رواية ألمي الفصل الثاني عشر 12 بقلم السمراء

رواية ألمي الفصل الثاني عشر 12 بقلم السمراء

رواية ألمي البارت الثاني عشر

رواية ألمي الجزء الثاني عشر

رواية ألمي الحلقة الثانية عشر

– وصلت نا ورتاج لقيت الصبايا في صالة الإنتظار ولقيت ماما حبيبتي سلمت عليه شوي ودخلنا كل مره جايه عليا وحده انتِ مرت صقر.. المهم زعمت كبدي طبعا ماشاء الله التنسيق وكل حاجه شوي ووصلت صفاء امعاه أروى واسماء… طبعآ دخلت صفاء كانت جميله جدا لم شفتها دمعت عيني حسيت أن راح تسيب فرغ كبير لياا بذات إني راح نكون بروحي..
جلست صفاء.. طبعا اسماء استلمت المسرح وهيا ترقص و أروى من شكلها اليوم مش طبيعي قبل ترفع في خشمه ومش معطي حدا اي اهميه..
ماما: ألمى متبيش اتسلمي.
– شوي خلي الزحمه اتخف
رتاج : وخلينا نرقصو صدقيني راح تغطي عليهن
– لا لا منقدرش.
رتاج : ليش.
– تذكرت شن قالي صقر…
«قبل الفرح با ثلاث ساعات»
صقر : ألمى
– همم
صقر : تعرفي ترقصي؟
– نا نصدمت من كثرة الصدمه حسيت روحي ماسمعتش كويس… شنو
صقر : تعرفي ترقصي.

– عليش!
صقر: لو تعرفي ياريت مترقصيش في الصاله.
– تحكي من جدك؟
صقر: ياريت يعني
– باهي بس ليش
صقر: منحبش حدا يشوف مراتي ترقص حتى لو كانت وليه زيه.
______________
رتاج: بت وين رحتي
– ها معك المهم خلينا نمشوا نسلموا.
-صعدت للمسرح نا ورتاج طبعا العيون عليا أول وحده اسماء الي واضح أنه مش طيقتني.
رتاج: الف الف مبروك ماشاء الله طالعه جميله.
صفاء : الله يبارك فيك عقبالك
رتاج: ان شاء الله
– حبيبتي ربي يهنيك طالعه الله أكبر
صفاء: من بعدك يا روحي.. توا عاد ترايف عليا
– بكلل يا قرده من اليوم رايفت عليك.
صفاء: والله وأنا راح نكون على تواصل.. المهم يلا وريهم وارقصي شوي.
رتاج : والله من بدري انقول بس جيبي من يسمع
– والله كان خاطري بس منقدرش
صفاء : ليش والله متبيش ترقصي في فرحي.
– قرده مش هك… بس صقر قالي مترقصيش.
صفاء : يا نعلي نا من صقر وحركات والله مش عارفه حركات الغيره هذي الاوفر حتى مع اسماء ما كأن هك.
رتاج: القمر يفرق على النجم ههههههه.
– يعني قصدك هوا مكنش هك.
صفاء : لا اسماء كانت وخذه حريتها جدآ
– بختي عاد.
صفاء : عشان خاطري حتى شوي بس.
– منقدرش يا روحي.
صفاء : راح نمشي ونا زعلانه.
رتاج : خلاص يا ألمى شوي بس
– لا حول ولاقوة الابالله حاضر.
– طبعآ بديت نرقص لكن مكنتش حاسه بالتلفون الي يصور في….. كملت الليلة وروحت صفاء مع زوجه وروحت ماما..
رتاج : بابا برا تبي حاجه

– سلامتك رني عليا بعد توصلي.
رتاج: حاضر.
– طلعت رتاج معش في حدا غير اقرباء عيت عمي
اسماء: كنك قاعده بروحك.
– ها.. استغربت كيف تحكي معاي بالطريقه هذي.. لا بس نستنى في صقر.
اسماء: اها عينك من راح صقر مفيش زيه.
– البنت مش طبيعيه هذي كنها حسيت العيون علينا نا وهي فا محبيتش اني نفوته.. ان شاء الله
مع رنت التلفون.. يلا اوكي…
أروى : ألمى امروحه.
– لا أليوم في شي مش طبيعي حتى أروى الي ما تحكي معي.. اها عليش.
أروى : نبي نروح معاكم..
– بصراحه استغربت.. هيا..
– طلعت نا و أروى لصقر.
صقر بصدمه: أروى كنك
أروى: كنك متبيش نمشي معاك
صقر: مش قصدي بس استغربت.
أروى: معنديش نيه نرجايهم هم راح يتاخرو شوي.
صقر : تمام أطلع يا محمد.
– وصلت نا وصقر و أروى للفيلا.
صقر: انزلنا شوي ونجي
– نزلت طبعا صعدت لغرفتي و أروى لغرفتها.. قلت نسلح فا فكرت لا خليني شوي … مع طقت الباب..
_________________
عند أروى…
أروى: وينك!
اسماء: في الطريق شوي ونوصل.
أروى: بسرعه قبل ما يوصلوا هلي.
______________

صقر: ندخل.!
– تعال.
-دخل صقر عليا طبعا وقتها سلحت العبايه..
صقر: مزالت ما غيرتي نطلع نرجاك برا.
– لا خليك
صقر بستغرب: ها
– تجرت ومقدرتش نمسك روحي قربت من صقر وحركتي الي تعود عليه صقر نزلت على ركبي..
– صقر نحبك
صقر بصدمه وتوتر: ها
– عارفه إنك مستغرب بس أنا لم عشت معاك تعلقت بيك اكثر وكل يوم يزيد حبي لك انا ما نبيك اتبدلني نفس الشعور بالعكس بس نبيك تعرف إني نحبك حتى لو طلقتني راح نكون نحبك..
صقر: من قالك أصلا اني راح نطلقك.
– كيف يعني.
صقر: يعني ورن تلفون صقر.
صقر: أوف مش وقت..
– رد هذي أروى..
صقر: شن تبي….
صقر : الو..
أروى: تعال بسرعه لغرفتي نبيك..
صقر: شن في.
أروى: تعال بس تعال بروحك.
صقر: تمام.
– شن في.
صقر: قالت تبيني ضروري.
– ان شاء الله خير.
صقر: ان شاء الله المهم.. مترقديش شوي ونجيك ونكملو كلامنا..
-نزلت رأسي .. تمام
– طلع صقر حسيت روحي فرحانه قلت اكيده صقر يبدل في نفس الشعور…
_______________
مشيت ل أروى طقيت الباب بس سمعت صوت مش غريب عليا فتحت الباب بس ما لقيتش حدا…
صقر: أروى..

اسماء من وراء الباب وهي تسكر في الباب : رايفت عليك.
صقر بصدمه: اسماء.
اسماء: عيون اسماء
– اسماء كانت لابسه فستان قصير ومكياج أوفر قربت من صقر مشت بي إبصبعه على وج صقر..
صقر مسك يده: توا عيون اسماء .. شن تبي.
اسماء: نبيك أنت.
صقر: كذا هك نبي نمشي ل مراتي حبيبتي.
اسماء بضحكه خبيثه: هههههه حبيتك بالسرعه هذي.
صقر: اها بالسرعه هذي زي ما كرهتك انتِ بالسرعه هذي.
اسماء: صار حبيبتك شوف زوجتك شن دايره.
صقر: في شنو تحكي.
اسماء فتحت الفيديو ل صقر.. ألمى وهي ترقص: شوف.
صقر وهوا متعصب: يا كلبه كيف تقدري تصوريه.. وضربه كف خله اطيح على الأرض.
اسماء وهي يده على خده: يا حقير كيف تقدر تضربني.
صقر: وتستاهلي اكثر من هك… مسح صقر الفيديو من التلفون وكسره في الساس
اسماء بصريخ: يا مريض شن درت.
صقر: لو سمعتك جيتي اتجاه ألمى مره ثانيه تشوفي شي ما يعجبك.
– طلع صقر لقاء أروى برا..
صقر: من يوم يومي عارفك حقيره هك.
أروى: والله هي الي جبرتني.
-طلع صقر وسيبه يبي يوصل ل ألمى ب اي طريقه.
فتح الباب بقوه بدون ما يطق،
– بسم الله فجعتني.
صقر قرب منه ومسك شعرها بقوه: شن قتلك نا هاا
– كنك يا صقر توجع في .
صقر: مش قتلك ما ترقصيش ها.. وضربه كف.
– أي حرام عليك توجع في.

صقر من قهره حتى وهوا على الكرسي ضربه بكل قوه يبي يطلع كل قهرها على ألمى.
– صقر وقف شن ادير أنت..
مقدرتش ألمى اتحمل مشت تجري في اتجاه غرفة الملابس وقفلت على نفسه.
صقر: افتحي.
-ألمى بدموع: أنت مش صاحي شن ادير في
صقر يخبط على الباب بقوه: تستاهلي شن قتلك نا هك تريحتي وحده جبتلي لك فيديو وانتِ ترقصي.
– فتحت ألمى الباب بصدمه.. شن تحكي.
صقر: بعصبيه: توا اسماء ورتني فيديو لك وانتِ ترقصي.
ألمى بدموع: والله ما كأن قصدي صفاء خلتني بالغصب نرقص.
لف صقر الكرسي وطلع تلفون بدونما يفكر حتى أن صفاء عروس فتح السبيكر..
صفاء: الو صقر.
صقر: صفاء انتِ اجبرتي ألمى ترقص.
صفاء: زعمت كبدي كله منك كل بعد نقوله ارقصي تقولي صقر قالي لا بس الحق نا قتلها لو ما رقصتي نزعل منك.
صقر: متاكده.
صفاء: اها بس عليش تسأل.
صقر: شيء سلميلي على راجلك.. باي
صفاء: يوصل باي.
– حسيت بالقهر وظلم بكيت بصوت عالي مقدرتش انتحمل يعني هوا يحسبني حقيره.
صقر قرب مني ورفعلي وجي: اسف بس والله منتحملش حدا يشوفك غيري.
– بس مش هك يا صقر نبي ماما وبابا
صقر: ألمى معقوله تبي تسيبيني نهون عليك.
– ونا نهون عليك تضربني بالطريقه هذي
صقر: اسف والله ما تتكرر. رفع وجي ومسحلي دموعي. اسف
– رفعت رأسي.. يعني هك يا صقر تصدق اي حدا يقول عليا حاجه.

صقر: والله لم شفت الفيديو مقدرتش انتحمل. انتِ مش فاهمه انتِ شنو بالنسبالي انتِ توا حياتي كله لو نقدر نخبيك عن الدنيا كله.
– وأنت حياتي بس منقدرش نسكت لم توصل لي الظلم
صقر بضحكه: قتلك اسف يلا عاد اغسلي وجك وتعالي نصلو…
– صبيت توضيت ومسحت دموعي من كثرت حبي له مقدرتش إلا اني نسامحه صلحت مكياج ولابست روب أبيض بسيط مش مكشوف واجد ولابست ملاية الصلاة
وطلعت ل صقر . صليت نا وصقر صلاة سنة الزواج. وحط صقر يد على رأسي.
صقر: “اللهم إني أسألك من خيرها وخير ما جبلتها عليه، وأعوذ بك من شرّها وشرّ ما فيها وشر ما جبلتها عليه”
– اللهم امين.
صقر : نحبك
– نزلت رأسي……….
خلينا نخلوا العرسان…
________________
عند صلاح الي يفكر في رتاج وكيف يجيبه.
فجأة شاف شي غريب من لورا خاتم فضه
صلاح: هذي فرصه بعينه
ولع صلاح السياره كانت الساعه 10…
صلاح: ها ننزل والله نخليه بكرا باهي تخيل يا صلاح يفتح الباب باته او وحد من خوته عادي نسأل على أي حاجه نقول غلطانه خليني نتوكل على الله.
طق طق..
رتاج: هيا هيا
صلاح: يارب تكون هي
رتاج فتحت الباب بصدمه: انتِ

صلاح: هلا وغلا
رتاج بتوتر: شن تبي
صلاح طلع الخاتم: لك هذا
رتاج بفرحه : خاتمي نحساب روحي نسيت في الصاله
هات.
صلاح: لا الرقم قبل
رتاج: اي رقم؟ بسرعه قبل ما يجي باتي.
صلاح: رقمك.
رتاج: لا
صلاح: مفيش خاتم
رتاج: ارجوك هلي تخيل يجوا
محمد: رتاج…….

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)