جروح و تغير في ملامحها و شكلها مش عاجب ولدتك يبقي هي مش كويسه و مش المفروض اللي زي دي تعمل اكل و كدا و المفروض عليها من وجهه نظر ولدتك انها تنضف و تمسح و تكنس. و تغسل بس انما اكل فلا
نيجي احنا بقه نفكر بالعقل شويه هل البنت دي باديها اللي حصلها ممكن تكون كانت جميله و حلوه و العين عليها و اللي حصلها دا حمايه ليها
و اللي حصلها دا ياثر علي اللي بتعمله هل هي بتطبخ بوشها دي بطبخ باديها و اديك شايفه اديها مفيهاش اي

حاجه خالص
يبقي ليه بقه نقعد نسمعها كلام مينفعش و يزعلها دا حتي جبر الخواطر علي الله
نيلي/انا اسفه يا جدي
كارم/بتتاسفي علي ايه انا عايزك تفكري بعقلك و متمشيش وراء والدتك زي الحماره فكري في كلامها الاول و شوفي اذا كان صح و لا غلط
نيلي/حاضر يا جدو اوعدك انك هتشوف نيلي تانيه خالص
كارم/يارب المهم ايه هو الطلب
نيلي/طلب ايه
كارم/اللي كنتي عايزاه
نيلي/ياااااااه و الله نسيت
كارم/انا بقه منستش ها عايزه ايه
نيلي/عايزه……….

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قمر مشوه)