رواية جرح الحياة الفصل السادس 6 بقلم رنا سليمان

رواية جرح الحياة الفصل السادس 6 بقلم رنا سليمان

رواية جرح الحياة البارت السادس

رواية جرح الحياة الجزء السادس

رواية جرح الحياة الحلقة السادسة

_ عمرها ما حبتك……..هي وافقت انها تكون معاك علشان فاكره انها ممكن تنساني بيك
_ومين قال لحضرتك علي المعلومة دي
_مش محتاج حد يقولي…….انا واثق ان هاجر لسة بتحبني وعايزة تكون معايا هي بس حاسة بالذنب تجاهك مش اكتر
_للاسف انت غلطان…….هاجر نسيت انك كنت في يوم في حياتها اصلا ……..وبدات تحبني كمان
_هاجر محبتش حد ولا هتحب حد غيري……..احسنلك تبعد عنها لان هاجر مش لحد غيري
_ابقي غبي لو بعدت عنها وعملت زي ما انت عملت قبل كدة……..هاجر وثقت فيا وانا لا يمكن اخون ثقتها دي
_بس هي مش بتحبك……..حتي لو هي محبتنيش انا حبيتها ومش هقدر اسيبها وابعد عنها لاي سبب
_حتي لو كانت مش بتحبك
_انا بحبها وهعمل كل اللي اقدر عليه علشان اخليها مبسوطة واكيد هيجي يوم وتحبني هي كمان……..وانا بحذرك يا دكتور لو فكرت انك تقرب منها ولا تدايقها ب اي شكل لجد ما الفرح يتم ونرجع نسافر من تاني هخليك تندم
سيبته وخرجت من مكتبه وقفلت الباب بعصبية……..مسحت علي وشي بعصبية وخرجت من العيادة كلها……..فضلت ماشي في الشارع وانا خايف………خايف انها تبعد عني في لحظة وتروح ليه…….مش قادر اتخيل انها ممكن تبعد عني وتروح ليه رغم كل اللي عمله……..كُنت مصدقت انها وافقت اننا نتجوز وقبلت حُبي ليها بعد سنتين بحاول اني اثبتلها حُبي …….معنديش استعداد اني اخسرها وتبعد عني………وصلت قدام البيت ………اتنهدت وطلعت علي الشقة……..خبطت الباب فتحت ليا وعلي وشها إبتسامه
_اتاخرت لية يا علي……..انا كلمتك كتير ومش بترد
_مسمعتش التلفون اسف
_طيب تعالي ادخل عايزة اوريك حاجة
مسكتني من ايدي ودخلتني وقفلت الباب……..قعدت علي اقرب كرسي وفضلت ماسك ايديها الاتنين
_مالك يا علي ……..انت كويس
_هاجر انتي متاكدة من قرارك دا
_قرار اية
_انتي فعلا عايزة تتجوزيني
_اكيد طبعا يا علي………اومال وافقت ليه وكتبنا الكتاب في تركيا ازاي وانا مش موافقة
_هاجر لو مش عايزة تكملي معايا انا هتفهم دا وهطلقك علطول …….انا معنديش اهم من سعادتك
فضلت ساكتة وباصة في الارض……..لفيت وشي الناحية التانية وبدات اتكلم بحُزن
_مش محتاجة تتكلمي ردك وصلي………انا من بكرا هبعتلك ورقة طلاقك وهرجع علي تركيا ومش هتشوفي وشي تاني ……..بس انا عايزك تتاكدي اني عُمري ما حبيت ولا هحب حد قدك يا هاجر
سيبت ايدي وقومت من مكاني……..كُنت رايح ناحية الباب بحُزن ……..مسكت ايدي وجات وقفت قدامي……..حضنتني وفضلت ساكته ……..حضنتها وغمضت عيني بحُزن…….بعدت عني ومسكت ايدي وبدات تتكلم
_لو مكنتش عايزة اتجوزك مكنتش وافقت من الاول يا علي………علي انا بحس ب الامان وانا جمبك…….مبقاش خايفة من حاجة وانت معايا……..افتكر ان دا سبب كافي علشان اوافق اكمل حياتي معاك………انت الوحيد اللي حبتني بجد وعملت علشاني حاجات كتير خلال الثلاث سنين اللي فاتوا ………رغم اني مكنتش عايزة اثق في حد من تاني بعد اللي حصل بس انت خلتني اثق فيك واعرف ان الدنيا لسة فيها ناس كويسة وبتحب بجد………علي انا مش حابة انك تسيبني وتمشي ومش عايزة دا يحصل تحت اي ظرف………انا يمكن مكنش لسة حبيتك زي ما انت حبيتني بس اللي انا بحس بيه وانت جمبي اكبر كتير من الحُب……..وانت جمبي بس بالامان اللي عُمري ما حسيت بيه مع اهلي او مع ادم حتي ولو انت سيبتني يا علي الامان اللي حاسة بيه دا هيروح مني ……..لو بتحبني بجد يا علي بلاش تقولي انك هتسيبني وتبعد عني……..انا يمكن اكون ساعات عصبية وممكن اقول كلام مينفعش اني اقوله وممكن ازعلك مني في يوم بس الاكيد يا علي اني مش عايزة انك تبعد عني في يوم
ابتسمت ……..مسحت دموعها اللي غرقت وشها …….اخدتها في حضني وبوست راسها وانا واخد قرار ان مهما يحصل انا عُمري ما هتخلي عنها او اسيبها في يوم…….حتي لو هي طلبت دا انا مش هقبل انها تبعد عني في يوم
“ادم”
_رايح فين يا ادم
_نازل اتمشي شوية يا فرح……..فيها حاجة دي
_بس انت لسه جاي من برا ملحقتش تتغدا حتي
_هاكل برا……..نامي انتي علشان انا هتاخر
_ادم
_نعم
قربت مني ومسكت ايدي وبدات تتكلم
_انا عارفة اني ضغطت عليك جامد الفترة اللي فاتت دي بس صدقني انا زعلانة عليك وعلي هاجر……..اللي انت عملته دا دمر حياتك وحياتها وكنت بعمل كدة يمكن تفوق لنفسك وتعرف انك غلطت بس انا زودتها شوية انا عارفة……..بلاش تزعل مني يا ادم علشان خاطري
ابتسمت وبوست راسها وبدات اتكلم وانا مبتسم
_متقلقيش يا حبيبتي كل حاجة هتبقي كويسة وترجع زي الاول……..يلا روحي اتغدي انتي وانا شوية وهاجي علشان نقعد مع بعض
هزيت راسها ب ماشي ودخلت المطبخ اتنهدت بتعب وخرجت من البيت ……….مش عارف اللي انا بحاول اعمله دا صح ولا غلط بس انا مبقاش يفرق معايا غير اني اخلي هاجر ترجع ليا و ب اي طريقة سواء الطريقة دي صح او غلط مش مهم عندي اهم حاجة انها ترجعلي وخلاص……..وقفت العربية قدام بيته………نزلت منها وطلعت العمارة………وصلت للدور اللي هو فيه……..وقفت قدام الباب وخبطت………فتحلي واول ما شافني استغرب
_اهلا يا دكتور نورت بيتي
_اية يا كامل انت هتسيبني واقف علي الباب كدة ولا اية
_لا ازاي اتفضل
دخلت وقعدت علي اقرب كرسي ……..قعد قدامي وفضل ساكت
_ساكت لية يا كامل
_بصراحة مستغرب………بعد اللي حصل اخر مرة شوفتك فيها قولت اننا مش هنتقابل تاني وحتي لو اتقابلنا……..اكيد هتاخد بحق اختك من اللي عملته فيها
_خلي الموضوع دا علي جمب دلوقتي يا كامل خليني نتكلم في المهم……..انت تعرف ان هاجر رجعت مصر من تاني
_رجعت……..رجعت امتي وفين
_رجعت من يومين هي وخطيبها
_خطيبها!
_مالك استغربت كدة ليه يا كامل……..انا كُنت فاكر انك تعرف
_وانا اعرف منين يا دكتور هي بتسال علينا ولا تعرف عن أمها حاجة حتي
_انا جاي وطالب منك خدمة يا كامل
_خدمة اي دي يا دكتور
_عايزك دي ما بعدتني عن هاجر تبعد خطيبها الجديد دا عنها نهائيًا ……..بس مش بنفس الطريقة اللي بعدتني عنها بيها
_اومال عايزني ابعدها عن بعض ازاي
_طريقة متخليش خطيبها دا يفكر انه يوريها وشه في يوم من الايام حتي ……بس طريقة صعبة شوية
_ازاي بردو
_تخطفها وتخليه يتاكد انها في خطر طول ما هو جمبها وانه لازم يبعد او ممكن
_او ممكن اية
_تقتله مثلا
_اقتله! قتل اي اللي بتتكلم عنه يا دكتور ……..للدرجة دي انت مدايق منه لدرجة انك عايز تخلص منه
_انا مستعد اعمل اي حاجة علشان هاجر تكون ليا وانت معندكش حل غير انك تنفذ اللي بقولك عليه وخلاص…..قولت اية يا كامل….انا مستعد ادفعلك كل اللي انت عايزه بس توافق
فضل باصص عليا وساكت ومش بيرد

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية جرح الحياة)